يا جماعة الخير وش فيكم [الأرشيف]

المقناص 07

10/10/2006, 07:52 AM

السلام عليكم اعذروني على السؤال (اللي ماله داعي)
وش فيكم على الباثفايندر
هل من قوه فيه ولا رخص سعره ولا .........
وش السالفه يا جماعه

فلان بن عفتان

10/10/2006, 08:03 AM

لأن أغلب أعضاء مكشات معهم باثفيندر

عبدالرحمن السالم

10/10/2006, 11:48 AM

لانه زين وقوي وش زينه بالبر والنفود والخطوط وغيره

لا تركب ولا تسوق غير الباثفندر

هاوي قصيده

10/10/2006, 01:42 PM

ياخوي الباث ..

كنك تسوق ددسن بس مغطى..

مهوب راسي ..ويشرب شرب بنزين ...ويتفكك

بس ميزته انه خفيف ...
والبدي حقه ...كرتون

anas

10/10/2006, 02:30 PM

السبب لأنه ما فيه جيب صغير إلا هو .. انا كان عندي واحد موديله 2002 فل كامل شريته على سنته وبعته ما كمل معاي 6اشهر ..والاسباب كثيرة جدا لا اريد ذكرها عشان لا يزعل علينا اصحاب الباث .. ونصيحتي اللي يبغى يشري الان يشري تايوتا فورنتشر اطلق منه مائة مرة وقطع غياره اكيد رخيص .

غضنفر

10/10/2006, 04:44 PM

مهوب راسي

يا حليلك بس
اظاهر انك تحسبه يتكلم عن تويوتا
مهب راسي اجل يا ظالم:eek:
جنوط الـــ 17 وش الفايدة منها

راعي الهـــدد

10/10/2006, 05:20 PM

نصيحه لوجه الله لاتقرب من الباث

ولايهونون اهل الباث فندر

عليك بالتويوتا رساوه وقوه ومركب

وشيخ شيوخ

اما الباث بالمختصر المفيد ددسن والعافيه

غضنفر

10/10/2006, 06:14 PM

اي ددسن الله يرحم والديك
انت تقول عليك بالتويوتا رساوه وقوه ومركب
وانا اقول اتحداك ثم اتحداك وبرضوه اتحداك
ان التويوتا حقتكم تطلع اقوى من الباث
وشفني اتحداك انت وكل الي معهم تويوتا ما جاها ترهيم
اتحداك انك تقوم علي في خط او طعس قومة و خط
انا بجيب باث وانت جب الي تبي ربع شاص هدد فكسار الي تبي
واتحداك تطلع علي
وانشوف منهو الددسن
هههههههههههه
سيارة بــ 100 الف ولا فيها مثبت سرعة وصداماتها سود:eek:

الحر الاول

10/10/2006, 06:34 PM

السلام عليكم ...

أخوي ( هاوي قصيدة )

أجل ددسن مغطى .. ما أقول إلا الله يسامحك

بعدين أخوي أنس (الفورنتشر) تايلندي يعني يكرم الباث عنده !!!!

سيد النشاما..

10/10/2006, 06:44 PM

GMC79

10/10/2006, 09:46 PM

لا اله الا الله

اذكروا الله ياجماعة

تراها مواتر لاراحت ولاجت

ابوشلاخ

10/10/2006, 09:56 PM

وراكم على الددسن تراه احسن من الباث

sultan8861

10/10/2006, 11:18 PM

الباث وبس
واقول للي سب الباث ومدح التويوتا فورشنر يكفي ان الباث (نيسان عموما) ياباني 100%

والفورتشر والتايوتا عامه تقليييييد(تجميع) تايلندي يعني خرطي والشاطر يفهم

وشكرااااااااااا

anas

11/10/2006, 01:14 AM

احبكم جميعا لكن الحق باقوله .. قلت لكم كان معاي باث فل كامل 2002 شريته في سنته وبعته والسبب قاسي جدا من الخلف وكأنك راكب ونيت والله ان الددسن اريح منه ومجرب الددسن بنفسي .... ثانيا طالع الكامريات صنعها استرالي من موديل 98 وماشية زي الحلاوة ولا تطلب قطع غيار ..اشتر تايوتا لو مصنعة في اليمن السعيد .. اما بعد ظهور الفورنتشر والواحد ملزم يشتري باث لا ومن الشكل القديم سوف يندم اكيد .. وطالع مواضيع مشاكل الباث في المنتدى وتعرف انه خراباته واجد يكفي القطعة اللي 3000 ريال بدون شغل اليد يعني كل ما طلع الواحد للطعوس لااااااااااااااازم يفكر الف مرة قبل ما يطعس .

غضنفر

11/10/2006, 01:40 AM

يا انس يا حبيبي
كل سنة وانت والباجيرو بالف خير
القساوة سببها كفرات الوكالة المخنزة
البرجستون من اقسى الكفرات بالدنيا ولذلك يستخدم في التفحيط لأنه ما يتمسح بسرعة
ولوك مجرب الهنكوك 17 على الباث كان تغير رأيك
وحساس الهوا اظن وضح سبب المشكلة و وضح حلها
بالاخير الانسان حر يشري الي يبي ويترك الي يبي
لكنه مهب حر انه يسب سيارة ما جربها لكنه سمع عنها او قالوله عنها

نجد 1

11/10/2006, 01:43 AM

الباث فايندر كذا :good:

بن فيصل

11/10/2006, 01:56 AM

كل سياره ولها مميزات وعيوب
ولو لا اختلاف الاذواق لبارت السلع

ترتر

11/10/2006, 02:42 AM

اذكرو ا الله ياجماعه كلها مواتر زينه وقالوا ( كلن يمدح بقله ) ... الباثفندر زين ولابه كلام والتيوتا زين ولابه كلام ... ركدوا الرمي ياجماعه .

anas

11/10/2006, 03:44 AM

وانت طيب يا بلاك باث .. اعترافك ان هناك عيب بالسيارة سيد الادلة :good: .. والباجيرو على قد قروشي :j
وهاك بعض مشاكل الباث :
http://www.mekshat.com/vb/showthread.php?t=59127

http://www.mekshat.com/vb/showthread.php?t=49489

http://www.mekshat.com/vb/showthread.php?t=58286

http://www.mekshat.com/vb/showthread.php?t=57682

غضنفر

11/10/2006, 03:57 AM

انت اطيب
وش اعتراف وش ادلة
محاكمة هي
ههههههههه
طيب ابي محامي
واقترح تكون هيئة الدفاع مكونه من
1- الغالي نمر بن حثلين
2- المخترع قرم
3- فارس الجنوب الجنوبي
4- شبث (هذا ما تعرفونه لكنه من افهم الناس في الباث وتجدون مواضيعه في الصفحات الاولى للمنتدى)
5- اعضاء مكشات من ملاك الباثفايندر ( تقريبا 50% من اعضاء المنتدى)
هههههههههههه
لو ان اهل الباث مهب نشيطين ويعرضون مشاكلهم في المنتدى
كان محد درى عن عيوب الموتر
وكل المواتر فيها عيوب و بلاوي لكن محد يعرض مشاكله مثل اهل الباث
وبعدين في حاجة
غالبا الي يسوق نيسان يكون حســــــاس
تلقاه كل شوي يسمع صوت او طقة
ثم يصكله موضوع في مكشات و يصايح الحقو علي موتري فيه بلا
وموتره ما فيه الا العافية

ابـ معزي ـو

11/10/2006, 05:47 AM

اعقلو الله يصلحكم << سمع الدعوه فيها محاكم

الله يهديكم انا اقول كل السيارات ماتلقى مثله
لكن انا اقف بصف الباث لانه موتر وحلو ورزين ونصبه حتى القديم سبحان اللي خلق اللي سواه كان معي ومجرب موديل 94 وماشفته منه الا كل خير صدمت به جدران نقزت به زبر طلعت به نفود قنصة عليه .....إلخ
وماقل معي اح الا خربات بسيطه ماتجي عدد اصابع اليدين

ومابي احد يزعل من راعين التويوتا..

نمر بن حثلين

11/10/2006, 05:52 AM

الله يهديك يا بلاك باث اسحب اسمي من هيئة الدفاع
اخاف تصير مثل هيئة دفاع صدام كل يوم ذابحين منهم واحد :p

وبالنسبه للاخوان الي ما عجبهم الباثفايندر ، حنا معجبنا ومهب لازم يعجبكم :p
ان شريتوا مهب داخل مخابينا شي ولا الحمراني بيعطينا نسبه على شراكم
بالعكس بتحوسون علينا الا جينا نبيع لانكم تكثرون المعروض همن تطيح قيمة مواترنا

وان كان ما عجب البعض ان المواضيع الخاصه بالباثفايندر كثيره بالمنتدى
يعني بالله عليكم الا صار الواحد موتره باثفايندر تبونه ما يسئل عن موتره ويسئل عن العربجيات ولا السطحات عشان ترضون :p

عبدالرحمن السالم

11/10/2006, 11:03 AM

وبالنسبه للاخوان الي ما عجبهم الباثفايندر ، حنا معجبنا ومهب لازم يعجبكم
7
7
عزالله انك جبته

sultan8861

12/10/2006, 12:01 AM

من يوم قلت يanas ان الددسن اريح من الباث دريت ان كلامك كله خرطي وماعندك سالفه وحاقد

وشكراااااااااااا

sultan8861

12/10/2006, 12:09 AM

وبعدبن وش الروابط اللي حاطها يا اناس

والله اتك مريض هالحين هذي مشاكل
واحد يبغى يغير المساعدات وواحد يبغى يرفع من ورا

وبعدين شكل سيارتك سوزوكي

وشكراااااااااااااااا

anas

12/10/2006, 01:19 AM

سلطان انا ارد عليك ردود موثقة وروابط :cool: وانت ترد بـ((ان كلامك كله خرطي وماعندك سالفه وحاقد))((والله اتك مريض ))... اجل اللي يقول صدامات سود وبدون مثبت سرعة وش تقول فيه ;) ؟؟؟
ومساعدات الباث اللي تقول كأنها مساعدات بيوك موديل 82 لو جلس طفل بالشنطة نزل لين وصل عقبه الارض اجل اشحن العفش واسافر بدون عفش احسن :D ..
وحساس الزفت اللي 3000 ريال بدون شغل اليد هين عندك ؟؟؟ :eek:
يعني كل ما اطعس يدي على قلبي وادعي ربي لا يخرب ،
اجل اللي بدون مثبت سرعة وصداماته سود، هذا تسميه عيب بالسيارة ؟ مين اللي مريض الحين ؟؟ :p

غضنفر

12/10/2006, 02:35 AM

انس
وراك قلبت علي:(
تونا حلوين
كله بسبب ذا الحديد
الله يهديك
الرجال يكلمك تقوم تسبني وتقول اني مريض:confused:
اللهم اني باصوم بعد كم ساعة
كاني حسيت ان جزء من كلامك موجه لي
والله لو ابي ارد كان شرشحتك دحينا يا بويا
والكلام ما يعوق معي زي شرب الماء
لكن ما ودي ازعلك
وحفاظا على سمعة المنتدى من ان يتحول الى منتدى هواااااااااااااااااااااااااااااااااااش
لذلك اكتفي بالدعاء لك بان يشفيك ربي من ما ابتلاك به ويرزقك صحة العقل والمنطق

خاشقجي

12/10/2006, 02:50 AM

دحييييييييييييييييييييييييييييييينا يأبويييييييييييييييييييييييييييييييييييييييييييييا

ملاعب الريح

12/10/2006, 02:50 AM

السلام عليكم ورحمة الله وبركاته

يا شباب يا مكشاتيه
الله يرحم والديكم خلونا من هالنقاشات اللي ماتودي ولا تجيب كل واحد يحب موتر ويستخدمه وكل موتر له عشاقه

وبعدين ترا مكشات من المنتديات القليله اللي أعضائها على قدر عالي من الأخلاق والتآخي..............يعني لو هالنقاش في منتدى آخر معليش نسكت عليه أما مكشات ما سكتنا لمعزة هذا المنتدى وتاريخ هذا الصرح الشامخ..................

لا أود أن أسترسل بالكلام أتمنى تقفلون على الموضوع

تحياتي (ملاعب الريح)

anas

12/10/2006, 02:54 AM

اخي بلاك باث .. تقول ((الرجال يكلمك تقوم تسبني وتقول اني مريض:confused:)) ما جبت طاريك في الكلام كله ..
وتقول ((كاني حسيت ان جزء من كلامك موجه لي )) يعلم الله ما قصدتك ابد ، لكن سلطان قام يخرف ويتهمني بالمرض والحسد والخراط والحمد لله ما تقدر تصيد علي ولا كلمة فيها سب او شتم او استهزاء بأحد او بلهجة كما فعلت انت ...
وتقول ((والله لو ابي ارد كان شرشحتك دحينا يا بويا
والكلام ما يعوق معي زي شرب الماء
لكن ما ودي ازعلك
وحفاظا على سمعة المنتدى من ان يتحول الى منتدى هواااااااااااااااااااااااااااااااااااش)) اقول انا لو القاك في منتدى او غيره او اي مكان تبقى اخ مسلم .

الجيب الربع

12/10/2006, 03:01 AM

أرجو من الاخوان الالتزام بادب الحوار وسيتم حذف جميع المشاركات المخالفه

غضنفر

12/10/2006, 03:13 AM

انس
اذا لم تقصدني بردك القبل اخير
انا اعتذر لك وارجو منك السموحة

سيد النشاما..

12/10/2006, 03:14 AM

لا إله الا الله...................... اللهم صلى على محمد

أعوذ بالله من الشيطان الرجيم

فنجال

12/10/2006, 03:14 AM

السلام عليكم

مع احترامي للجميع .جربت اغلب المواتر زي الباث مافيه لو ايش كان معي 2002 عزالله اني حللته صح..... بالخط كنك على صغيره يعطيك من روحه خفيف نفس.واللي ارهب من كذا لامشيتبه صحراء كنك راكب كدلك من زود الراحه وبالاخير بعته وانا اتغلى على الشريطيه وبالقيمه اللي انا ابي .وش رايكم
تحياتي

شبوب

12/10/2006, 04:27 AM

أرجو من الاخوان الالتزام بادب الحوار وسيتم حذف جميع المشاركات المخالفه

جتكم الحكومه :D وبصراحه لو يقفل هالموضوع يكون أفضل ;) فشلتونا عند الناس كل يواحد يدافع عن شركه كأنه هو الوكيل ..!!:confused:

anas

12/10/2006, 04:33 AM

اخي وحبيبي ونور عيني وعزيزي بلاك باث سامحني الله يستر عليك دنيا وآخرة .... وانا احب الباث لكن قهرتني خراباته يعني تصور اللي كان معاي موديل 2002 فل كامل في سنته شريته بكل ما املك وبعته بعد ستة اشهر فقط خرب معاي القزاز لا يطلع ولا ينزل وفيه طقة في الجير وطقة في الاذرعة الآمامية والوكالة ما عرفوا السبب وعزمه ضعيف جدا والناس كرهتني في السيارة يقولون ما نجح في النيسان إلا الباترول والددسن بس .

http://www.tit2.com/up/uploads/01fe4194a7.jpg

هاوي قصيده

12/10/2006, 04:37 AM

ياناس يا عالم انا سقت باث وسقت جيب ربع

صدقوني وربي فرق ..

هذا اول شي

ثاني شي هذا مواتر ..

بلاش عصبيه ...

هذي اسامي سيارات مهيب اسامي عوائل او قبايل علشان كل وياحد يدافع عنها ويشد بالحديث

sultan8861

13/10/2006, 12:08 AM

معليش اعتذر للجميع وخاصتا مشرفنا الغالي الجيب الربع

بس فيه كلمه ختاميه ابغا اقولها للي مهو عاجبهم الباث

كل ناجح محارب00

واللي مايعرف الباث مايثمنه00000

وشكراااااااااااااااااا

سبحانك اللهم وبحمدك ، أشهد أن لا إله إلا أنت أستغفرك وأتوب إليك