استفتاء للخبراء....السياره تطلع من التغريز او لا

[كاشخ 24 ساعه]

هذه صوره لي مغرز وطلعت ولكن بعد تعب ومشقه ومساعده

اكثر من شاف الصوره قال السياره تطلع بس يبي لها تنسيم والبعض قال حتي بدون تنسيم تطلع والبعض سأل عن طبيعه الارض وحدد بعد ذلك

اريد منكم يا اخوان رأيكم وانتم الحكم هل تطلع السياره بسهوله اولا مع العلم ان السياره جي اكس ار 8 سرندل والتغريزه في شهر 6 ميلادي

https://lh6.googleusercontent.com/-fnkM-SyAKz0/Uipvn1sGhhI/AAAAAAAAB8o/DsIDWkD4dhU/w702-h527-no/photo+%25281%2529.JPG

[((ابوملاك))]

الارض وشي ؟ هل هي هيار او نفود عادي

وهل الرجال منسم ؟

[فاارس]

عندي احساس من الصوره ان الجهه الثانيه من السياره غاطسه ههههه ..

[المميـز]

:

الواضح من الصوره ان التغريزه عاديه والدعاسه الجانبيه رفيعه عن الارض
وهذا دليل ان بطن الموتر ماتعلق
فلذلك الحل تنسيم الى ١٠ + الدبل الثقيل ويطلع ان شاء الله
خصوصا انه موتر ٨ سلندر ماشاء الله

:

[خيال الحرشاء1]

مدري كيف احكم صراحة على طبيعة الأرض لأني اشوف اثر أرجل بجانب الكفر لم تغطس في الرمل وهذا يدل على ان الارض ماهيب هلاش ولكنك يمكن دخلت مانسمت .. لذلك صعب الحكم من خلال صورة

انا وضعت تصويت على "لابد من مساعده وجر للسياره" بحكم ان الكفرات كلها غاطسة

[الجامح 2008]

تنسيم ودبل ثقيل

وربك يسهلها

[Daym]

ماهو معقول قاهر الصحراء تعوقه هذي التغريزة البسيطة

[الوافي.]

هذي مهب تغريز للجيب

لو ونيت يمكن

[عآشق الbaikal]

تشغيل الدبل


وراح يطلع ان شاء الله
لان الموتر ماهلــش وهذا جيـــــــب ماتعوقه التغريزه هذي كانه عاقته والله علوم

[مناجي الخواطر]

اممم ...

اتوقع انك ما طلعت الا بسحب .

كن السيارة عالق بطنها ولا يطلعها لا تنسيم ولا دبل

[ابوماجد-1]

تنسيم الكفرات يعالج الامر بأذن الله عز وجل

ولكن لاتنسون يبقى شي مهم وهو خبرة السائق بالتغريز ونوعيه الارض

ملاحظه :

هناك بعض الشباب يفكر كل جيب مايغرز وانه قادر على تجاوز اي ارض ولايهمه الامر

هذا النوع قد يقع في ورطه احياناً

قصه واقعيه حصلت وانا متواجد

صاحب جيب لاندكروز في اكس ار امامه ارض سبخ وقلنا له يارجل السياره تهلش بالارض قال ياعمي هذا مفخره

عزم على رايه ودخل السبخى وكم متر والا المفخره صاير مصخره (مع احترامي للجميع)

حاول يمين يسار شغل دبل دفلوك نسم كفرات قلب ماقدر استسلم وقال اسحبوني

بعدها سحبناه وطلع ولله الحمد واخر شي اقتنع ان مو كل ارض يستطيع الجيب تجاوزها

هذي للعبره فقط

غسيل السياره كلفه 150 ريال

[الدوسري2010]

انا قبل مده طحت برباضه والله ماطلع الا بعد ماجاني واحد ومعه شباب وحفر ودف ويالله طلع علماً بأن الهوا ١٥ والدبلات كلها شغاله وسواقتي ٩٠٪ بالبر مابي امدح نفسي لكن الرباض مايعرف سواق من غشيم

[كاشخ 24 ساعه]

الارض وشي ؟ هل هي هيار او نفود عادي

وهل الرجال منسم ؟

الارض طال عمرك هيال والرجال صاحي ماهو بمنسم لكن الكفرات علي شوفة عينك وانت احكم

[مليار]

تنسيم الكفرات يساعد كثير في التغريز ولو التغريز قوي نسم الى 5 خل الكفريفرش ويكون لين ومع الهزهزه الخفيفه يطلع باذن الله بس بعض الناس يدعس على الاخر وبس فيه اساليب من هز الموتر وفتح طريق ورص الرمل حتى يطلع

تسوي جاده للموتر يتحرك فيها بعدين تشده ويطلع بس اهم شي في التغريز تنسيم الكفرات

[صفحة تربوية]

تنسيم على 10

الدبل الثقيل

افتح مسار للكفرات
كل كفر احفر امامه مسافة متر ( تبريح )

لاتدعس على الموتر قوة

يطلع بإذن الله

[PATHFINDER 4]

اظن جنوط هالنوع 18 و طبعا لازم تنسيم الكفرات

ما استغرب انه غرز

[تساهيل1]

مدري
............

[غيره بلاحدود]

اقصى قوه للسياره بعدها انسى انها تمشي اذا سويت ثلاث اشياء
1- تنسيم الكفرات 10
2-الدبل الثقيل
3- تمشي بطريقه متعرجه بالطاره يمين يسار يمين يسار اثناء المسير كذا راح يطلع وبعدين الي يقول ونيت ولا جيب ماله شغل انا مطلع سوبربان دبل 2001 ومحمل عائله بمكان طاحت فيه جيوب قدامي السالفه اهم شي ثمان سلندر ودبل مافي سياره اطيب من سياره مثال الجيب الكبسووله الكب يشهدله بقوته بس فيه عيب اذا فيه سياره ثقيله طايحه للدفرنس مايقدر يطلعها مو ضعف لا لان بديه خفيف ووزنه يصير يفحط بمكانه صح مايغرز بس مايقدر عليه انا بصراحه جربت سوبربان 2001 والله 6 سنوات اطلع واسحب قلص والنفوود ماغرز ولا مره صح اوقف انزل انسم الكفرات واسوي الطريقه الي كتبتها ويمشي وجربت اف 150 ونفس الطريقه الي كتبت بدونها يطيح وسلامتكم

[الادغش]

انا ماني فاهم من وضعك لصوره سياره مغرزه !!!

هل تريد ان تقنع الجميع بان السياره بتطير مثلا

موضوع ضعيف جدا ولايرتقي للحديث والخوض في معمعته

مع احترامي لك طبعا ولباقي الاعضاء

لكن احترموا عقولنا شوي !

تحياتي للجميع

[مسير عليكم]

تحكمها الارض والسواق

وفيه نقطه انه تماتيك وهذي بعد مشكله

اخواني بحكم خبرتتكم وبالتغريزه ذي ومعكم تماتيك وش تسوون ؟؟
لاني متعود علي العادي ولمن انشب اسايسه بالكلتش والقير الين يطلع بس التماتيك مافيه كلتش ولا اعرف اسايسه هنا وش اسوي ؟؟

ابي كلن بخبرته يجاوب وينورني

[هارون97]

اطلعة ونا انقم فصفص

[ابوسند9]

على السواق وانا اخوك
لكن اللي اشوفه انزل الهواء 10 وما احتاج تشغيل الدبل

[بدا]

السلام عليكم و رحمة الله وبركاته .
يجب تنسيم الكفرات عند نزول الشخص ب سيارته علئ 20 مثلا في الربع الحالي و25 في المناطق الاخر تساعد السياره في تجنب الغراز واذا الارض وعره من ناحية الرمال يجب تشغيل الدبل الخفيف وعند التغريز وكنت مشغل الدبل الخفيف مسبقا بادر في تشغيل الدبل الثقيل لكي لا يحترق الكلتش ولا توثر علئ الصحن والديسك ومن يجور علي موتره بالدبل الخفيف يمكن يعرض نفسه لعواقب وخيمه واللي يحن علئ موتره يرتاح في المدينة

[قناص مزاجي]

هذه صوره لي مغرز وطلعت ولكن بعد تعب ومشقه ومساعده

اكثر من شاف الصوره قال السياره تطلع بس يبي لها تنسيم والبعض قال حتي بدون تنسيم تطلع والبعض سأل عن طبيعه الارض وحدد بعد ذلك

اريد منكم يا اخوان رأيكم وانتم الحكم هل تطلع السياره بسهوله اولا مع العلم ان السياره جي اكس ار 8 سرندل والتغريزه في شهر 6 ميلادي

https://lh6.googleusercontent.com/-fnkM-SyAKz0/Uipvn1sGhhI/AAAAAAAAB8o/DsIDWkD4dhU/w702-h527-no/photo+%25281%2529.JPG




من واقع خبره

هذه السياره تطلع يالراحه لان الواضح من الصوره ان الأثر الذي بالارض يدل على ان الارض نوعاً ما قاسيه ومتساويه

وسبب تغريز السياره هو ان الكفرات مليئه بالهواء

اذا كان الشخص ليس لديه خبره قد يحترق القير لهذه السياره وخصوصا الكلتشات

اثناء محاولت اخراجها

لذالك لازم تدرب على الطريقه الصحيحه لاخراجه

[فرفور بريده]

يارجال كان معي سييرا وجنط 22 ومكينه 4.8 ..

وغرزت مره اقوى من هذي

وطلعت بالثقيل وبالراحه ماشاء الله وبدون تنسيم والكفرات فيها 40

[أبويوسف3]

انا ماني فاهم من وضعك لصوره سياره مغرزه !!!



هل تريد ان تقنع الجميع بان السياره بتطير مثلا


موضوع ضعيف جدا ولايرتقي للحديث والخوض في معمعته


مع احترامي لك طبعا ولباقي الاعضاء


لكن احترموا عقولنا شوي !



تحياتي للجميع

موضوع جداَ ممتاز ، ومشاركة الأعضاء الكرام أحلى وأحلى .
وإذا ما أعجبك الموضوع لست مجبوراَ على المشاركة .

[sgl2002]

الله يقطع الجيوب الجدد

ترفع الضغط و تلقى الموتر تلعب كفراته وهو مكانه ماتحرك



الجيب ان ماجاك دفرنس قدام وورا والا لاتسميه جيب

[قطب 999]

مايحتاج لها تنسيم ولا شي بس غير السائق وتطلع:D:D:D

[أبو الوليد 14]

بعض الناس إذا غرز قعد يداعس للموتر على باله بيطلع الين يعلق بطن الموتر
من الصورة باين ان بطن الموتر رفيع عن الارض مثل ما قالو الشباب
1 نسم الكفرات
2 دبل ثقيل
3 برح للموتر وافتح له مسار حيث ان ييتحرك ولو شي بسيط قدام و ورى
4 خل واحد من العيال يتعلق بالشنطة على الموتر وينطط ويهز الموتر
5 اخير خل الدعس على خفيف الين تحس الموتر بدا يتحرك من مكانه بعده ادعس ولا يردك الا البيت ههههه امزح

طبعا كل هذا بعد الاتكال على الله

[ابونبيل]

دائماً اذا طعت بتغريزه حاول تنسم واذا حسيت ان محاولاتك اذا فشلت ممكن السياره تعلق نسم 10 او ه وبرح للكفرات وبيطلع الموتر بالساهل

[مؤثر]

يوجد ميلان من الجهه اليمنى للسياره
وهذا يدل على انغراس الاطار الامامي الغير بائن في الصورة بشكل اكبر من الجهه اليسرى الظاهره في الصورة

كما ان الارض رمليه حسب ما ارى الوقوع في هذا المطب يدل على عدم خبرة السائق في الاراضي الرمليه
لذلك يوجد حلين الاول تنسيم الاطارات الى 10 مع ازالة الرمال من على الاطارات وتشغيل الدبل على ان يكون تحريك السياره بشكل غير عنيف للامام والخلف وان لم ينفع فمن الممكن رفع الاطارات بالجيك مع وضع اخشاب او صخور تحت الاطارات وتحريك السياره

[اتجاه السحاب]

الدبل الثقيل مع الدفلك مع تحريك الطارة يمين ويسار يطلع بإذن الله..طريقة مجربة وفعالة

[جزر العرب]

نسم الكفرات ع 10
شغل الدبل الثقيل
واطلع ريوس

[شغب007]

من الصورة يطلع بالراحه لكن يبي تنسيم الكفر + الدبل+ والسايق لا يقرب للجيب ثاني مره (:

[fh...fh]

السلام عليكم ...من واقع تجربه
سيارتي لاندكروزر v8نفس اللي بالصوره ووقعت بنفس المشكله ونفس التغريزه ..وخبرتي في الرمال والتغاريز جيده جدا ..واقوال لكم نصيحه بعد 2007 لاتسميه جيب في التويوتا و الكزس حيث انه سيارة اسفلت فقط ..في الرمال الباترول عطي الله وبس
.......الله وكيلك ماطلعنا الا بسحب وبعد ماتقطعت السبته 10مرات.......

[ابوريناد1979]

ماهيب واضحه الصوره
ولاتعتمد على النتايج كثير غير اللي شافها عالطبيعه

[ابو ســــاره]

الصورة ناقصة
مستحيل تطلع اذا كان الكفر الخلفي الايمن منغرس بالرمل والثاني مرتفع وهذه يحلها لك الدفلك وبدونه تحتاج رفع المنغرس حتى يعمل الدفرنس بكفائة ويحرك السيارة ومن خلال الصورة يتبين ان السيارة على خط سفر ويبدو انه طريق الشرقية وهناك المنطقة اغلبها سافي وهو رمل خفيف وتنغرس فيه السيارة والمسافر يستعجل في الامر ويزداد الامر سوء . قد يصل الي حمل السيارة بسطحة لاحتراق الكلتش !

[ابولمارالحربي]

سبحان الله وبحمدة سبحان الله العظيم

[سرطوقا]

المشكلة دائما ليست بالرمال او بالتغريز أبو بالأرض طبعا خلاف الطين ماله حل الا السحب


اذا تعلقت السيارة هنا المشكلة واهي اللي تخلي السيارة توقف وماتطلع الا بعد مشيئة الله وفعل السبب

[s.alrashedi]

لازم تنسيم وتشغيل الدبل الثقيل
بحكم إن الموتر ثقيل والارض هيال

[4x4ofroad]

تغاريز اكثر من كذا وتطلع المواتر بس يبيلها سواق يعرف يتعامل مع الارض والموتر
انظمة التراكشن كنترول تساعد على خروج السياره
لازم لازم لازم من التنسيم

[حطب سمر]

تنسيم ودبل ثقيل
تنسيم ودبل ثقيل
تنسيم ودبل ثقيل

[راعي الرجم]

اول شي الجيوب التاليه على طول تمسك الارض لانه وزنها ثقيل كذلك لا تنسى ان التماتيك ارفل بالرمل
الحل : هو ان تلف يمين قليلا جهة الميول تحفر للكفر الارفع اكثر من الطامن ولا تنسى مقدمة السيارة من اسفل تبرح للموتر الي تحت المكينة وبطن السيارة و تبرح لجميع الكفرات
بعد تنسيم الكفرات مش السيارة 15 سانتي ثم برح ولا تحاول تدوس للسيارة لين تعتدل خشة الموتر
لان خشة الموتر هي الي تغرز بالسيارة
وياليت الكل قبل يدخل البر يكون معه اكياس شعير او ماشابه ذالك يملاها تراب ثم يضعها في طريق السيارة

[زيزوم الاكحل]

قارورة الصحة الي فوق التندة هي الي مثقلة على الجيب وخرها ويطلع باذن الله :)

[لهذام]

الارض طال عمرك هيال والرجال صاحي ماهو بمنسم لكن الكفرات علي شوفة عينك وانت احكم

هههههههههه الرجال ماهوب منسم
إستنباط لغوي جميل :D

،،
الرجال دخل بلا تنسيم ثم غرز الموتر خفيف ثم قال الرجال الموتر بيطلع ويشد عليه ويحفر معه لين وصل لهذه الحاله
الحل
تنسيم الكفرات
ثم التبريح من امام وخلف وجوانب وبطن الموتر
ثم الدبل الثقيل
ومرجحه امام خلف
ثم اشلعه بالريوس
وستر الله عليك

[طرقشون]

اذا كان موقع التغريز قبل الشرقيه بـ١٠٠ وحولها فخروج السياره فيه صعوبه وغالبا بيحتاج سحب

معروفه هالمنطقه مصيدة للسيارات لما ينزل فيها ويجي يبي يمشي يشقص الموتر وكثير تحصلهم ناشبين وغالبهم جيوب

[غدر الزمن]

حتى لو نسمت الكفرات وشغلت الدبل ماتطلع الا بسحب والسبب واضح الرمل ناعم ماتمسك فيه الكفرات حتى لو نسمت 10 او 15

[فهد ابو ليان]

ثق تماااااما اي كانت نوع التغريزه اذا كان راعي الموت
سوااق فأعرف ان السياره طالعه طالعه باذن الله
السواق ماتفرق معه نوع الارض

[Joker fj]

تنسيم ودبل ثقيل والدعس خفيف ولف الطاره يمين ويسار تطلع من اي غراز بإذن الله الأهم تكون دعسته ثابته وخفيفه والخبره تلعب دور مهم

تم الإرسال من جهازي HTC One بواسطة تاباتوك 2

[fares_dubai]

انا رأيي من رأي الشباب اللي قالوا أن الموضوع يعتمد على السواق

1- التوكل على الله وضبط النفس والأعصاب والتركيز في طريقة اخراج السيارة

2- الدعس الخفيف جدا جدا جدا مع لف الطارة يمين ويسار مثل ما تفضل الأخ جوكر راح يطلع الموتر وبدون تنسيم بعد

3- اذا السواق خبرته متوسطة في البر يجب التنسيم مع الخطوات السابقة

4- اذا السواق غشيم الله يستر عليه والعشوائية في التصرف ابدا ما تنفع في مثل هالوقت

5- الدفلوك يساعد كثير في مثل هالحالة ويسهل على السواق الخروج من هذه التغريزة

6- التوتر والاستعجال في اتخاذ القرار قد يؤديان إلى نتائج سلبية حتى مع السائق المحترف

والسموحة عالاطالة

اخوكم فارس دبي

[كاشخ 24 ساعه]

شكرا لجميع المصوتين

الغرض من هذا الاستطلاع هو الثقه المفرطه في النفس كثيرا وقد واجهتها من زملائي قبل بعض الردود الحاليه

واكبر دليل هو سيارة السنيدي رحمه الله وخويه وكانت من اقوي سيارات الدفع الرباعي ومغرز جهه واحده فقط ومع ذلك لم يستطيعوا الخروج

الارض اللي في الصوره هي ارض بيضاء ناعمه امام منفذ الربع الخالي من جهة حرض وهي ليست بعيده عن الخط الدولي باتجاه البطحاء

السياره التي ترونها هي افخم فئه من نوعها وكانت الكفرات منسمه على 5 ولم يفلح الدبل ولا الدفلوك في خروجها

والسائق كان خبير في الصحراء بشكل عام ولم يواجه ابدا هذه المعضله وكلكم تعرفونه (كوع نمله) وله عدة مواضييع وصور عن رحلاته في الصحاري


المقصد اخواني مهما كان السائق محترف ومهما كانت السياره قويه فلا تأمن ابدا الرمال والصحاري وخذ معك ما يكفيك من ماء وطعام


طبعا حصل شي طريف عندما غرزنا

الجوالات كانت شغاله وكلمنا الدفاع المدني ولم يتحرك وقال اتصل علي امن الطرق

امن الطرق حولنا علي الشرطه

والشرطه او الدوريات اعطونا ارقام سطحات وقالوا هذا اللي نقدر نسويه :eek: ولا احد من السطحات رد الا واحد يقول انا بعيد وما اقدر اجيكم


اخيرا وبعد ما يأسنا وقبل ما نكلم الرياض ونخلي احد يجينا فكرنا في اقرب مدينه وهي حرض ومعروف ان ارامكوا في حرض

كلمنا دوريات ارامكو وخلال ساعه وهم عندنا بسيارتين مهمات صعبه وسحبونا وطلعونا

لا وحلفوا علينا بالعشاء في حرض


وسلامتكم

[elshamri]

تنسيم ودبل ثقيل والدعس خفيف ولف الطاره يمين ويسار تطلع من اي غراز بإذن الله الأهم تكون دعسته ثابته وخفيفه والخبره تلعب دور مهم

تم الإرسال من جهازي HTC One بواسطة تاباتوك 2

:good2::good2::good2:

[elshamri]

شكرا لجميع المصوتين



الغرض من هذا الاستطلاع هو الثقه المفرطه في النفس كثيرا وقد واجهتها من زملائي قبل بعض الردود الحاليه


واكبر دليل هو سيارة السنيدي رحمه الله وخويه وكانت من اقوي سيارات الدفع الرباعي ومغرز جهه واحده فقط ومع ذلك لم يستطيعوا الخروج


الارض اللي في الصوره هي ارض بيضاء ناعمه امام منفذ الربع الخالي من جهة حرض وهي ليست بعيده عن الخط الدولي باتجاه البطحاء


السياره التي ترونها هي افخم فئه من نوعها وكانت الكفرات منسمه على 5 ولم يفلح الدبل ولا الدفلوك في خروجها


والسائق كان خبير في الصحراء بشكل عام ولم يواجه ابدا هذه المعضله وكلكم تعرفونه (كوع نمله) وله عدة مواضييع وصور عن رحلاته في الصحاري



المقصد اخواني مهما كان السائق محترف ومهما كانت السياره قويه فلا تأمن ابدا الرمال والصحاري وخذ معك ما يكفيك من ماء وطعام



طبعا حصل شي طريف عندما غرزنا


الجوالات كانت شغاله وكلمنا الدفاع المدني ولم يتحرك وقال اتصل علي امن الطرق


امن الطرق حولنا علي الشرطه


والشرطه او الدوريات اعطونا ارقام سطحات وقالوا هذا اللي نقدر نسويه :eek: ولا احد من السطحات رد الا واحد يقول انا بعيد وما اقدر اجيكم



اخيرا وبعد ما يأسنا وقبل ما نكلم الرياض ونخلي احد يجينا فكرنا في اقرب مدينه وهي حرض ومعروف ان ارامكوا في حرض


كلمنا دوريات ارامكو وخلال ساعه وهم عندنا بسيارتين مهمات صعبه وسحبونا وطلعونا


لا وحلفوا علينا بالعشاء في حرض




وسلامتكم


أفا لازم تكون مستعد

أنا راعي مقانيص و أدخل مناطق جفر و ربابيض ما يطير طيرها و لينه مره

لكن عامل الخبره من تنسيم و دبل كبير و مناوره بسيطه و هادئه أستطيع الخروج و أحيانآ أظطر الى مساعدة maxtrax كما في الرابط التالي شريتهم من البحرين (4 قطع) ما شاء الله رباضه صبخه أهم شي لا يلزق بطن الموتر
https://www.google.com.sa/search?q=maxtrax&um=1&ie=UTF-8&hl=en&tbm=isch&source=og&sa=N&tab=wi&ei=0MI4UvaoNoaq7QaE24CoCg&biw=1093&bih=539&sei=1sI4Uv_9Deyh7Ab724CACA#facrc=_&imgdii=_&imgrc=m-vKE906k7seeM%3A%3BS0RsLSQzIUcjHM%3Bhttp%253A%252F% 252Fwww.icon-auto.com%252Fonline_shop%252Fimages%252Fmaxtrax.jp g%3Bhttp%253A%252F%252Fwww.ranger-forums.com%252Fproject-logs-82%252Fsafari-pacific-mx2-buildip-67599%252Fpage27%252F%3B600%3B621

[القوبعي]

موضوع جداَ ممتاز ، ومشاركة الأعضاء الكرام أحلى وأحلى .
وإذا ما أعجبك الموضوع لست مجبوراَ على المشاركة .

كلامك صحيح اذا مااعجبه الموضوع يريح نفسه ويحترم مشاركة الاعضاء .
والموضوع ممتاز لمشاركة الخبرات عن التغاريز
فلا ننسى السنيدي والعجلان رحمهم الله وجعلهم من اهل الجنه

تم الإرسال من جهازي GT-I9500 بواسطة تاباتوك 2

[عربوق]

انا رأيي من رأي الشباب اللي قالوا أن الموضوع يعتمد على السواق




1- التوكل على الله وضبط النفس والأعصاب والتركيز في طريقة اخراج السيارة


2- الدعس الخفيف جدا جدا جدا مع لف الطارة يمين ويسار مثل ما تفضل الأخ جوكر راح يطلع الموتر وبدون تنسيم بعد


3- اذا السواق خبرته متوسطة في البر يجب التنسيم مع الخطوات السابقة


4- اذا السواق غشيم الله يستر عليه والعشوائية في التصرف ابدا ما تنفع في مثل هالوقت


5- الدفلوك يساعد كثير في مثل هالحالة ويسهل على السواق الخروج من هذه التغريزة


6- التوتر والاستعجال في اتخاذ القرار قد يؤديان إلى نتائج سلبية حتى مع السائق المحترف


والسموحة عالاطالة



اخوكم فارس دبي


معلومات جيدة ومفيده الله يجزاك خير

[صحيح]

تطلع تنسيم 10 أو اقل شوي ومرجحه
بس لازم تكون هادي جداً

[ALNO4U]

معليش اللي باين الموتر لك عليه لو ماطلع من دون تنسيم وخلافه أقرب معرض واعترف تم الضحك علا الدقون بانها مفخرة الأرض

[لسان الحقيقة]

معليش اللي باين الموتر لك عليه لو ماطلع من دون تنسيم وخلافه أقرب معرض واعترف تم الضحك علا الدقون بانها مفخرة الأرض


:good::good:

الغراز موب كايد لدرجة ان الجيب مايطلع الا بسحب الا كان الموتر لك عليه ..
والا ماراح يردني الا السوووق نشتري صغيرة ابرك :D

[ريف النشاما]

أذكر مره في االدهنا كاشتين ورحنا نتمشى

الاول جيب شيروكي .. والسواق راعيه وانا راكب معه
لكنه مشاء الله سواق سواق بالنفود

الثاني = جيب مفخرة الارض جديد عليه حوالي خمسه يمشي ورانا .. السواق ماعندك احد:D


راعي الشيروكي راح يطامر ويرقا ويدور وينزل بالنقر الفناجيل الصغار يبي يقطع العرق

المهم العرق طويل وصعب جدا فكنت متعجب منه ومن ثقته بأنه يبي يقطعه
صراحة ما قدر ورجع بفن وحرفنه

لكن المشكلة خوينا جاك ورانا وفي اول اختبار هلش على جال نقره متساوي ومايل الطعس للامام
يعني مدحدر :eek:

جلسنا نحفر عنه ونجرجره من العصير لين بعد المغرب

ساعتين على شان يطلع ورفع وحاله حتى صابنا اليأس من خروجه ولكنه خرج في النهاية وبعد طلب المساعده

وسماه واحدن منا مخفسة الارض :D

الشيروكي مثل الثعلب يجره نزول بالنقرة ولا غرز


التايوتا لا برك برك :D
-----------------------


زمان كان معي جيب خيبان نيسان :D

وكان ولد خالتي معه فكسار ودايم يستهتر بجيبي


واجي مره بالمطر عند الثمامه واشوف جيب مغرز ومتجمعين عليه الناس :D

يوم جيت الا هو هو :D

قلت اسحبك وهو يعنفص متكبر على جيبي:D

ويجلس يحفر ويدفن بالطين لين صار تقول عجينه وهو كنه ميل مطرطش من الطين
يمشي قدام ورا بس في حدود مترين ولا خفس :D

وبعد ساعات طاح اللي براسه وقال اسحبني

بعدها انكتم:D


واللي عنده جيب مخفسة الارض ولا يبيه يتصل علي اجي اخذه :D

[بدوي ممطور]

سبحان الله مثل ها السيا ره واخر مد يل وفخمه لقيتهم بليل ومغرزين وحا لتهم حا له وعندهم جيب حوض بعد يسحبهم وعا جز يسحبهم سبحان الله ويريد الله واسحب مع الجيب الي يسحبهم ويطلعون والحمد لله
ترى الجيوب الفخمه والله اعلم وزنها ثقيل وما هي لحيه

[أبو رهف 305]

أنا سبق وجربت في رمل متحرك .. جيب جكسار 2003 اوتوماتيك لدرجة غطس للصاجة مانفع معه دبل ثقيل

الحل كان .. بالدفي لوك ، الجيب اللي مافيه دفي لوك يعتبر ناقص الشيء الكثير

من واقع تجربة ،،

[اخو الشايب]

ماهو دور الدف لوك في التغريز لانه عندي وما اعرف استعمله وطرق استعماله ممكن توضح للا استفاده

[ابن كديميس]

الموتر في الاول والاخير على سواقه
وهذا الموتر بس يبغأله تنسيم خفيف بس وإزالت النفود عن درب الكفرات ويطلع بالراحه .

[ابن كديميس]

ماهو دور الدف لوك في التغريز لانه عندي وما اعرف استعمله وطرق استعماله ممكن توضح للا استفاده
الدفلك يوازن الكفر الاربع ويدورون سوى بس اذأ غطس وتعلق مايفيده
يفيده باول لحظه.

[رجل المرور]

تم التصويت

الهوا 15 ومع الخفيف يبي يطلع براااحه

[السيل يدربي]

عندى سؤال -هل تم تنسيم الكفرات بعد عدة محاولات ام ماذا-لتجنب الوصول لدرجة طلب النجدة من احد واحيانا لايوجد احد فيجب ان تكون مستعد للظروف الطارئة مثلا الماء والغذاء الخخ 0فلبداية تكون فى تنسيم الكفرات 15-10 وذالك عندما تكون الارض منبسطة ولرجوع للخلف مايفيد فلا تحاول الرجوع للخلف او الامام الا بعد التنسيم وكذالك لاتشغل الدبل الا بعد عملية تخفيض الهواء اما قولة مايحتاج اب احاول وتنسيم اخر شى فهاذا يتحمل مسؤلية قرارة والسلام عليكم0

[عاصفةرعدية]

:Dمالي بلجيوبا بس انشدني عن الددسن

[خوي السطحه]

بعد التصويت والوقت الى صوتنا فيه وين النتيجه من راعي الموضوع وش صار عليه

[Abo gssar]

من واقع تجربة وعدة مرات اذا كنت في منطقة رملية
وصادف انك غرزت وحسيت انك وقعت في رباضة
اول شي وقبل لاتحاول بتحريك الموتر نزل من هوا
الكفرات لاقصى حد ممكن وبعدها شغل الثقيل وحاول انك
تحرر الموتر بالهدوء
لأن اكبر غلطة يقع فيها البعض
انه تاخذه الثقة بموتره ويقعد يحاول بالثقيل والكفرات مليانه
هواء حتى تتعلق السيارة وبعدها ينسم الكفرات وهنا
اكبر غلط لان السيارة مع التنسيم راح تنزل ويلحق بطنها
بالارض وتصبح الكفرات معلقة وتدور بوش وهنا
مستحييييل تطلع السيارة الابصعووووبة والكثير يغفل عن النقطة هذي.

[رجبشعبان]

ا ال الرمال تبي لها هدوؤ وسعة صدر ومتل هذه الرمله ماهي صعبه على الجيب لاند كروزر . اهم شيئ عند دخول الرمل انك
ما تدعس على البنزين حتى لايدور الكفر نع تنسيم الكفرات الى 15 فقط وتشغيل الدبل على الخفيف ومحاولة تجنب المرتفعات وشجر الحرمل وبحول الله وقوته مايعوقك شيئ ابدا .

[الكدن1]

انا قبل مده طحت برباضه والله ماطلع الا بعد ماجاني واحد ومعه شباب وحفر ودف ويالله طلع علماً بأن الهوا 15 والدبلات كلها شغاله وسواقتي 90٪ بالبر مابي امدح نفسي لكن الرباض مايعرف سواق من غشيم
اذا تبي تخاطر بنفسك في البر ولوحدك ركب كفرات بالون وانس قولة رباضة
الا اذا السيارة محملة فوق نصف طن لكن لابد من وضع هواء الكفرات على 15

[عبدالمحسن خ.]

هذه صوره لي مغرز وطلعت ولكن بعد تعب ومشقه ومساعده


ماكأنك قلتها !

[كاشخ 24 ساعه]

النتيجه يالربع في الصفحه الرابعه

ومشكورين جميعا علي التصويت

[مركز شمس]

لازم تنسيم

[طبعي شمالي]

اذا على كلامك ، ااذاً العيب في السيارة ! وخصوصا ان سيارات ارامكو سحبتكم وطلعتكم يعني سيارات ارامكو اجود من الجيب اللي معكم ، وعموما اللاندكروزر الجيل الحالي انا شخصيا اشوف انه مو كفو ف البر مثل القديم

عموما حبيت اضيف شيء اخوي ،

اذا على كلامك ولا جهة امنية من اللي ذكرتها تجاوبت مع بلاغك هذي كارثة عظيمة بحق هذا البلد ولايسعنا الا ان نقول لاحول ولاقوة الا بالله !

[مصلح بن بيئي]

يطلع فقط يحتاج تبريح للكفرات لمسافة اكثر من متر لكل كفر مع دعسة خفيفة

[speed62]

واضح من الصوره ان الارض عاديه
من ماطا الرجل الله يعزكم..من جرت السياره الي مرت قبله..تطلع بدون تنسيم بحكم ان المكينه V8
صوتي راح للتنسيم لأني ما احب اجور على الموتر

[abo.a]

تنسيم الى 5 وعطه ثقيل , بآين ان الارض قاسية لأن رجلك ماغاصت بالارض (طبعة رجولك تحت يمين بالصورة)

[شمقمص]

لازم تنسيم هذا تصويتي......

ملاحضه...

واذا مانفع برح للكفرات واذا كان الموتر متعلق حاول تحفر داخل بطن

السيارة وتزيح الرمل من بطن الموتر واذا ما نفع ارفع كل كفر عالق

بالعفريته واذا عدلت الموتر شغل دبل الثقيل ومشي خفيف جدا

وحرك الدركسون يمين يسار وبأذن واحد احد تطلع من التغريزة

[بوعيسئ]

لو مشغل الدبل الثقيل وهوا الكفرات 10 ومعطيه نص الدعسة كان طلعت وبسهولة

[Gm.454]

والله يابعض الناس نفسك تاخذ منه الجيب وتعطيه يارس وهذي واضح انها غشامه 100٪

[ابن المحيميد]

الاند كروزر من تالي ماهوب بلاندكروزر

[سيف الظفير]

تطلع زي اللوز على قولتهم اللاندكروزر يبي له واحدً يعرفه له


فقط


هذا نسم الكفرات الى 20 + الدبل الثقيل + الدفلك



وشرط وبحق ان ما طلع في ظرف دقايق


الاسبوع الماضي نفس الغراز في مصيدة مدخل النقا الصغير في العاذرية جيب فيه عائلة الله يستر عليهم لقيته منوخ على الارض صح ... والله ما اخذ الا 10 دقايق مني ولله الحمد وهو ماسك الجادة بمن فيه



الشيئ الثاني الضروري جداً بمثل هالتغريز
دفلك وثقيل ودعسه خفيفة ويكون القير تبترونيك على الثاني ... ولف الدركسون يمين ويسار


وشرط يتحرك من مكانه كثير ثم يطلع ..

والخبره لها دور في اي تغريز ...

والله الموفق

[انس المطير]

احسن طريقه بالعالم http://www.youtube.com/watch?v=OxcnbYH4FDA

[ابو البر]

انا ماني فاهم من وضعك لصوره سياره مغرزه !!!



هل تريد ان تقنع الجميع بان السياره بتطير مثلا


موضوع ضعيف جدا ولايرتقي للحديث والخوض في معمعته


مع احترامي لك طبعا ولباقي الاعضاء


لكن احترموا عقولنا شوي !



تحياتي للجميع

كلامك صحيح نوعا ما .
ولاكن يا أخي الكريم ترا بعض المواضيع تناسب البعض وخصوصا انها مثل سوالف الضحى لها طعم خاص
واساسا لابد من السوالف خصوصا ان الكثير منا مكشاتيون على وزن بيتوتيون / يعني ما عندنا شغله اذا دخلنا هالنت الا منتدى مشكات .
ارجو اني اوضحت لك حالة الطقس .
وتقبل تحياتي مع أستأذاني من صاحب الموضوع.

[الاشهب 507]

نسم الكفر الدبل الثقيل ولاتقرب رجلك البنزين انا جربته على فور رنر 93 وكانت التغريزه اقوى من كذا ومكينة 22R امي 8سلندر يرجال براحح حتي يمكن بدون تنسيم

[كاشت وحداني]

الارض طال عمرك هيال والرجال صاحي ماهو بمنسم لكن الكفرات علي شوفة عينك وانت احكم


هذا اكثر شي عجبني في الموضوع
جلست اضحك
يوم تقول الرجال صاحي ماهو بمنسم
والعضو يقصد هل هو منسم الكفرات .

أرسلت من GT-I9500 بإستخدام تاباتلك

[ساري بريدة]

الواضح من السياره انه ماغرزة لاحض الرمل مرتفع على الكفرات يعني مدفون بليد

[الزعـبي]

تطلع زي اللوز على قولتهم اللاندكروزر يبي له واحدً يعرفه له


فقط


هذا نسم الكفرات الى 20 + الدبل الثقيل + الدفلك



وشرط وبحق ان ما طلع في ظرف دقايق


الاسبوع الماضي نفس الغراز في مصيدة مدخل النقا الصغير في العاذرية جيب فيه عائلة الله يستر عليهم لقيته منوخ على الارض صح ... والله ما اخذ الا 10 دقايق مني ولله الحمد وهو ماسك الجادة بمن فيه



الشيئ الثاني الضروري جداً بمثل هالتغريز
دفلك وثقيل ودعسه خفيفة ويكون القير تبترونيك على الثاني ... ولف الدركسون يمين ويسار


وشرط يتحرك من مكانه كثير ثم يطلع ..

والخبره لها دور في اي تغريز ...

والله الموفق


:good2::good2::good2::good2::good2:

[أباعبدالرحمن]

عامل التغريز من عدمه يعتمد علي ثلاثة اموربعد الاتكال على الله سبحانه وتعالى خير حافظ:
1-طبيعة تربة الارض والمناخ (ممطر او لا).
2-خبرة وهدوء السائق (يعني المربوش يغرز..يغرز لو شبر رمل)
3-نوع الموتر
ومن واقع تجربه ويمكن احدكم جرب بعض اهل الونيتات تشوفهم في الطعوس كانهم على اسفلت (خصا اهل الحلال)وغيرهم قاعد يحفر عن كفراتهم الدفع الرباعي بانواعه
لذلك يا اخوان نصيحه ابعدو عن التهور او الثقه الزائده في النفس او الموتر الاحتياط واجب لاسيما في المناطق الغير اهله بالسكان والمقطوعه

امنياتي للجميع بالتوفيق

[ماجد الحايلي]

انتهى الاستطلاع ورد صاحب الموضوع بالصفحه الرابعه
وهو بعيد كل البعد عن ردودكم

[ولدنجد792]

يطلع بكل سهوله بس.....لازم تنسم شوي

[تاهو2007]

من خبرتي المتواضعه واضح ان الرمل ناعم ... والرجال ما نسم الكفرات ... وغاطس من الكفر الخلفي الأيمن

يحتاج ينسم ويحفر شوي قدام الكفرات او من ورى ... ويشغل الدبل الثقيل ويتوكل على الله ويدعس شوي قدام وشوي ورى وان شاء الله يطلع

بس لو دعس بقووووة احتمال يغطس زود :no2:

وتوقعي انها سواها وحفر زود ولو عندك صورة وهو مغرز اكثر خلنا نشووووف :j

[hgaughk]

أي سيارة مهما كانت لازم تنسم الكفرات خاصة في النفود، ""حتى دبابات الجيش التي تمشي على كفرات وليس جنزير كانت تنسم الكفرات ولقد شاهدتها كثيرا في التلفاز "" التنسيم ضروري وهذا من تجربة
هناك كفرات خاصة للنفود فأنا لا أتكلم عنها.

[الحربي 591]

والله السواق ماراح يوقفه شي

لكن كيف تطلعه انا اسمع اللي يقول نسم وماتنسم
انا طول عمري عايش في الطعوس
معقولة كل ما اجي انسم؟؟

ومعي تاهو 2008 بدون دبل ما غرز علي الا كم مره
وما تاخذ من وقتي دقايق الا ومطلعه
بس على التغريزه
يعني مثلك انت
نص كلتش قدام ونص كلتش ورا
وبهذي الطريقه إلى ما تطلع


ام اذا ترجع ورا وتدعس وقدام وتدعس بتاكلها على راسك
يعني بصراحه وبدون زعل سيارتك لو كنت ماسكها كان طلعتها بدقيقة ونصائح

[الحربي 591]

والله السواق ماراح يوقفه شي

لكن كيف تطلعه انا اسمع اللي يقول نسم وماتنسم
انا طول عمري عايش في الطعوس
معقولة كل ما اجي انسم؟؟

ومعي تاهو 2008 بدون دبل ما غرز علي الا كم مره
وما تاخذ من وقتي دقايق الا ومطلعه
بس على التغريزه
يعني مثلك انت
نص كلتش قدام ونص كلتش ورا
وبهذي الطريقه إلى ما تطلع


ام اذا ترجع ورا وتدعس وقدام وتدعس بتاكلها على راسك
يعني بصراحه وبدون زعل سيارتك لو كنت ماسكها كان طلعتها بدقيقة ونص

[sbider2002]

تنسيم الكفرات يعالج الامر بأذن الله عز وجل

ولكن لاتنسون يبقى شي مهم وهو خبرة السائق بالتغريز ونوعيه الارض

ملاحظه :

هناك بعض الشباب يفكر كل جيب مايغرز وانه قادر على تجاوز اي ارض ولايهمه الامر

هذا النوع قد يقع في ورطه احياناً

قصه واقعيه حصلت وانا متواجد

صاحب جيب لاندكروز في اكس ار امامه ارض سبخ وقلنا له يارجل السياره تهلش بالارض قال ياعمي هذا مفخره

عزم على رايه ودخل السبخى وكم متر والا المفخره صاير مصخره (مع احترامي للجميع)

حاول يمين يسار شغل دبل دفلوك نسم كفرات قلب ماقدر استسلم وقال اسحبوني

بعدها سحبناه وطلع ولله الحمد واخر شي اقتنع ان مو كل ارض يستطيع الجيب تجاوزها

هذي للعبره فقط

غسيل السياره كلفه 150 ريال



لو مكانك خليته يشبع من مناططه ورايه ههههه

[متابع سحاب14]

تم التصويت لابد من تنسيم وتشغيل الدبل الثقيل ورفع السياره بعفريته من تحت وتطلع

[- النشمي -]

يالربع انا جربت التالي دفلوك وتراكشن بصراحه مايجمل في النفود ابد صحيح اني ماغرزت فيه لكن من مشيته على الرمل تحس انك تسوق سفينه لاهو ولا الباترول الجديد مهيب مواتر بر ابد وزنها ثقيل بالحيل ولاطاحت طاحت النفود يبيله موتر خفيف مثل الفتك والشيروكي القديم مجرم ومايرده شي وزنه اقل من نص وزن الجيوب التاليه
واللاند من 98 الى 2007 ماشاء الله مثل الغزال ولا غرز يشيل عمره وهذا هو الجيب الحقيقي

[- النشمي -]

والله السواق ماراح يوقفه شي

لكن كيف تطلعه انا اسمع اللي يقول نسم وماتنسم
انا طول عمري عايش في الطعوس
معقولة كل ما اجي انسم؟؟

ومعي تاهو 2008 بدون دبل ما غرز علي الا كم مره
وما تاخذ من وقتي دقايق الا ومطلعه
بس على التغريزه
يعني مثلك انت
نص كلتش قدام ونص كلتش ورا
وبهذي الطريقه إلى ما تطلع


ام اذا ترجع ورا وتدعس وقدام وتدعس بتاكلها على راسك
يعني بصراحه وبدون زعل سيارتك لو كنت ماسكها كان طلعتها بدقيقة ونص


التاهو اخف من الجيوب التاليه انا جربته وماشاء الله خفيف نفس بالنفود
لكن الجيوب الجديده ماتشعر بالتطعيس والمشي على الرمل فيها بسبب وزنها والانظمه اللي فيها
كنك في سفينه ماتدري الا وانت غاطس بالرمل وهذا اكبر عيب فيها

[الباسل واصل]

ياجماعة الخير في البدايه لازم يكون معك ماطور هواء ممتاز بعد كذا إذا أقبلت على الغراز أو نزلت من الزفلت نسم خل الهواء 15-20 بالعيار الأصلي اللي معك دائماً بالسياره والأرض اللي انت ما تعرف طبيعتها حاول تنزل ومعك عصا وتعس الأرض وخصوصاً بالليل لكي لا تضع نفسك بمشكله انت غني عنها وسلامتكم.

[البناوي 12]

نسم الكفر على خمس طاعش وشغل الدبل الثقيل وتحرك للإمام والخلف ببطء وراح يطلع زي سلام عليكم ،،ان شاء الله،،،

[sha67]

العالم تقرأ وش كاتب صاحب الموضوع وتكتب رد دون الرجوع لما تمت اجابته


أنا حصل معي قبل فترة كنت جاي من الأمارات وبعد ما وصلت للأحساء قررت الراحة فوق النفود اللي جنب الخط

وطبعاً بما أن سيارتي كانت مكينته 6 لتر ، 8 سلندر ، كنت واثق بسيارتي لدرجة كبيرة


ولما دخلت النفود حسيت ان الأرض غدارة وأني في منطقة لو غرزت أكلت هوآ !

وشفت بالمنطقة اللي جنبي على طول أرض فيها حصى وعلى نزول قلت أبوقف فيها ويكون الموتر على نزله


ولكن للأسف طلعت الأرض اللي فيها حصى هي أشد من المنطقة اللي دخلتها وجلس الموتر على طول


وبما أنني كنت على نزول جلست وريحت وبعدها برحت شووي للكفرات وشغلت الثقيل وكسرت يمين ويسار مع الدفلوك دون تنسيم


الموتر طلع ولله الحمد ، بفضل من الله وبفضل أنه كان على نزله ولو أن الأرض ماهي نزول تسان للحين ابرح *_^


أنا أتفق مع صاحب الموضوع أنه الكل يقدر يقول سهله ومايبيلها وبدون تنسيم أو بتنسيم بسيط

لكن لاجاء وقت الشدة ممكن تروح أرواح بسبب الاستهتار والاستخفاف بمثل هذه المواقف


وسبق ان راح ضحايا بسبب هالشيء والأمثلة كثيرة .

[back2]

انا مره غرزت بجمس حوض 2013 حجم 1500
المهم حسيت الدفرنس واللحية دقرة للموتر قلت مالي الاا ابرح وبرحت وقدم ورجع وعلى هالحال اخر شي يوم فتحت جادة نسمت 10 وخليت 3 يدفوني وطلعت استنتاجاتي للموقف
1-الكفر ماهو رفيع زي البلون وهذا اللي خلا لحية الموتر توقفه بالهيار وايضا وجيته يبغالها رفع شوي لو 3سانتي
لو كان رفيع ما وقف
2-لو كان معي مسحاة حادة سهل علي التبريح بالف مره وانصح المكشاتية فيها تراها مهمة
3-طلعت الموتر بدون ما شبكت الثقيل
4- والنقطة الاخيرة والاهم من هذا كللللللللللللله اذا حسيت الموتر وقف ارفع رجلك (( لا تزر عليه وتسوي انك بترقص بررررررررررح )) وانشالله يطلع
وللأسف اغلب الناس يدعس لين ما يجلس موتره عالدفرنسين[

للفائدة ..

[jabal radwa]

حنا عندنا حركة نسويها بالسيارات اللي مافيها دبل اذا غرزت برمل بعد التنسيم يحفر قدام وورى الكفر ونحط حجر او حرمل علشان نعطي الكفر قاعدة صلبة واما ان طاحت بطين ومافيها دبل لاتعب حالك دق على اي واحد يسحبلك
اما اللي فيها دبل اصلا ناخذ احتياطنا قبل ما نطلع الديرة اللي فيها رمل ننسم الكفر قبل مانطبها واذا حصل انه غرز دبل ثقيل وانتهى الموضوع
المهم دايم خلك على الخط واعرف المكان زين علشان ما تورط

[A502A2016]

السلام عليكم ورحمة ورحمة الله قبل لاتدخل العرق او الاماكن الي فيها غراز نسم كفراتك وانشاء الله ماتحتاج تشغل الدبل

[قـــزاز]

اعتقد ان الارض رباضه
اذا كان الموتر يتحرك لو شعره ان شاء الله طالع طالع
اما اذا كانت كما قلت رباضه فالسحب هو الحل الوحيد او وضع شيء تحت الكفرات مثل لوح او غيره

[معدني]

اذا السايق فني بتطلع القياده هي المحك في مثل هالامور ����������

[1060530985]

ارفع السيارة بعفريته وتطلع مباشرة

[ابوحيدان]

ههههههههه

فيه اسماء تحس انهم راعين بر وعلم غانم والا ادا شفت موتره
ولاكن ادا قريت رده دريت انه بزر
ههههههههههه...ملاحظتي

الجيب في هالحاله يطلع بشكل سهل
حتى في حال ان كفره يدور بووش ادا ماكان فيه دف لك يعشق الثقيل وتعكس الطاره عكس الكفر الواقف ويطلع ان شاء الله

[altamimi506]

انا اقول بتطلع بالتنسيم

[رحال3]

العمده على السواق وأنا أخوك ياما كورلات يشطفن جيوب بالنفود هههههههههههههه��

[الحااايلي]

الجيب ما لقئ سواق


تم الإرسال بواسطة iPhone بإستخدام Tapatalk

[المناعي2]

والله مشكلة ألحين أشلون بتطلع السيارة ؟؟؟؟؟؟؟؟؟؟؟؟؟؟؟

[s3ed]

السلام عليكم

الشباب كفو ووفو وماعليهم زود

عندي ملاحظه بسيطه

مرات لما نغرز تلاحظ انه السياره تتقدم للامام بس تحسها تقدم اكثر او تحس انه ماتتحرك او ترتفع بالصوره المطلوبه



طبعا بعد الاستعانه بالله سبحانه والتروي
وتنزيل الهوا

لاحظ لارض وشوف جره التربه والارض كيف

هذه الحركه تحتاج خبره وتروي


لاحظ معي اثر الرجل
رقم 1 - الدعسه عاليه واضحه والرجل ماهي مغرزه بالرمل

بعكس رقم 2 تلاحظ العمق فيها وهذا نفسه اتجاه وجه الموتر


الحل تحرك للامام وارجع للخف وحاول تعكس وجه السياره بالتدريج حتى لو تعيد الحركه 20 مره

ولكن بالتروى وعدم الدعس والسرعه ساير الموتر وخل على سرعه ثابته بأستخدام الدبل الثقيل وتحطه على الغيار ال 3


http://www.mekshat.com/pix/upload06/images/2014/04/mk11661_photo_(1).jpg

[الشنه]

يالربع فيه شي اسمه صيج وتجي بعدة أشكال وخامات مختلفه انطلها تحت الكفرات وريح نفسك

[soJwJI]

السلام عليكم ورحمه الله وبركاته
كيف حالكم جميعا ان شاء الله بخير ونعمه

ولا هان الجميع وكلامكم صحيح
وان اتكلم من تجربه
ان سبب التغريز و العلم عند رب العالمين ان هواء الكفرات اكثر من 30 واضح


افضل شيء في هذه الحالات التنسيم اول حتى لا يتورط كثير لان الكثير لا يعرف طبيعة الارض و كيف التعامل معها .
تشغيل الدبل الثقيل حتى يحافظ على الموتر ولا يتعبه.
ويحاول يقص بخفيف ويحرك الدركسيون يمين ويسار ويشوف الجهة التي يتجاوب معها الموتر لان الكثير منا يدعس دعس غير طبيعي .
ويفضل دائما اذا كان التطعيس في مكان قريب او معك مجموعة من الشباب يكون هواك 30 اما في الاوقات هذي مع دخول الصيف من 20 الى 25 .
لكن في الصيف يفضل من 15 وقد يكون اقل على حسب طبيعة الارض وهذا افضل للموتر

وتقبلو تحياتي

[مفضخ الشري]

موضوع جميل و رائع و فيه عبره تكتب بماء الذهب
راعي الموضوع رد في الصفحه رقم 4 و بقتبس من كلامه العبارة هذي



شكرا لجميع المصوتين

الغرض من هذا الاستطلاع هو الثقه المفرطه في النفس كثيرا وقد واجهتها من زملائي قبل بعض الردود الحاليه

واكبر دليل هو سيارة السنيدي رحمه الله وخويه وكانت من اقوي سيارات الدفع الرباعي ومغرز جهه واحده فقط ومع ذلك لم يستطيعوا الخروج

الارض اللي في الصوره هي ارض بيضاء ناعمه امام منفذ الربع الخالي من جهة حرض وهي ليست بعيده عن الخط الدولي باتجاه البطحاء

السياره التي ترونها هي افخم فئه من نوعها وكانت الكفرات منسمه على 5 ولم يفلح الدبل ولا الدفلوك في خروجها

والسائق كان خبير في الصحراء بشكل عام ولم يواجه ابدا هذه المعضله وكلكم تعرفونه (كوع نمله) وله عدة مواضييع وصور عن رحلاته في الصحاري





صاحب الموضوع تكلم عن الثقة المفرطه و حب يعطينا نصيحه و عبره من خلال موضوعه لكن البعض جنب عن الهدف الاساسي للموضوع و راح الى التقليل من شأن راعي الجيب و أنه غشيم و مايعرف و من هالامور تقرأ ردود البعض تحس انه مقطوع سره في عرق جهام وهو الوحيد راعي النفود و الفاهم وكأنه هو الوحيد اللي ساكن بشبه الجزيرة ولا احد يعرف تضاريسها الا هو والباقي جايين استيراد و غشمان .. هذي ارضنا جميع من الحد للحد و تضاريسها ماتخفى على احد منا و الدعوة بدال ماهي نصيحه انقلبت إلى "هياط" وانا اخو شما وانا الفلته وانا راعي النفود وانا اللي اطلع وكفراتي بها 50 وانا لو اني مكانكم لا اسوي و افعل و ازين ... الخ الخ بينما من عايش الواقع سيكون الوضع مختلف و كم من شخص راح ضحيه الثقه الزايده في نفسه و في موتره والامثله لا تعد ولا تحصى من كثرها نسأل الله السلامة ! , الرباضه ماتعرف وش موترك ولا تعرف من انت ولده ولا تعرف سنين خبرتك في النفود
خصوصاً في وقت كتابه الموضوع كما اشار الاخ في بدايه موضوعه ان التغريزة شهر 6 ميلادي يعني الجو حار و الرباضات جوعانه تبي اي موتر .. خلاصه الكلام .. أستخدم عقلك دائماً قبل هياطك في كل امور حياتك

[محمد عجاج]

والله اعلم اشوف ان هيكل ووزن السيارة له دور كبير

ثانيا خبرة السايق

وجربت سيارات قديمة وحديثة مع التغريز

فالقديمة ولو مكينة صغيرة لكن

تمر وكانك في اسفلت

ومن تجاربي ان القديم يتحمل الرمال والوعورة

[تميم2222]

وش ذا. ما غرز 😐

[مدهوش]

إعذروني على التعليق وان كان فيه قسوه قليلآ :

الموضوع هذا قديم ولا زال بعض الأعضاء الكرام يعلقون عليه ونتفاجأ بين الحين والأخر يطلع لنا هالموضوع بالشريط المتحرك لأن فيه احد قام بالتعليق عليه .

يا اخوان ارجوا الإهتمام بمواضيع اهم من هذا الموضوع اللي لا يسمن ولا يغني من جوع .

خلاص تم طرح الموضوع في وقته وتم التعليق عليه وإنتهينا .

[ابوعوض اليامي]

تنسم الكفرات وتسايسه مسايس وتخلخله لين ياصل العزاز

[عابد-]

الوقايه خير من العلاج؟؟؟

[أبوبشير العنزي]

إعذروني على التعليق وان كان فيه قسوه قليلآ :

الموضوع هذا قديم ولا زال بعض الأعضاء الكرام يعلقون عليه ونتفاجأ بين الحين والأخر يطلع لنا هالموضوع بالشريط المتحرك لأن فيه احد قام بالتعليق عليه .

يا اخوان ارجوا الإهتمام بمواضيع اهم من هذا الموضوع اللي لا يسمن ولا يغني من جوع .

خلاص تم طرح الموضوع في وقته وتم التعليق عليه وإنتهينا .



أنا أختلف معاك كليا. . الموضوع مهم جداً. .ومحتاجين افكار جديدة تنير أهل البر وأصحاب الجيوب. .وليس هناك مشكلة في تحديث الموضوع نستفيد من خبرات الشباب. .

[أبوبشير العنزي]

الله يبيض وجيهكم . . وماقصرتو موضوع مهم ﻷهل البر. . التغريز من أكبر المعضلات التي تواجه أهل البر. .وفيه معلومة مهمة عن التنسيم والشباب نبهونا عنها بعد التغريز. .

عملية التنسيم تكون على الأسفلت فقط والسبب يغشك العيار وانت تنسم في النفود . . يعني اذا نسمت الكفرات على القار يعطيك العيار القراءة الصحيحة. .أما أذا نسمت الكفرات على النفود يغشك العيار ويعطيك قراءة خاطئة. . كما حصل معي نسمت على النفود وطلع عندي القراءة حول 20 ولما دخلت الطعس وغرزته طلع الكفر منسم قليل حول 27..

يرجى التنبه لهذي المشكلة. .

[صقار الهدادي]

اذا كان الموتر قير عادي حطه على الريوس وارجع خفيف ورح قدام خلك على هالمنوال لين ما تطلع

[صقار الهدادي]

توجد قطعه توضع تحت الموتر في حال التغريز او حتى التعليق اذا كنت متعلق ابد ما عليك الا تنفخ القطعه ذي وتحطها تحت الكفر , بس ادورها من زمان وعييت القاها , ياليت الي يعرف وين تباع يفيدنا
http://www.mekshat.com/pix/upload05/images253/mk250205_hqdefault.jpg

[ابو عبدالإله]

الاسبوع الماضي كنت رايح للبر الظهر ندور ضبان ومنسم الكفرات ومخليها عشرين والامور ماشيه تمام جاتنا كم رباضه والحمدلله نشد على الموتر ويطلع منها فجأة جاتنا ذيك الرباضة وشديت على الموتر لكنها كانت أقوى ومسافتها طويلة ومسكت السيارة نزلنا من السيارة مباشرة ونزلت الهواء الى ٨ تقريبا واعشق الريوس وامشي شوي ثم مشيت قدام وطلع سلاما سلاما
ابوي وعمي عطوني نصيحة وخليتها قاعدة امشي عليها بعد التوكل على الله " نسم كفرات السيارة اياً كانت صناعتها الى ٢٠ او ١٨ وشغل الدبل وامشي في البر وانت مريح موترك بدل ماتجور عليه وان طحت في غراز قوي انزل ونسم الكفرات زود وخلها ٨ أو ٥ واحيانا تحتاج تشغل الدبل الثقيل واحيانا لا وتطلع سيارتك بدون لاتتعب نفسك ولا تكسر موترك وقبل لاتطلع على القار ارجع زود الكفرات هواء وتوكل على الله .

[alsahli]

نسم ومع الدبل بتطلع

[أبوحور]

يطلع بدون سحب

[طلال مكشاتي]

لازم تنسيم
تم التصويت

[محمد ابن عيد]

آلموتـر قوي ماشاء الله
نسمله بس ريحه و يطلع ع طول
و برح للكفرات من وراء شوي
و باذن الله يطلع

[بوراجح2011]

الواضح من الصوره ان التغريزه عاديه والدعاسه الجانبيه رفيعه عن الارض
وهذا دليل ان بطن الموتر ماتعلق
فلذلك الحل تنسيم الى ١٠ + الدبل الثقيل ويطلع ان شاء الله
خصوصا انه موتر ٨ سلندر ماشاء الله

[mamool]

ماشا الله لاحول ولا قوة الا بالله

[Skr1405]

والله اني مغرز مثل كذا بسياره سيدان بشعيب البساتين ونسمت كفراتي على 10 وقدام وراء مع تبريح اللي قدام الكفرات شوي وطلعت الحمد لله بدون مساعده ..
اتوقع الجيب يطلع من هاذي بدون اي مساعده فقط تنسسيييييم كفرات

[الذيب الأبيض]

تنسيم . تبريح . ترقيص , وانتهينا

[الكدن1]

من أشد أنواع التغريز
التغريز بعد المطر الخفيف اذا كان المطر نازل في الارض 10سم تقريبا
السيارة تربض على الشاصي والتبريح صعب

[0صقرالجنوب0]

نسم الكفرات وحط التقيل وتوكل على الله بلا عفريتة حتا على السريع اهم شئ تنسيم الكفرات والكلام هدا من خلال تجربة

[اْبوعبدالله]

غيره بلاحدود
1- تنسيم الكفرات 10
2-الدبل الثقيل
3- تمشي بطريقه متعرجه بالطاره يمين يسار يمين يسار اثناء المسير كذا راح يطلع

ما ازود على كلام الذيب شي

[areeen]

https://www.youtube.com/watch?v=f4JEkDcfnbc

[ابو نوا]

انا اقول
تنسيم بسيط تشغيل الدبل الثقيل ورفع السياره بعفريته من تحت وتطلع .

------
اذا غرزت ما ينفع التنسيم .

[وحداني بعرعر]

خذ العلم .. كان القير عادي لازم لزوم تشغل الدبل الثقيل ،، لأن المديلات الاخيرة بجيوب تايوتا الكفر اذا حفر سنتيمتر واحد مايدور فلابد من تشغيل الدبل الثقيل - مادري ميزة جيدة او غباء مصنعي !!-

ثانيا : لابد من التنسيم في النفود بغض النظر عن نوع الارض هي صبخة شعيب هيار هشاش ريغة غرين .. المهم نسم عشان يرتاح الموتر ولايحتاج شحط .

ثالثا : بعلمكم بس اني صوتت على ( شغل دبل ثقيل ونسم ) وسلامتكو

[awn050]

السلام عليكم تحد قد جرب لف الطاره يمين يسار لين يتيم الدركسون مع دوس خفيف

[saudi hummer]

السلام عليكم
كل سياره ولها مميزات وعيوب وهناك اجراءات قبل الدخول للصحراء
1-تنسيم الكفرات ويستحسن 10 للضغط
2-وجود سياره اخرى اضمن ولورجعنا لسجلات المفقوديين للسنوات الخمس لماضيه لم نرى حادث بوجود سيارتين بالصحراء
3-ضرورة تشغيل الدبل قبل الدخول
4-وجود حبل سحب ويستحسن وجود ونش سحب في احدى السيارتين
5-اخذ كميه كافية من الماء تكفي لاسبوع للشرب وكم كيس تمر للطوارى
6- اخذ جوال ثريا
7-ماطور هواء يعتمد عليه
8- شيول او كريك
9- مصباح يدوي ويستحسن قابل للشحن
10-جهاز ارسال لاسلكي
11- قطعة خشب او بلاستيك خاصه بالتغريز لوضعها تحت الكفر
12-جهز جيب بي اس
باذن الله مع هذه الاحتياطات لن تجتاج اي مساعده خارجيه
بالنسبه للسياره ذكر شهر 6 يعني الارض يابسه وناعمه احتمال السياره تحتاج سحب بالاضافة لتنسيم الكفرات والدبل الثقيل والدفلوك

[ساري الليل 44]

هناك طريقة وصلني مقطع فيديو على الواتساب وهو ربط حطبه او اي خشبه على الكفر الخلفي او الكفرين بالعرض ثم شغل الدبل وتوكل على الله وحتى السيارات اللي بلا دبل ممكن تطلع .

[باترولي]

بيض الله وجهك

[بوعبداللهuae]

مووووضوع تااااافه

[ساري التويجري]

التغريزه بسيطه نسمه على 13 تقريبا وشغل الدبل ولف الطاره يمين ويسار و اذا ماطلع برح له او حفر له قدام كل كفر تقريبا متر

[طير888]

ماشاءالله ماذيب تغريزة
التغريز بالطين هو الاقشر

[ساري بريدة]

التنسيم ضروري لصالح القير والمكينه 20 لومافيه تغريز للتمشي في الرمال...و 10عند التغريز

[YUKON_GMC]

ماقرأت كل الردود .. لكن .. كل سائق وشطارته .. بالنسبه لي اطلعها في خمس دقائق لو معي ماطور ومستعجل ..

كل اللي اسويه انزل الهواء خمسه ولو ماطلع انزله صفر افك الابر واحطهم بالدرج لين اطلع ..

لو ماكنت مستعجل تنزيل الهواء عشره وتبريح قدام الكفرات الاربع .. ويطلع في عشر دقائق ..

وهذي اعتبرها ماهي تغريزه لو معي ددسن اطلعها منه

[الذيب الأبيض]

السؤال الصحيح هل هذا مكان تغرز فيه سيارة 4×4 ؟

يارجال الددسن ماتغرز هنا لاهو هيار ولاشي لاحظ اثر الأقدام