المساعد الشخصي الرقمي

مشاهدة النسخة كاملة : ي هل الشاص وش تنصحون مدور النصيحة


سما سما ارض
27/08/2013, 10:00 AM
السلام عليكم ورحمة الله وبركاته

الشغلة بسيطه والمشورة طيبه .... عندي ي طوال العمر والبقا والسلامة شاص جديد
وكفراتة وكاله على جنط شنمبر وصارت ماسحة ووجب التغيير ولا ادري هل اركب نفس الكفرات ولا اغير الجنوط والكفرات
ولا وش تشوفون الافضل مع العلم اني امسك خطوط وانزل رمل والله الله
ومشكورين على كل حال
((ابوملاك))
27/08/2013, 03:23 PM
خلك على الوكاله الشواهين دامك راعي نفود
مافيه
27/08/2013, 05:39 PM
وانا اخوك كانك راعي خطوط ورمله على خفيف عليك بالعراض وجنوط امنيوم مثل الفكسار و الفراشه وافضل شي لكزز نجمه 16

اوذا كانك رجال راعي تحميل ووعر ونفود خفيف عليك بالهلل وحجريات ابو لبنه

وكانها جايزه لك كفرات الوكاله فيه مقاس اعرض واصغر منها بشي بسيط ينفع للهلل وهي دوا النفود وفي الخط طيبه

وانا رجال معي شاص ومركب عراض فرق معي الموتر بالعزم شاااد وممشاه بالنفود اطيب من الوكاله وبالخط ارسا لاكن عاقبتني بعرضها كل ساعه ماكل رصيف مادريت عنه ماشي على وزنة الوكاله

وانصحك تغير جنوط الشنبر لانها غثيثه بالبنشر وثقيله بالحيل على الموتر وبدالها ركب الهلل اخف وازين منظر او ركب عراض حسب الكفرات اللي تبي تركبها
حاميش
27/08/2013, 08:06 PM
أهم شي تغير الجنوط الشنبر لو بجنوط ددسن
أبعد عن الشنبر وركب جنط يكون تيوبلس سواء عراض أو نحاف
ماء نوفا
27/08/2013, 08:11 PM
نصيحه لاتفوة خنوط الشاص ابو رفرف اﻷصليه مع نفس كفراتها خف رساوه مشي ممتاز بالنفود وراح تدعيلي
مكفن الجن
27/08/2013, 08:26 PM
بعد اذن صاحب الموضوع..

وش فرق جنوط الهلل عن الشنبر؟

اذا امكن التوضيح بالصور.. دمتم بود..


تم الإرسال من جهازي GT-I9500 بواسطة تاباتوك 2