ماهي أفضل المساعدات بعد الاسترالي

[ابوصالح .]

بسم الله
السلام عليكم ورحمة الله وبركاته ...
بالنسبة لمساعدات جيوب نيسان من 89 - 97 ماهو الأفضل لها ؟
بعض الشباب يقول ركب مساعدات شاص والبعض يقول ركب الوكالة
وبصراحة انا ادور على مساعدات مريحة وسعرها مناسب جداً ، اتمنى الكل يدلو بدلوه ، ويعطينا
تجاربه وفقكم الله جميعا ...

[ابو صالح الرس]

الي اعرفه ياخوي ان اغلب جيبون النيسان يركبون مساعدات الشاص والبعض مساعدات الجبرين وفيه ناس الاسترالي لكن بعضهم يقول ان مساعدات الشاص نفس الاسترالي وارخص وعلى طول تركب ما يبي له ترهيم

وهذا ما بجعبتي من معلومات وبالتوفيق

[موسم النزل]

من واقع تجربة على باترول ٢٠٠٣ باب
المساعدات الإسترالية قوية وتتحمل ؛ لكن ترا لها أضرار على البدي من عند شاصي السيارة خاصة قدام ؛ وعن نفسي ضربت مطب على سرعة وإنكسر مقدمة البدي الي فوق الشاصي ؛ وتبهذلت معه لحام وما ضبط معي
أما وراء ما واجهت ولا لاحظت علية أي مشاكل
التجربة الثانية على باترول ٩٧
مساعد مرسيدس قدام ؛ بس يبي لها ترهيم قواعد من فوق ؛ وكان عز الطلب
وراء كنت مركب مساعد جبريل الابيض
تحياتي

[sgl2002]

مساعدات الشاص مركبها لي سنه


مافيه بطناج ولا مطب الا واكلته

ولا انفقعت ولا صار بها اي شي

ووجه الموتر مايعرف النزول ابد


وسعرها رخيص


وفيها تنقيز بسيط ماتحس به

[بوجريس73]

ركب مساعدات وكالة جديدة وركب يايات استرالية وادعيلي

[abohmad]

السلام عليكم الاخ ابو صالح حفظك الله تعالى ركب معاونيات الوكاله لعده اسباب اولا مناسبه لوزن السياره وسهله المطب وتخفف الظغط عن الشاصي ومريحه لك خاصه في المناطق الوعره انحش من تركيب المعاونيات اللتى ليست لمقاييس سيارتك لان كل سياره لها مغاييس تختص فيها ودمت في خير

[ابوصالح .]

بالنسبة لمساعدات الشاص الامامية ، كم الموديل اللي يركب ؟

[حفيد بن صعصعة]

بالنسبة لمساعدات الشاص الامامية ، كم الموديل اللي يركب ؟

يوم خبري من 2000 وفوق

[التعـ King ـديل]

امامي فكسار 97

خلفي شاص 2000

[فهم العدواني]

اخي الحبيب الاستراليات قاسيه .... الشاص قاسيه ... خذ الجبريال ابو ثلاث طقات والله
انها دوا ... الطقه الخفيفه نفس حقت الوكاله او اقوي بشي بسيط والطقه القويه اقل من
حقت الشاص بشي بسيط مثل المورنو تماما واعتقد هذا ماتبحث عنه يعني تشد الموتر ... واشور عليك ياي استرالي
خلفي ااقصر نوع يجي ارفع من حق الوكاله وخل اللى قدام حق الوكاله زوده ربل امقاسه رفع اصبع
واحد وبتشوف نصبة الموتر ...... طبعا من واقع تجارب وخساير

[خبايا انسان]

والله ياخوي تبي مساعدات مريحه ركب حقت الوكالة ,, اما المساعدات الاخرى مافيها راحه

اذا انت طلعاتك للبر كثير وراعي قنص وتطرق ردميات وبطانيج , انا اشور عليك تركب مثل موتري

مساعدات مرسيدس امامي + ياي استرالي 3 سانتي ( مساعدات المرسيدس يرهمون القاعده حقت المساعد نفسه بدال ماهي حلقه يخلونها مسمار ) < يعني الترهيم ف المساعد فقط مايلمسون الموتر

مساعدات شاص تايوتا خلفيه من موديل 2000 وفوق + ياي استرالي 4 سانتي ,

واذا تبي تجرب موتري انا ف الخدمه

[NaKbaH]

من واقع تجربه الجبريل كوويسة جدا ولكن المساعدات حسب الاستخدام ... اذا انت راعي كشتات عاديو وناسة وسعه صدر الجبريل ممتاازة ... اما اذا انت راعي صيد وطرد او مطامر في النفود وسرعه مع البر لا تركب الا شاص او استرالي وانا اشوف شاص قصدام وورا جبريل افضل شي

[عايض الاحمدي]

ي جماعه ايش افضل مساعدات لواجه الددسن
وشكرا

[أبن المدينة]

ركب مساعدات وكالة جديدة وركب يايات استرالية وادعيلي

كلام عين الصواب من واقع تجربة👍👍