المساعد الشخصي الرقمي

مشاهدة النسخة كاملة : يهمني رئيكم بكفرات هانكوك كوري


ابوحسام9
08/09/2013, 12:36 PM
ياشباب ابستشيركم بكفرات هانكوك كوري من جميع النواحي العيوب والمميزات
طبعا نقشة شاهين 10غاط مقاس 235/85/16ابي اركبها على جيب شاص
هل تصلح للبر
ابوحسام9
08/09/2013, 05:13 PM
سبحان الله وبحمدة
sgl2002
08/09/2013, 05:54 PM
ممتازه بس لينه واجد ماتصلح للحصى

والا النفود والمكده خذ ولد
أبو.محمد
09/09/2013, 12:09 AM
بحسب طبيعه الارض اللي حولك
ان كانت راعي رمل و زفلت فخذها و لا تشاور
اما للصخر فعليك بالحجريات
مسير عليكم
09/09/2013, 10:16 AM
ممتازه ولينه علي الموتر

مشكلتها انها ما تكد في الردميات تتسحل بسرعه والحصي يقطعها

ممتازه لنفود تفرش وفي الخطوط المزفلته مريحه ومالها مطب
ابوحسام9
09/09/2013, 10:52 AM
الله يجزى الجميع بالخير على فزعتكم ولاهي غريبه منكم وصلت المعلومه
ابوتركي83
09/09/2013, 02:17 PM
ياشباب ابستشيركم بكفرات هانكوك كوري من جميع النواحي العيوب والمميزات
طبعا نقشة شاهين 10غاط مقاس 235/85/16ابي اركبها على جيب شاص
هل تصلح للبر

اخوي فيه نفس المقاسات هذي يابانيه يوكوهاما جيولاندر 10 غاط لجميع الظروف يمكن تناسبك وكيلها الجميح

جربناها من احسن ما يكون على اسمها لجميع الضروف
اسأل عنها اللي جربها يمكن ينصحونك بها
ابولمارالحربي
09/09/2013, 07:29 PM
انا مجربها على اليوكن 2000 وعلى الكابرس 1986 وعلى الكابرس 2006 كفرت تخدم وسعرها وسط
MacBookPro
12/09/2013, 02:09 AM
والله اشوفها ممتازة .. واسعارها مناسبة .. مركبها من سنة على الاكسبديشن .. وما اشتكيت منها
توكل على الله وخذها .. ونصيحها خذها من الوكيل .. وركبها برا ..
والله يوفقك اخوي
باوزير
12/09/2013, 08:12 AM
ممتازة بس مشكلتها لينة كثير و تنمسح بسرعة و وقت البريك اذا مسرع السيارة تزحف
حجازي20
12/09/2013, 08:06 PM
ياشباب ابستشيركم بكفرات هانكوك كوري من جميع النواحي العيوب والمميزات
طبعا نقشة شاهين 10غاط مقاس 235/85/16ابي اركبها على جيب شاص
هل تصلح للبر


شوف ياحبيبي انت غلطان
نقشة شاهين تجي مقاسها 245/85/16
والكفرات اللي مقاسها 235/85/16 هذي ماهي رمليه لكن من يوكوهاما ودنلوب تجي حجريه
ومن هانكوك تجي عادية ماهي حجرية بالحيل وتراها ممتازه من ناس اعرفهم جربوها
أبو سندس
15/09/2013, 11:12 AM
ديارنا وعر ولا أستخدم غير الهانكوك نقشة الشاهين لان جنب الكفر مهوب لين مثل الدنلوب انصح بهن وخفة بالزفلت والرمال ترا هن احسن من الشهوين الدنلوب بالحيل
النمساوي 2008
15/09/2013, 10:24 PM
هانكوك نقشة شاهين
245/85/16
اشهد بالله انها كفرات

3 سنوات وانا اركبها ماعاش معي الي هي على الربع التويوتا

الدون لوب العريض غيرت منه طقمين خلال 8 شهور فقط:mad:

اتحدث عن التجربة في الصحراء بشكل عام والحتايف القشراء
والمطاريد في الصيد

مقاس الهواء (( 30 ))

ميزة هالكفرات انها تجمع القوه ورساوتها في الخط مقبوله جدا بعكس البالون الي رساوته بالخط لك عليه
وفي البر مطبها مريح بنسبه 50% عن الكفرات الاخرى العريضه

المطناج تفكك منه وتحافض على الموتر من التفكك

كل سنة اغير طقم منها الى الان , بعد كد وكرف على مدار السنه

فيها ملاحضة بسيطة ولاهيب عذروب قوي ..

مسكت الفرامل عليه مهوب قوي ( فيه ثقل نوعا ما) , مو مثل الكفر العريض الي يهدي بسرعه

في لفات الشوارع يصدر صوت خفيف
الذئب الاليف
16/09/2013, 09:54 AM
اشكرك اخوي ابو حسام9 على طرح هذا الموضوع افدت واستفدت معلومات عن الهنكوك نقشت شاهين اول مرة اسمع عنها
ابوحسام9
16/09/2013, 11:32 AM
حياك الله اخوي الذئب الاليف الله يعطي الجميع العافيه وانا اعتبركم اخوان مو بس اعضاء والله يجزى القائمين على هالمنتدى كل خير الذين قامو بجمعنا بهذا المنتدى اعتبر ان هذا المنتدى هو البيت الكبير الذي يجمع العاءلة الكبيرة وكل فرد من افراد هذة الاسرة يطرح المشاكل التي تواجة في حياته اليومية ويجد الحل بأذن الله من اعضاء هذا المنتدى الكبير ومنها تكون الفائدة فيستفيد ويفيد