ماهي افضل بطارية للباترول ؟؟؟ ولحد يقول لي باقادر !!!!

[يا سلام سلم]

يا اخوان
السلام عليكم ورحمة الله وبركاته
كل عام وانتم بصحة وسلامة
أسأل لنا ولكم التوفيق والسداد
الموضوع مثل ماهو موضح فوق
وش افضل بطارية للباترول والا للجيوب بشكل عام
لانه كل يوم نسمع كلام
احد يقول لك خذ الكترونية واحد يقول لا تاخذ الا بطارية تعبئة القديمة
وكلن يدافع عن راية كانه هو اللي مخترع البطارية
عموما
انا لي تجربة مع بطاريات (باقادر) الله حسيب عليهم
البطارية ما تتم سنة الا هي مودعه
طبعا ركبت احسن نوع الي هو FB بنصيحة احد الاخوان وقالي بتعيش معك 3 سنوات وانت تضحك
والمشكلة ماتمت سنة وانتهاء الضمان الا وهي تكح
ورحت وتهاوشت معهم ولا طلعت بنتيجة وكنت محتد وشريت من عندهم نوع عادي اقل من الاول ونفس القضية لما تمت سسنة كحت وخربت
الحين حنا عيال اليوم وتوبة من باقادر
بعض الاخوان نصحني بالبطارية الاكترونية وقالي خذ سي ديلكو وانساها سنتين

وبعضهم قال لا تقربك بطارية سي دلكو

وانا الحين محتار

طبعا عشان ما انسى وتكون اجاباتكم محدد :
السيارة باترول 95
ماعليها اي ترهيم الا ديلكو الكتروني وكويل بس ....

نورونا بأرآكم وتجاربكم
وعلمونا الانواع الطيبة والمقاس المناسب لمثل سيارتي
لانه اذا كبرت البطارية ما يعبيها الدينمو وبكذا ما استفدنا شي

افيدونا مشكورين ،،،
وجزاكم الله خير ،،،

،،،،،،،،،،، يا سلام سلم ،،،،،،،،،،

[قناص مزاجي]

هذي لاتقربها لانها انفجرت باحد الاخوان ةتظرر البدي شي بسيط من ما البطاريه وقد كتب عنها بمنتدى مجازر

والحمد الله غلى سلامته

http://www.alrahalat.com/uploads/2011/87/31304154193.jpg

http://www.alrahalat.com/uploads/2011/87/11304154193.jpg

http://www.alrahalat.com/uploads/2011/87/21304154193.jpg
http://www.alrahalat.com/uploads/2011/87/31304154193.jpg

[يا سلام سلم]

الحمد لله على السلامة

والله اني ما احبها ولا احب طاريها

من ايام الكابرس والجمس وهي غثيثة

لكن ذكرتها بالموضوع عشان نشوف اراء الشباب

الله يجزاك خير

مشكور على التفاعل

[قناص مزاجي]

على فكره باقادؤ اليابنيه ممتازه وعمليه

[تميم2222]

يااوبتما. ولا خذ ارخص شي بالسوق. البطاريات اللي عندنا سنه وهي. منتهيه. ومادام كذا. خذ ارخص شي وريح راسك

[hamido]

ياخوي البطاريات واجد بس اهم شي خذ كوريه ولا تثق ولو صار منقوش بلد الصنع احسن عندك بنسونك التايلنديه ممتازه
.... على طاريه جيت ابركبه اليوم لكن مالقيت الي انا ابي فشريت بطاريه كوريه تعبئه وليست الكترونيه لانه تبدا عمله من يوم تحط الاسيد وليست مثل الالكترونيه تشريه وهي رايح نص عمره

[سيف وقلم]

يواسا شركة يابانية وصناعة تايونية سعرها ممتاز, وفيه بطارية أظن اسمها ألفا نفس الشكل.

[ابو صالح 77]

أخي العزيز
البطاريات توافيق
أهم شيء خذ بطارية أكبر من بلده
ومادام الموتر باترول خذ لك ١٢٠ انبير أي نوع
بالنسبة للإكترونية هي آمنة إلا في حال تعطلت وصارالعدسة لونها أبيض في هذه الحالة تكون خطيرة ويبعث منها غازات سامة طبعاً إذا كانت السيارة شغالة
بالتوفيق

[ماجد الحايلي]

وعليكم السلام ورحمة الله وبركاته
واجد الخيارات وواجد المجربين
والناس على اختلاف مابين مؤيد للبطارية التعبئة
ومابين معارض لها
وانا ابي اقولك تجربتي انا ركبت بطارية هنكوك الكورية السوداء
على فورد اكسبيديشن من سنتين والى الان على كيفك
وانت بالخيار مثل ماقلت لك واجد البطاريات والتجارب اكثر منها

[يا سلام سلم]

مشكورين جميعا
اراء طيبه
وبالنسبة لخوي الي يقول باقادر لبدن ماهيب زينه عز الله اني ما تباركت بها
ولا صرت اثق فيها
بالنسبة لباقي الشباب ان شا الله اني بطب الغرابي وبشتري بطارية كورية واتوقع انها هانكوك لان كذا شخص مدحها
باناسونيك بعد كويسه وتجي من الوكالة في بعض سيارات تويوتا

الله يكتب اللي فيه الخيرة
ومشكورين ولا هنتوا

[طحنون]

ركب اكسايد واختصرها من اﻻخر 90 امبير
ه

[abo naser 1]

كان الردى من اي سي ديلكو لأنها مجددة
اما الأن كل البطاريات كذا تعيش حق الضمان جربنا بانسونك هنكوك اسي وكلها مجددة لاتقول ماهو صحيح اسئل الحضارم وتعرف الحقيقة

الحل اذا موتر قديم ركب بطارية كبيرة مثل الباترول معك طق مقاس 95 أمبير هذا الحل الوحيد

لأن المواتر الحديثة تتأثر ظفيرة كمبيوتر اذا ركبت حجم كبير وحصلت معي التمست الظفيرة بسبب كبر البطارية


معي الأن 99 و91 باترول مركب عليها 95 أمبير لااله الاالله من أول نقرة

[لاتكب البيالة]

انا مركب اوبتما صفراء على الباترول
وممتازة دقة السلف قوية
واشغل عليه ثلاجة لكن كل 3 ساعات اشغله شوي تشحن احتياطا ولا اتوقع تشغل مدة اكثر
وغير اللمبة وووو
لذا انصح به اخذته ب 850 ريال وهذا 3 اضعاف بطارية عادية لكن اوبتما يقولون تعيش الى 5 سنين وزود

[جبلاوي]

البطاريات توافيق

اخوي اشترى باترول ربع 98 قبل ثلاث سنوات ونص تقريبا وشريته منه بعدها بسنة وقعد معي سنتين واكثر وبعته ولا زال بنفس البطارية المشتراة

بعني الان عدت 3 ونص تقريبا بالاضافة الى عمر البطارية قبل ا يشتري اخوي السيارة

نوع البطارية everstart عادية

[جبلاوي]

ايضا اشتريت بطارية FB وخربت في اقل من سنة وذهبت للوكيل وغيرها دون تردد وتأسف مني واعطاني ضمان جديد للبطارية الجديدة وللاسف برضه تعطلت في اقل من سنة

ذهبت لمحل بطاريات وابلغني ان مقاس البطارية صغير جدا على السيارة لذلك لم اذهب للوكيل لانها غلطتي واشتريت بطارية مدري وش نوعها من السوق

[طارق الحريري]

عليك بالاوبتيما مجربه وانا مركب ثنتين على موتري وحده جديده والاحتياط مستعمله ولهن فوق سنتين الحمدلله
وميزتها انك تقدر تشحنها مره ثانيه وسعرها ماهو خساره فيها

[ظغط عالي]

السلام عليكم

تجربتي مع باقادر ولا احلى افضل بطارية عندي على الاطلاق طبعاً تعبئة

[ابوحسام9]

اناجربت البتيما الصفرا ممتازة ماعليها كلام

[شاص نيسان 93]

اخي الكريم انا ركبت fb‏ وماشيه معي زي الحلاوه
اذا كان دينموك ثمانين امبير ركب اكبر حق باترول من ثمانيه وتسعين  وفوق
وركب بطاريه ثمانين امبير كذا افضل
عندك اف بي
وباناسونك هذي افضل شي
ولا تركب اكثر من  امبير لان مالها حاجه
ولازم تتابع صيانتها بشكل مستمر
انا حلست معي سنه ويوم غيرت الدينمو لها الان سنه ونص ولا احسن منها

[hsdt]

ارجو منك ان تفحص السيارة اذا كان فيها تهريب كهرب لتأكد فقط مهم هذا الامر

[يا سلام سلم]

ما شا الله تبارك الرحمن

حي والله ذا النباء يا اهل مكشات

مشكورين على هذا التفاعل الطيب

تصدقون ان ودي اشتري كل البطاريات الي مدحتوها لي واركبها لعيونكم :D:D:D:D

الله يكتب الي فيه الخيرة ومشكورين ولا هنتو ،،،،

[موسم النزل]

نصيحة مُجرب

عليك ببطاريات hankook الكورية وبما أن سيارتك جيب خذ 80 أمبير ؛ وأفضل لك خذها من عند الموزع الرئيسي ولا تقّرب لأصحاب محلات البطاريات .

تحياتي

[أطلال نجد]

أهم شيء لا تقربك أي سي ديلكو و لا باقادر FB

كلها بطاريات مضروبة وما شيه على السمعة القديمة عمرها سنة ما يحتاج قاسينها


أبتيما يمدحونها ناس واجد


أو بطارية موتر كرفت تأخذها من وكيل فورد الحاج حسين رضا بس غالية شوي


أو هانكوك الأصلية الكورية سعرها طيب و لكن احذر لا تأخذها إلا من الوكيل بن شيون


لأن يجي منها مقلد من دبي

[بوجريس73]

في بطارية ممتازه صناعة هندية اسمها (( آمرون )) لونها اخضر من واقع تجربة واستعمال 4 سنوات ولله الحمد وهي اول سنة ماتعبيها وبعدين تزاود اذا نقص

[منصوري نصروي]

يعطيك العافية وشكرا لك على هذا الموضوع

[abo naser 1]

يواسا صيني لها سنتين طيبة ولله الحمد

[ابو ســــاره]

يواسا شركة يابانية وصناعة تايونية سعرها ممتاز, وفيه بطارية أظن اسمها ألفا نفس الشكل.

سعرها ممتاز وعملية الي حداً ماء مع الرجيع سعرها 200 ريال 80 امبير

[غار بن شعلان]

السلام عليكم

فيه بطاريه موتر كرافت 70 امبير ممتازه امريكيه ومخصصه للفورد واعتقد فيه اامبير اعلى لكن ممتازه مشاء الله

ال 70 امبير مع الرجيع الظاهر 300 وشوي لكن ممتازه وتجي نوعين الكترونيه وتعبئه

وتلقاها عند وكلاء قطع غيار فورد

[sulaiman.fj40]

البطارية أوبتيما الصفراء ممتازة وقويه وتعيش إلى خمس سنوات ومجربه- عندي جيب عشه مكينته الثقيلة 2f ومركب له بطارية اوبتيما الحمراء ولو تدق سلف ساعتين ماتفضي - سعرها 850 ريال لكن ماهي خساره-

[vip5532]

السلام عليكم ورحمة الله
بيد سعودية انا اصلح اغلب البطاريات ما عدى بطاريات موتوركرافت وشبيهاتها
اصلح ايسي ديلكو وهانكوك والبطاريات العادية وبارخص سعر وضمان من شهرين الى 3 شهور شرط البطارية من فوق السيارة وماتكون مركونة والسعر حسب الامبير بريال
في جدة فقط