المساعد الشخصي الرقمي

مشاهدة النسخة كاملة : لاهنتم ... اللي يعرف ! خطوط جيب جي اكس 95 لاهنتم


سرطوقا
06/09/2013, 10:23 PM
مديله 95

ادور خط اصلي وين احصلة

بارك الله فيكم
ابو نجاح
06/09/2013, 11:31 PM
شف محل ابو اسعود الي بلغرابي او البازعي
سرطوقا
07/09/2013, 01:29 AM
عنده تجاري وانا الي ابيه اصلي


جزاك الله خيرر
العنابي 616
07/09/2013, 09:24 AM
دورت بالوكالة أو عند الموزعين؟
ما قد سألت عن شي الا و موجود عندهم
سرطوقا
07/09/2013, 01:08 PM
الا دورت وحتى الوكالة قالوا مافيه شي ابد


الضحيان انا استغربت منه قال ماعندي وكأني سمعته يقول طلبية


يعين الله ان مانفع ولا ركبنا تجاري
الجوكر حسن
07/09/2013, 02:27 PM
الوكاله اخبرهم يطلبون اي شي تبيه واكيد غالي


انا مره ابي علامه تايوتا اصليه وكاله دورت مالقيت

رحت لم الوكاله طلبوها من الرياض انتظرت اسبوع وجيتهم قالو لي مافي يقولون وقلت طيب عادي انتظر اكثر في طلب ثاني قالو في جده عندهم تبي نطلبها قلت اطلبوها انتظرت اسبوع وجيتهم وجت وانا من حائل يعني انتظرت اسبوعين وجت الطلبيه والحمد الله .

وانت يا اطلب طلبيه اصلي وانتظر وان شاء الله تجي طلبيتك .
ولا رح لغرابي يفصل لك خط واذكره يعطونك ضمان من واحد قالي ..
سرطوقا
07/09/2013, 07:14 PM
ابطلب بس تجي الاصلية

من اي فرع طلبت منه لاهنت وبارك الله فيك
الجوكر حسن
08/09/2013, 08:52 AM
ابطلب بس تجي الاصلية

من اي فرع طلبت منه لاهنت وبارك الله فيك



الفرع الوكاله بحائل عن اشاره المعارض

التوصيف يكون معارض حائل وراك وقدامك الاشاره وتطلع يسار مع الاشاره وتجيك الوكاله يمينك ..

ولا اذا انت جاي مع طريق القصيم ودخلت حائل اول اشاره تجيك تشوف الوكاله يسارك تديور مع الاشاره يسار وتلقى الوكاله يمينك .

اذا انت موب من اهل حائل قلي اروح لمهم واقولهم وارد لك .
سرطوقا
08/09/2013, 12:57 PM
الله يطول عمرك ويجزاك خيرر

لك رسالة على الخاص
الجوكر حسن
08/09/2013, 01:22 PM
وياك
في مشكله في الرساله الخاصه مدري وش فيه لما ارسلك يقول كذا


سرطوقا إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.
اذا كنت تحاول ارسال الرسالة الى أعضاء متعددين، احذف سرطوقا من الاعضاء الذين ادرجتهم لتلقي رسالتك حتى تتمكن من ارسال الرسالة.


مافهمت شي


المهم هذي ردي لك في الرساله الخاصه
يمكن عندهم يمكن لا
اذكره في تشاليح العقيل اكثر شي عندهم جيوب عاد مدري يمكن عندهم يمكن لا عن الهدد 95
سرطوقا
08/09/2013, 03:03 PM
بارك الله فيك وماقصررت

بيعين الله نغير خط كامل