كاشت بالعيد ادخل وقلي : [الأرشيف]

فنجال

09/10/2006, 01:38 PM

اخواني
السلام عليكم ورحمة الله وبركاته
تقبل الله صيامكم وقيامكم ..
اكيد ان بعض الاخوان مخطط على طلعه بالعيد والبعض مايدري وين يروح وعشان كذا ودنا من الاخوة اللي عنده نيه على كشته يعلمنا وينهوه رايح .....
وتبون تقلولي وين انا رايح انا ان شالله يااخواني ان الله احيانا وياكم معزم الروحه لم مزاين الابل في القصيم وهي مزاين خاصة بقبيلة حرب وتحديدا في خب النقع قبل قبه ب25كم وحسب ماسمعت وقراة انه عباره عن مهرجان سياحي تراثي من اسواق وسباق وشعر وسوف يبدا من ثالث العيد وهو برعاية الامير مشعل .
ولكم تحياتي

فلان بن عفتان

10/10/2006, 06:30 AM

وعليكم السلام أخوي فنجال ,

أنا محتار بين :

الأولى : الشمال الغربي .

الثانيه : النفود الكبير .

الشاص 2000

10/10/2006, 07:10 AM

يم النعيرية إن شاء الله

فنجال

10/10/2006, 10:25 AM

هلابك يابن عفتان ولايهون اخوي الشاص الفين

وشكرا على تفاعلكم....
وين باقي الشباب

جرير

10/10/2006, 10:49 AM

تروح وترجع بالسلامه

وتعطينا العلوم بالتفصيل وتراني ادور لي ناقة مزيونه يعني وضحا وسعرها مناسب لا يتعدي المليونين انت خابر الامور مع هالاسهم ماتساعد

ان لقيتها اشترها ودفها لي بالبريد الممتاز,

اما بالنسبه للروحات والجيات محاكيك بهالعيد هاجد راكد ثابت يعني ماهناش نيه

خصب عني لاني من المساكين ماسمعت برنامج ( العاملون بالعيد )وهذااللي مخليني اخربط بالعلوم.

ولا مرة هالبرنامج مرو علينا ياخذون انطباعاتنا مادري وش بلاهم علينا .

لكن الامور طيبه الليل نقضيه عند (عبد العزيز الاحمد) او( الجليل )والنهار دوام و... حول المطبخ .

العيد يحلها الله

مرتن ثانيتن موفق اخوي وترجع بالسلامه

باب هداج

10/10/2006, 11:18 AM

والله انشاء الله ان قالها الله ان وجهتى للشمال

أبو فراس

10/10/2006, 11:39 AM

السلام عليكم ورحمة الله وبركاته

اخوي فنجال انت متأكد من موعد مزاين حرب

لان مزاين الملقا سوف يكون ثالث العيد

اليس في ذلك عدم تنسيق

وهل هناك احداثيات لمن هم خارج القصيم او وصف للموقع

السعيد

10/10/2006, 11:48 AM

السلام عليكم ورحمة الله وبركاته

الحقيقة العيد السنة هذي مشكل من ناحية الجو ، ربما يكون الجو بارد وربما يكون حار وربما يكون وسط
وأعتقد إن الساحل الغربي من ينبع وشمال من أحسن البرامج اللي ممكن يخطط لها .
والسبب إن جو الساحل الغربي في جميع الاحتمالات ممتاز .

فالظاهر الوجهة إن شاء الله هناك

عبدالرحمن السالم

10/10/2006, 01:51 PM

إن شاء الله لروضه التنهات .. وش رايكم ياجماعه بالتنهااات بالعيد ..

البخور

10/10/2006, 06:38 PM

مكان المزاين في خبة النقع وأنت متجه لقبه تجيك لوحه قبه 20 إلتفت يسار هذي هي خبة النقع وتشاهد الناس والسيارات والخيام واصله الأسفلت أما المزايين فأنا متأكد جداجداجداجدا أنه يبدأ ثاني العيد ويكون توزيع الجوائز في سادس العيد وبحضور الأمير مشعل بن عبدالعزيز المهرجان متعوب عليه فيه رديه (العازمي والقرقاح)يوميا وغيرها من البرامج الثقافيه أتمنى أني قدمت شي يفيدكم عذرا أخوي فنجال جاوبت عنك من الحراره ودمتــــــــــــــــــــــــــــــــــــــــــــــ ــــــــــــــــــــــــــــــــــــــم بخيـــــــــــــــــــــــــــــــــــــــــــــــ ــــــــــــــــــــــــــــــــر

شمالي غير

10/10/2006, 07:46 PM

السلام عليكم ورحمة الله وبركاته

الحقيقة العيد السنة هذي مشكل من ناحية الجو ، ربما يكون الجو بارد وربما يكون حار وربما يكون وسط
وأعتقد إن الساحل الغربي من ينبع وشمال من أحسن البرامج اللي ممكن يخطط لها .
والسبب إن جو الساحل الغربي في جميع الاحتمالات ممتاز .

فالظاهر الوجهة إن شاء الله هناك

الظاهر والله اعلم اني كاشت ان شاء الله على الساحل الغربي بعد !!

الجو السنه هذي بالعيد والله اعلم فيه حرارة ولا ينفع البر :no2:

w5070

10/10/2006, 11:41 PM

مايبغــــــلهــا كــــلام غير الصمان

أخوك:A.K.H

فنجال

11/10/2006, 12:46 AM

هلا اخواني

ممنون لتفاعلكم

اخوي جرير

محاكيك كان مخطط قبلك على وحدتن من المزايين بس على طاري الاسهم واسفااااااااااااااااااااه خاب الظن في اعمار ودحدر ودحدرنا معه .
شرفتني بمرورك
تحياتي

اخوي باب هداج
شاكرلك مرورك ورحله موفقه
تحياتي
اخوي ابو فراس
هلابك يالغالي واكدلك ان الحفل الرسمي يوم الخميس اللي هو رابع العيد بس مثل ماوضحت ان الفعاليات من ثالث العيد
وبلنسبه للوصف اللي جايين من الشرقيه اوالشمال اقرب طريق لهم عبر ساموده حتى قبه تقريبا 90كيلو
اما اللي جاي عن طريق القصيم يرحون عن طريق بن فهيد ثمن البرود حتى يصل مفرق قبه من عند ام الورود .
وابشر بالحداثيه جبتها بعد لف ودوران .
وهذه الاحداثيه لخبة النقع
189- 12 - 27 شمالاً
176-17- 44 شرقا
تحياتي

اخوي سعيد
هلابك
بالعكس الجو فله بس يبيله رفقه على الكيف بعد وعساك اسعيد وايامك كلها عيد
وتشرفت بمرورك
تحياتي
دحيم اخر لفه ...
يؤ دحيم لفه كم ملي...معليك اخوك يعمر له بيت ومهبله فيه لفات الكهرب نار الله لايوريك.

هلابك
تروح وتجي وانت سالم يالغالي

هلا اخوي البخور
عاشت ايامك خذراحتك واشكرك .وحرارتك هي نوماسي ......
تحياتي العطره .

فنجال

11/10/2006, 01:01 AM

هلابك اخوي شمالي غير
الساحل الغربي الله يهديك وين من الساحل الغربي اللي يسمعك يقول ان االساحل مية كيلوولا متين ولا ثلاثميه ....الكيد خابرلك محل زين لا وشكلك مجهز العده ...
حياك وبياك ..ورحله موفقه ان شالله
اخوي a.k.h
مرحبابك
الصمان وش عندهم اهل الصمان ..... تروح وتجي بالسلامه
تحياتي

صمان1

11/10/2006, 01:08 AM

مايبغــــــلهــا كــــلام غيرالشمال

أبو فراس

11/10/2006, 09:37 AM

السلام عليكم ورحمة الله وبركاته

اخواني البخور وفنجال

ماقصرتوا بالاحداثيات والوصف

أبـوالبـــراء

11/10/2006, 10:55 AM

أطراف حائل وشعبانه اللتي لاتمل

الاقبال

11/10/2006, 11:29 AM

انا ان شاءالله متجهة لمزاين الابل عتيبة في الملقا في القصيم خامس العيد باذن الله تحت رعاية الامير مشعل بن عبدالعزيز

أبوأحمد98

11/10/2006, 06:59 PM

8
8
ماخبرنا عتبان بالقصيم ؟؟!!
بالنسبه لي ((ام حزم))

الخيال2006

12/10/2006, 02:44 AM

بالنسبه لي

انشاء الله جنوب حائل او النفود الكبير

ابو فهد 1

12/10/2006, 03:41 AM

بلخير.......

بالنسبه لي انا ابروح ام احزم والصراحه ذيك الارض وسيع صدره ....

وعاد شف السيارات المرهمه والوناسة الي راقي والي نازل .....

وانشاء عيد الاضحى الله يحينا نفكر وين نطلع ...

الفتى المجازف

12/10/2006, 07:21 AM

شكرا يافنجال على هذا الموضوع الذي يسبر اغوار الكشاتين واتجاهاتهم.

اما بالنسبة لي شخصيا افضل التويم بسدير خصوصا في غار النويطة الشهير اللي جلسة فيه تذكرك بجبال الالب فسبحان من خلق فسوى.

تحياتي للجميع

ابـ معزي ـو

12/10/2006, 08:05 AM

اما انا بالنسبه لي

انشاء الله بقدرة قادر اني ابروح لحائل ونفودها وشعبانها

فنجال

13/10/2006, 12:16 AM

هلا بخواني

الصمان1

وابو فراس

وابو البراء

والاقبال
وابواحمد

والخيال 2006
وابوفهد
الفتى المجازف
وابو معزي
اشكر تفاعلكم والله يسهل طريقكم وين مارحتو يالنشاما .

ابو شريدح

13/10/2006, 12:29 AM

أن شاء الله أم حزم والمزاين في الملقا

غضنفر

13/10/2006, 01:41 AM

ام حزمـــــــــــــــ

(الكاتم)

13/10/2006, 02:07 AM

بأذن الله
العشاش
ثم الفارعه
ثم الديسه
وعسى الله يوفق انشالله

كحيلان 11

14/10/2006, 02:43 AM

الله لا يعوقنا شر
يم الوصيقعات على خريم في ذيك المناطق .......

احمد067

14/10/2006, 03:28 AM

أبروح يم الخوال في ســــــوريا هناك الصيد ولابلاش

ابو ناصر2020

15/10/2006, 06:19 AM

اخواني
السلام عليكم ورحمة الله وبركاته
تقبل الله صيامكم وقيامكم ..
اكيد ان بعض الاخوان مخطط على طلعه بالعيد والبعض مايدري وين يروح وعشان كذا ودنا من الاخوة اللي عنده نيه على كشته يعلمنا وينهوه رايح .....
وتبون تقلولي وين انا رايح انا ان شالله يااخواني ان الله احيانا وياكم معزم الروحه لم مزاين الابل في القصيم وهي مزاين خاصة بقبيلة حرب وتحديدا في خب النقع قبل قبه ب25كم وحسب ماسمعت وقراة انه عباره عن مهرجان سياحي تراثي من اسواق وسباق وشعر وسوف يبدا من ثالث العيد وهو برعاية الامير مشعل .
ولكم تحياتي
الوعد هناك انشاءلله :D واحد نشبه ههههههه .