حجزوا موتري والسبب ؟

[ط ع ط 789]

سم الله الرحمن الر حيم

السلام عليكم


بخش على طول في الموضوع

انا معاي فورد 2000 عليه هدروليك خلفي وكاله لكن بفصال ينزل ويرفع الوكاد اليوم
طلعت لقيت عسكري واقف يحتريني عن الموتر قال اثباتك والرخصه والاستماره
وعطيته كل شئ نزل فك باب الدوريه وقال اركب قلت مني راكب نزل العسكري الثاني بدون اي كلام ولا شئ ركب موتري وعشق ومشى والثاني قفل الباب وعطاني مخالفه

ترفيع المركبه من الخلف

والموتر عليه تباريز


وقلت على وين موتري يرجع قال راجع المرور راجعت المرور قال راجع الحجز ~
هل الحجز راح يقولون لي فك اللي عليها وخذ موترك ولا يحجزونه عندهم

واذا حجزوه عندهم كم اقصى مده للحجز

[عبادي464]

الله لايوفقهم

[ابوسليمان12]

اتوقع انك من اهل الطايف الكرام

[عبدالله 9437]

الله يعينك ويعيننا على هالعساكر

عموماً مدة الحجز على حسب الظابط رح كلمه احتمال تقعد بالحجز يوم واحتمال ١٥ يوم

بس غالباً مايقولون فك اللي على الموتر

موتري قد دخل الحجز عشان عليه هدرز


لكن القهر واحد من الربع قد انحجز موتره عشان مظلل والقزازه اللي قدام بدون تظليله بس ( قمة القهر )

[sgl2002]

لاتخالف

وخل موترك بدون تعديلات مراهقين


ولا احد يقولك شي

العسكر ولو ان مانيب عسكري لكن الله يقويهم

وانا اتمنى يكونون صارمين من جميع النواحي حتى ينضبط الامن المروري


وودي اول من يبدون فيه هذولا اللي يجيك يساقط على الدايري مافكر بروحه جعل روحه تروح ولا فكر بارواح ناس مساكين واطفال ابرياء

[Abo_Faisal_506]

الله يعينك ويعيننا على هالعساكر

عموماً مدة الحجز على حسب الظابط رح كلمه احتمال تقعد بالحجز يوم واحتمال 15 يوم

بس غالباً مايقولون فك اللي على الموتر

موتري قد دخل الحجز عشان عليه هدرز


لكن القهر واحد من الربع قد انحجز موتره عشان مظلل والقزازه اللي قدام بدون تظليله بس ( قمة القهر )

اذا صورتك مهب قوي مايقدر


الحجز يكسرون ام السياره رح طلعها قبل ماتتصدم

[ابولمارالحربي]

الله يفك سجنها وينتقم منهم لوتشوف نص سيارات العسكر تباريز وتنزيل وتضليل والااحد يقدر يكلمهم لا وبعضهم عندنا في جدة يشبهونبها سيارات المرور السري والي اكثر من كذا محد يصدقة يوم راجع من العمل متاخر قريب 2 صباحا والقالي تفتيش انا ماسك اليمين شوي الى سيارة اشوفها في المراية اليمين جايه من وراي و مشغل كشافات صفرا ويوم قرب واشوفة حاط العشب الي يجي زي حق الجيش فوق الكبوت قلت عزالله الرجال راح جلا يوم وصل الزين جمبي الاهي دورية لومينة تباريز تضليل عشب ويخش علي ويوقف ويفك الباب ويطلع من السيارة لابس فنيلة بيضة والبنطلون العسكري ويكل خويانة ويضحك معهم ويمشي وبعد مامشيت اشوفه واقف اخر الشارع ويلمع الجنوط ....... لا تعليق

[ابو حلا العروي]

الله يفك سجنها وينتقم منهم لوتشوف نص سيارات العسكر تباريز وتنزيل وتضليل والااحد يقدر يكلمهم لا وبعضهم عندنا في جدة يشبهونبها سيارات المرور السري والي اكثر من كذا محد يصدقة يوم راجع من العمل متاخر قريب 2 صباحا والقالي تفتيش انا ماسك اليمين شوي الى سيارة اشوفها في المراية اليمين جايه من وراي و مشغل كشافات صفرا ويوم قرب واشوفة حاط العشب الي يجي زي حق الجيش فوق الكبوت قلت عزالله الرجال راح جلا يوم وصل الزين جمبي الاهي دورية لومينة تباريز تضليل عشب ويخش علي ويوقف ويفك الباب ويطلع من السيارة لابس فنيلة بيضة والبنطلون العسكري ويكل خويانة ويضحك معهم ويمشي وبعد مامشيت اشوفه واقف اخر الشارع ويلمع الجنوط ....... لا تعليق

هذي مشكلتنا مع العسكر
حلال عليهم وحرام على المواطن:hot:

[ابو سامي8282]

الله المستعان

[سفاري 95]

اخوي لاتفك الهدروليك اذا ماتبي تفكه

اما التباريز خذ بها عذر عندهم وفكها الله يعينك

انا عندي زينون من وكالته في النور الواطي ومسكوني من شانه يقولون مخاله ماصدق لين فكيت الكبوت ووريته الزينون انه وكاله ... خلها على ربك والله يعينك

[المهند9]

الله المستعان

احيان اقول معهم حق

واحيان اقول الله يعلهم

[4x4ofroad]

الله يعينك
غالبا بيقول خذ الموتر وخل اوراقك عندنا ورجعه شد بلد وتعال استلم اوراقك
المشكله ان بعض الفئات خربت علينا
موتري فتك عليه هدرز كاتم وصدام صب وقاعدة انتل بدون الانتل وشاقله بياي استرالي وبالون ويشهد الله اني مجهز موتري تجهيز بر وابيه نشيط ورفيع والسوبر سفاري فيه لحيه وشلت صدامه وركبت صب وونش
الشاهد ان وقفتني دوريه وطلب اثباتي وقعد 5 دقايق وقال اغراضك المهمه شيلها ؟
ليش؟
قال السطحه بالطريق موترك بيروح الحجز
قلتله ابشر بس لاهنت بيتي قريب خلنا نوصل وانزل عفشي وخل السطحه تجي عند البيت
اقتنع بالقوه ولحقني عند االبيت وفتحت الشنطه وشاف العزب والاغراض قالي خلاص لاعاد تنزل شي وخذ اثباتك والله يوفقك
قلتله وش العلم
قال احسبك من هالدرباويه اللي يفحطون ويطعون بالشوارع وعلينا تعميم مانترك موتر درباوي الا ونشيله الحجز لكن انت الظاهر منت منهم
جزاه الله خير وما ينلامون بسبب ان بعض الفئات خربت علينا
وبشكل عام المفروض العسكري يشخص راعي الموتر وبيحدد من اي فئه هو

[وهج الحياة]

الله يعينك
غالبا بيقول خذ الموتر وخل اوراقك عندنا ورجعه شد بلد وتعال استلم اوراقك
المشكله ان بعض الفئات خربت علينا
موتري فتك عليه هدرز كاتم وصدام صب وقاعدة انتل بدون الانتل وشاقله بياي استرالي وبالون ويشهد الله اني مجهز موتري تجهيز بر وابيه نشيط ورفيع والسوبر سفاري فيه لحيه وشلت صدامه وركبت صب وونش
الشاهد ان وقفتني دوريه وطلب اثباتي وقعد 5 دقايق وقال اغراضك المهمه شيلها ؟
ليش؟
قال السطحه بالطريق موترك بيروح الحجز
قلتله ابشر بس لاهنت بيتي قريب خلنا نوصل وانزل عفشي وخل السطحه تجي عند البيت
اقتنع بالقوه ولحقني عند االبيت وفتحت الشنطه وشاف العزب والاغراض قالي خلاص لاعاد تنزل شي وخذ اثباتك والله يوفقك
قلتله وش العلم
قال احسبك من هالدرباويه اللي يفحطون ويطعون بالشوارع وعلينا تعميم مانترك موتر درباوي الا ونشيله الحجز لكن انت الظاهر منت منهم
جزاه الله خير وما ينلامون بسبب ان بعض الفئات خربت علينا
وبشكل عام المفروض العسكري يشخص راعي الموتر وبيحدد من اي فئه هو

كلامك غير صحيح بل يلامون لأنهم لا يفرقون بين الناس
وهذا غلط بين كيف تعمل في جهة امنية ولا تعرف الفروقات ولا تعرف كيف تميز بين الخاطئ وغيره
السيارة اذا لم يتم التعديل على شكلها من حيث اللون او الموديل او اسم السيارة أو اخفاء معالمها فليس من حقه حجزها ولا غير ذلك وسواء كان المستخدم ممن يسمون درباوية او غيرهم ، بل يجب على الافراد من الشرطة وغيرها احترام انظمة الدولة وعدم تجاوزها بسبب اهوائهم الشخصية ويجب عليهم معاقبة المخطئ كائنا من كان .
اما الواقع فللاسف هو اجترائهم على الضعيف الملتزم بالانظمة وعدم قدرتهم على معاقبة المجرمين او من يرهبون الناس بالتفحيط او السرعة .

[4x4ofroad]

كلامك غير صحيح بل يلامون لأنهم لا يفرقون بين الناس
وهذا غلط بين كيف تعمل في جهة امنية ولا تعرف الفروقات ولا تعرف كيف تميز بين الخاطئ وغيره
السيارة اذا لم يتم التعديل على شكلها من حيث اللون او الموديل او اسم السيارة أو اخفاء معالمها فليس من حقه حجزها ولا غير ذلك وسواء كان المستخدم ممن يسمون درباوية او غيرهم ، بل يجب على الافراد من الشرطة وغيرها احترام انظمة الدولة وعدم تجاوزها بسبب اهوائهم الشخصية ويجب عليهم معاقبة المخطئ كائنا من كان .
اما الواقع فللاسف هو اجترائهم على الضعيف الملتزم بالانظمة وعدم قدرتهم على معاقبة المجرمين او من يرهبون الناس بالتفحيط او السرعة .

حياك ربي
قد تكون عندك وجهة نظر صائبه
بس للاسف عندنا بالشرقيه صارت مواتر التفحيط والاستعراض جيوب هدد وباترولات قديمة وفتكات
يعني لو معك موتر من ذي المواتر وعليه هدرز وبالون راح تكون محل شبهه
والشر يعم كما تعلم

[Tyer_shalwa]

لاتخالف

وخل موترك بدون تعديلات مراهقين


ولا احد يقولك شي

العسكر ولو ان مانيب عسكري لكن الله يقويهم

وانا اتمنى يكونون صارمين من جميع النواحي حتى ينضبط الامن المروري


وودي اول من يبدون فيه هذولا اللي يجيك يساقط على الدايري مافكر بروحه جعل روحه تروح ولا فكر بارواح ناس مساكين واطفال ابرياء

الله أكبر الرجال رافع الهيدروليك راح يسبب اضطراب امني ومعنوي ومادي !!!

الله يهديك ويهدي عساكرنا المعقدين !!

والله ماشوف بها أي شيء وهذا حرية شخصية وشش دخلهم بها يرفع موترة سماا ولا ينزله ارض ولا يركب علية الي يركب بكيييييييفة !!

حركات المراهقين الي تقول عنها هي يحط رقم الببي والخرابيط الي مفروض انهم يخالفون عليها لاكن اشوف انهم متساهلين معهم !!

[ط ع ط 789]

ما قصرتوا يا رجال واعتذر على عدم الرد

رحت لنقيب ابي اقدم شكوى على العسكري قال وش السبب قلت له السالفه قال وش رايك نحلها

ودي بدون شكاوي وخرابيط قال كم يوم انحجز موترك قلت له امس الظهر قال وان قلت لك يطلع الحين

بدون شكوى ولا شيء قلت ما تقصر وعطاني ورقه اخراج سياره من الحجز ومريت الجزاءات وخلصت اوراقها وطلعتها من الحجز بشكلها بدون ما نزلت منها شيء

[4x4ofroad]

الحمد لله على السلامه

[سيف نجد_]

ما قصرتوا يا رجال واعتذر على عدم الرد

رحت لنقيب ابي اقدم شكوى على العسكري قال وش السبب قلت له السالفه قال وش رايك نحلها

ودي بدون شكاوي وخرابيط قال كم يوم انحجز موترك قلت له امس الظهر قال وان قلت لك يطلع الحين

بدون شكوى ولا شيء قلت ما تقصر وعطاني ورقه اخراج سياره من الحجز ومريت الجزاءات وخلصت اوراقها وطلعتها من الحجز بشكلها بدون ما نزلت منها شيء

زين انك ماعندت وطلعت الكبير، احسنت

Sent from my GT-N7100 using Tapatalk 2

[وهج الحياة]

ما قصرتوا يا رجال واعتذر على عدم الرد

رحت لنقيب ابي اقدم شكوى على العسكري قال وش السبب قلت له السالفه قال وش رايك نحلها

ودي بدون شكاوي وخرابيط قال كم يوم انحجز موترك قلت له امس الظهر قال وان قلت لك يطلع الحين

بدون شكوى ولا شيء قلت ما تقصر وعطاني ورقه اخراج سياره من الحجز ومريت الجزاءات وخلصت اوراقها وطلعتها من الحجز بشكلها بدون ما نزلت منها شيء
احسن من الشكاوي واحتسب شكواك عند رب السماوات