المساعد الشخصي الرقمي

مشاهدة النسخة كاملة : استفسار عن السييرا والفوردf150 والتندرا


أبو شيبة
26/08/2013, 02:37 PM
السلام عليكم ورحمة الله وبركاته

استفسار ولاتبخلوا علي بإجابتكم

معزم إن شاء الله اشتري سيارة ووقع اختياري على نوعية من السيارات وبودي

تشاركوني الرأي وهي السييرا غمارة ونص والفورد f150 طبعا دبل والتندرا

أيهما أفضل وأقل صيانة وأقصر شاص وأصغر حجم .
احمد المحيميد
27/08/2013, 08:53 PM
اذا تبي اقل صيانة التندرا
أنصر نبيك
28/08/2013, 02:22 AM
اذا تبي اقل صيانة التندرا

قصدك إذا يبي ورطة ويبلش فيه لاوكيل ولا قطع غيار ولا شيء خيار خاطيء
احد عاقل يترك سيارات لها وكلاء معتدون ويشري شيء بلا وكيل ولا صيانة ولا قطع
صلبت المكينة او خرب الكمبيوتر كيف يتصرف ؟!
الحبر الاحمر
28/08/2013, 02:36 AM
اخوي انا قبل اسبوعين طلعت مع واحد معاه اف 150 6 سلندر طلعنا الباحة
تكييف ماشاء الله رساوة حلوة في الخط قليل الصرفية جدا في البنزين
لكن العزم في الطلوع بالنسبة لحجم السيارة وكبرها والله ما عندك احد هذا والسيارة مافيها حملوة غير الركاب واغراض بسيطة
كذلك عند التعشيق في نمرة ثقيلة في النزول الشديد تسمع صوت مزعج يمكن اذا فيه منه 8 سلندر بيكون افضل ام 6 ما انصح فيه اضيف لك مقاعدة الخلفية ضيقة جدا وغير مريحة روح معرض فورد ومعرض التوكيلات وشاهد بنفسك تحياتي
الخالدي999
05/09/2013, 11:48 PM
اخي شف اكثر انتشار الجمس وسعره في حدود١٣٠ جديد والمكينه ٥.٣ حليوه ونشيطه وتانكي البانزين ١١٢ لتر
التندرا منتشر بعد الجمس سعره في حدود ١٤٥ جديد من الامارات والمكينه ٥.٧ انشط من الجمس واكثر صرفيه وتانكي البانزين ١٠٠ لتر الفرورد تبي الصدق ما أدري عنه ابداً
أبو شيبة
07/09/2013, 09:23 PM
ضباب أ الحبر الاحمر الخالدي999 أشكركم على المرور وبإنتظار آراء الإخوان
غيره بلاحدود
07/09/2013, 09:32 PM
شوف اذا تبي البر وراعي بر باستمرار وللامانه بعطيك عندك الاسيرا وال f150 وانصحك بالغمارتين شاص قصير لاتاخذ غماره ونص قرقعة بيبان لان مافي جسر بين البابين واذا رغبت ال f150 يفضل ال xltلانه خو راعي البر ويتحمل وتنظيفه سهل ولاتاخذ الا الون الابيض بالاسيرا ولا الفورد لان الابيض يتحمل لونه البران والغبره وبالتوفيق
غيره بلاحدود
07/09/2013, 09:35 PM
وانصحك بالf150 شاص قصير ويكون موديله من 2009 ومافوق ماتندم الخط راحه تمشي 1500 كيلو كانك ماشي 300 كيلو راحه وقوه واناقه وبالبر ذيب بس عيبه واحد بديه خفيف جدا وبالنسبه للنفود البدي الخفيف افضل
أنصر نبيك
12/09/2013, 02:05 AM
F150 ضخم وحجمه كبير جداً اعتقد السلفرادو بديل افضل
غيره بلاحدود
12/09/2013, 02:15 AM
السلفرادو حلوو بس الf150 اكثر راحه واقوى وشموخ وحجمه يعطيه هيبه وقوة اقوى من السلفرادو والاسيرا واخف منهم لان حديد البدي حفيف
أنصر نبيك
12/09/2013, 02:25 AM
السلفرادو حلوو بس الf150 اكثر راحه واقوى وشموخ وحجمه يعطيه هيبه وقوة اقوى من السلفرادو والاسيرا واخف منهم لان حديد البدي حفيف

صحيح لكن حجمه ضخم للغاية
يزيد 999
16/09/2013, 08:44 PM
أخوي ضباب حسستن ان f150 دبابة ههههههههههه لا ضخم ولاشي بالعكس اللي يفرق ان f150 ارفع من السييرا فيمكن عشان كذا الناس تحسبه كبير وهو مثل باقي الوانيتات وبالعكس الرفع ميزة للf150 ولو نبي نقارن بينه وبين السييرا الf150 أفضل من جميع النواحي عدا الانتشار في المملكة فقط
Abu mare
19/10/2013, 11:43 AM
يخوك السييرا افضل بكثير واذا كنت رجال راعي بر فخذلك سييرا 2500 hd غمارة المكينة 6.0 لا فورد ولا تندرا ووجهه ضخم وهيبة
Abu mare
19/10/2013, 11:46 AM
ونصيحة اذا بتاخذلك موتر فخذ لك موتر منتشر ومرغوب عشان قطع الغيار واذا جيت بتصلح وعند البيع والسييرا متوفرة فيه كل ذي
ابو فارس66
19/10/2013, 11:57 AM
مكينة السيرا 1500 هي 5300
مكينة الf150 الثمان سرنل 5400
مكينة التندرا 5700
السييرا حق كشخات ونصب
اما ال150 عز الله انه موتر وفيه مقطع باليوتيوب يجريون السيارات الثلاث
150 وتندرا واضن سلفرادو
بالراحه تفوق ال150، واضف له النشاط،بالمكينة وخفة البدي وارتفاعه

وعليك بالاستخارة
Abu mare
21/10/2013, 02:08 PM
http://youtu.be/Z8PpZF77tgk وذا اختبار للسيلفرادو والتندرا
فرفور بريده
21/10/2013, 06:17 PM
التندرا ابعد عنه .. شفهم بالخليج بعضهم ضاربه مكاينهم ومالقو بديل الا التشليح او مكينه جديده ب 95 الف !!
أبو شيبة
30/10/2013, 02:16 PM
أشكر الجميع على إبداء آرئهم