ما هي أفضل طريقة تجهيز باترول بطل الدروب؟

[الدوسر]

السلام عليكم ورحمة الله
ياجماعة الربع أنا شريت باترول بطل الدروب الشكل الجديد ولدي سؤال
أرغب في تركيب تانكي ماء فماهي أفضل طريقة لتركيب التانكي داخل السيارة
وأريد تجهيزه بشكل تام للكشتات
أريد منكم آرائكم في هذا المجال

[منصوري نصروي]

يعطيك العافية وشكرا لك على هذا الموضوع

[الدوسر]

العفو يااخي منصور

[الابتر]

مبروك الموتر
ومن ناحية تانكي الماء
فأشوف البعض يشيل المراتب الأخيرات ويركب محلهن تانكي وعلى ماسمعت إنه موجود جاهز عند محل عروق الشمال في بريدة .
بالتوفيق

[الدوسر]

أشكرك يالأبتر

ولكن أنا من ساكن الرياض

[الدوسر]

ياجماعة الربع معقولة من مرتادي منتديات مكشات مافيه آراء أو إقتراحات أو تجارب من أهل الخبرة في توانكي الماء للباترول بطل الدروب الشكل الجديد؟

[nashy]

أنا فصلت تانكي مقاسه 123 *40*13 سم المنيوم بمبلغ 650 ريال + 100 ريال تلبيسة وانتبه لازم الالمنيوم يكون بحريني 3 مل والله يوفقك

[الدوسر]

أشكرك ياأخي nashy (http://www.mekshat.com/vb/member.php?u=14272) على الإفادة ونرجوا منك مكان المحل الذي الذي فصلت فيه التانكي وياليت أن ماعليك تعب تصور التانكي الله يجزاك خير ويوفقك لما يحبه ويرضاه

[nashy]

حياك ربي .. المحل ببريدة والتفاصيل ع الخاص مع العلم اني سبق وفصلت عندهم تانكيين قبل هذا وشغلهم ممتاز وانا بالخدمة طال عمرك

[nashy]

ارسلت لك رسالة عالخاص والصورة ابشر بها لكن اصبر علي شوي .. اليوم بحول الله

[الدوسر]

الله يجزاك خير ويوفقك في الدنيا والآخره وأشكرك على حرصك

[كاتم الشكوى]

لا تنس أنك تركب كفرات بالون بحيث يكون الهواء لا يزيد عن عشرين بالصحراء
راح تشوف الراحة للراكب وللسيارة
والغراز يخف بلحيل لأنه مخصص للصحراء والرمل
اكرر لايزيد الهواء عن عشرين بالصحراء
الله يعطيك من خيره ويكفيك شره

[ابو خالد 111]

اولاً / الله يبارك لك في الموتر , ويعطيك خيره ويكفيك شره

ثانيا / انا مركب تانكي ماء من السنيدي سعة 100 لتر

ثالثاً / ركبت بطاريه اضافيه بضفيرتها بمحولاتها بشكل مرتب وحلو

اذا بغيت ادلك على الورشه كلمني خاص لاجل ما احد يقول اني اعمل دعايه لصاحب الورشه فيعلم الله اني ما اعرفه

بس انسان محترم دلني عليه واحد من الربع وسمحوح واقل سعر وجدته بالرياض

تقبل مروري ودمت :

[الدوسر]

أشكرك ياكاتم الشكوى وكذلك ابو خالد 111على المعلومات وعلى الإفادة

[الدوسر]

ولكن ياابوخالد 111 التانكي 100لتر واقف او منسدح لأنه إذا كان واقف لابد من إخراج المرتبة الثالثة

[تميم2222]

اغلب تجهيزات البطل عندي. عدا تمديد البطاريه تانكي من عروق الشمال. والتلبيسه شفها عند برق الحيا تجي نوعين اذا رحت للمحل يخيرك اللي تبي. ومكان الكنود في تكايه تباع عند الحسن لصقور محله في الشرق والديره بالرياض واذا تبي تصوير. لتجهير ارسل لي رقمك. وابشر. عشان تستفيد اكثر وتشوف

[ابو خالد 111]

ولكن ياابوخالد 111 التانكي 100لتر واقف او منسدح لأنه إذا كان واقف لابد من إخراج المرتبة الثالثة

هلابك اخوي

واقف وبالفعل شلت المرتبه الاخيره

بس تراه ماراح ياخذ مكان كبير والمرتبه الثالثه منت محتاجها

[الدوسر]

بس ياابوخالد111 إذا شلت المرتبة الثالثة فيه تحت صاجه خفيفة أخاف تتأثر

[الدوسر]

أشكرك ياتميم 2222 على الإفادة وياليت تخبرني وين مكان بروق الشمال هل هو في الرياض

[الدوسر]

اما الصور فأنا محتاج لها ياتميم2222 ولكن لاأستطيع أن أرسل لك على الخاص لقلة مشاركتي حسب إفادة إدارة المنتدى فياليت ترسل لي على الخاص لكي أرد عليك بالرقم وجزاك الله خير

[تسعه وتسعين]

الله يبارك لك فيه وشايف خيره
انا مجهز الموتر بتانكي وتلبيسه خلفيه واهم شي لاتطلع عليه قبل تركب بالون وتنزل الهوا علشان مايقرقع الموتر وتكثر البناشر عليك ولا ننسى تلبيسة القير تحفظ التخشيبه من الخدش وبها مكان الجهاز
واتمنى لك التوفيق

[تسعه وتسعين]

للعلم التانكي الوطني ٩٠ لتر واقف ولو انه مايلزي لما تملاه ماء

[الدوسر]

أشكرك ياتسعه وتسعين على المعلومة القيمة

[تميم2222]

امر وش تبي تجهيزات. واحنا حاضرين. حدد. اللي تبيه. وابشر

[الدوسر]

جزاك الله خير ياتميم 2222 على تواصل وإفادتنا من خبرتكم لو تسوي خير وتصور لي التانكي حتى أستفيد منه وجمعنا وإياكم ومن نحب في جنات النعيم