ظهور الفقع

[ماجد 2003]

في عطلة نهاية الأسبوع الماضي لقطنا الفقع
في حدود الكويت من جهة خباري وضحي ، بحجم جلة البعير

[بن قطر]

وين عن الحفر

[ماجد 2003]

السلام عليكم ورحمة الله وبركاته
اخوي المرعب
الموقع شمال من السعيرة (90 كلم) تقريبا مع الخطوط الرياضية

[بن قطر]

اخوي ماجد2003 وين من محطة الدبيه

[عربسات]

هلا خوي ماجد ممكن تعطينا احداثياتها الله يعافيك

[ماجد 2003]

أخوي / عبرسات
السلام عليكم ورحمة الله وبركاته
الأحداثية ماتحضرني الان ، لكن انشاء الله عز جل ، أجيبها لك قريبا

[aziz3330]

السلام عليكم ورحمة الله وبركاته
اخواني رحت هناك وكان الفقع قليل يمكن جينا متأخرين
والفقع صغير، والمكان نزلت من عند المحطات التي على طريق القاعدة الخفجي بعد تقاطع
الطريق مع طريق الحفر الدمام بحوالي 70 كم ومشينا حتى الحماطيات على الحدود السعودية الكويتية
حوالي 90 كم صحراء ويوم اقبلنا على المكان راينا الناس اكثر من الفقع ومنتشرين في كل مكان
ولقطنا اكثر من الكيلو ، وهو صغير .
والي يبغى يروح يكثر الملابس لانه البرد قوي مرة والأ رض زينة وتوسع الصدر والحلال فيها واجد وتشبع الغنم ، ام السفانية فارضها متغيرة ومصفرة ويمكن انا ماتوفقت فيها
( المكان على طريق القاعدة الخفجي بعد تقاطع الطريق مع طريق الحفر الدمام حوالي100 كم
او اكثر على اليسار وانت رايح للخفجي جميل وفيه ربيع لاباس به ، والشبوك التي على الطريق
حوالي القاعدة مدهرة ؛؛؛؛؛؛؛؛؛؟

[صالح333]

جزاك الله خير

[راعي الحزم]

يقولون القواله انه طلع الجباء في شبك الابحاث الزراعية بالبدائع والعهدة على الراوي يقول لقط كيلو امس

وهو صغير

[صالح333]

بالعاده يطلع فقع خلف الحوطة حقت الرس حول رامه بس السنه ما أدري

[راعي عنيزة]

الرسالة الأصلية كتبت بواسطة راعي الحزم
يقولون القواله انه طلع الجباء في شبك الابحاث الزراعية بالبدائع والعهدة على الراوي يقول لقط كيلو امس وهو صغير

شبك الابحاث الزراعية بالبدائع :D :D :D :D

الله يستر اخاف اغفل عن بيتنا همن تقول يا راعي الحزم انه يقع في البدائع ;)

يا حبيلك الابحاث بعنيزه وش جابها للبدايع :p

[(طيرشــــلوى)]

قـــــــــــــــــــــــــــــوية ياراعي عنيــــــزة, وكان بيتكم بالبديـعة فالله يستر يمكن تصير تبع البدايع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[راعي الحزم]

الله واكبر يا راعي عنيزة انت مادريت انهم ازرعوه قرع العام وبعدين تدري ان ام دباب تبع الرس والالا
يا حليلكم يا اهل عنيزة والله اني احبكم والله يشهد على ذلك نبي نتواعد انا وياك نصلح القهوة ونفرك المجمار
ونقيس المسافه وش رايك عموما ترى سالفة ام دباب مزحة لا تصدق الا على فكره كم وصل عدد الغضاء هههههههههههههههههه الله يرجك

[راعي عنيزة]

يابن الحلال الرس قشران ويقال والعهده على الراوي ان راعي كيف تغافل اهل الرياض يوم نامو وطق لوحه بشارع التخصصي : الرس ترحب بكم :D :D

والله يستر تصدق امس اكل مطيزيزات بهن قرعه :o تهقى اني صرت من ممتلكات البدايع ولازم اسلم نفسي لهم :p
وعدد الغضا شاك مدري هو 9 الاف وخمسميه وستين ولا 9 الاف وخمسميه وتسع وخمسين :rolleyes: وش رايك نتخاوى للبر نعدهن :)


وانت يا طير شلوى اثرك من راعين البديعه ;) ولو اثرك توحش وشكلك نشيط :D

[صالح333]

لاتقول عن اهل الرس قشران

[الكوكب]

يتواجد الفقع في حفر الباطن

يبيعون الكيو بـ200ريال

[الماجدي]

مشكورين وماقصرتو