سيارتي تعرضت لاطلاق نار ( رشاش )

[نايس × كول]

عد التحيه و الاحترام

ياشباب معي سياره النترا 2013 جديده وجاها واحد الله يشل يده واطلع الرصاص ع البدي في السقف

المهم الحين التامين منتههي و السياره جديده لا زاله بالاكياس الوكاله

الضربه قويه خفس السقف و انا محتار

مره اقول ارجع للشرطه واطلب توصيل القضيه للداخليه ويتعوض بموتر

مره اقول الحم السقف

مره سمكره

المهم انا خلاص عفت الموتر

ياليت ترشدوني ويش ايوي

وللتذكير ان القضيه لسه ما خلصت

وانا ماراح اسكت عن حقي لان شي يحز و يقهر سياره عن باب البيت تتعرض لاطلاق (http://www.aghnam.com.sa/vb/tags.php?tag=%E1%C7%D8%E1%C7%DE) رصاص

http://www.aghnam.com.sa/vb/images/statusicon/wol_error.gifانقر هنا لمشاهدة الصوره بحجمها الطبيعي. الحجم الاصلي لهذه الصوره هو 1600x1200 111kbhttp://www6.0zz0.com/2013/08/18/18/423448357.jpg (http://http://www6.0zz0.com/2013/08/18/18/423448357.jpg)

http://www.aghnam.com.sa/vb/images/statusicon/wol_error.gifانقر هنا لمشاهدة الصوره بحجمها الطبيعي. الحجم الاصلي لهذه الصوره هو 1600x1200 147kbhttp://www6.0zz0.com/2013/08/18/18/944385161.jpg (http://http://www6.0zz0.com/2013/08/18/18/944385161.jpg)

http://www.aghnam.com.sa/vb/images/statusicon/wol_error.gifانقر هنا لمشاهدة الصوره بحجمها الطبيعي. الحجم الاصلي لهذه الصوره هو 1600x1200 106kbhttp://www6.0zz0.com/2013/08/18/18/157240836.jpg (http://http://www6.0zz0.com/2013/08/18/18/157240836.jpg)[/QUOTE]

[sameer_1798]

اول شيء الحمدلله على سلامتك والله يعوضك بخير ان شاء الله
والشيء الثاني موضوعك عند الداخليه وهم اصحاب الحل والربط يعطونك اذن بتصليحها في الورش ان شاء الله وتتيسر الامور بإذن الله .

[التعـ King ـديل]

تحسب عليه وربي ماراح يخلي حقك يضيع

[مناجي الخواطر]

اللي جا موترك مو متعمد ،،،


هذا الله يسلمك رصاص شباب بتشديد حرف الباء ..


يعني اطلاق ناار بالجو للحفلات والمناسبات ونزل الرصاص ع سيارتك ..


انت عندكم استراحات قريبة او قصور افراح ؟

[ن م ر]

قدر الله وما شاء فعل

الحمد لله على سلامتك والله يعوضك بخير منها



ضروري تشوف لسيارتك حل لان الخرم هذا يدخل منها هوا وغبار وأمطار وتتضرر سيارتك

وبالنسبة للتأمين ضد الغير اذا كان منتهي او ساري المفعول ماله دخل بالسالفه
الا اذا كان تأمين شامل تحصل بموجبه على تعويض يناسب التلفيات اللي صارت بسيارتك

نقطة مهمة : لازم تحصل على تقرير من الشرطة يثبت اللي صار لسيارتك وتحتفظ فيه عندك وقت الحاجة

بالتوفيق لك وللجميع

[بواردي الدلم]

الحمد لله على السلامه

قبل شهر تقريبا وقعت رصاصة شباب بجانبي في أحد المخططات والسبب همجي يرمي بمناسبة زواج احد أقاربه الله يصلحه

[بواردي الدلم]

الحمد لله على السلامه

قبل شهر تقريبا وقعت رصاصة شباب بجانبي في أحد المخططات والسبب همجي يرمي بمناسبة زواج احد أقاربه الله يصلحه

[zzx503]

أولا الحمد لله عالسلامة

ثانيأ لو بترفعها قضية يبي لك عشر سنوات او خمسة عشر سنة
يعني إبلعها مثل أخوي وولد خالي نفس ضربتك وولد خالي جاتة بالرفرف الخلفي وصلحوها بحسابهم والدعوة عوافي
اما اذا لك نفس طويل تراجع ترا بتروح تحقيقات ومدري وش وبعدين وش بيسون لك مافي أثار بصمات ولا شي طلقة فالهوا طاحت على موترك
والله يكتب لك اللي فية خير...

[حاميش]

الحمد لله على سلامتك
إذا سلم العود الحال تعود

[نايس × كول]

جزاكم الله خيرر

الله يسلمكم

طبعا ماحولنا قصور افراح ولا استراحات ولا شي

الرصاصه ع كلام العسكري حق رشاش متعمد

وليس شباب او طايشه

[((ابوملاك))]

مو لازم يكون حولك قصر انت تدري الكلقه لين وين تاصل ؟

وبعدين لو هي طلقه متعمده كان جات بالعرض مو واضح انه ساقطه من السماء

وترا الطلقه لا راحت فوق مرده ترجع ماراح تجلس بغيمه مثلا

كل هذا من شغل الهياط بالافراح

واحمد ربك ماكنت بالموتر

[أبوحمد 505]

أخوي أنس أن اللي أطلقها متعمد لأنة لو متعمد صارت التلفيات أكثر من كذا

هذي جاتك ساقطة من السما مثل ماقالو الأخوان

وأمرها بسيط صلح الضربة وخذ تقرير من الشرطة لتخلي مسؤليتك وقل حسبنا الله ونعم الوكيل

[Abukhaled-503]

اذا بتراجع الوزارة ووووالخ منتب محصل ولا ريال واقولة لك من الحين الوالد كان معه فورد ذهبي ٩٧ وبحي الجزيرة طبوا ارهاب القصة معروفة عام ١٤٢٤ بحي الجزيرة بالرياض وخرموا السيارةو٣٣ خرم وانباعت تشليح وقالوا بيعوضوننا ٨٠٠٠ والى يومك ماجانا ولا ريال

[s3eed]

الحمدلله ماوصلك شيء ولا ضرك شيء

والشيء الثاني انت ماخذ الموتر عشان تقضي فيه مشاويرك يعني الحمدلله السياره تمشي ولا ضرها شيء من هذي الناحيه

وعسى الله يعوضك بخير منها

ودام الموضوع راح يطول . صلحها وأمرك لله كل شيء خير

ولاتفكر تبيعها عشان المنظر او نفسك عافتها لا يا اخوي السياره جديده وتمشيك 5 سنوات وفوق ان شاء الله

والله يعطيك خيرها ويكفيك شرها

ومن ناحية السمكره او التلحيم ان شاء الله الاخوان يفيدوك ايش الافضل

موفق

[ابو صالح 77]

الحمد لله على السلامة
والله يعوضك خير
أخي العزيز قبل كل شيء سكر ضربة الرصاصة بشطرطون أو سيلاقون أو معجون من ساكو لين تشوف وش أنت عليه
وإذا أخذت تعويض صلح السيارة أو بعها
الله ييسر أمرك ويعوضه بخير منها
بالتوفيق

[باوزير]

الحل يتلحم و ينصبغ مكانه ما تاخذ ممكن٣٠٠ ريال و حتى لا جيت اتبيعها بتبيعها بخسارة و استعمل السيارة دامها جديدة و تكسرها بالعافية

[warmer]

يابن الحلال لا تزعل ولا تزعل نفسك ولا تعوف السيارة
وأترك عنك المداخلية ولاهم رادين عليك وانت اللي بتتعب نفسك وفي النهاية يضيع وقتك
رح لاقرب ورشة سمكرة وصلح السيارة وأنسى السالفة أفضل لك
وقول الحمدلله أنك بعيد عن السيارات
وموفق

[مقلع الرمث]

خذ شوري الموتر زين الموتر ومايمنع تصليح الامور هذي واحد بالخطاء رمت الشوزل بسيارته ولاندكلوزر جديد ووصلح بس هذي اشوي معجون وبويه محل الضربه ويادار مادخلت شر

مع استمرار مطالبتك لحقك بالداخليه

مع العلم ان اطلاق رشاش يعني موضوع كبير واتوقع الداخليه راح تبحث عن المتهم

[باوزير]

لو اطلاق مباشر كان جات الرصاصة على الجنب مب على السقف

[دنيا بلا معنى]

الله يعوضك انا عندي شاص وثار بي الشوزن وشق الحداد بمعدل كف اليد واكبر شوي يعني كبير لدرجه يدخل البس معه ورحت للورشه وعدلوه بيومه ودهنوه وعادي يا رجل وسع صدرك لانك ان طولت بالموضوع راح تعاف سيارتك على خرم ما يسوى واطلب العوض من الله وبساعه اي سمكري يلحمها واسف على الاطاله

[ابوالفهد]

جزاكم الله خيرر

الله يسلمكم

طبعا ماحولنا قصور افراح ولا استراحات ولا شي

الرصاصه ع كلام العسكري حق رشاش متعمد

وليس شباب او طايشه
هذا العسكري ما عنده سالفه هذه ما هي متعمده ساقطه من فوق من الذي يرمون ف الهوا حصلت عندي في حوش الغنم لقوها العيال ناشبه بالزنك من الذين يرمون في الافراح الله يصلحهم والله ما عينوا زود ولو تركوه مانقصوا شي ومثلها كثير حصل لو احد يختاره موضوع لسرد القصص بيحصل علي 1000 صفحه من القصص

[المنيعي1]

الاخوان الي يقولون الرصاصة نازلة الله يهديهم
صحيح تنزل ولكن بدون تأثير مستحيل تكون نازلة وتأثر بلحديد اوتخترقه إلا اذا كلنت مباشرة

[مستقنص]

انا محاتسيك صارت لي في الموتر ولا ادري من مين ولا فكرت اطالب ولا فكرت اصلحها واسمكرها
لطسته بسيلكون واستخدمت الموتر وتقبلت الوضع ولا عفته .. وبعته بمشكلته .

حتى الشاري مادقق لانها غير واضحه .... والسمكره بالنهايه تقلل من بيعة الموتر .
موترك جديد حرام ما تستخدمه واذا عافته نفسك ليه ماتبيعه الحين دام ممشاه قليل من دون
ما تسمكره واشتر غيره وريح بدال ماتسعى بإجراءات الداخلية تفتح لك امور انت في غنى عنها .

والله يكتب لك اللي فيه الخير ...

[((ابوملاك))]

الاخوان الي يقولون الرصاصة نازلة الله يهديهم
صحيح تنزل ولكن بدون تأثير مستحيل تكون نازلة وتأثر بلحديد اوتخترقه إلا اذا كلنت مباشرة

مادرست فيزياء انت ؟

الطلقه اذا ارتفعت تقل سرعته حتى تاصل صفر ثم ترجع للارض وتزيد سرعته قوة الجاذبيه حتى تاصل سرعة اطلاقه

وترجع لك بتسارع الجاذبيه اللي هو ٩.٨ متر للثانيه لين تاصل سرعة اطلاقه وتضرب الارض

[حرقوصي]

اما العسكري اللي يقول انها متعمدة
والله يا هو ما يدري وين الله حاطه فيه
الطلقة واضحة انها جاية فوق بدون تعمد
والدليل ان بيت الطلقة اطرافه نازل لتحت وداخلي السيارة ما تأثر على كلام صاحب السيارة
لو كان الطالق منشب لهات الرشاش بالتندة وطلق
كان تنخفس التندة والمرتبة واللي تحت المرتبة
الرشاش ما يلعب يخترق كل شي قدامه
والحمد لله على السلامة موترك ما جاه شي

[abu juod]

الحمدالله على السلامة والله يعوض عليك
اهم شئ تابع أوراقك بالداخلية وقت الحاجة تكون موجوده
تحيااااتي،،،

[كاشت وحداني]

الاخوان الي يقولون الرصاصة نازلة الله يهديهم
صحيح تنزل ولكن بدون تأثير مستحيل تكون نازلة وتأثر بلحديد اوتخترقه إلا اذا كلنت مباشرة

غريبه يالمنيعي
وانت راعي بيشه واخبر بالامور هذي
لو تتابع الاخبار تشوف كم قضية اصابه في الفتره الماضيه خصوصا في منطقة بيشه بسبب سقوط ما يسمى بالعبرود حق الرصاصه .

[ممتر البران]

الامر سهل بالنسبة للتصليح الله من مره ومره ثارت البندق بوسط الموتر اصلاحها ما ياخذ ساعه ومش باكثر من مية ريال هذا للبدي ما ادري عن ديكور سيارتك ولا شفت الصور
تحياتي

[شنطة عده]

حاول انك تعدل الحديد من الدخل لين يستوي وسكر الفتحه من الداخل بقطعة استيل اصلي غير قابل للصدى بحجم الريال الحديد
وثبتة بغراء قوي تحصلة في ساكو اشوف انه افضل من السمكره

الطلقات الساقطة من الاعلى خطيره ...... اذكر كنت في زيارة مريض في المستشفى
وكان هناك طفل في غيبوبه بسبب سقوط مقذوف ناري على راسه من الاعلى

[المنيعي1]

مادرست فيزياء انت ؟

الطلقه اذا ارتفعت تقل سرعته حتى تاصل صفر ثم ترجع للارض وتزيد سرعته قوة الجاذبيه حتى تاصل سرعة اطلاقه

وترجع لك بتسارع الجاذبيه اللي هو 9.8 متر للثانيه لين تاصل سرعة اطلاقه وتضرب الارض

ﻻوالله خليت الفيزيا لك يالجاهل
قصدي المجهول

[Hwer]

ياخوك ماتبي شيء مجرد نعديل ومعجون والحمدلله صارت معي نفس المشكله كان معي مسدس 9 ملي وبجربه وفتحت زر الامان وكنت ماسك المسدس وحاطه على فخذي وانا اسوق بالبر ولا ارادياً ظغط على العقرب وطلعت الرصاصه على الباب وتضرب البطانه والباب وتخرج برا والحمدلله على السلامه والزين كانت القزازه مقفله والا كانت راحت

[Hwer]

مادرست فيزياء انت ؟

الطلقه اذا ارتفعت تقل سرعته حتى تاصل صفر ثم ترجع للارض وتزيد سرعته قوة الجاذبيه حتى تاصل سرعة اطلاقه

وترجع لك بتسارع الجاذبيه اللي هو 9.8 متر للثانيه لين تاصل سرعة اطلاقه وتضرب الارض

الاخ مجهول سرعة الطلقه 26 الف كيلو متر بالساعه عند الانطلاق وهي نفس سرعة القمر الصناعي بالفضاء اثناء دورانه على الارض واما نزول الطلقه من السماء بقوة اطلاقها فهاذا غير صحيح ويوجد برنامج تم نفي هذه المعلومه وبحاول ادور عليه للاثبات والسلام عليكم

[المنيعي1]

غريبه يالمنيعي
وانت راعي بيشه واخبر بالامور هذي
لو تتابع الاخبار تشوف كم قضية اصابه في الفتره الماضيه خصوصا في منطقة بيشه بسبب سقوط ما يسمى بالعبرود حق الرصاصه .

والنعم بأهل بيشة
بس ماني منهم انا من جبال أجا وسلمى باشمال وين وديتن للجنوب الله يهديك.

بنسبة للرصاصة او العبرود ينزل ولكن يكون تأثيره خفيف مثل ضرب البرد لأنه يكون نازل بفعل الجاذبية وليس بقوة دافعه مثل انطﻻقه الذي يسبق الصوت بمراحل ويخترق.
وهذي حدثت لأحد شيباننا ايام عز العراق كان ببغداد وعلى ذمته يقول وانا ماشي بالسيارة كان عندهم احتفال ويرمون يقول سقطت رصاصة على كبوت الموتر امامي وعفطته عفطه بسيطه ماتبين.

[برجس ال سعد]

اذى كان بينك وبين شخص خلاف قوي انصحك تبلغ عليه يمكن هو السبب

ثانيا القضية خلها عند الحكومة لان الجاني مايبعد عن جريمتة وخلك ورى القضية يعني انشبلهم طارد فيها

اذى عن التامين ماتوقع يشمل لانها قضيية جنائية تعتبر

[أبوشريدح]

الله يخلف عليك بخير

[((ابوملاك))]

ﻻوالله خليت الفيزيا لك يالجاهل
قصدي المجهول

انا بارفع نفسي عنك وعن تخلف عقلك ومني حاط عقلي بعقلك



الاخ مجهول سرعة الطلقه 26 الف كيلو متر بالساعه عند الانطلاق وهي نفس سرعة القمر الصناعي بالفضاء اثناء دورانه على الارض واما نزول الطلقه من السماء بقوة اطلاقها فهاذا غير صحيح ويوجد برنامج تم نفي هذه المعلومه وبحاول ادور عليه للاثبات والسلام عليكم

جب لي اثباتك اللي بينفي معلومات كتاب الفيزيا بالثانويه ياخوي ومنك نستفيد :)

[بشير حسن]

تكلم الشرطة ماشاء الله بعضهم عندهم حركات استفزازية غريبه لدرجة والله العظيم أنه تعرضت من قبل سيارة من الشرطة للوقوف في الشارع بدون سبب لمدة ثلث ساعة والجو حار بس لأنه شافني وقت الصلاة ادور بحثا عن محطة بنزين ويوم وقفني جاء يفنش السيارة وكل شوي يسأل عن شئ حتى لقى في الدرج البودرة اللي مخصصه لسد الثقوب في الراديتر وجاي يبي يستفزني بسؤاله علما انها موجودة في نفس العلبة هذه احد السوالف البسيطه من بعض رجال الشرطة اللي للأسف محسوبين انهم رجال أمن ياحبيبي أنا أقول رب العالمين راح يأخذ بحق المظلوم من الظالم وماراح يروح شئ عن رب العالمين وفي النهايه أقولك انه راح تجعل نفسك في مواقف انت في غنى عنها

[بشير حسن]

اما العسكري اللي يقول انها متعمدة
والله يا هو ما يدري وين الله حاطه فيه
الطلقة واضحة انها جاية فوق بدون تعمد
والدليل ان بيت الطلقة اطرافه نازل لتحت وداخلي السيارة ما تأثر على كلام صاحب السيارة
لو كان الطالق منشب لهات الرشاش بالتندة وطلق
كان تنخفس التندة والمرتبة واللي تحت المرتبة
الرشاش ما يلعب يخترق كل شي قدامه
والحمد لله على السلامة موترك ما جاه شي

ايووه الله صح لسانك وكثير من السوالف اللي تحصل ولاتجد ناس يفسرون الشئ على أساس علمي لأنه أقل شئ حتى لغة عربيه مايعرف يقرأ كويس فما بالك بشئ مثل هذا

[ابولمارالحربي]

سبحان الله وبحمده ... سبحان الله العظيم

[كاشت وحداني]

والنعم بأهل بيشة
بس ماني منهم انا من جبال أجا وسلمى باشمال وين وديتن للجنوب الله يهديك.

بنسبة للرصاصة او العبرود ينزل ولكن يكون تأثيره خفيف مثل ضرب البرد لأنه يكون نازل بفعل الجاذبية وليس بقوة دافعه مثل انط?قه الذي يسبق الصوت بمراحل ويخترق.
وهذي حدثت لأحد شيباننا ايام عز العراق كان ببغداد وعلى ذمته يقول وانا ماشي بالسيارة كان عندهم احتفال ويرمون يقول سقطت رصاصة على كبوت الموتر امامي وعفطته عفطه بسيطه ماتبين.

والنعم فيك طال عمرك وعذرا لاشتباه الاسماء علي
لان فيه فخذ المنيعي يرجعون في اكلب في ضواحي بيشه.
وونعم فيكم جميعا


Sent from my iPhone using Tapatalk - now Free (http://tapatalk.com/m/)

[بدر بن براهيم]

ركب مكانها انتل ولا قارمن ..