في المعارض .. شفت العجب العجاب

[سقم المعادي 1]

السلام عليكم ورحمه الله وبركاته


كتبت موضوع قبل كذا اشاوركم فيه كنت ناوي على شراء سيارة

توكلت على الله و بديت ادور بمعارض النسيم الاسبوع اللي راح يومياً كل عصر اتردد عليها

طبعاً ماعندي ذيك الخبره بالمعارض ولا لي صولات و جولات فيها حديث عهد على السيارات

شفت اشياء بالمعارض ماتسر ابد .. اشياء تغبن الصراحه

كـ مثال بسيط يعني

باجيرو 2007 .. قيمته حول قيمه لاندكروزر 96 !!

الكامري تسام بقيمه اكثر من قيمه الالتيما مع ان الالتيما افخم منها و كل السيارتين اعتماديه

نجي للطامه الكبرى !!

واقف على هايلكس غماره 2005 ماشي 300 الف وكسور و واصل سومه 49 و عيا يعلمني عن البدي يقول مايخلا من الرش على الفحص .. قلت يمكن هذا الهايلكس حاله شاذه و قفت على واحد ثاني 2002 غماره و العالم متجمعه حوله و واصل السوم 51 و يقول مانيب بعيد حيل ما فاصلت معه ولا سألت قلت الله يرزقك ومشيت .. سعره كان جديد غماره جي ال مكيف 2005 بـ 55 و ارجع اشتريها مستعمله بعد 11 سنه باكثر من قيمتها جديده و هي اساساً قمه الفخامه فيها المكيف ؟

لا تقول لي موتر يكد و من الكلام ذا السوق مليان مواتر تكد بس ماتوصل للاقيام ذي واللي يسوم هذا شخص جاهل مع احترامي له

طبعاً كلامي ذا ماهو من باب حسد ولا غيره الا الله يرزقنا و يرزقهم لكن سوق السيارات المستعمله عندنا جداً سيئ و لا فيه اي عدل

ناس تشتري سياراتها بقيمه و قدرها و تباع بالمعارض باسعار زهيده و هي نظيفه وش السبب ؟ هل هو بسبب المافيا اللي تدير المعارض و تمشيها حسب مصالحهم ؟ وعلى حساب غيرهم ؟

جلست في امريكا سنه ونص و مريت بعض المعارض و اعجبتني طريقتهم .. كل معرض له حوش مشبك و اللي بيبيع سيارته يجي لهم و يتفاوضون على السعر و انتهينا و المستخدم يجي يدور بالمعرض و كل سياره تاخذ حقها بالسعر ماعندهم كلام مايودي ولا يجيب ذا كوري ذا تايلندي ذا امريكي و فوق هذا كله مصداقيه في البيع و لا تاخذ السياره الا مع تقارير كارفكس بالتشييكات كامله اللي جرت للسياره اما هنا شختك بختك و حتى محلات الفحص تصيب وتخيب حظك نصيبك

و القوم الآخر قوم ( مرغوب ) , من يوم يتغير شكل السياره او حتى يغيرون مسمار فيها بدأت الاشاعات تطلع منهم ان الجديد فيه و مافيه و يعذرب يخليك تعافه ولو يجيك بخمس الاف ماتبيه من كلامه و يطير سعر القديم و كل هذا في صالحهم عشان تمشي سوق السيارات اللي عندهم

هل يضطر الواحد يشتري السيارة اللي تعجب شريطيه المعارض عشان اذا جاء يبيع تجيب له قيمه ؟

يعني لا جيت اروح الوكاله اخذ معي شريطي يختار لي اللون و النوع ؟

حتى الهنود و البنقاليه حقنوهم بالخبث و صارو اذناب للشريطيه لا بارك الله فيهم

و الملامه توصل لبعض الناس المستخدمين تلقاه مشفوح لا شاف موتر اعجبه بالمعارض يزاود عليه و يوصله للقمر و راعي الموتر بيطمع و هكذا

زبده الكلام المعارض عندنا زنبليطه


هل من حلول لها ؟

[هاوي بر 11]

الله فوق كل شي يطلع على كل صغيرة وكبيرة ..

كم لقيت اسعار الجيوب ؟

[حطاب الشمال]

عسا ماتعبت يا ابن الاجواد !!!يوم شفت العنوان قلت اكيد شي خطير

[سقم المعادي 1]

الله فوق كل شي يطلع على كل صغيرة وكبيرة ..

كم لقيت اسعار الجيوب ؟

و نعم بالله

ما حددت لي اي نوع من الجيوب ؟

[السبيعي 503]

مافيه شي جديد هذا المعارض


الله يرحم الحال

[مدرس بالغصب]

بعض الاحيان الوكيل يكرهك في السياره وتضطر للتخلص منها بأي سعر

[wafian]

السبب الاول /
و كما تفضلت اخي العزيز المافيا اللي تدير المعارض و تمشيها حسب مصالحهم وعلى حساب غيرهم

السبب الثاني /
الجهل .. و ثقافة عبداللطيف جميل اللي منتشرة بين الناس ( على اساس سياراتهم شيكات مو سيارات ) و الناس طايرين فيها لأن بقية السيارات قطع غياراها غالية و غير متوفرة و أبو جميل قطع الغيار عنده ببلاش مثلا.

أعطيك مثال / جيب اودي كيو سفن ( Q7 ) كاش وكالة أصفار تقريبا 240000 ريال الماني يا عمي الماني..
فخامه و قوة و مواصفات خيال ما شاء الله تبارك الله و الشعب يروح يشتري نفس القيمة جيب vxr عبارة عن شوي تنك
و مجموعة من الكلبسات البلاستيكيه مصنوعه في استراليا او مصبوبة في جدة و مشاكل ما لها حل من صيانة و غش و اخر مشكلة مثبت السرعة .. حسبنا الله و نعم الوكيل

السبب الثالث /
من امن العقاب أساء الادب


تحياتي

[مكشاتي2009]

السلام عليكم
مشاركة بسيطه وخفيفه
جيب اودي كيو سفن ( Q7 ) سنتين ولاحد مناظره
يصلح لشارع التحلية :D
جيب vxr بر :f:l سفر كشخه شعيب نفود لك والزمن
هذا شيخ الجيوب ولابه شك :good2: هو الثريا ;)

[GM_400]

واقف على هايلكس غماره 2005 ماشي 300 الف وكسور و واصل سومه 49 و عيا يعلمني عن البدي يقول مايخلا من الرش على الفحص .. قلت يمكن هذا الهايلكس حاله شاذه و قفت على واحد ثاني 2002 غماره و العالم متجمعه حوله و واصل السوم 51 و يقول مانيب بعيد حيل ما فاصلت معه ولا سألت قلت الله يرزقك ومشيت .. سعره كان جديد غماره جي ال مكيف 2005 بـ 55 و ارجع اشتريها مستعمله بعد 11 سنه باكثر من قيمتها جديده و هي اساساً قمه الفخامه فيها المكيف ؟

.........................هنا اسميها ثقافة شعب


المعارض كلها بحاجة لرقابه وتنظيم وتطوير الغش فيها مستفحل من قديم

[كومبو]

لا تستغرب من المستعمل لأنه يتبع للجديد
أكثر 10 سيارات مبيعا في الخليج
هايلوكس
كورولا
لاند كروزر
برادو
كامري
اكسنت
النترا
شاص
يارس
فورتشنر

مدري كيف تبي الباجيرو والألتيما تكون أكثر من اللاند والكامري ؟

[أبو هشام راشد]

هذه يسمونها قناعة لكن من كلامك إنك تايوتي وين كنق التعديل عنك (:
ما لقيت ددسن ٢٠٠٥ ياباني اغلى من ٢٠١٢ (:
ولكي لا تتعب رجليك في المعرض ترى الجديد ارخص من المستعمل

[GMC79]

الناس تفهم وجربت وعرفت
ثقافة الشعب ماجت من فراغ والسوق هو مقياس آراء الناس وأغلب الناس مع العملي والمناسب لها
الزين غالي وسعره فيه فعلا

جربنا وشرينا امريكي والماني ورجعنا على التويوتا

والسوق مفتوح يله ورونا روحوا اشتروا باجيرو واودي كيوسفن ما احد ماسككم وكل واحد ينام على الجنب اللي يريحة

[ابونبيل]

الناس ماترغب الا هالسيارات هذي
يعني عندنا العائله ماتستعمل الا الجمس او اللندكروزر واحياناً باترول
والشباب مثله وكامري وهلي وجيوب التايوتا و بعض النيسان
السوق هو على حسب الطلب الاكثر يرغب هالانواع ويشوف ان بعض الموديلات تسوى اكثر من الجديد مثل الهايلكس ٢٠٠٥ وتحت مع ان ما اشوف فيه فرق واجد عن الجديد ولو كان افضل ببعض الامور فالاستعمال الي اكثر من ١٠ سنوات يكفي انه يقلل الجوده
عشان كذا الي يفكر بالبيع لا يشتري الا الشي المرغوب

[zoom10]

هذا طال عمرك قمة الإستغلال وغياب الوازع الديني وضياع الأمانه عند البعض .

طبعا إلي يجي يبغى يبيع سيارته .. أكيد محتاج للمال والشريطية عارفين الشي هذا عشان كذا يبخسون السلعة ويعيبونها .. وبعد اسبوع تجي تلقى سيارتك أغلى سيارة في المعرض ؟!

لكن حسبنا الله ونعم الوكيل على الناس إلي يغشون في بيعهم

[الدوسري2010]

اذا حلف الشريطي فلا تشتري منه شي هذي وجهت نظر

[بشير حسن]

أخوي من واقع تجربة لي في المعارض فعلا كلامك فيه كثير من الصحة هو في سيارات الناس اذا حبت تصعدها فوق واذا حبت تنزلها للقاع مايقدر أحد يمسكها عن هذا الشئ ومن ضمن الامثلة عندك اليوكن والتاهو موديلات 2004 - 2006 أسعارها الى الآن غالية ومبالغ فيها صحيح هالسيارات قويه وفي ناس كثير تفضلها على الموديلات الحديثة لكن ماتصل الى أنه سعر النظيف منها في ال 60 ألف ريال مهما كان المستعمل يضل مستعمل بغض النظر عن الموديل وفي السوق في شئ اسمه ماشي يعني السيارة أكيد أنها ماشية بغض النظر عن الممشى أنا اقصد هذا النوع من السيارات وقيس هذا الكلام كذلك على الكوامري من موديلات 2000 -2002 الى الآن ناس تبيعها في الثلاثين ألف ريال وين جالسين حنا مهما كانت قويه وعمليه اسمها مستعمله ولازم راح تحتاج الى تركيب قطعة او عملية صيانه أو أقل شئ تحتاج الى تركيب كفرات عكس السيارة الجديدة يبي لك وقت ومسافة محددة من قبل الوكالة علشان عملية الفحص والصيانه الدورية

بالنسبة الى بعض أنواع السيارات ونزول أسعارها مثل ماذكرت الألتيما صحيح هو بشكل عام النيسان في سوق المعارض أسعاره منخفضه ورغبته عند الناس قليلة ومتفاوته والسبب معروف هو كثرة الشكاوي من الوكيل مع أنه السيارات من وكالة نيسان جدا طيبه بس المشكلة هي الوكيل

[التعـ King ـديل]

كلامك صح بكل شي وانا اعرف شخص اشترى هايلكس غماره بودي وكاله ب موديل 2004 بقيمه 65000 ريال

ووقتها عام 2004 كان جديد وكاله ب 48000 اصفار ،، ووقفت على جيب هدد 2006 دركسون مثلث بدون ايرباق اللهم اني مكيفين وثلاجه وشنطه وراء واسبير علاق وبدون فتحه ولا تخشيب

يقول راعي المعرض وهذا الكلام من سنه عند معرض بالشفاء يقول مسيوم 158 الف والحد 165 الف والموتر ماشي 120 الف كيلو طبعا البدي مدري لاني ماشيكت عليه

ولكن هل يعقل موتر عام 2012 وموديله 2006 وماشي 120 الف كيلو وبدون مواصفات تذكر وبهالقيمه مع العلم ان قيمته جديد اصفار كان 118 الف

وكما قالو الشباب من امن العقوبه اساء الادب للعلم السيارات اللي طايرين فيها بالسعوديه مثل الهدد والشاص والهايلكس والكامري في دول ثانيه سعرها عادي جدا

لا احد يقولي انت نيساني متعصب صحيح انا نيساني ولكن الان موتري هدد

[ناصر]

اتفق مع الاعضاء اللي يقولو ثقافة
من يصنعون السيارات لموديل احدث هم على قناعه تامه انه تطوير للأفضل
هم نفسهم اللي صنعو الموديلات القديمه وعارفينها
فلا يضحك علينا شخص يسب موديل جديد ويقول القديم افضل
ويرفع السعر


عندنا واحد يمدح في الهايلكس القديمه مثل 1984 و 1985م
ههههههههههههه
يقول مافيه مثلها صناعه ولا تتكرر
قلت من اي ناحية
حاولت اقنعه قلت الجديدة سريعه جدا مكيفها افضل قويه اسرع في الانطلاق
خفيفه تحملها مثل ما اتبي تقول طلقه رصاصه

القديمه تحطها على الثالث بتنفجر من صوتها ع 60
تردها رابع مات العزم خاصتا في الطلوع

كما ذكرت هي ثقافه ثقافه

[شنطة عده]

الشريطيه عليهم اسلوب ابن كلب في الشراء
يسوم سيارتك بسعر يقل عن سعرها العادل بــــــ30 الف
ياليته يقرب سعر البيع لو بنقص عشره
لازم يخليك تعاف السياره لين توسوس وتقول اسعار السيارات طايحه وانا مدري :D
مشكلة المعارض ان اغلبية المشترين شريطية واغلب السيارات الي في الساحه
تبعهم مطلعينها من المعروض ومزاحمين الساحه بها


يعني الي يبي يبيع يخلي صدره كبر الدهناء ... ويعطي الشريطيه على جوهم
واذا سيارتك تدري انها تجيب 90 الف اول شريطي يمرك قل مسيومه بــ 85 الف
علشان تختصر مشوار الشريطية في السوم
ادري انه ما يجوز ولكن انت في ملعب خصمك وبين جمهوره :D يجب استخدام اساليب مضاده لتفوز في هذه المعركه المصيريه :p

[راعي الرود]

فعلاً السوق يتحكم فيه عصابات و شبيحه

و قروب القديم احسن هذا يبي لهم تثقيف شوي المشكله لو تسأله ليش القديم احسن يعطيك جواب تافه !

و النيسان عموماً ترا اسعاره تنزل في المعارض لكن هو اللي يمسك سعره بعد التويوتا ولا السيارات الثانيه الله وكيلك شف عندك السوبارو من اصبر و اجود السيارات لكن ربعك ماحد يلتفت لها و لو تقول له ليش قعد يعذرب فيها و كأن الياباني اللي صانعها مغفل و هو الفاهم

و الهايلكس مع احترامي الشديد اللي يشتريه بالمبالغ الطائله هذي اعتبره ملعوب عليه لو تدور الجوده عندك الديماكس عندك النافارا لا تقول لي مافيها جوده

لازم يتحول السوق عندنا من الحاله العشوائيه هذي إلى شركات او وكالات تشتري السيارات المستعمله و لازم المرور يكون له دور في المعارض و وزارة التجارة

[سقم المعادي 1]

مافيه شي جديد هذا المعارض


الله يرحم الحال

صدقت و الحال في المعارض ماتسر نهائياً ادعي ربي بس متى القى الموتر اللي يناسبني و اخارج عمري منها



بعض الاحيان الوكيل يكرهك في السياره وتضطر للتخلص منها بأي سعر

هذي انا معك فيها لأني بايع الشروكي اللي كان معي و خسران فيه مبلغ كبير اول زبون صامل عطاني سومه بعته


السبب الاول /
و كما تفضلت اخي العزيز المافيا اللي تدير المعارض و تمشيها حسب مصالحهم وعلى حساب غيرهم
ل
السبب الثاني /
الجهل .. و ثقافة عبداللطيف جميل اللي منتشرة بين الناس ( على اساس سياراتهم شيكات مو سيارات ) و الناس طايرين فيها لأن بقية السيارات قطع غياراها غالية و غير متوفرة و أبو جميل قطع الغيار عنده ببلاش مثلا.

أعطيك مثال / جيب اودي كيو سفن ( Q7 ) كاش وكالة أصفار تقريبا 240000 ريال الماني يا عمي الماني..
فخامه و قوة و مواصفات خيال ما شاء الله تبارك الله و الشعب يروح يشتري نفس القيمة جيب vxr عبارة عن شوي تنك
و مجموعة من الكلبسات البلاستيكيه مصنوعه في استراليا او مصبوبة في جدة و مشاكل ما لها حل من صيانة و غش و اخر مشكلة مثبت السرعة .. حسبنا الله و نعم الوكيل

السبب الثالث /
من امن العقاب أساء الادب


تحياتي

كفيت و وفيت في كلامك و اضفت اللي في بالي بصيغه جميله و رائعه تشكر عليها



السلام عليكم
مشاركة بسيطه وخفيفه
جيب اودي كيو سفن ( Q7 ) سنتين ولاحد مناظره
يصلح لشارع التحلية :D
جيب vxr بر :f:l سفر كشخه شعيب نفود لك والزمن
هذا شيخ الجيوب ولابه شك :good2: هو الثريا ;)

ياخوي ماذبحنا الا الترفيع بالموتر و كأنه مصنوع من ذهب ترا الفكسار يتعطل زيه زي اي موتر شف المنتدى اكثر من موضوع يتشكون من الدبل و التعليق بدينمو الدبل

اذا فيه سياره افضل سعر من الفكسار و تأدي نفس الغرض اكيد باخذها ولا احط ربع مليون في لاندكروزر و عندك الباترول افخم منه وارخص و انشط منه


واقف على هايلكس غماره 2005 ماشي 300 الف وكسور و واصل سومه 49 و عيا يعلمني عن البدي يقول مايخلا من الرش على الفحص .. قلت يمكن هذا الهايلكس حاله شاذه و قفت على واحد ثاني 2002 غماره و العالم متجمعه حوله و واصل السوم 51 و يقول مانيب بعيد حيل ما فاصلت معه ولا سألت قلت الله يرزقك ومشيت .. سعره كان جديد غماره جي ال مكيف 2005 بـ 55 و ارجع اشتريها مستعمله بعد 11 سنه باكثر من قيمتها جديده و هي اساساً قمه الفخامه فيها المكيف ؟

.........................هنا اسميها ثقافة شعب


المعارض كلها بحاجة لرقابه وتنظيم وتطوير الغش فيها مستفحل من قديم

صدقت صار الوضع اشبه بغسيل الاموال


لا تستغرب من المستعمل لأنه يتبع للجديد
أكثر 10 سيارات مبيعا في الخليج
هايلوكس
كورولا
لاند كروزر
برادو
كامري
اكسنت
النترا
شاص
يارس
فورتشنر

مدري كيف تبي الباجيرو والألتيما تكون أكثر من اللاند والكامري ؟


ياعزيزي لا تتكلم عن الخليج قل في السعوديه ولا الخليج معارضهم افضل مننا و ناس افهم من الجهل اللي صاير عندنا

و مهمها كان الموتر انتشاره اكثر مايجيني واحد بالمعارض ماله رغبه بالموتر و عارف سعره الحقيقي و يبخس في حقه عشان انه ماهوب منتشر .. عرفت نقطه الخلاف وين ؟

ان المواتر اللي بالسوق تمشي على مزاج ناس معينه و هذا لا في صالحي ولا في صالحك في صالح المافيا


هذه يسمونها قناعة لكن من كلامك إنك تايوتي وين كنق التعديل عنك (:
ما لقيت ددسن 2005 ياباني اغلى من 2012 (:
ولكي لا تتعب رجليك في المعرض ترى الجديد ارخص من المستعمل

انا ماهو من اللي يتعصب لشركه معينه تفكيري اكبر من ذا الامور الشركه ماراح تعطيني ريال وش استفيد من تعصبي لها ؟

حتى سالفه الددسن ياباني مستعمل يصير اغلى من الددسن الجديد اللي مدري وين مصنوع

ما اشوف اي فرق بالموضوع نفس الشركه و نفس القطع اللهم انها بدال ماتصنع في اليابان راحت تصنع في دوله ثانيه

كأنك رايح تسوي كبسه في فرنسا هل يحق لأحد ان يقول ان الكبسه اكله فرنسيه لانها مطبوخه في فرنسا :D

[الصخرة]

أولا: يرجع غلاء السيارة وارتفاع سعرها للعرض والطلب.....

بغض النظر عن الشريطية :
اعرض VXR في ساحة المعارض أو في مواقع البيع والشراء وشف عدد المساومين للسيارة.
اعرض Q7 كذلك في ساحة المعارض أو في مواقع البيع والشراء وشف عدد المساومين لها.

كلها سيارة SUV أو متعددة الاغراض....... أو جيب...... لكن من يدوم معك ويتحمل وقليل في اعطاله رخص قطع غياره أو توفرها وسهولة صيانته.....


يا أخوان السبب لرخص بعض السيارات الأخرى غير التايوتا سببها الوكيل نفسه....

وكيل نيسان الحمراني للأسف كره الناس في النيسان وسبب عزوفا الناس عنها ...... لا يوفر قطع الغيار.
وكيل مستوبيشي نفس الشيء لا يوفر قطع الغيار وغالية قطعه ...

وكيل تايوتا عبداللطيف جميل يوفر لك قطع الغيار وله فروع متعددة في كل مدينة تقريبا
مثله مثل الجميح وكيل جي أم سي له فروع ويوفر بعض قطع الغيار ....


الخلاصة :
عزوف الناس عن بعض الماركات يرجع للوكيل نفسه قبل كل شيء وتوفيره لقطع الغيار وخدمة مابعد البيع؟

[سقم المعادي 1]

الناس تفهم وجربت وعرفت
ثقافة الشعب ماجت من فراغ والسوق هو مقياس آراء الناس وأغلب الناس مع العملي والمناسب لها
الزين غالي وسعره فيه فعلا

جربنا وشرينا امريكي والماني ورجعنا على التويوتا

والسوق مفتوح يله ورونا روحوا اشتروا باجيرو واودي كيوسفن ما احد ماسككم وكل واحد ينام على الجنب اللي يريحة

طيب انا بترك كلامك كله و باخذ كلن ينام على الجنب اللي يريحه .. لو كان كذا الوضع و كلن بينام على الجنب اللي يريحه ماحد بياخذ تويوتا .. 98% من اللي بياخذ تويوتا عشانها شيك عند البيع وهل هذا يعني انه "نام على الجنب اللي يريحه" .. الا ماخذها مجبور عليها و ما مشى سوقها الا العصابات

و السيارات العمليه كثيره ياعزيزي ماهي محصوره على شركه معينه

اسواق عالميه افخم و ارقى من سوقك هنا تمشي فيها سيارات لو تجيبها هنا ماجابت قيمه بساتمها في المعارض و تضطر تبيع وش تسوي دام السوق يبي كذا .. لازم بالعربي نمشي مع السوق و يصير الواحد إمعه يشوف وش الناس تبي ويشتريه :) ؟


الناس ماترغب الا هالسيارات هذي
يعني عندنا العائله ماتستعمل الا الجمس او اللندكروزر واحياناً باترول
والشباب مثله وكامري وهلي وجيوب التايوتا و بعض النيسان
السوق هو على حسب الطلب الاكثر يرغب هالانواع ويشوف ان بعض الموديلات تسوى اكثر من الجديد مثل الهايلكس 2005 وتحت مع ان ما اشوف فيه فرق واجد عن الجديد ولو كان افضل ببعض الامور فالاستعمال الي اكثر من 10 سنوات يكفي انه يقلل الجوده
عشان كذا الي يفكر بالبيع لا يشتري الا الشي المرغوب

صح لسانك و كفيت و وفيت


هذا طال عمرك قمة الإستغلال وغياب الوازع الديني وضياع الأمانه عند البعض .

طبعا إلي يجي يبغى يبيع سيارته .. أكيد محتاج للمال والشريطية عارفين الشي هذا عشان كذا يبخسون السلعة ويعيبونها .. وبعد اسبوع تجي تلقى سيارتك أغلى سيارة في المعرض ؟!

لكن حسبنا الله ونعم الوكيل على الناس إلي يغشون في بيعهم

صدقت هذي مشكله ذاتيه في الشخص نفسه يمحي الامانه ويحلف اغلظ ايمان بالكذب و انه مافيه شيء الموتر و من هالكلام عشان يكسب فيها الف الفين ريال



اذا حلف الشريطي فلا تشتري منه شي هذي وجهت نظر


لا حلف ولا غيره الا لاتشتري منه نهائياً

[سقم المعادي 1]

أخوي من واقع تجربة لي في المعارض فعلا كلامك فيه كثير من الصحة هو في سيارات الناس اذا حبت تصعدها فوق واذا حبت تنزلها للقاع مايقدر أحد يمسكها عن هذا الشئ ومن ضمن الامثلة عندك اليوكن والتاهو موديلات 2004 - 2006 أسعارها الى الآن غالية ومبالغ فيها صحيح هالسيارات قويه وفي ناس كثير تفضلها على الموديلات الحديثة لكن ماتصل الى أنه سعر النظيف منها في ال 60 ألف ريال مهما كان المستعمل يضل مستعمل بغض النظر عن الموديل وفي السوق في شئ اسمه ماشي يعني السيارة أكيد أنها ماشية بغض النظر عن الممشى أنا اقصد هذا النوع من السيارات وقيس هذا الكلام كذلك على الكوامري من موديلات 2000 -2002 الى الآن ناس تبيعها في الثلاثين ألف ريال وين جالسين حنا مهما كانت قويه وعمليه اسمها مستعمله ولازم راح تحتاج الى تركيب قطعة او عملية صيانه أو أقل شئ تحتاج الى تركيب كفرات عكس السيارة الجديدة يبي لك وقت ومسافة محددة من قبل الوكالة علشان عملية الفحص والصيانه الدورية

بالنسبة الى بعض أنواع السيارات ونزول أسعارها مثل ماذكرت الألتيما صحيح هو بشكل عام النيسان في سوق المعارض أسعاره منخفضه ورغبته عند الناس قليلة ومتفاوته والسبب معروف هو كثرة الشكاوي من الوكيل مع أنه السيارات من وكالة نيسان جدا طيبه بس المشكلة هي الوكيل

كلامي عن النيسان كان مجرد مثال ولا نيسان يازينها و تمسك سعرها عند الشركات الاخرى و المشكله انها شركات عريقه مثل الميتسوبيشي و الايسوزو و الهيونداي و الكيا ... إلخ

وصحيح الناس إلى الآن تشتري كوامري 2002 باسعار خياليه مع ان وقتها كانت رخيصه مقارنه بالوقت الحالي , و كأن السياره لها عشر سنوات تمشي على حرير , شوارعنا لحالها تكفي انها تفكك الموتر و تهرقله



كلامك صح بكل شي وانا اعرف شخص اشترى هايلكس غماره بودي وكاله ب موديل 2004 بقيمه 65000 ريال

ووقتها عام 2004 كان جديد وكاله ب 48000 اصفار ،، ووقفت على جيب هدد 2006 دركسون مثلث بدون ايرباق اللهم اني مكيفين وثلاجه وشنطه وراء واسبير علاق وبدون فتحه ولا تخشيب

يقول راعي المعرض وهذا الكلام من سنه عند معرض بالشفاء يقول مسيوم 158 الف والحد 165 الف والموتر ماشي 120 الف كيلو طبعا البدي مدري لاني ماشيكت عليه

ولكن هل يعقل موتر عام 2012 وموديله 2006 وماشي 120 الف كيلو وبدون مواصفات تذكر وبهالقيمه مع العلم ان قيمته جديد اصفار كان 118 الف

وكما قالو الشباب من امن العقوبه اساء الادب للعلم السيارات اللي طايرين فيها بالسعوديه مثل الهدد والشاص والهايلكس والكامري في دول ثانيه سعرها عادي جدا

لا احد يقولي انت نيساني متعصب صحيح انا نيساني ولكن الان موتري هدد



والله ياكنق التعديل المشكله في الثقافه عندنا جداً معدومه نفس سالفه مكينه سينجر قاعده تصير مع السيارات لكن التكتيك يختلف و العقل المدبر لهذا زعماء المافيا الشريطيه

و يدخل فيها الناس السذج اللي يشتري موتر مستعمل سنين عجاف بقيمه اكثر من قيمته وهو جديد

لو الناس تصرف النظر عن كل شيء يتعالى سعره بدون مبرر ماكان فيه احد يتجرأ يلعب على المواطنين لكن دام الكل جاهز للدفع على اي حال فـ اتوقع الحال في طريقه للاسوأ


اتفق مع الاعضاء اللي يقولو ثقافة
من يصنعون السيارات لموديل احدث هم على قناعه تامه انه تطوير للأفضل
هم نفسهم اللي صنعو الموديلات القديمه وعارفينها
فلا يضحك علينا شخص يسب موديل جديد ويقول القديم افضل
ويرفع السعر


عندنا واحد يمدح في الهايلكس القديمه مثل 1984 و 1985م
ههههههههههههه
يقول مافيه مثلها صناعه ولا تتكرر
قلت من اي ناحية
حاولت اقنعه قلت الجديدة سريعه جدا مكيفها افضل قويه اسرع في الانطلاق
خفيفه تحملها مثل ما اتبي تقول طلقه رصاصه

القديمه تحطها على الثالث بتنفجر من صوتها ع 60
تردها رابع مات العزم خاصتا في الطلوع

كما ذكرت هي ثقافه ثقافه

ماتسمى ثقافه قل جهل



الشريطيه عليهم اسلوب ابن كلب في الشراء
يسوم سيارتك بسعر يقل عن سعرها العادل بــــــ30 الف
ياليته يقرب سعر البيع لو بنقص عشره
لازم يخليك تعاف السياره لين توسوس وتقول اسعار السيارات طايحه وانا مدري :D
مشكلة المعارض ان اغلبية المشترين شريطية واغلب السيارات الي في الساحه
تبعهم مطلعينها من المعروض ومزاحمين الساحه بها

اهون علي احرق موتري ولا ابيعه على شريطي يتكسب من وراي

خل رزقه على الدلوخ و فخار يكسر بعضه انا بدور لي الموتر اللي ابيه بعد كذا بلتفت للقبله و ادعي رب العالمين يفكني من المعارض ولا يحوجني لها في يوم من الايام


يعني الي يبي يبيع يخلي صدره كبر الدهناء ... ويعطي الشريطيه على جوهم
واذا سيارتك تدري انها تجيب 90 الف اول شريطي يمرك قل مسيومه بــ 85 الف
علشان تختصر مشوار الشريطية في السوم
ادري انه ما يجوز ولكن انت في ملعب خصمك وبين جمهوره :D يجب استخدام اساليب مضاده لتفوز في هذه المعركه المصيريه :p

ياخوك ماودك مالك يدخل فيه شك و الشيء ذا مايجوز ولا يرضي رب العالمين ولو نعالج السيئه بالسيئه بيصير الوضع جداً مزري


فعلاً السوق يتحكم فيه عصابات و شبيحه

و قروب القديم احسن هذا يبي لهم تثقيف شوي المشكله لو تسأله ليش القديم احسن يعطيك جواب تافه !

و النيسان عموماً ترا اسعاره تنزل في المعارض لكن هو اللي يمسك سعره بعد التويوتا ولا السيارات الثانيه الله وكيلك شف عندك السوبارو من اصبر و اجود السيارات لكن ربعك ماحد يلتفت لها و لو تقول له ليش قعد يعذرب فيها و كأن الياباني اللي صانعها مغفل و هو الفاهم

و الهايلكس مع احترامي الشديد اللي يشتريه بالمبالغ الطائله هذي اعتبره ملعوب عليه لو تدور الجوده عندك الديماكس عندك النافارا لا تقول لي مافيها جوده

لازم يتحول السوق عندنا من الحاله العشوائيه هذي إلى شركات او وكالات تشتري السيارات المستعمله و لازم المرور يكون له دور في المعارض و وزارة التجارة

حتى لو مسكت المعارض شركات و وكالات نفس اللي يصير بيصير لأن اللي ماسك المعارض تجار كبار و اذانبهم الشريطيه هم السلق اللي يتصيدون

الحل الوحيد الرقابه الذاتيه لو كل شخص عنده ضمير ماشفنا هذا كله

[سقم المعادي 1]

أولا: يرجع غلاء السيارة وارتفاع سعرها للعرض والطلب.....

بغض النظر عن الشريطية :
اعرض VXR في ساحة المعارض أو في مواقع البيع والشراء وشف عدد المساومين للسيارة.
اعرض Q7 كذلك في ساحة المعارض أو في مواقع البيع والشراء وشف عدد المساومين لها.

كلها سيارة SUV أو متعددة الاغراض....... أو جيب...... لكن من يدوم معك ويتحمل وقليل في اعطاله رخص قطع غياره أو توفرها وسهولة صيانته.....


يا أخوان السبب لرخص بعض السيارات الأخرى غير التايوتا سببها الوكيل نفسه....

وكيل نيسان الحمراني للأسف كره الناس في النيسان وسبب عزوفا الناس عنها ...... لا يوفر قطع الغيار.
وكيل مستوبيشي نفس الشيء لا يوفر قطع الغيار وغالية قطعه ...

وكيل تايوتا عبداللطيف جميل يوفر لك قطع الغيار وله فروع متعددة في كل مدينة تقريبا
مثله مثل الجميح وكيل جي أم سي له فروع ويوفر بعض قطع الغيار ....


الخلاصة :
عزوف الناس عن بعض الماركات يرجع للوكيل نفسه قبل كل شيء وتوفيره لقطع الغيار وخدمة مابعد البيع؟


طيب حنا ندور في حلقه واحده و المشكله من الوكيل إذاً بتلاحظ ان السذج اللي يزاودون على سيارات متهالكه بحجه "قديمك نديمك" هم بنفس سذاجه من يشتري سياره من وكيل متخبط لو الكل يترك هالوكيل بيضطر انه يتنازل عن الوكاله او يصحح اوضاعه

المواطن بيده كل شيء لكن مافيه فعل مجرد كلام

كثير من الامور تحتاج وقفه و ضرب بيد من حديد

[ياربي عفوك]

مهو بس الاسعار عندك المناظر الي اقل ماتقال عنها "همجيه"

قبل المعارض بمئات الامتار ... يوقفونك لمجرد انكم ماشي بالشارع وهو بعيد عن المعارض وبعيد عن الحوسه وهاه كم مسيوم!
واغلبهم يبخسون بموترك ومايعطونه حقه يدورون الغشيم الي يغتنون من ورا ظهره وينصبون عليه , يترزقون الله على راسي لكن بطريقه منظمه مهوب بذا الاسلوب والبخس الهائل ويحاول يعذرب بالموتر , المفروض وزارة التجاره والبلديه تقشهم ماتخلي ادمي يوقف برا المعارض , الله يصلح الحال بس

[سقم المعادي 1]

مهو بس الاسعار عندك المناظر الي اقل ماتقال عنها "همجيه"

قبل المعارض بمئات الامتار ... يوقفونك لمجرد انكم ماشي بالشارع وهو بعيد عن المعارض وبعيد عن الحوسه وهاه كم مسيوم!
واغلبهم يبخسون بموترك ومايعطونه حقه يدورون الغشيم الي يغتنون من ورا ظهره وينصبون عليه , يترزقون الله على راسي لكن بطريقه منظمه مهوب بذا الاسلوب والبخس الهائل ويحاول يعذرب بالموتر , المفروض وزارة التجاره والبلديه تقشهم ماتخلي ادمي يوقف برا المعارض , الله يصلح الحال بس


عز الله انك صدقت المشكله البيع هذا منهي عنه و يدخل في باب تلقي الركبان

لكن انعدام الذمه و الضمير و الدين والاخلاق كلها بسبب انه يحاول يترزق و ياخذ كم قرش

قاتل الله الجشع و الطمع و البحث وراء القرش على حساب المسلمين و على حساب الدين

لا بارك الله في رزقهم

[أطلال نجد]

صدقت في كل كلمة ذكرتها و أنا أخوك لا تستغرب مع انتشار الجهل و ضياع الأمانة و قل الخوف من الله عز وجل توقع كل شيء

سوق السيارات المستعملة عندنا وضعه مزري جداً و بحاجة لرقابة و تنظيم

أنت رأيت هايلكس 2005 ماشي 300 ألف ب49

أنا رأيت هايلكس 88 غمارة بدون مكيف مبيوع ب 20 ماشي فوق 300 ألف على و قته جديد قبل 25 سنة ب 24

و المضحك المبكي أن الديماكس مثلا 2007 غمارة مكيف نظيف ما يجيب حتى 20

و قس على ذلك بقية السيارات الأخرى

و قبل شهرين تقريباً في أحد مواقع بيع السيارات وجدت هايلكس ٢٠٠٤ غمارتين مخزن ب ١٢٠ ألف قيمته سنة ٢٠٠٤ ب ٦٠ ألف

[سفآري ربع]

السلآم عليكم جميعآ

اسآل الله ان يكون بعونك

ياخوك عندنا المعارض ماتنقرب الله المستعان

ودخولك في بحر الشريطيه وودك بالنظيف والسعر المعقول انساه

وانا اخوك هي توفيق من رب العالمين بس اذا بإمكانك ان تروح الخليج اشوف انه هذا الصح

والقراضات اللي عندنا بمعارض الشريطيه اللي لو الود ودهم نزلو (الثريا) وحطوها بمكانها

لاكن وانا اخوك من رايي اقول خلها تصدي عندهم .

وحط في بالك وانا اخوك لو وقفت على موتر من مواتر الحكومه

ان كل من جاء وطا في كبده هذي خلها في بالك لاورا ذا كله مرشوش كامل

ويقولك على نظاافه وب40 ولا حولها ههههه والله المستعان

هم يدورن واحد منزقم يعني (طااير بالعجه)

انتبه لاتكون منهم ههههههه الركااده زينه

2سنتين ونص وقروشي جااهزه ربطه وحده تعبنا الله وكليك وشفنا العجب

واتمنى لك التوفيق وانا اخوك

[.. PATROL ..]

والله المعارض فيه لعب كبييييييييييييييييييير


عن نفسي ما اشتري الا من ثلاث أماكن

يا جديد وكالة
يا من الصالات ( السيارات الامريكية )
أو اشتري مستعملة من شخص اعرفة شخصياً واعرف السيارة معه

[- ابومبارك -]

السلام عليكم ورحمة الله وبركاته. جاني قبل فتره واحد من الشباب وبعد القهوه يبي يمشي واستأذن قلت له نزلني في الصناعيه بأخذ السياره قال والله يانت قديم قلت ليه قال اللهم لك الحمد من خمس طعش سنه وانا روحاتي لصناعيه قليله مره قلت فدنا وليش قال من اشتري الموتر وكاله كرت وأكده ولاخلي ديره إلا اجيها وبعد سنتين ثلاث يجيني زبون عند الباب ويشتري وازود قيمته واطق جديد وشاري راحتي من الورش الي تصلح الموتر بقيمته.

[العابر2222]

بالنسبة لكثرة سيارات تايوتا .. الأجار المنتهي بالتملك من عبداللطيف جميل ... ولا يشيكون على سمه

95% من سيارات تايوتا الجديده تأجير

حتى الجيب الكزس يعطونك باالتاجير

[كومبو]

ياعزيزي لا تتكلم عن الخليج قل في السعوديه ولا الخليج معارضهم افضل مننا و ناس افهم من الجهل اللي صاير عندنا

كيف جهل يابوي نصف مشترين السيارات في لخليج تقريبًا يشترون تويوتا ولكزس 650 ألف سيارة والنصف الآخر بشترون باقي الماركات الثانية 750 ألف سيارة ,, الإحصائية لعام 2012

أكثر 10 سيارات مبيعا في السعودية :
هايلوكس
كورولا
كامري
اكسنت
النترا
لاند كروزر
يارس
فورتشنر
سوناتا

و مهمها كان الموتر انتشاره اكثر مايجيني واحد بالمعارض ماله رغبه بالموتر و عارف سعره الحقيقي و يبخس في حقه عشان انه ماهوب منتشر .. عرفت نقطه الخلاف وين ؟
أنا لا أبرر البخس لكن مقارنتك غير عادلة بالكامري والألتيما والباجيرو مع اللاند
ان المواتر اللي بالسوق تمشي على مزاج ناس معينه و هذا لا في صالحي ولا في صالحك في صالح المافيا


لا تبيع لشريطي , ولا تشتري إلا من واحد معه السيارة من الوكالة / هذا أسلم حل وهذا اللي أللي أسويه

[حاميش]

المعارض عندنا ما أشبها إلا بأم رقيبه
تحس الوضع غسيل أموال عيني عينك
معقوله شاص 2006 يوصل 110 !!!
وهو وكاله أصفار وقته كان بكم ؟

[بيك اب 4X4]

أولا: يرجع غلاء السيارة وارتفاع سعرها للعرض والطلب.....

بغض النظر عن الشريطية :
اعرض VXR في ساحة المعارض أو في مواقع البيع والشراء وشف عدد المساومين للسيارة.
اعرض Q7 كذلك في ساحة المعارض أو في مواقع البيع والشراء وشف عدد المساومين لها.

كلها سيارة SUV أو متعددة الاغراض....... أو جيب...... لكن من يدوم معك ويتحمل وقليل في اعطاله رخص قطع غياره أو توفرها وسهولة صيانته.....


يا أخوان السبب لرخص بعض السيارات الأخرى غير التايوتا سببها الوكيل نفسه....

وكيل نيسان الحمراني للأسف كره الناس في النيسان وسبب عزوفا الناس عنها ...... لا يوفر قطع الغيار.
وكيل مستوبيشي نفس الشيء لا يوفر قطع الغيار وغالية قطعه ...

وكيل تايوتا عبداللطيف جميل يوفر لك قطع الغيار وله فروع متعددة في كل مدينة تقريبا
مثله مثل الجميح وكيل جي أم سي له فروع ويوفر بعض قطع الغيار ....


الخلاصة :
عزوف الناس عن بعض الماركات يرجع للوكيل نفسه قبل كل شيء وتوفيره لقطع الغيار وخدمة مابعد البيع؟

هذا الكلام
اللي يشتري موتر يحط في باله الوكيل و خدماته
في مواتر كثير افضل من التويوتا بس وكيلها جايب فيها العيد
لا قطع متوفرة و لا فروع للصيانه كافية و لو تجيه تبي تصلح شي تحصله ناااااار
و لو تروح تسوي صيانة في الدول المجاورة لنفس الموتر تحصل فرق في السعر
مثل عندنا في الدمام تحصل اصحاب المرسدس يسوون صيانه في البحرين عند الوكيل
يقولون فرق نص السعر في القطع و شغل اليد عن الجفالي و قس على ذلك


طيب حنا ندور في حلقه واحده و المشكله من الوكيل إذاً بتلاحظ ان السذج اللي يزاودون على سيارات متهالكه بحجه "قديمك نديمك" هم بنفس سذاجه من يشتري سياره من وكيل متخبط لو الكل يترك هالوكيل بيضطر انه يتنازل عن الوكاله او يصحح اوضاعه

المواطن بيده كل شيء لكن مافيه فعل مجرد كلام

كثير من الامور تحتاج وقفه و ضرب بيد من حديد

هذا لو اتفق الكل على مقاطعة الوكلاء السيئين
بس الوكلاء يعرفون كيف يجذبون الزبائن بالعروض و عندهم زبائن كبار مثل الشركات
اللي تشتري بالجملة

بعدين عزوف الناس على وكيل واحد يخلي الوكيل يستغل الوضع و يضرب
بالاسعار على كيفه مثل ماهو حاصل مع تويوتا
بالله جيب شاص مافي إلا مكينه و كرسي و دركسون و سعره فوق 100 الف

[GMC79]

طيب انا بترك كلامك كله و باخذ كلن ينام على الجنب اللي يريحه .. لو كان كذا الوضع و كلن بينام على الجنب اللي يريحه ماحد بياخذ تويوتا .. 98% من اللي بياخذ تويوتا عشانها شيك عند البيع وهل هذا يعني انه "نام على الجنب اللي يريحه" .. الا ماخذها مجبور عليها و ما مشى سوقها الا العصابات

و السيارات العمليه كثيره ياعزيزي ماهي محصوره على شركه معينه

اسواق عالميه افخم و ارقى من سوقك هنا تمشي فيها سيارات لو تجيبها هنا ماجابت قيمه بساتمها في المعارض و تضطر تبيع وش تسوي دام السوق يبي كذا .. لازم بالعربي نمشي مع السوق و يصير الواحد إمعه يشوف وش الناس تبي ويشتريه :) ؟




العصابات - على قولتك- هذي لو ماهي ضامنه إن الناس تشتري كان ما حطوا حيلهم فيها يعني الموضوع في النهاية يرجع للناس

المعروض من سيارات التايوتا كمثال يعرضونه ناس عاديين اكثر بكثير من الشريطيه والعصابات

بالنسبة للأسواق العالمية التي تتكلم عنها ذولا ناس غير وأجواء غير ومستوى معيشي غير من السطحية جدا أنك تقارن بيننا وبينهم من معيار واحد بلد غني مثل فرنسا تكاسيهم مرسيدس تقارنهم بنا ؟؟

السيارات جميعا تورد لنا لماذا رغب الناس التويوتا هل بينهم وبينها نسب ؟؟؟ ارحم عقلي
لماذا تصر على تجهيل عموم الناس وتستكبر على افهامهم وادراكهم ؟؟

الهونداي حتى قبل 10 سنوات كانت مسخرة الناس ومضحكتهم والان السوناتا والانترا تحسنت كثيرا واصبحت مرغوبات في السوق أكثر من النيسان الألتيما والتيدا وبل حتى من الصني وهذا يدل أن الشعب يفهم ويوازن ويدرك ويتغير وليس مجرد اناس حمقى يشترون التيوتا على عماها كما تصور لنا

أحد الزملاء معه
مرسيدس بنز جيب فئة ام موديل 2005اعتمادي وبطل وكل شيء لكن صيانته مجرمه المساعد الواحد سعرة 7500 ريال ؟؟؟:eek:

باعه بتراب الفلوس واشترى جيب لكزس 2011 غير المساعدات الواحد 2200 ريال ووالله انه يلعن ايام المرسدس

وعلى طاري الالتيما أعرف واحد احتاج ترس في القير مالقها لاعند الوكيل ولا عند الموزعين وفي الاخير طلبه على حسابه الخاص من اليابان عبر الانترنت وبسعر خيالي حوالي 4000 ريال مع الشحن والعمولات والضرائب وماجاه الا بعد اربع شهور وصلحها وباعها وشرا كامري ووالله ما ينلام

الاعتمادية وحدها لاتكفي

[ذيب زلفاوي]

ياخوان ترا كل دول العالم فيها سيارت تمسك سعرها وسيارات لا

انا شريت سياره من استراليا وفريت معارضهم والله انهم يقدرون القديم اكثر من الجديد وخاصة التايوتا وبعده النيسان
الجي اكس 97 وتحت في استراليا ماتشده تحت 100 الف ريال.. والباجيرو والسيارات الامريكية بعد السنه الخامسة تصير ماتسوى شي

والفكسار الجديد هناك باكثر من 110 الاف دولار استرالي والدولار الاسترالي يعادل 4 ريال تقريبا.. واللكزز 130 الف.. والشاص 75 الف تقريبا.. والهايلوكس الغمارتين دبل 6 سلندر 55 الف دولار

بالعربي الغلا هذا غلا عالمي مهوب من لوكلاء ولا من الشريطية

هذا رابط موقع لبيع السيارات وتقدرون تتاكدون من كلامي
http://www.carsales.com.au/bncis/details/Toyota-Hilux-2013/AGC-AD-13742563/?Cr=18&sdmvc=1