المساعد الشخصي الرقمي

مشاهدة النسخة كاملة : نريد رايكم في وضع تصفيه السلق علا الضبي


طلو
10/10/2006, 01:29 PM
السلام عليكم باختصار تكلمنا عن الموضوع واشوف بعض الشباب يؤيد التصفيه ووضعها كالاتي

يكون فيه مجموعات سلق وكل مجموعه تكون 6 سلق وكل فائز يتصدر المجموعه حتى تنتهي تصفيه المجموعات

ويكون هنا ك هدد اخير يجمع الست السلق الفائزين ونشوف وش السلوقي الي يتصدر المجموعات

لئننا نبغا وناسه وملينا من الهددات العامه والزحمه والمشاكل ويكون هناك لجنه من 3 اشخاص

واتمنى من اخوني ان يعطوني ارائهم عن الفكره وعن الاخطاء اذا كان فيه اخطاء والي يبي يساعدنا في وضع الفكره والي يبي يدعمنا والي يرفض الفكره نتقبل رفضه بكل صدر رحب وابغى رايكم بدون مجامله ومن له اي استفسار فل يتصل 0556685058 ابو نايف
طلو
10/10/2006, 01:33 PM
ونبي اقتراحتكم لكي نتفق علا الشروط وعلا الجائزه في اي هدد ووضع الرسوم والي في خواطركم نحاول نصلحه

وكلمت بعض الشباب وقالو ماعندنا مانع وحصلت الان مجموعه
هاوي تحدي
10/10/2006, 01:50 PM
السلام عليكم

اخي طلو


اسعد الله جميع اوقاتك


والله انها فكره طيبه وشي طيب وكل واحد يعرف مستوا سلقانه


انا اقترح انه يكون قريب لاني متحمس


وثاني شي يكون فيه تنضيم والهدد يكون بدون بلام

وثالث شي مايتجاوز الكيلوين ونص ولو صار كيلوين يكون زين لان نبي اسبق سلوقي مو احسن لاياقه



وتقبل تحياتي
طلو
10/10/2006, 01:54 PM
رايك طيب ولو نخليها نوعين اسبق سلوق مشارك واقوى سلوقي سد مشارك بس خلنا نلقا التاييد والداعمين
kaaaatm
10/10/2006, 01:58 PM
يا شباب وش حكم هد السلوقي على الظبي
هل هو يجوز شرعا انك تمسك الصيد وتفكه
طلو
10/10/2006, 02:04 PM
اخوي الله اعلم بس ان الضبي سبوق ولا نخلي السلق تعضه لانه مدرب علا الهددات ونشيله سليم
سبسي
10/10/2006, 02:33 PM
والله انها فكره حلوه اخوي طلو يس يكون المكان قريب
من ناحيتي انشالله اني بشارك
هاوي سلق
10/10/2006, 02:36 PM
السلام عليكم اخبارك ابو نايف
والله انها فكرة طيبة اخوي ابو نايف
بس المشكلة في مكان المهدات وين يكون
وكانكم عزمتو اتصل علي انا بالحسا
وياليت يكون بالسباق اعمار محددة افضل
(القناص)
10/10/2006, 03:05 PM
والله فكره جيده وفيها سعة صدر ونشوف وش احسن سلوقي
وانا معكم وما قصرتو على الموضوع الرائع
يتيم بلا زايد
11/10/2006, 01:21 AM
السلام عليك ياخوي طلو حبيت اقولك المشاركه للجميع 0000
الجنوبي07
11/10/2006, 01:35 AM
السلام عليكم..

متى ,,ووين؟

انا واحداُ ما معي سلق ولكن بكون من المتفرجين..

وتكفون عطونا خبر قبل اليوم اللي بيسير فيه الهدد..


وشكراً

اخوكم :الجنوبي
قناص الرمله
11/10/2006, 07:30 AM
مرحبا يا بونايـــــــ طلوــــــــف


ماتجيب الا الزين يازين والله يعينك على ذي

وامثالها وابشرا با لي تبي طال عمرك


لكن اللي انعرفه ان المهدات ما تكون اقل من 3 كيلو لان الظبي يبي سلوقي مد (سدد) وليس سلوقي قومه ولكن هذي مجرد (راي )

ولكن الله يوفقكم ويكتب اللي فيه الخيره.
عبدالرحمن السالم
11/10/2006, 11:49 AM
فكره ممتازه والله بس وين ستقام ..؟؟

عطونا العلوم الطيبه قبل المهد بأيام عشان نضبط أمورنا

مشكور أخوي طلو على هالفكره
آبو غلآ
11/10/2006, 12:17 PM
فكرهـ حلووهـ ،،
وانا انشالله بشارك والي تبونه انا حاضر ،،
بس عطوني خبر قبل المهد بكم يوم والتفاصيل ،،
طلو
11/10/2006, 01:00 PM
يالربع الان المشكله ما هي في موقع الهدد نستطيع نهد في الدمام والحسا والقصيم والرياض والطايف والدوادمي بس الدعوى عند تقبل الفكره

وتساعد الاخوه وتوافق الاراء والشروط الي تكون لهاذه التصفيه وابعاد اي شيئ يسبب المتاعب والحزازيات
طلو
11/10/2006, 01:07 PM
للمعلوميه ان الموضوع للجميع وان يا قناص الرمله نجرب التصفيه لؤل مره وتكون 4 ك ونشوف نتائجها ثم بعدين نححد السباقات القصيره ويا شباب هاذا اخوي قناص الرمله واخوي شارب فيمتو ما قصرو وهم مستعدين بالي يقدرونه والله والنعم من غير قصور بالاخرين

وهناك مصور الان واحد تكفل بتغطيه جميع الهددات ومراسل سينضم للكتابه عن المواضيع واعلانها
العتيبي %
11/10/2006, 01:16 PM
افضل يكون المسافه مفتوحه لكي يعرف طيب الكلب
طلو
11/10/2006, 01:28 PM
نضيف رايك للارا ء المطروحه ونسوي تصويت للمسا فات
صقر آجا
11/10/2006, 08:30 PM
عطونا خبر قبل ماتبدا التصفيات okودي اقترح عليكم لكن الاخوان ماقصرو والي ابقوله انقال والله يعطيكم العافيه وعساكم على القوه :D
القـــناص
11/10/2006, 10:04 PM
مشكور اخوي طلو

على هذه الفكره الرائعه

بس انا عندي اقتراح بسيط ((عاد شف اذا اعجبك))

شوف لو تسوي 3 هددات ويكون بكل هدد 6 سلق

وبعدين تأخذ الاول والثاني من كل هدد ويصير مجموع السلق 6

وتهدها في هدد يكون النهائي في هذه الطريقه تقلل على نفسك 3 هددات
((وارجو ان تكون هذه الطريقه اعجبتكم))

وشــــــــــــــــــــــــــــــــــــــكراً
سبسي
12/10/2006, 04:22 AM
انا اقترح تكون المسافه مفتوحه
مثل ما قال اخوي العتيبي
حرف العين
12/10/2006, 04:34 AM
السلام عليكم ورحمة الله وبركاته

اخواني طبعا انا غير مشارك ولاكن حبيت ابدي راي في الموضوع :

بلنسبه للمسافه اذا كانت 2كيلو ونصف انا اشوف انه راح يبين فيها السلق اللي يمتاز بلسبق واللي يستاهل كلمة البطل والسبوق ولاكن اذا تعدت هاذه المسافه فانه معظم السلق اللي راح اتفوز مافيها اي شي من السبق وكلها راح اتكون سرعتها 50 او 40 كيلو متر .

وبلنسبه للاخوان اللي يطلبون المسافه تكون مفتوحه طبعا في كل مايسمى بسباق لابد بوجود نقطه الانطلاقه ونقطه النهايه او الوصول واذا ماكان في نقطه للنهايه فلا يعتبر سباق من الاساس.
هاوي سلق
12/10/2006, 12:28 PM
اخوي طلو ياليت تنزل الشروط النهائية للمهدات
والمتفق عليها حتى يعرف كل واحد هذي الشروط ولا يتفاجأيها اذا جا السباق وهي :
1- قيمة الاشتراك
2- عدد المهدات
3- عدد السلق المشارك لكل مهد
4- موقع المهدات
5- الجوائز
وانتم ابخص بهذا الشي
هاوي تحدي
13/10/2006, 01:11 AM
اخوي طلو

اعتقد (ثلاثه كيلو) انسب شي لتصفيات لانه حرام السلوقي اللي يمشي 80 يفوز عليه سلوقي يمشي 40 وهذا فيه ظلم


ارجو النظر في هذا الموضوع لان السبوق بيبين بعد الكيلوين وبيفرق ولكم كل الاحترام والتقدير واشكركم على جهودكم
طلو
13/10/2006, 04:30 PM
السلام عليكم اشكركم علا الاقتراحات الجميله وانا اشوفان الانسب هو
1 عدد السلق المشارك في كل سباق 6
2 عدد المهدات 7 سته تصفيه والسابع نهائي
3 قيمه الاشتراك 200
4 الموقع لا يحد الا حسب مواقع اهل السلق
5 الجوائز لكل سلوقي فائز في هدد من التصفيه 400 ريال من الرسوم والبا قي اجار الضبي
6 وفي الهدد النهائي للسلوقي الفائز غير الجائزه تبرع مني لتحميس الشباب 500 ريال
7 مسافه الهدد 3 ك ونص فقط
8 اذا سلوقي رد الضبي قبل المسافه المحدده يعتبر الفائز
9 اذا اي شخص من اصحاب السلق ما تقيد بالنضام يطلع برا التصفيه
10 وان يكون عمر السلوقي اكثر من 2 سنه
طلو
13/10/2006, 04:32 PM
يا شباب عطوني رايكم علا الشروط
هاوي سلق
13/10/2006, 07:54 PM
والله اشوف انكم تعيدون النظر في الشرط العاشر
حرف العين
13/10/2006, 08:01 PM
هلا وغلا

اخوي طلو بلنسبه للشرط العاشر انا اشوف انه معظم السلق اللي عندنا في دولة (قطر) اعمارها سنه وكم شهر وماشالله عليها فيها سبق ماصار ولا استوى وانه العمر ماله دور بلنسبه للسباقات ولاكن انه واحد يجيبلي سلق عمره 6شهور ويقول بيدخل السباق طبعا هاذه مستحيل يحقق نتيجه فانا من راءي الخاص العمر لو يكون غير محدد يكون افضل .

وشكرا
هاوي تحدي
13/10/2006, 11:07 PM
هلابك طلو

الله يعطيك العافيه ومتى المهدات وفي كم يوم التصفيات

والعمر ياليت بدون تحديد لان السلق اللي عندي اثنين سنه وواحد سنه ونص والضاريه الطيبه تلحق بست شهور والذيخ سنه


تقبل تحياتي
العتيبي %
14/10/2006, 04:33 PM
ماقصرت بس المكان
انا انشاء الله ابي اشارك
رمسيس
14/10/2006, 05:26 PM
انا عن نفسي اخوي طلو مستعد انظم السباق كامل انا وانت وبالنسبه للارضيه عندنا في القصيم ارضيه ممتازه كل فتره يهدون فيها الشباب على ظبي واي شي تبغاه اخ طلو من عيوني ارسلي بس على الخاص ومالك الاترضى اخـــــــوك رمــسيس
هذا ايميلي اي شي تبغونه ياشباب لا يردكم الا لسانكم azooze-888@hotmail.com
وشـــــــكرا
طلو
21/10/2006, 12:56 AM
ياشباب بيض الله وجهكم والي تبون وعمر السلق مفتوح ومشكور اخوي رمسيس بالفزعه وجعلك ذخر

بس يالله نبي سلق تشارك ورقمي 0556685058