الربيع يم لينة(الزعبية )

[ابوصنت]

الصور يوم الخميس الموافق 13/11/1423هـ


في الزعبية شمال شرق لينة
http://mmutairi.jeeran.com/DSC00624.JPG
http://mmutairi.jeeran.com/DSC00623.JPG
http://mmutairi.jeeran.com/DSC00621.JPG
http://mmutairi.jeeran.com/DSC00620.JPG
http://mmutairi.jeeran.com/DSC00619.JPG
http://mmutairi.jeeran.com/DSC00616.JPG
http://mmutairi.jeeran.com/DSC00615.JPG
http://mmutairi.jeeran.com/DSC00614.JPG
http://mmutairi.jeeran.com/DSC00612.JPG

[راعي عنيزة]

مشالله عليك على بو صنت صور ولا اروع ومدري الحلى فيهم من الفيضه ولا من المصور ولا من الـ nikon :)

مشكور يا خلفهم ووشو موديل كاميرتك ؟؟ وترا كاميرتي 2500

والظاهر يوم الخميس والجمعه كل ربع مكشات بالزعبيه

[الخادم]

ابو صنت

الحقيقة مرة و لكن الصور المنقولة عن المنطقة غير هذه الصور و كنت ارغب اقضي اجازة العيد يم لينة و لكن الحال تبدل بعد الصدمة المرة عسى المانع خير 0
و يعطيك الف عافية على الصور ياخيي 0

اخوك
الخادم

[عجاج]

عشت والله ابوصنت على الصور الجميله :good:
لكن حسب ماسمعت وانا اخوك من الربع ان الفيضه مساحته محدوده
وانا ناوي اروح يوم الخميس يمها توقع القى لي مكان :confused: من الزحمه

[الهارف]

الف الف شكر لك اخوي

ما شاء الله الربيع واجد

والله الصور كذا:good: :good: :good: :good: :good:


ومشكوووووووور



تحياتي

[نقا هشال]

مشكور ياابو صنت

صور رائعه

[راعي الحزم]

نصيحة نصيحة نصيحة ثلاث مرات الي يبي يتمتع بالطبيعة البكر والمناظر الي تسر الخاطر والخصوصية وراحة البال لا يروح يم الزعبية صحيح ربيع وهو توه على اوله لكن الوسخ بكل مكان الناس واجد والكنود
ما فيه الا علم فاضيه سب وشتم وكلام فاضي فيه افياض على امتداد اعيوج لينه افضل الف مره من الزعبيه
ياجماعه والله ما فيها راحه والي راح يحكم على كلامي يمكن اني غلطان



التوقيع ( واحد غرته صور الكاميرات اليابانية ) وشكرا

[المجد]

الاخ راعي الحزم مشكور على النصيحة بس يا اخوي تراي عليمي بالمنطقة يا ليت تعطيني وصف دقيق عن اعيوج لينه وجزاك الله خير

[راعي الحزم]

اعيوج لينه يالحبيب اللبيب هو عبارة عن شعيب يشق الحجره عرض من روضة بن هباس شرقا الى ما دون لينة بعشرين كيلو غربا وهو يضيق حينا ويتسع احيانا حتى يصبح مثل الوادي الكبير ومعك علم الحجرة
الاودية فيها طين ما فيها بطحاء مشابهة لتضاريس منطقة الرياض وشعيب الشوكي وغيره والشعيب كل ما يحير ماه يشكل فيضه وطبعا كل فيضة لها اسمها الخاص بها المتداول عند اهل المنطقة والفياض في هذا الشعيب كثيرة منها الكبير ومنها الصغير الخالي من السدر ويوجد في الشعيب قرية الاعيوج فيها مدرسة اعيال وبنات والشعيب يقسمها الى قسمين عموما الكشات يمشي مع الشعيب أفضل لوعرة الحجرة يمين ويسار
ولا ادري يا خوي يمكن الارض تجوزلك ويمكن لا لان الناس واجد والفياض متسخة ووصف طريق الشعيب
طريق الحفر معروف قبل القاعدة وانت جاي من الارطاوية تجتك محطة البطيحانية عندها مفرق رفحاء الجديد
لف معه وطول لين تاصل محطة اسمها الشرق الاوسط باعلى الحجرة بعدها محطة صغيرة يسمونها نعجة
ميتين متر ويجيك الشعيب طبعا ما فيه كبري الزفلت نازل له تلف يمين والخطوط تودي للفياض ترى فيه لوحة صغيرة مكتوب عليه الاعيوج جنب الخط صغيرة مرة وفيه افياض احسن وهي نطح محطة الشرق الاوسط يمين
وتراي ماني راعي بواصل لاتسأل عن الارقام ما اعرفلهن أبد

[المجد]

الله يكثر امثالك وشكرا لك الوصف واضح .

[عروان]

أخوان أنا سمعت عن الزحمة اللي بالزعبية من أكثر من واحد.

بشرونا عسا الفيضة ما أنحاست بالسيارات.

[مراكي الذيب]

الله لايهينك ياراعي الحزم على هالوصف لكن اذا انا متجه من الحفر الى رفحا من وين افرق يم الشعيب , وش احسن طريق يوصل الى المنطقه اللي انت وصفت



وشكرا جزيلا

[أبوتميم]

السلام عليكم
أهلا براعي الحزم. وأظن القارمن ماله داعي مع وجود أمثالك
استفساري: وصف لي اعيوج لينه اذا كنت آتي من قبه الله لا يهينك .......وأخيراً ما أقول الا يا ويل اللي ماله رس......وشكراً

[عربسات]

اخوي بو صنت ماشالله ربيع طيب وتسلم يدك على التصوير
بس مشكلتي احب الصمان وفياضها :D :D :D

[مشعل]

الله يعطيك العافيه يابو صنت بصراحة صور اكثر من رائعة
ياريت لو عندك الإحداثيه حقت الروضه ( روضة الزعيبة )
اكوووووووووووووون لك شاكر ومقدر ،،،

[مساء الخير]

1/ فيضة الزعبية :
28.56.117
044.08.835
2/ اعويج لينه :
28.49.079
044.02.541