ما هو الدفلوك ..؟؟

[متولع بالقنص]

السلام عليكم ورحمة الله وبراكاته

أسعد الله أوقاتكم بكل خير

حبيت أسئل عند الدفلوك اللي يتكلمون الشباب عنه

يختلف عن الدبل ولا هو نفسه

بالتوفيق للجميع ..

[لا تتعب]

الدفلك اسمه العلمي قفل الدفرنس التفاضلي باختصار يخلي الكفرات كل واحد يتحرك لوحده
وينفع اذا جا الموتر على ثلاث كفرات في هذه الحالة انسى ان الموتر يطلع لكن بفضل الدفلك امورك في التمام
ويفيدونك الشباب اذا عندهم علم اكثر
وسلامتك

[حرقوصي]

دفلوك اختصار لكلمة دفرنشيال لوك
يعني قفل الدفرنس
يفيدك اذا غطت كل الكفرات الخلفية وبعد ما تشغله يخلي الخلفيات كلهم يدورون كلهم

Sent from my Nexus 4 using Tapatalk 2

[sameer_1798]

http://www.mekshat.com/vb/showthread.php?t=488822

[متولع بالقنص]

يعطيكم العافيه

بارك الله فيكم ,,..

[حاميش]

بسم الله الرحمن الرحيم

أو شي لابد تعرف عمل الكرونه وعمل العكوس علشان تعرف فايدة الدفلوك

الدفلوك بأختصار من المعروف في الكرونه العادية إنه عكس واحد اللي يدور ( كفر واحد بس )

ويكون الكفر اللي ما عليه ضغط أو حمل

وتلاحظ في التغريز إن الكفر اللي مرتفع هو اللي يدور

الدفلوك يخلي الكفرين كلهم يدورون

فوائدة إذا تثولث الموتر يطلعك

و إذا تبي ترفع على كفرين يريحك بدل ماتستخدم الجلنط بس دق الدفلوك وهز الحديد

[؛ابوطلال؛]

ي الغالي إذا كنت ناوي تشتري شاص نصيحتي لك لا تشتري إلا شاص دفلك

وبتدعيلي إنشاء الله لاإن الشاص طويل ويتعلق بسرعه

ومع الدفلك لا تعلقات بعد اليوم:D

[صاحب بوعبود]

السلام عليكم ورحمة الله وبركاته:
يعتبر الدفلوك من الاساسيات بالسياره والكستات البريه والبعض يضطر لتركيبه حيث ان فوائده كثره اذا تعلقت السياره. موتري كان لندكروزر جي لاتوجد به هذه الميزه واضطريت لتركيبها واخدمتني كثير.

[منصور الفايز]

وعليكم السلام ...
ما قصرو الاخوان
ولكن اضيف انه خطر جدا في اللفات يمكن يسبب انقلاب الموتر ...
يعني تستخدمه في الزنقات فقط ... والدفلوك لايشبك الا على الثقيل 4L

[بدوي جنوبي]

ي الغالي إذا كنت ناوي تشتري شاص نصيحتي لك لا تشتري إلا شاص دفلك

وبتدعيلي إنشاء الله لاإن الشاص طويل ويتعلق بسرعه

ومع الدفلك لا تعلقات بعد اليوم:D


آمين وياك أن شاء الله
والله يرزقك بجيب لكزس 2012 :good2:



حياك الله أخ سليمان



أصلا ما أعتبره جيب يا عزتي للأمريكي يحطو الدفلك أساسي في السياره
ويعمل تلقائي ميكانيكي بدون تدخل السائق :good: وبلاش :D
مو مثل الياباني تبي مواصفات أدفع الله لا يهينك ،،، والمفترض أنها تكون أساسيه
أعطيك مثال :
الكامري تجد في الامام بدون ABS موجود في الخلف فقط :mad:
بصراحة أستغرب من هيئة المواصفات والمقاييس
كيف تسمح بدخول سيارة فيها خلل في نظام الفرمله ،،،،




لو في أمريكا تعتبر جريمة فدرالية :D

[ابولمارالحربي]

سبحان الله وبحمده ... سبحان الله العظيم

[yaso]

لكي نفهم عمل الدفلوك لابد من فهم عمل الدفرنس
فكرة الدفرنس ماخوذه من كلمة diffrencial اي فارق السرعات
لماذا اصلا وضع الدفرنس في السياره
الفكره اتت عندما تاخذ دوار فان الكفر الخارجي يقطع مسافه اكبر من الكفر الداخل بعباره اخرى ( كما هو حال انطلاق سباق التتابع كل خانه تبداء قبل الاخرى بامتار بسبب المسافه المقطوعه بينما خط النهايه واحد) الكفر القريب من وسط الدوار يقطع مثلا عشرة امتار بينما الكفر البعيد عن وسط الدوار فانه يقطع تقريبا 15 متر ومن هنا اتت كلمة Diffrenc اي الفارق بين االكفر الخارجي والداخلي هنا ياتي عمل الدفرنس يسمح للكفر الخارجي بقطع مسافه اكبر من الكفر الداخلي عن طريق تروس التفاضل في الدفرنس كذالك الحال عندما يرتفع احد الكفرات فان الاخر عن طريق تروس التفاضل داخل الدفرنس يسمح للكفر المتعلق بالدوران اكثر من الكفر الاخر وبالتالي عزم المكينه جميعه يذهب للكفر الاقل مقاومه وهو الكفر المعلق
من هنا اتى عمل الدف لوك وهو قفل تروس التفاضل داخل الدفرنس بحيث لا يسمح لكفر بالدوران اكثر من الكفر الثاني
لذا فان اخطر ممارسه هي قفل الدف لك واللف يمين او يسار هنا اذا لم تنكسر احد تروس التفاضل فان احد الكفرات سوف يسحب لتعويض فارق الدوران لذ ينصح بعدم اللف ولو سنتيمترات بل يجب عند قفل الدف لك التأكد من ان الدركسيون عدال تماما والا هناك خطر كسر تروس الدفرنس(كلامي عن دراسه اكاديميه)
تحياتي وارجو اني افدتكم

[متولع بالقنص]

يعطيكم العافيه

بارك الله فيكم لا عدمناكم



السلام عليكم ورحمة الله وبركاته:
يعتبر الدفلوك من الاساسيات بالسياره والكستات البريه والبعض يضطر لتركيبه حيث ان فوائده كثره اذا تعلقت السياره. موتري كان لندكروزر جي لاتوجد به هذه الميزه واضطريت لتركيبها واخدمتني كثير.

موتري بترول صالون 98

تركيب الدفلوك فيه كم يكلف وهل يحتاج لمحترف في تركيبه ..

[حطاب الشمال]

وين اللي يركبه ؟؟؟؟؟؟؟؟؟؟؟

وكم يكلف تركيبه للنيسان ؟؟؟؟؟؟؟؟؟؟

[جيب ربع]

طريقة تركيبه ....
http://www.youtube.com/watch?v=33pPBj5sr0M

[حاميش]

أنصحك بدال ماتركب دف لوك

تشتري دفرنس نيسان وكاله الدف لوك فيه

وتركبه أفضل من تشق دفرنس ويمكن ما يضبط