تكفون أبي شوركم في الكفرات لاهنتو

[التميمي2008]

السلام عليكم

يالربع انا محتار وش نوع الكفرات اللي اركبها في موتري سفاري غير البالون لاني جربتها ومامثلها في البر ممتااازه لكن فيها عيبين الاول انها مع الاستعمال تبدا كفراتها تنقص والثاني انها تزلق في الطين يعني لين جا مطر ماتنفع

ولا ادري عن الحجريه لكني سمعت ان جنوبها ضعيفه ادنى حصاة تشقها ،،،

علشان كذا يالنشاما ابيكم تعطوني شوركم في كفر ينفع في الحصى ويرفع الموتر في نفس الوقت ولا يفشل في الرمل ،،،

[قناص مزاجي]

شوف يالغالي

افضل نوع اليوكهاما الحجري ممتاز جدا

[ابوعمر1397]

بالنسبة للجيوب
لا تتعدى البرجستون و الدنلوب

[التميمي2008]

عااافااااكم الله ماقصرتو وننتظر معلومات وآراء اخرى

[لاتكب البيالة]

استخدم انا فايرستون على موتري اراه جيد بالنفد والحصى والديرة

[abo naser 1]

أقرب كفر للبالون وأفضل مواصفات وأصلي مع الضمان ويجي 8 غاط بعكس البقية 6 ولجميع الظروف

هنكوك دعسة شاهين 245/16/85

عيبة تصريخ بعد فتره من الاستخدام والفرامل وسط بحكم الدعسة بس أفضل من البالون من ها الناحية حتى
وترى الحجري الدانلوب ماهو على شكله يجي 6 غاط فقط

[التميمي2008]

اشكركم على تفاعلكم

طيب يا ابو ناصر ولا يهنون البقيه
الهنكوك اللي تقول هل هي رفيعه مثل البوالين ؟

[طحنون]

اذا وعر وجبال ركب مستر كرافت
واذا خطوط ركب ميشلان

[التميمي2008]

شاكر مرورك اخوي طحنون

لكن مستر كرافت وش صناعته وكم سعره في السوق ؟

[محنك]

السلام عليكم ,, ابوناصر الهانكوك الرملي اللي ذكرته مايجي 8 غاط .

[راعي الرود]

ما فكرت بالشواهين ؟

[التميمي2008]

مابعد جربتها والله واهي تقريبا من ضمن اللي محتار بينهن

[al3teeq]

كنت مركب برجستون وغيرتها بميشلان فرنسي وشعرت بالفرق في البطناج،طبعا للافضل

[abo naser 1]

اشكركم على تفاعلكم

طيب يا ابو ناصر ولا يهنون البقيه
الهنكوك اللي تقول هل هي رفيعه مثل البوالين ؟



أقل أرتفاع بس أشوف أقرب شي للبالون عرض وأرتفاع وتراها دعسة شاهين

[1122334455]

سلام عليكم
بالنسبه لتجربتي للبرجستون
والان
جربت مارشال
لايفوتكم رخيص وممتاز للبر
ودمتم سالمين

[ابو صالح 77]

أخي الغالي
الكفرات تعيش حسب استخدامك وممشاك
ذكر الإخوان عدة أنواع إستخدمت بعضها
أولاً : البالون مو مثل أول جربت عدة أنواع أما ينسم مع الجنب أو يتشطب مع الدعسة
وإستقر مدح الربع على البريسا أخو الماكسس رخيص وكويس علماً أني لم اجرب البريسا
ثانياً: بالنسبة للإطارات الأخرى نقشة الشاهين بأرتبها لك من الأفضل
١- الدنوب نقشة الشاهين ٢- الشاهين ٣- الهانكوك نقشة الشاهين
وكلها ما تسلم من العيوب
وأخيراً استقريت على الدنوب الحجري كد ومد إلى أن يجينا بالون عليه الكلام
وطبعاً الأفضل أن يكون الجنط سخيف وليس عريضاً لكي لا ينسم مع الجنب أو ينفسخ بالسيوف
بالتوفيق يالغالي

[منصوري نصروي]

يعطيك العافية وشكرا لك على هذا الموضوع

[ابو صالح 203]

من تجربتي ما جاز لي غير الهانكوك 245/85/16

وشكراُ