المساعد الشخصي الرقمي

مشاهدة النسخة كاملة : من الافضل نيسان بترول سفاري ام لاندكروزر Gx2 صالون


القاضي فاضي
10/10/2006, 03:09 AM
ارجو الافاده من الافضل
ندمان
10/10/2006, 03:16 AM
أنا عندي الباترول الفتك 4800vtc المهبول
خيال نجد
10/10/2006, 03:26 AM
وبالنسبه لي أنا ....

أنا طلعت من الحمراني اللي بشارع الأحساء

باترول سفاري 2 لؤلؤي داخل بيج ... 2007

بــ 134000 ريال

الله يطرح به البركه
ندمان
10/10/2006, 03:39 AM
الله يطعمك من خيره ويكفيك شره -نعم الأختيار-
راعي الهـــدد
10/10/2006, 03:55 AM
نصيحه لوجه الله


انحش عن النيسان


اول شي يطيح سعره مره بالسوق لو تبي تبيعه


ثانيا التويوتا ارغب واجود وامتن واقوى

اسأل مجرب


واذا صرت بتاصل المواصيل هاذي

توجه لمعرض اليحي او البازعي وطلع جي اكس هدد 2006 بـ 132500

ابرك لك

هذا رايي وبكيفك ونخوك

الله يدلك
ندمان
10/10/2006, 04:05 AM
الله يخليلنا الفتك الهدد بطه ما يصلح طال عمرك بعدين مهوب دفرنس قدام
راعي الهـــدد
10/10/2006, 04:50 AM
الله يخليلنا الفتك الهدد بطه ما يصلح طال عمرك بعدين مهوب دفرنس قدام


يعني الهدد بطه مايمشي يعني


ودفرنسه ماهو امامي تقصد


ارجو التوضيح اكثر كلامك غير مفهوم


دمت طيب
مع الزعيم
10/10/2006, 10:50 AM
من وجهة نظري السفاري أفضل بمراحل من ناحية الشكل ومن ناحيه القوة السفاري الفتك لا يقارن أبداً إلا بمن هو على مستواه والجي اكس أقل منه قوةً الله يبارك لك ويطعمك من خيره ويكفيك شره وأختيارك موفق
غضنفر
10/10/2006, 10:58 AM
فتك فتك فتك فتك فتك
فتاك
الاند ما فيه عيب الا ضعفه
سيارة ثقيلة و مكينة ضعيفة
اذا تبي العزم والهبال و الخفة عليك بالفتك
ندمان
10/10/2006, 11:42 AM
الهدد ضعيف عزمه (بطه) ومافيه دفرنس قدام فيه فليورات بينما الفتك دفرنس قدام ودفرنس خلفي
فهمت يالطيب؟
راعي الحزم
11/10/2006, 02:11 PM
نيسان روعة بكل صراحة خصوصا الفتك


http://www.matarol.com/cars/2/2nissanpatrol2.jpg

http://www.matarol.com/cars/2/2nissanpatrol.jpg
برق تميم
11/10/2006, 02:36 PM
يا الربع وش سالفة دفرنس قدام الي تجي في الهدد وهل الموتر يفصل الدفرنس بعد ما تتعدى 80
راعي ساموده
11/10/2006, 02:49 PM
السلام عليكم ورحمة الله ..

السفاري لايعلى عليه خصوصا الالفين وخمسه وانت جاي
العملاق النائم
11/10/2006, 03:01 PM
الفتك

والله الموفق
راعي الحزم
12/10/2006, 07:20 PM
ماشاء الله السحابة وصل سداها جبل القدر او عنه شمال ثلاثين كيلو طبقت مكانها على قوقل ايرث

واذا استمرت بنفس قوتها ينتظر منها ان تصل الحليفة ومن ثم الغزالة ومن ثم الروضة الله كريم نقول يارب
aziz99
13/10/2006, 12:02 AM
اخي العزيز/ القاضي

لاتتعدى السوبر سفاري...والا السفاري رقم 2.....

وصدقني لن تندم ابداً.......وش لك بالتبريح اذا غرز....ترى للمعلومية....الباترول ...اذا ثولث بالنفود يطلع نفسة بنفسة...اذا صرت لوحدك...وذلك بسبب التعليق الموجود في الموتر...وخفة السيارة......

تحياتي لك
GMC 87
13/10/2006, 12:33 AM
أقل ياخوي مالك عن Gx بدل أبد وين مارحت ووين ماجيت
عض عليه بيديك ولاتفكه أبد
السبب أن الباترول وجميع النيسان تقريبا يهربد بعد سنة أو أثنين
لاكن الgx معك تطول العمر بإذن الله
محب النياق
13/10/2006, 05:04 PM
باترول افضل من جميع النواحي الاعند الشريطيه
باترول 4×4
13/10/2006, 05:25 PM
الباترول ، ولن تندم إن شاء الله .
للمعلومية : الباترول وبالذات الجديد مايهربد هي بس جلب تغير وخلاص .
خيال نجد
14/10/2006, 07:37 AM
يا.....أخوان

الGX حلوووو .......... والباترول حلوووووو

بس كل واحد فيه مميزاته وفيه عيوبه.......

الباترول عيوبه..****************

خلفيه بيبان ... يدخّل هوى ... مايجي 8سلندر ...

مايمسك سعره نسبياً ... أكثر صرف بنزين .. مايجي ونش

الGX عيوبه.. *****************

أذا كان توماتيك ماينفع ثقل مرره... قدام فليور ...

شكله من ال98 ماتغير .... بالبر يهااابد يعني ينطنط بالمطبات فووق تحت

المميزات.....

الباترول...**************

أخف بكثير ... أمتع بالقياده ... شكله جديد ورايق ... أوجه .. سعره مناسب جداً ... ويسدك أنه VTC 4800.. وغيره الكثير

الGX ..**********

أمتن بدي ومليان ... يجي شنطه .. يجي أسبيرين ... يجي ونش ... يمسك سعره نسبياً ... وغيره


وبالنسبه لي ياشباب أفصل الباترول..... هذا الباترول القديم والجديد واللي طلعته من الوكاله قبل كم يوووووووووم ............. :D


أذكروا الله............ يا أخوااااااااااااااااااااااااااااان

طبعاً......... هذا القديم ... والصراحه (((كفى و وفى))) .... (((1997)))

http://www.mekshat.com/pix/upload/images21/mk23868_haaa.jpg
http://www.mekshat.com/pix/upload/images21/mk23868_haaa (1).jpg

وهذا الجديد بغباره ... الله يبارك فيه (((2007)))

http://www.mekshat.com/pix/upload/images21/mk23868_haaa (3).jpg
http://www.mekshat.com/pix/upload/images21/mk23868_haaa (5).jpg
http://www.mekshat.com/pix/upload/images21/mk23868_haaa (4).jpg


وأتمنا التوفيق للجميع ...................

وبالأخير...

(((لولا أختلاف الأذواق لبارت السلع))))
محسن اليامي
14/10/2006, 04:57 PM
خل الجي إكس يستريح شوي وإخذ vtc وماراح تندم خاصة الجديد
hsb_128
16/10/2006, 07:12 AM
اخوي النيسان يتفكك بسرعه اما الاندركروز يدوم ويدوم ولا تسمعله صوت بالنسبه للقوه الاند ماهوبشين يعني مايمشي مثلاً وذا مافي دفرنس قدام يعني مايمشي اقول انا من رايي تيوتا الشــــــيـــــــك .
ناصح
16/10/2006, 07:33 AM
موضوع مثل هذا لا ينتهي


ولو راجع أحد منكم أي منتدى وبالذات مكشات لن تجدوا موضوع مقارنة بين عملاقي الصحراء اللاندكروزر والباترول

ووصل الي نتيجة مرضية .

بل يستمر الجدال والنقاش لامد طويل ..!!

الخلاصة يا رجال

لا تتعدا اللاندكروزر والباترول

وخذ اللي يعجبك منهم ..!!
دسم الشوارب
16/10/2006, 08:07 AM
احسنت ياخيال نجد
يوم ذكرت العيوب والمزايا ولا لوها بالعناد ما وصلنا لنتيجه وفعلا لولا اختلاف الاذواق لبارت السلع
واقول ماشاءالله ومبروك عليك البتار والله يطعمك خيره ويكفيك شره
والظاهر (هـ ن د ه . ه) ماعنها :)
حـاتـم
16/10/2006, 08:28 AM
ماشاء الله

ياخيال نجد

والله احسنت الاختيار


والف مبروك

والله يطعمك خيره ويكفيك شره


انا ما أتعداء الباترول وخاصه الفتك

موتر تحطه على يمناك



وشكرا

أخوكم / حاتم
خيال نجد
16/10/2006, 09:02 AM
أخواني الأعزاء...........

أشكركم جميعاً والله يبارك فيكم يالغالين

كما أشكر أخواني....
أخي الغالي///دسم الشوارب ... مشكوووور وعلى ماقلت ((ماعنها))
أخي الغالي///ناصح ... مشكووووور
أخي الغالي///حاتم ... مشكووووور يالغالي وعقبالك


ودمتم سالمين
حـاتـم
16/10/2006, 09:14 AM
اخوي خيال نجد

مشكووووور

لكن

أبشرك اني سبقت

ومعي واحد 2006


وشكرا

أخوك : حاتم
ابو ناصر2020
16/10/2006, 02:49 PM
خيال افا تقول مايجي 8سلندر ........
هو 6 سلندر ويطوف 8 سلندر الأند ...
الباترول وبس انا معي 97 وناوي انشاله جديد.
خيال نجد
17/10/2006, 06:23 AM
أبو ناصر 2020 ...........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جربوع داعس
18/10/2006, 06:08 AM
نصيحه لوجه الله


انحش عن النيسان


اول شي يطيح سعره مره بالسوق لو تبي تبيعه


ثانيا التويوتا ارغب واجود وامتن واقوى

اسأل مجرب


واذا صرت بتاصل المواصيل هاذي

توجه لمعرض اليحي او البازعي وطلع جي اكس هدد 2006 بـ 132500

ابرك لك

هذا رايي وبكيفك ونخوك

الله يدلك



معليش اخوي راعي الهدد انا اخالفك في الراي بان الباترول يطيح سعره بسرعه هذا يمكن ينطبق على الشكل القديم بس من 2005 وطالع مرغوب واذا نزل في السعر فينزل شي بسيط وبجيبلك مقارنه واقعيه بين التايوتا والباترول
انا شريت باترول 2005 الله يطعمنا من خيره ويكفينا شره وواحد من اقاربي شرا بعدي 2006 ب 152 الف ريال طبعا كلهن سوبر سفاري فل والاخر اشترى فكسار 2006 ب 196 الف ريال ذهبنا فيهن الى المعارض نشوف كم يجيبن طبعا عرضناهن قبل شهر وحنا شريناهن قبل سنه الفكسار ماجاب الا 165 الف بالطقاق بعد سومه غشيم وانا اخوك:D والباترول 2006 جاب 130 الف
الخلاصه: احسب الفرق بينهن بسعر الشراء والبيع ناهيك على ان الباترول فل ارخص بواجد من الفكسار الفل اللي فوق 200الف غير ان الفكسار بيبلشك بالاستبنه التحتيه خوينا فك الاستبنه من كثر مايتعلق بالطعوس وركب استبنه كفر سيكل:D:D قصدي كفر سلق وعرف عذرك بتقول يرفع الموتر من ورا ثمن يطلع كنه ددسن:D الباترول مجهز وانا اخوك للبر بس ناقصه شي واحد وينش

ونشوفكم على خير اخواني ونعتذر عن الاطاله بس حبيت اقول وجهه نظري وشاكرين لكم
ابو عبدالاله
18/10/2006, 06:44 AM
لولا إختلاف الأذواق لبارت السلع

في نظري وسمعت وجربت ما يلي:

1-التويوتا عموماً قوي جداً في الطلعات ( الجبال ) وفي البر ممتاز جداً

أما النيسان عموماً فهو ليس بالفاشل في الجبال ولكنه في الرمال هو السيد على جميع السيارات فهو يتمشى وكأنه على ملعب مزروع

2-النيسان يهرقل بسرعه يعني تسمع أصوات البيبان والطبلون والمراتب إذا أخذت مطب

أما التويوتا فهو حمار مكده كما يقال تأخذ مطب أو 100 كلها كعكه وورده وتربطه ولا عاد يتحرك هذا إذا كنت ما ترده عن أي طريق تبغاه ( يعني كارفه صح )


أخيراً السيارة من سواقها فإذا كان الشخص محترف وذو خبرة ما يبلش بإذن الله
أما إن كان إنه يرفع رجله عن الأبنص كلما ضعف عزم الموتر فلو أعطيته دبابه ( رايح تغرز )
ابو غيث
18/10/2006, 09:54 AM
اقول خل عنك كل الكلام الي يقول ان النيسان يهرقل مثل ماقال خوينا فأنا اقول
انه ماعنده سالفه
وانا المجرب
والدي عنده باترول موديله 98
كل اسبوع يقطع به 15 كيلو متر على طريق غير معبد يعني اسوء من المطانيج مافيه
وله على الحاله ذي ثمان سنوات
ولا تسمع به اي هرقله سواء بالمطانيج او غيره
مع العلم اني ماقول ذا الشي علشان مع ابوي نيسان لا

ومع العلم ايضا اني معي هدد 2002
لاكن اقول الكلام الصحيح

وانا باذن الله اني راح اشري الفتك او الهدد الجديد
وانا والله مارى بالنيسان او التايوتا شي وكلهم واحد
لاكن اهم شي راحة البال
ومشكورين ياخوان على طرح مثل هذه المشاركات المفيده
خيال نجد
21/10/2006, 07:59 AM
الموضوووووع شيق جداً

وحبيت ارفعه
ss454
24/10/2006, 03:42 PM
جربت الباترول 2002 تماتيك ( كامل )
جربت الفكس 2004 تماتيك

الباترل طير بر ومحركاته احسن بكثير من الكروزر ومشكلة (((((((((((يتفكك ))))))))) ما لاحظته بالنيسان بس لنه سعرة أرخص من الكروز الناس تجراء علية فالبران بس لو استخدمت الكروز نفس استخدامك للنيسان بتحس انها كلها تتفكك على حسب نوعية استخدامك علما ان الفكس الي كان عندي قد كسرت كرونته الامامية اثر سوء استخدام علما اني افعل بالباترل اشد مما عملته بالفكس ولا عنده مشكلة .

ملاحظات :
لاتاخذ كروز الى ابو جميل لانه نفس الشي وبتحصل خدمة ضمان افضل من الخليجي .
انا معي حاليا باترول ربع واقدم من الي كان معي سابقا ومخليه بس للبران ولمطامر ولا احلى منه واسمه (( الاكحل ))
سلكي نت
24/10/2006, 11:51 PM
ياشباب الرجال اشترى الله يبارك له
(( ســـعود ))
25/10/2006, 01:02 AM
السلام عليكم
على قولتك الرجل اشترى الله يبارك له ويعطيه خيره ويكفيه شره سواء كان اللي شراه تويوتا او نيسان
لكن حبيت ارد يعني من شي استغربه اشوف الناس هنا تقول سفاري وفتك ومادري ايش صراحه مادري بس مستغرب!!!

على العموم ما الومهم لكن الوم اللي جرب التويوتا ثم شرى غيره إلا بعذر مقنع يعني مامعاه قيمته ومصمم يبي جديد مما اضطره لشراء جيب ثاني .. أو أن الجيب الثاني حق شركه او جاه هديه ذيك الساعه ان شفت معه غير التويوتا وهذا عذره عذرته ...

بالنسبه لي لو قيمة التويوتا الجديد معي شريته وان كانت ماهي معي بعد شريته:d بس الموديلات القديمه الله يرزقنا ويرزق الجميع


لايكون ازعلت اهل السفاري
<<< لا ياشيـــــــــــخ ههههههههههههههههه
عادي ياشباب عادي وكلا له قناعته ولولا اختلاف الأذواق لبارت الســــــلع :d
جى اكس
25/10/2006, 03:28 AM
تبون الحق انا واعوذ باللله من كلمه انا جرببت الاثنين

سفاري 2002 ماشاء الله عزمه قوي وشيخ المواتر فى البر لاكن فيه عيب وهو مايكد معك ويتفكك بسرعه

والجى اكس عزمه ماعليه يمشى الحال وكذالك فى البر لاكن فيه ميزه انه مايطيح عزمه وفى بيعته يمسك سعره
الدحبول
25/10/2006, 04:10 AM
وين راح الشيروكي والجراند شيروكي واليوكن 2007
نازل ردميه
25/10/2006, 11:15 AM
كل عام وانتم بخير

نيسان :D تايوتا :mad: نيسان :( تايوتا :D نيسان.. لاند... سفاري :no: في اكس :D فتك ...............

......................ماراح نقضي موضوع مثير للجدل وشيق جدا

لكن !!!!! لو ما انهم اطلق جيبين في الساحه بلا منازع كان ما كثر الجدل ...فهذا دليل واضح على شعبيتهم وكفاءتهم ..

لكن اذا حضر ما يسمى بالرباض او الرمل الناعم جدا الي تغوص فيه الرجل ...وخاصة فى مناطق الربع الخالي وضواحيها حيث يكثر الرباض وتكثر الارانب ....ويكثر المقناص الليلي...وانت قاعد تمشي بشويش ومهدي .....وفجأة !!!!!!!!!!!!

نزل الموتر وحسيت انه رباض اقشر ...هنا يقول النيسان انا لها ..انا لها :mad: :mad: هنا يظهر النيسان على حقيقته هنا المحك ..القير في الثاني وما تسمع الا حنة المكينه والفتك قدها وقدود ..واهل الربع الخالي يعرفون الكلام هذا ...هنا يأتي دور الفتك...ويبين الفرق بين النيسان والتايوتا

نيســـــــــــــــــــــــــــــــــــــــــــــــ ــــ ن ــــــــــــــــــــــــــــــــــــــــــــــــــ ــــا وبس :D

وفي كل خير
هـآوٍي
26/10/2006, 01:43 AM
راعي الحززم ..

اول شي موضوعك مو هنا موضوعك بخيمه الاحوال الجويه الله يبارك فيك ...

تحيـآتـي
مرقاب الشرق
26/10/2006, 02:05 AM
الحل عندي اشتر ربع تويوتا واكتب عليه نيسان بكذا تاخذ الثنين ههههههههه امزح بس كلن ومزاجه .
Abu Saad
26/10/2006, 05:31 AM
الباترول عيوبه..****************

خلفيه بيبان ... يدخّل هوى ... مايجي 8سلندر ...

للفائدة وتصحيح بعض المفاهيم :
المكينة وقوتها تقاس بعدد الاحصنة- الحصان ..وليس عدد الاسطوانات .
مثال حي :
الفس اكس ار 8 سلندر وقوة المكينة بالحصان = 250 حصان .
الفتك 6 سلندر وقوة المكينة بالحصان = 280 حصان .

بصورة اوضح :
هناك فرق بين سلندر سعته مثل قوطي الراني ، وسلندر سعته مثل قوطي الشوربة !

للفائدة والله اعلم واحكم.
والله يبارك لك فيما شريت..
والسلام عليكم
هاوي الله
26/10/2006, 05:38 AM
للفائدة وتصحيح بعض المفاهيم :
المكينة وقوتها تقاس بعدد الاحصنة- الحصان ..وليس عدد الاسطوانات .
مثال حي :
الفس اكس ار 8 سلندر وقوة المكينة بالحصان = 250 حصان .
الفتك 6 سلندر وقوة المكينة بالحصان = 280 حصان .

بصورة اوضح :
هناك فرق بين سلندر سعته مثل قوطي الراني ، وسلندر سعته مثل قوطي الشوربة !

للفائدة والله اعلم واحكم.
والله يبارك لك فيما شريت..
والسلام عليكم
كلام جميل

يعطيك العافيه &
نازل ردميه
26/10/2006, 07:57 AM
فتى البران

حللللللوه سالفة قوطي راني وقوطي شوربه :p .......قويه شوي على اصحاب التايوتا

تشبيه بليغ .....وشكلك راعي طبخ ماشاء الله..... واحيي روحك الرياضيه ..ويعيش النيسان

ولا تزعل اخوي ..مجرد مزحه
هاوي الله
26/10/2006, 10:49 PM
فتى البران

حللللللوه سالفة قوطي راني وقوطي شوربه :p .......قويه شوي على اصحاب التايوتا

تشبيه بليغ .....وشكلك راعي طبخ ماشاء الله..... واحيي روحك الرياضيه ..ويعيش النيسان

ولا تزعل اخوي ..مجرد مزحه

ههههه راعي طبخ :D يانازل ردميه مالعب في مواترنا إلا الردميات :D

اقوووول عقبال قوطي النيدو حجم كبير للفكسار وبالأخص GX وبعده بناظر هل الفتك بنص عين ;) اقوووووووووول غير الـ GX لالالالاتدووور :good:
طحنون
26/10/2006, 11:51 PM
يا اخون الكلام يطول عن السيارتين
لاكن.............................................. ..........
وخيال نجد قال الكلام اللي بقوله
انا كنت من المحبين للكورزرلاكن بعد الــــــ 97 يعني الــــ98 وطالع طاح من عيني عقب ماكان غالي
وصارفيه غش في صناعته بسبب كثره الطلب الغيرطبيعي
وانا الان املك نيسان باترول 2005
وماشاء الله لايعلى عليه ونا شريته على شان استخدم واستمتع بقيادته وقوته
المشكله ان الكروزراخذ سمعه قويه وبالذات عند الشريطيه
يعني تلاحظون الفرق
لاندكورزر موديل 2000 جي اكس ار بدون فتحه نظيف جدا شبه جديد 97 الف
سوبرسفاري موديل 2000 شبه جديد فتحيه 55 الف
المشكله في الباترول لو ترخص قطع الغياروتصيرمنافسه للكروزركان ارتفع سعره مابعدالبيع وانحلت مشكله الشريطيه
في المعارض
وبعدين لاجيت تبيع اذاشفت شريطي اتعوذمن ابليس وقوله الى الوراء دور
وقوله روح دورربعك انا ماني من صيدك
وقيان
27/10/2006, 03:44 AM
اللاند كروزر شيك بالجيب من ناحيتين...

1- ان خليته عندك باذن الله يدوم سنين بدون مشاكل و قوي و يتحمل..
2- لو بغيت تبيعه بأي وقت شرررايته موجودين و بسعر يطيب خاطرك..

لكن اللي فلووووسه واجد و يبي يطرررب و مايهمه لو يبيع بنص القيمة بعد سنتين ياخذ له سفاري

يعني بالعربي السفاري سيارة ل 3 سنوات حد أعلى و بعدين بعها بربع قيمتها...

و اللاند سيارة باذن الله تدوم اكثر و ان بغيت تبيع سوقها قوي
القناص
27/10/2006, 04:28 AM
والله افضل النيسان اريح واقوى مكينه وماعاد يتفكك الجديد منه . وعلى الاقل فيه مثبت سرعه ودف لوك وزينزن وفتحه واي بي اس.
وعلى الاقل السفاري مازال صناعه يابانيه اصليه.
وزباينه حاضرين دوم رح للمعارض ما تلقى السفاري يلقط قبل ما يوقف

اما غيره فضايع اصله بين تايلند واستراليا ومستودعات ابوجميل. واشوفه مالي المعارض الداخليه مستعمل.
ابوسهل
27/10/2006, 04:57 PM
انا عندي نيسان باترول 98 سوبر سفاري وقد استخدمت قبله gxr2001واقولك ان الباترول افضل من التويوتا سواء في الطريق او في الرمال لكن العيب في وكالته الخايسة وعدم توفر قطع الغيار بعكس التويوتا الذي له اكثر من وكيل وموزع.
شبوب
28/10/2006, 02:18 AM
يا اخون الكلام يطول عن السيارتين
لاكن.............................................. ..........
وخيال نجد قال الكلام اللي بقوله
انا كنت من المحبين للكورزرلاكن بعد الــــــ 97 يعني الــــ98 وطالع طاح من عيني عقب ماكان غالي
وصارفيه غش في صناعته بسبب كثره الطلب الغيرطبيعي
وانا الان املك نيسان باترول 2005
وماشاء الله لايعلى عليه ونا شريته على شان استخدم واستمتع بقيادته وقوته
المشكله ان الكروزراخذ سمعه قويه وبالذات عند الشريطيه
يعني تلاحظون الفرق
لاندكورزر موديل 2000 جي اكس ار بدون فتحه نظيف جدا شبه جديد 97 الف
سوبرسفاري موديل 2000 شبه جديد فتحيه 55 الف
المشكله في الباترول لو ترخص قطع الغيار وتصيرمنافسه للكروزركان ارتفع سعره مابعدالبيع وانحلت مشكله الشريطيه
في المعارض
وبعدين لاجيت تبيع اذاشفت شريطي اتعوذمن ابليس وقوله الى الوراء دور
وقوله روح دورربعك انا ماني من صيدك


هذا عيب النيسان فقط .. وهو جشع الوكيل وبشكل غير معقول ... هذا هو سبب فشل النيسان عندنا ... وذكاء وكيل شركة تويوتا بترخيص قع الغيار ... وإلا من الناحية الميكانيكية ((المكينة +القير)) النيسان أفضل من التويوتا .
ندمان
28/10/2006, 11:21 PM
كلام منطقي ياشبوب
الجندي2005
28/10/2006, 11:32 PM
الفتك وبس يكفي دفرنس قدام الفريول اليا نزلت من الزفلت وانت مسرعن شوي اول ما يحب وجه الارض
dughiman
16/11/2006, 09:18 AM
فعلا مثل ما قالوا الاخوان
هالموضوع هذا ماله نهايه أبد ولا عمره رسى له على بر (بالرغم من أن السيارتين حقات بر)....;)

فأرجو من الاخوان مشكورين عدم التحيز لشركه معينه.....وأرجو المقارنه تكون عن طريق أشخاص جربوا السيارتين الباترول واللاند ليس من ناحية الشكل أو التصميم لأن السيارتين كتصميم من أروع ما يكون وهذا الشيء يعتمد على كل شخص وذوقه.....
نريد المقارنه على أساس أي السيارتين أقوى على المدى البعيد من ناحية المحركات والبدي وقلة الأعطال....الرجاء من الأخوان الذين جربوا...فقط...... أن يفيدونا مشكورين.......
فتى التويم
16/11/2006, 02:48 PM
ويبقى الباترول سيد المواقف الصعبه

ما اقول ان اللاند مهوب زين

بس ان الباترول يتفوق عليه من ناحية خفة النفس

والطرد في البر لان اللاند مايبله شي إلا وهو منقلب

بعكس الباترول اذا طردت وحذفت الدركسون بقوه فهو يزحف ولا ينقلب
الهـ911ـدد
18/11/2006, 03:49 PM
خــلاص خــلاص .. الهـدد الفتـك ماهن زينـات ... السيكـل هو أفضـل شي .خخخخخخخخخخخ
خــلاص تكفون لا تصير هوشـات وأشيـاء لا تحمد عقبـاه
شكراً لكـم .. موضـوع مفيـد .. ووجهـات نظـر تستحق الإطــلاع
البداد
20/11/2006, 04:48 PM
السفاري بالصحراء افضل والكروز بالشكل والثمن افضل

http://www.mekshat.com/pix/upload/sign/images/mk17979.gif
سفاري نجد
21/11/2006, 09:49 AM
اقول خل عنك كل الكلام الي يقول ان النيسان يهرقل مثل ماقال خوينا فأنا اقول
انه ماعنده سالفه
وانا المجرب
والدي عنده باترول موديله 98
كل اسبوع يقطع به 15 كيلو متر على طريق غير معبد يعني اسوء من المطانيج مافيه
وله على الحاله ذي ثمان سنوات
ولا تسمع به اي هرقله سواء بالمطانيج او غيره
مع العلم اني ماقول ذا الشي علشان مع ابوي نيسان لا

ومع العلم ايضا اني معي هدد 2002
لاكن اقول الكلام الصحيح

وانا باذن الله اني راح اشري الفتك او الهدد الجديد
وانا والله مارى بالنيسان او التايوتا شي وكلهم واحد
لاكن اهم شي راحة البال
ومشكورين ياخوان على طرح مثل هذه المشاركات المفيده


كفيت ووفيت أبو غيث انا معي 2003 ما شفيت شي من التفكك وينه مدري دعايه شريطيه التفكك ومكينه جباره

ابن عمي معه 98 Gxr خبطتت مكينه وين المتانه القوه وبدل مكينه من التشليح ،،،
abumohammad
21/11/2006, 11:08 AM
جربت اللاند وراضى كل الرضى عنه ولم اجرب السفارى ولكن من السمعه! اقول

الاول تويوتا
الثانى نيسان ((( ولولا سمعة صيانة ابو جميل كان السفارى الاول مكرر ))

النتيجه هى الكل نــــــــــــــــــــــــــــــــــاجح! والله يهدى الحمرانى يفتح عقله شوى ويشوف له اداره زينه لاننى اعتقد ان ادارته فاشله والا سياره كنيسان المفروض تكون سمعتها افضل اضعاف ما هى عليه والسوق والشريطيه يحطمون سمعة السياره اذا الوكيل غير ناجح!

الله يبارك للجميع ويعطينا وياكم خيرها ويكفينا شرّها

والله اعلم
حـاتـم
21/11/2006, 11:16 AM
كلام ابو محمد صحيح 100%

العيب فالوكيل

اما السياره لايعلى عليها

وانا احطها في المقدمه


وشكرا

أخوكم / حاتم
farasan
22/11/2006, 04:17 PM
ان كنت راعي بر ورحلات مالك الا الباترول وان كنت تفكر في بيع وشراء خذلك جي اكس
عموما لي اكثر من 12 سنة من باترول الى باترول واذا بعت الاول كأني على نار حتى اشتري ثاني
img]http://www.mekshat.com/pix/upload/images22/mk38674_123.jpg[/img]