يا أهل بريده يامن عين الطير

[عبكري]

السلام عليكم ورحمة الله وبركاته

وش علومكم يالربع إنشاء الله بخير

الطير غدا ياجماعه في حي الوسيطاء في بريده من جهة الشرق (من عند سوق البعارين الجديد)

الله لايهينكم ياجماعه اللي يسمع عن الطير شي يتصل على الرقم أدناه

وصوف الطير:
حمر صافي وراسه كاشف والمنخر والأرضيه صايبها جدره من قبل العام وباقي أثرهن أثربسيط
الرجاء الأتصال على الرقم(055177654)أبومحمد
وللمعلوميه الطير غدا اليوم الأثنين 17/11/1423
واللي يلقى الطير يبشر بالسعد

وجزاكم الله خير

[المرصاع]

سم يا بو محمد نداك أبوصله للربع حقين الصقور أبوفريد والشلة ..........

لكن وشو نوعه حر ولا شيهان ولا...............

[عبكري]

تسلم يالمرصاع علومك غانمه

والطير حر طال عمرك وماتقصر على ماتسوي

[عبكري]

أبشرك يالمرصاع ولايهونون الربع أننا لقينا الطير وماقصرتوا ياجماعه

[المري]

الحمد لله على العـقــلان


يابو محمد

[المرصاع]

مبرووووووووووووووووووك جعله ذخر لك ..........

الله يجعله يبيض وجهك بقنصه..............

[عبكري]

الله يجزاكم خير يالمري ويالمرصاع

وأبشركم الطير مابه خلاف والحمد لله