المساعد الشخصي الرقمي

مشاهدة النسخة كاملة : ابي المشوره منكم يالنحالين


وطن6001
31/08/2013, 10:54 PM
موقعي الدلم جنوب الرياض ب80 كيلو الدلم كلها مزارع نخل وبرسيم وغيرها من الاشجار
عندي غرفتين في السطح بحط فيها نحل كيف ابدأ ومتى وبكم خليه
سألت عن النحل البلدي اسعاره في الجنوب 150 الخليه والمصري في الرياض على 350
البلديه ترش دخان في الشهر مره بس تخلي الحاره عج وبعد 20 يروح الدخان
ابي مشورتكم اخوكم نحال مبتدي وصراحه احب النحل وودي اتعلم اصير نحال
ابي مشورتكم
وربي يوفقكم ويرزقم جميع
اخوكم ابو عبدالرحمن
فرحان مدهش
01/09/2013, 12:05 AM
حياك يا ابو عبدالرحمن أبشر بسعدك وأنا أخوك تعال خاص ولا واتس اب ٠٥٣٧٧٣٠٠٠٤
وطن6001
01/09/2013, 06:38 AM
بارك الله فيك تم تسجيل رقمك وسيتم التواصل معك
لا غنى لي بعد الله عن آراء اخوتي باقي النحالين
الصبحين
02/09/2013, 03:38 AM
الاخ وطن اسعد الله صباحك بكل خير
من قال لك ان خلية النحل البلدي ب150
النحل البلدي اغلى من المصري بثلاث مرات
انتبه وانا اخوك لاتطيح بنصابين سعر الخليه البلدي يعتمد على قوة
الخليه واضعف خليه ب400 وتصل اقوى خليه ب900 ريال
اتكلم عن النحل البلدي بخلايا افرنجيه
والبلدي بخلايا بلديه الدائريه لايقل سعره عن 350 ريال وانت طالع
تقبل تحياتي
وطن6001
02/09/2013, 06:31 AM
ابلغني احد الاصحاب بذلك وطلبت رقم البائع للتأكد سيتم كتابة الرد هنا
شاركنا بالمشوره فيما كتب فوق
الصبحين
03/09/2013, 12:32 AM
الله يوفقنا وياك وانا خوك
انا بعد زيك مبتدئ في عالم النحل ولكني استفدت كثيرا من الاخوان
اعضاء هذا المنتدى الرايع فلهم الف شكر وللمشرفين والقايمين على هذا الصرح
ونتمنى لهم دوام التقدم والازدهار
اخي انا بداءت بخليتين نحل بلدي في خلايا افرنجيه قبل 5 اشهر والحمد لله جنيت منها عسل الطلح
في بداية شهر رمضان والان وبعد العيد رحلت الخلايا الى تهامه وشغاله ولله الحمد والمنه
اخي توكل على الله وابدا بخليه او اثنتين حتى تتقن التعامل مع خلايا النحل وتعرف اسراره ولا
غنى لك بعد الله عن اخوتك النحالين في هذا المنتدى لطرح تسالاتك عليهم ولن يبخلون عليك
بما لديهم من خبره ومعرفه
وتقبل وافر التحيه والاحترام
وطن6001
03/09/2013, 02:22 AM
الله يجزاك خير ويباركلك في نحلك يارب
جاري التطبيق ان شاء الله وننتظر باقي الآراء
سعود الريان
09/09/2013, 12:08 PM
نصيحتي لك ابدأ ب5 خلايا إفرنجي ونحل مصري تشتريه من الطايف ب130 ريال,
واشتري كتاب عن تربية النحل من مكتبة جرير او العبيكان .

مع تمنياتي لك بالتوفيق...... نحال متقاعد
فرحان مدهش
09/09/2013, 04:12 PM
نصيحه لوجه الله لاتنحل بالمصري خصوصا في البدايه بعد ان تتعلم على البلدي ويصبح معك منحل دائم هذاك الوقت تبغى مصري تأخذ به موسم موسمين لانه يموت بعد نهايه الموسم ويمكن يتكنسل مشروعك وهذا هو الهدف من دخول المصري للسعودية حتى يقضي على الثروة النحليه في البلد ولو تركت المصري نهائيا أحسن وابرك ماوراه خير يجيب كل الامراض معه للنحل والشجر واكبر دليل رائحته عند التسكين وقرصاته تتقيح في اليد
وطن6001
11/09/2013, 09:56 PM
نصايحكم عاليه علي واستفدت منكم كثيي
ربي يوفقكم
عادل 1000
25/09/2013, 03:05 AM
إذا الجو عندك في الشتاء مايصل إلى الصفر ...أنصحك بالبلدي عشان يستمر معك أما المصري كل موسم موسمين تشتري .. أنا كل سنة اشتري وبمبلغ عالي نحل مصري لأني اشتغل موسم الطلح والسدر فقط ...ولاعندي وقت للتنقل وإلا كان اتخخذت بلدي ... ومع ذلك إنتاج المصري اكثر من البلدي ..

لكن مثل وضعك خذ بلدي بخلايا افرنجي
بدوي ممطور
25/09/2013, 11:21 AM
الله يوفق الجميع
المشكله با لمزارع دايم يرشون النخل والبرسيم وغيره وعلى ذالك تلقى النحل مت صرع
بيع عسل
25/09/2013, 10:00 PM
الله يسهل امرك ارجوالتواصل عن طريق الواتس انا نحال عندي خبرة ابوسليمان 0503145652
بيع عسل
25/09/2013, 10:10 PM
السلام عليكم

انا نحال عندي خبرة اذا اردت ان افيدك التواصل بالجوال اوالواتس ابوسليمان 0503145652