وش رايكم بتوظيب القير للهايلكسات !!!

[برق السما]

السلام عليكم ...

عندي 2003 هايلكس ,, وفيه صوت اذا حطيته بالثاني (ووخرت رجلي عن الكلتش) .. والريوس ايضاً فيه صوت يروع !! ..

الشاهد اني رحت لكذا محل قالوا لي توظيب .. وسعر التوظيب يتفاوت مابين 500ريال إلى 900 ريال ...


السؤال هل أوظب القير أو اشتري قير كامل [علماً بأن سعر الجديد3000ريال , والتشليح1500] وأنا ابشري تشليح طبعاً ..

لأني سمعت بعض الميكانيكيين يقولون اشتر افضل لك لأن بعضهم يركب لك قطع مستعملة في التوظيب ..




وإذا كان رايكم اني اشري تشليح ,, وش يعرفني القير الزين من الشين ؟؟

[GMC79]

اذا كانك تعرف مكانيكي قوي امين ثقة وفاهم وضبه عنده والا اشتر جديد ومر النهدي وكيل قطع تايوتا يمكن يطلع لك جديد 2300ريال

[المطرطع]

يا اخوي برق السما

اذا كنت تعرف لك فلبيني مزبوووط

فخله يوظب لك القير لان توضيب القير يخليه اخو الجديد

وسعره قليل

واللي يقولون نعطيق قير مستعمل فحط براسك ان اغلبهن موظباااات

وترا منب اتكلم عن فراغ

ان اقولك لاني اعرف واحد عنده ورشه يقول اغلب شغل الورش كذا

وشكرا

[إبن فيصل]

الله يسلمك تبي الصراحة والعلم الطيب إنحش:no2: عن التوضيب لأنه ما راح يجي زي ما كان وراح يتعبك لأن الشغله صعبة في إنك تلقى ميكانيكي جيد وأمين إن ما حط قطع غيار أصلية فهو يمكنه شغله لك عليه لأن الشغله تركيب ووزنيات داخل القير....ما أطول عليك..من تجربة في التخبيط لكل من القير والمكينة أيضاً في السيارات التي سبق وأن إشتريتها أنصحك بالمستعمل للميزات التالية:

1. القير المستعمل على إسمه مستعمل دور وبتلقى مستعمل ونظيف وعليه ضمان بعد من التشليح تشليح الحائر أوغيره وأبعد عن التشليح الي بالصناعية لأنهم يركبون لك قير زي الي معك مخبط وموضب فهمت طريقة الغش حقت أهل الصناعية.
2. القير المستعمل ما قد فك إنشاء الله أبد طبعاً تعرف الشي ذا من شكل القير إذا نزله لك من السيارة المستعملة (تلقاها مصدومة)وشهابه فيه مغبر وقليله زيوته المهربه منه توكل على الله وإشتره وطبعاً تحت التجربة وتحت الضمان.
3. التشليح بيكون أرخص من الوكالة ومن تشليح الصناعية وفيه ميزة أنهم يركبونه لك في وشتهم الي بالتشليح يعني على طول مسألة تركيب شل وحط وجرب وإنشاء الله بيوفقك الله بالقير الزين بس لا تستعجل.
مع تحياتي....إبن فيصل،،،

[ابو ناصر2020]

اسئل مجرب ولاتسأل طبيب
انا محاكيك شرية مكينه من التشاليح و بعد التركيب والستعمال لمدة 3 ساعات اكتشفة
ان المكينه تحتاج توظيب ورجعة المكينه لتشليح واخذت الفلوس وظبت المكينه قطع
اصلي من الوكاله والحين الحمد لله الموتر تمام مع العلم النهدي لا يهمك اذقال اصلي
القطع الأصلي فقط لدي الوكاله والموزعين المعروفين مثل الضحيان الرشيد البازعي الى اخر....
النصيحه وضب واهم شي الورشه الثقه المضبوطين .

[فلان بن عفتان]

وفيه صوت اذا حطيته بالثاني (ووخرت رجلي عن الكلتش) .. والريوس ايضاً فيه صوت يروع !! ..


أخوي يمكن تكون فحمه الكلتش هي الي تطلع الصوت ؟؟ افحص وتأكد