المساعد الشخصي الرقمي

مشاهدة النسخة كاملة : تحذير من تركيب مواطير الهوا في الكبوت


نمر بن حثلين
09/10/2006, 12:10 AM
سلام عليكم يالربع


عندي ماطور سوبر سفاري

مدري وش قردن وتثبته بكبوت الموتر مع اني منب مقتنع بالتثبيت لانه يتعرض لحراره المكينه


وقلت بجربه بعد مشوار خفيف ما احتمى به الموتر بالحيل


ونسمت الكفرات لعشره وبديت انفخ بالماطور لـ 25

والمفاجأه ان الماطور يوم انتهى من الكفر الثاني احتمى وقفل !!!!


قلت يمكن الماطور به بلا

وصبرت لما بردت المكينه والماطور برد

واعدت المحاوله بتنسيم الكفرات لعشره ونفخهن الى 25

وتمت عمليه نفخ الاربع كفرات بسلام !!


وبعد هذي التجربه قررت بدون تفكير فك الماطور من الكبوت
واوصيكم بوضع المواطير في مكان بارد وان حصل تركب له مكيف صحراوي عشان يتبرد تراه مهب شينه :p

عاد مابه ملح الماطور الا قفل ما يطيع يشتغل الا بعد ساعه !
عمار السفينه
09/10/2006, 12:19 AM
غريبه ؟؟؟

يمكن عشان النوع ردي
نمر بن حثلين
09/10/2006, 12:21 AM
لا ياخوي مهب ردي

سوبر سفاري هذا معروف ومجرب من سنين
وعليه استكر الشراع اصلي
الدبل الثقيل
09/10/2006, 12:46 AM
تثبيته بالكبوت مايصلح مرا...
مسافر1
09/10/2006, 12:57 AM
أغلب مواطير الهواء يؤدي ارتفاع الحرارة لمثل هذا ..
عليك بتعبئة كفرين بعد ذلك فترة بسيطة حتى يبرد قليلاً ثم يتم إكمال البقية .
وحرارة الماكينة ليس لها دور كبير .
عبوووود
09/10/2006, 01:50 AM
تثبيتة بالكبوت ما ينفع لأنه بعد فتره مع المطاب يقوم يطقطق هذا من خلال تجربة ...
بن عاقول c.o
09/10/2006, 02:08 AM
أنا عندي الماطور ركبّته من يوم شريت السيارة من الوكالة عام 1999 وماحمى أبد ماشاء الله لكن في بعض المشاكل ألي واجهتني وهي
- اللي ( وصلة الهوز الكبس) الموصول بالماطور تأثر بالحرارة وبدى يتقطّع وأضطريت لتغييره من ست شهور تقريباُ .
- طقطقة وبراغي ترتخي بس حليتها بتثبيت واشرات ربل مطاط مع البراغي بالصدر لإمتصاص الإهتزاز .
- صوت الماطور مزعج للركّاب ألي داخل الموتر وماودّك تزعجهم .... بس السراحة مالقيت حل
بس الظاهر بشتري سدات أذن للشباب ...:)
منصور ع
09/10/2006, 09:49 AM
انا ماحدني على تركيبه في الكبوت الا انه مافي محل في السيارة لازم يكون باين في السيارة ويكون معرض للطش
بعض الناس اللة يهديه ياخذ الشي منك ويضيعه واذا انزنقت وطلبته منه قال مادري وينه ... حطه في الكبوت وافتك من العالم
aziz2727
09/10/2006, 10:41 AM
انا والله غير مؤيد لوضع ماطور الهواء داخل المكينه ابد
مهوب ظار انك تشيله معك من ضمن العزبه وتنزله
عابد
09/10/2006, 01:03 PM
انا والله غير مؤيد لوضع ماطور الهواء داخل المكينه ابد
مهوب ظار انك تشيله معك من ضمن العزبه وتنزله
أنا أوافق اخوي عزيز مايضر انك تشيله معك في العزبة ولا حطة ورا وش يضرك أنا من 2002 وانا على هالحال حاطة ورا السيت الثالث وكل مرة انزله وانفخ كفراتي ولا مشاكل ولاشي ولله الحمد
راعي المقناص
09/10/2006, 01:31 PM
أنا أقول بع الجيب واشتر هايلوكس وركبه خلف المرتبة الثانية ويكون مثبت وموصل له الكهرب ولا احد يشوفه ولا تجيه حرارة وانتهت المشكله
ابوطاقية
10/10/2006, 07:56 PM
انا اقول صمم له مثل الي بالصورة

..
..
http://i103.photobucket.com/albums/m143/zqqz_3/6-1.jpg
باترول 4×4
10/10/2006, 11:38 PM
أنا عندي الماطور ركبّته من يوم شريت السيارة من الوكالة عام 1999 وماحمى أبد ماشاء الله لكن في بعض المشاكل ألي واجهتني وهي
- اللي ( وصلة الهوز الكبس) الموصول بالماطور تأثر بالحرارة وبدى يتقطّع وأضطريت لتغييره من ست شهور تقريباُ .
- طقطقة وبراغي ترتخي بس حليتها بتثبيت واشرات ربل مطاط مع البراغي بالصدر لإمتصاص الإهتزاز .
- صوت الماطور مزعج للركّاب ألي داخل الموتر وماودّك تزعجهم .... بس السراحة مالقيت حل
بس الظاهر بشتري سدات أذن للشباب ...:)
الله يعافيك عندي نفس المشكلة (وصلة الهوز الكبس) وصار لي مدة أدور عليها ، وين ألقاهـــا؟؟؟؟؟
الوسم
11/10/2006, 01:59 AM
كرماً والله لا يهينك يا أخوي 000 أبو طاقيه



ممكن موضوع عن الماطور اللي أنت مركبه وبعض المعلومات



ما شاء الله عليييييييييك ، شكله ممتااااااااااااز ، فيه دقمه وفيوزات وفواصل



لو تكرمت معلومات عنه وأهم شيء السعر ، والقوه ، وسرعة النفخ إن حصل بالوقت مع مكانه التركيب أو الورشه
F34666
11/10/2006, 02:15 AM
الاخ باترول 4x4 تلقى وصلة الهوز الكبس عند محلات قطع غيار الشاحنات التكميلية

الاخ خراب السفينة مكن صورة مكبرة لصورة السيارة الجيب التي في توقيعك

الاخ عابد السيارة التي في توقيعك للبيع

شكرا جزيلا وصياما مقبولا
كحيلان 11
11/10/2006, 03:52 AM
>عاد اذا طفى وانت تشتغل به ودك تمحطبه ؟؟؟؟
منتعش
11/10/2006, 01:20 PM
حي الله الجميع
أنا مركبه في سيارتي منذو سنتين
ولا شفت منه شي وأتفخ وجيد
ونوعه أبوجمل الأصلي
وحاط له طربال كحمابة له .
salehhd
11/10/2006, 03:24 PM
السلام عليكم

كلام صحيح ماله داعي يبقى تحت الكبوت

تشري شنطة ب10 ريال وحط فيها الماطور وقياس الضغط وكل شي وتخليها في الشنطة وريح راسك