المساعد الشخصي الرقمي

مشاهدة النسخة كاملة : براده ( رايش) حديد في مكينه السياره ؟؟؟


أبوعذااب707
16/08/2013, 10:49 AM
السﻻم عليكم
سافرت بالسياره وكان الزيت زايد علبه كامله وطنشته يوم وصلت وعايرته حصلت براده حديد في المعيار وكل ما اعاير يبقى فيه وغيرة الزيت ومسكت خط ونفس الشي في بس قليله
وش المشكله وهل ﻻزم توظيب؟
GMC89
16/08/2013, 11:12 AM
عير الزيت اكثر من مره
الى مايروح الرايش
الله يستر الرايش ما يبشر بخير

ولا تنسى حط زيت ثقيل يعني 30W50 سوبر جيتي فوكس الاصلي
وعيره ولا تجور على المكينه ولا تنسى السيفون غيره مع كل تغيره زيت ولا تحط زيت غسيل المكاين لانه يبي يعدمه زود
كاشت بالبر
16/08/2013, 01:46 PM
وعليكم السلام ورحمة الله وبركاته

دام السياره تمشي ولا فيها تهريب و شيء ..لا تشيل هم ولا توسوس
لكن أهم شيء لا تكرر زيادة الزيت عن الحد الأقصى !

لأنه زيادة الزيت عن الحد الأقصى MAX
تخلي الزيت يوصل عمود الكرنك .. وعمود الكرنك يدور بسرعه عاليه .. فــ يرغي الزيت يعني يسبب رغوه مما يقلل اللزوجه وأداء الزيت تصير لزوجته أضعف وبالتالي يزيد الإحتكاك .. ويزيد ايضا الضغط على عمود الكرنك وصوف المكينه ممكن تخرب وتصير تهرب زيت بسبب زيادة الزيت عن الحد الأقصى MAX .. وتصليحها غالي

غيّر زيت المكينه بنوع ممتاز مع فلتر زيت أصلي وكاله

والأعضاء هنا يمدحون بترومين الترا سفن 20W50 و فوكس سوبر جي تي( علبه بلاستيك ) 20W50

وأحذر من الزيوت المغشوشه والمقلده !

وإذا جيت تغير الزيت خل العامل يفرغ الزيت لآخر قطره ( عشان يطلع بعد كل الرايش ).. لأن بعض العمال مستعجلين يربط الصرة والزيت باقي ما طلع كله

قبل يربط الصره صب نصف أو ربع علبة زيت جديد .. وخل الزيت يخرج لآخر قطره

ولا تنسى تسخيين السياره والقياده بهدوء وبطئ اذا كانت السياره بارده .. يعني لا تدق سلف وتدعس بقوه للسياره كذا تضر المكينه وتقلل عمرها

وش سيارتك وكم موديلها ؟
وش الزيت اللي تستخدمه ؟
وش السيفون ( فلتر الزيت ) اللي تستخدمه ؟
كم تمشي على الزيت ثم تغيره ؟
الخ...

اذا أنت راعي تفتفه أنصحك بالإبتعاد عنها لأنها تضر المكينه بشكل عام وتقلل عمرها
ابوالترهيم
16/08/2013, 02:12 PM
كاشت بالبر توضيحة مقنع في فكرة سمعت انه ناس جربوها ما ادري عن صحتها تجمع الرايش
في كرتير الزيت تحت
وهي انهم يثبتو كتلة مغناطيس في الكرتير تجذب الرايش وتمنع اختلاطه مع باقي العتاد لين تطمن
على الموضوع والله اعلم
أبوشريدح
16/08/2013, 03:10 PM
اخوي كاشت بالبر ما قصر
تعليقه توب التوب

اخوي ابو الترهيم
افضل مكان لوضع المغناطيس هو فلتر الزيت
أبوعذااب707
17/08/2013, 03:47 AM
جزاكم الله خير جميعا
اخوي كاشت بالبر هذا الي سويته انا بالضبط غيرة الزيت والسيفون وخليت الزيت ينزل بالكامل ثم صبيت علبه جديده كامله لين نزلت ثم غيرة الزيت الترا7

ما قصرتوا