هل الباترول يصفر شكمانه زي الشاص واللاندكروزر القديم ؟

[sgl2002]

اشتريت دبة وسطية ( كنداسه ) تشليح للباترول 98

اخذت حقت مديل 2007 ويوم ركبتها واشد للموتر الا يطلع صوت تصفير من الاخير مع الشكمان زي تصفيرة الشاصات القديمة واللاندكروزر بس اخف شوي

ولا وجدت اي تنسيم ، و الصوت يطلع مع الشكمان من اخر شي

وفتشت قلت يمكن راعيه حاط صفاره والا شي ماحصلتها


الصوت ماهو صوت خراب

الصوت صوت تصفير كانه متعمد

قلت يمكن بعض الباترولات يجي فيها بالدبه صفاره شد بلد؟






ارجو من اهل الباترولات الجديده يفيدونا هل يسمعون صفاره عندهم او يفيدونا اهل الخبره بالمديلات الجدد



وتبون الصراحه والله تطرب خاصه لاصرت بمكان ضيق وشديت له يطربك صوت المكينه مع صوت التصفير

[zzx503]

والله غريبة هالتصفير يمكن فية حديدة ولا شي ناشبتن وسط الشكمان وتسبب الصفير

[بندرفهد]

كان معنا 2009 له صوت تصفير بس على خفيف طبعا من يوم طلعناه وكاله طلع صوت بعد مامشا حول 3000 بعد المرش والتمرين

[التعـ King ـديل]

كان عندي فتك 2007 كان فيه صوت زي التصفير مع ان الموتر نشيط ومحركاته بلد

بس وش السبب مدري وكانت طرب بصراحه

[1 أبو يزن 1]

السلام عليكم ورحمة الله وبركاته

نعم كنداسة الفتك تصفر زي كنداسة اللاندكروزر ولافيه خراب ولا شي .

[بومالك]

اييه صحيح معي فتك 2013 اسمعه بس هذا صوت البخاخات زي البنز 85