المساعد الشخصي الرقمي

مشاهدة النسخة كاملة : اللي عندة باثفايندر الله يرحم والدية يفيدني


هاوي رحلات
10/10/2006, 01:45 AM
السلام عليكم :
يا أخوان أنا عندي باثفندر 2003 فيه مشكلة إذا صار حامي وخصوصاً في النفوذ يضعف عزمة شوي واسمع صوت لقلقة الصبابات أو البلوف ولازم اشد عليه أو يضعف بالثاني مع ان حرارته نازلة يعني كل شيئ طبيعي رحت لكم ورشة اللي يقول لي الصبابات واللي يقول حساس هواء المكينة أو حساس البخاخ وبعدما كشفت عليه كمبيوتر لم يتضح شيئ ، عملت له تنظيف بخاخات وتغيير بواجي ولا فيه فايدة ، أرجوا الإفادة ولكم جزيل الشكر والدعاء . والسلام عليكم
أبوناصر
10/10/2006, 01:55 AM
خوي أنا معي مثل الي معك

من تجربتي الشخصيه في التطيعيس اذا كفراتك شد بلد حط فيها 10 أو أقل بشوي

وعطه دبل خفيف واذا طعسك قوي عطه الأول وشد عليه ولا تخاف أهم شي لا تطول عليه وأيضا لا يوصل حد الأحمر


أما في الممشى العادي في النفود في عادي يضعف معي مهوب مثل أول ما طلعته من الوكالة لكن متى ما خفت يغرز عطه الأول أهم شي دبل خفيف ما راح تحتاج الثقيل إلا إذا غرز أو بتطلع أحد


وأنا في خدمتك
بواردي الدلم
10/10/2006, 02:02 AM
شف يالحبيب واحد من الشباب حصل معه نفس المشكله تقريبا وصار البلا من حساس الهواء حق المكينه وكلف عليه في الوكاله 3000 ريال بس تبي العلم بعه واشتر تماتييك وانس يخرب
عرق الحمراني
10/10/2006, 02:51 AM
المحرك عموما اخي اذا سخن طبيعي يضعف

ولكن انتبه شف الامبير حق الحراره اذا صار يرتفع شيك على الاديتر وكم ماشي يمكن الشنابر ضعيفه

واذا كان كل شي سليم تاكد من زيوت القير وغيرها في الوكاله

انتبه لاسلاك البواجي ترها مع الحراره تضعف عشانها حرير

واذا ضعفت يقل عزم السياره وشيك علي كشي بس زي ما قلت لك كم ماشيه السياره

راسلني عل الايميل rafa4@hotmail.com
أبوناصر
10/10/2006, 04:11 AM
أخوي بواردي الدلم


بالنسبة للحساس فمشكلة بكلام الوكالة لي وكلام واحد من الشباب الي حصلته مشكلة الحساس هي في الباث التماتيك 2003 وعلى ما أظن حلوها في الموديلات الي بعده


وأنا شخصيا طلبت من الوكالة فحصه أيام الضمان وشيك على الكمبيوتر وقال كل شي تمام وترا المشكلة أكثر ما تجينا في القير التماتيك
فلان بن عفتان
10/10/2006, 08:12 AM
السلام عليكم ياجماعه .

الباثفيندر التورك (العزم) ضعيف

لاكن في الأحصنه قوي و يعني بالخط طياره .

العزم هو الي يفيدك بالنفود , والأحصنه هي الي تفيدك بالخط

عموماً العزم والأحصنه وجهان لعمله واحده ,

بالنسبه لحساس الهواء , تراه مايخرب نهائياً يعني يمكن اصلاحه بسهوله عن طريق رشه بماده خاصه تعيده كما كان والتكلفه 50 ريال فقط
برادو
10/10/2006, 01:45 PM
السلام عليكم
ياجماعة الخير التنسيم مطلوب بس استغرب اذا سمعت احد يقول لراعي جيب نسم 10 وتحت علشان يمشي انا خبري ال 25 وال20 كافيه للجيب ولا وش فايدة الجيب؟ ال 10 نحطها في حوض محمل مافيه دبل ونشق النفوذ روحه جيه ولا نعرف الغراز
بوخالد@550@
10/10/2006, 06:48 PM
بالنسبه لحساس الهواء , تراه مايخرب نهائياً يعني يمكن اصلاحه بسهوله عن طريق رشه بماده خاصه تعيده كما كان والتكلفه 50 ريال
السلام عليكم اخوي فلان اذاماعليك امر ممكن تشرح لنا الطريقه وشو هذا البخاخ .........................ويااخوي ابرادو اذا نسم 10لان كفر شد البلد تعبان وقاسي
أبوناصر
10/10/2006, 07:25 PM
اخوي برادو

كلامك في محله لكن بالتجربه الشخصية كفرات شد البلد للباث قاسيه بالحيل


ومع التنسيم ما يبان فيها التنسيم الا تحت 15 يبان بالعين المجردة انك منسم


وأنا عن نفسي وممكن العيب فيني عن نفسي ما يمشي معي الموتر الا بالتسيم 10

ولله الحمد أمشي كثير من الأوقات بدون الدبل



أخوي فلان


العزم أو التورك في الباث كم ؟؟


وكيف أعرف عزم أو تورك أي موتر ؟؟
هاوي رحلات
12/10/2006, 02:33 AM
بارك الله فيكم يا أخواني وجزاكم الله خير على ردودكم
وأنا ببدأ بتجربة تغيير البواجي والأسلاك ومعها صفاية البنزين وفلتر الهواء ممكن تنفع معي وبأعطيكم النتيجة إن شاءالله
بن محفوظ
13/10/2006, 01:06 AM
مع الإحترام والتقدير لجميع الردود والتوجيهات

أقول الله يحييك ويسلمك معي زي موترك قير تماتيك نفس الموديل ويبدوا لي إن هذا الموديل
عقوبة من نيسان علينا حنا والله المستعان
خرب علي حساس الهواء ثم بعده طربمة البنزين وبعده خرب علي نظام إدخال وترجيع البنزين من وإلى المكينه
والنظام هذا شفه عبارة عن دبتين صغيرات تحت غطاء البلاستيك الي فوق المكينه تشوفه على يسارك والعطل
عبارة عن بطء بالتشغيل ويجييك ريح بنزين كثير إذا شغلت .........................يعني في النهاية !!










الموتر هذا عله معلله
Abo Nader
13/10/2006, 01:46 PM
السلام عليكم....

أخوي الله يجزاك خير هذا بكل المواتر يصير كذا خاصة بالصيف و السبب أن المروحه ميكانكيه ماهي كهربائيه...

أبي أشرحلك طريقة عمل الميكانكية و تعرف ليش يقل عزم الموتر....

المروحه تصير متصله ببكره من المكينة و تدور حسب سرعة المحرك و كل ما أرتفع ضغط المحرك زادت السرعه هذي ميزه....

لكن العيب أخوي هو أذا أحتما الموتر(ترا مب شرط ترتفع درجة الحراره)تزيد سرعة المروحه على ما يقولن تشتغل السرعه الثانية و إذا أشتغلت المروحه الثانية سلمك تزيد سرعة البكره المتصله بالمكينة فتروح جزء من القوه لتبريد....

أنا معي نفس موترك و إذا تبي تعرف متى أشتغلت السرعة الثانية فض الموتر و أدعسله راح تسمع حنة زي الفكسار...

(معلومه عارضه)قوه السياره المعروضه بالوكاله مثلا الباث250 هي تمثل20%من قوة المحرك لأن 80%من الطاقه تذهب في التبريد

أتمنى أفدك و لا توسوس:)
قناص الوعول
13/10/2006, 03:42 PM
نصيحه بعه واشتر جي اكس تيوتا خليجي وذمني و امدحني فيه تراه موتر حطه على الجرح يبرى
هاوي رحلات
17/10/2006, 02:10 AM
السلام عليكم :
أخوي Abo Nader
اللي تتكلم عنة الله يجزاك خير اتماتيك المروحة وكان البعض في السيارات القديمة مثل الجمس والشفرات يثبتون المروحة على السرعة العالية لتبرد المكينة أكثر ولا تسخن هذا معروف لكن المشكلة اللي عندي لقلقة كأنها صوت الصبابات تضهر بعد استمعمال السيارة كم مشوار يضعف عزم السيارة خاصة في الطعوس والمرتفعات وعلى فكرة الوكالة الصاحية يقولون هذا صوت عامود الكردان مع ان الصوت صادر من المكينة
عموماً الله يرحم والدي ووالديك على مجهودك والسلام عليكم .