GX-R و VX-R

[التعـ King ـديل]

السلام عليكم ورحمه الله وبركاته

مساء / صباح الورد على الجميع

انا وكما تعرفوني ميولي نيسانيه ومعرفتي بالنيسان كثيره ،، وشي طبيعي يجهلني بعض الامور في انواع اخرى ولانني لا اعرف كثير في ال GX-R و VX-R الموديلات الجديده والفروقات بينهم حبيت اعرف منكم ولا هو عيب اني اقول مااعرف ولكن العيب اني اسوي فاهم واتفلسف وانا من جنبها :D

ابي اعرف الفرق بين ال GX-R و VX-R

موديلات 2009 و 2010

و موديلات 2011 الى 2013

محرك الثمانيه سلندر طبعا وليس السته لفئه GX-R

ماهي التغيرات اللي حدثت بالموديلات المذكوره سواء بالمواصفات او المحركات

[التعـ King ـديل]

لو اني كاتب الفتك احسن من اللاند كان ال 92 زائر للموضوع ردو ومدحو اللاند وعددو مواصفاته

ولكن يوم جاء سؤال مباشر بدون مقارنه 92 شخص يدخل بدون مايرد

هذا ان دل على شيئ يدل على ان اكثر الناس تكتب مالم تعرف في هذا الموضوع بس مجرد عنصريه لا اكثر ولا اقل

[شنطة عده]

انت تسال لتجادل فقط واعذرني على صراحتي
حوار عقيم لا فائده منه سوى التنحار بالكلام الذي لا ينتج منه سوى الكراهيه والبغضاء بين الاعضاء
سيارات نيسان وتويوتا سيارات اعتمادية ولها شعبيه كبيره بين اهل الخليج
وكل واحد ورغبتة
انا شخصياً يوم فكرت اشتري جيب احترت كثيراً بين الباترول والاندكروزر
واستقر الامر على النوع الي صدف انه مناسب للشراء من حيث النظافه والسعر وليس لان هذا افضل من هذا
لانها كلها سيارات كفؤ وتستاهل الاقتناء
فلماذا هذا الجدال الذي لا ينتهي
فلا انت تملك مصنع نيسان ولا من يخالفونك الراي يملكون مصنع تويوتا
ارجو ان تنتهي هذه الظاهره

[AL-OTAIBI]

لو اني كاتب الفتك احسن من اللاند كان ال 92 زائر للموضوع ردو ومدحو اللاند وعددو مواصفاته

ولكن يوم جاء سؤال مباشر بدون مقارنه 92 شخص يدخل بدون مايرد

هذا ان دل على شيئ يدل على ان اكثر الناس تكتب مالم تعرف في هذا الموضوع بس مجرد عنصريه لا اكثر ولا اقل


السلام عليكم

مشالله عليك كتبت الموضوع و رديت عليه و حكمت على الاغلبيه بالعنصريه والجهل كل هدا بكم ساعه, اجل و ش بتسوي لا مر يومين من دون رد.

عط الناس فرصه, و الصبر زين, لو تلاحظ اكثر مواضيع الاستفسار الناجحه و الهادفه تلقاها في كم يوم او كم اسبوع.

انا والله من زمان ما سجلت دخول للموقع, بس يوم شفت ردك قلت خلني ارد عليك لا يطق فيك عرق.:)

على العموم, بالنسبه لسؤالك, اللي اعرفه ان الفكسار مكينته اكبر و هي 5,7
هدا اللي اعرفه و ان شا الله الشباب يفيدونك

تحياتي

[qx55]

سلام عليكم
VXR يجي نوعين مكينة 5.7 مكينة لكزس ويجي مكينة الثمانيه سلندر العاديه الي تجي على GXR
VXR افخم من الخارج من ناحية الجنوط 18 ومن الداخل الطبلون غير وشاشة شد بلد نفي قيشن ويجي جلد
GXR مكينة V8 ومخمل وجنوط 17 ويفرق بالخطوط والاكسسوارات بالنسبه للخليجي
شكراً

[fate]

خل الفكسار والجكسار رائي وملحوض فيك واتمنى انك ماتزعل مني وتبتعد عن اللي بذكره
بما انك مشرف مفروض انك تكون بعيييد عن مهاترات الجيوب لانها نقص عقل صراحتا
ما فيه اي موضوع عن الاندكروزر والشاص وتويوتا عموما الا وانت تسب وتهزاء فيها
والمشكله انك تقول معك هدد والان تسال عن الفكسار والجكسار وانت اصلن ما تدانيها
هذا يدل على تناقض كلامك ولاكن مالومك مواتروجيوب تويوتا عموما افضل المواتر

[بن الشمال]

إضافة لحجم المكينة أكبر في الفي أكس آر 5.7
أيضا حجم القير وحجم الدفرنس
مع العلم أن الفي أكس يأتي فئتين مخمل فاخر
وجلد
والجي أكس آر يأتي قماش
السرعة في العدادات يختلف 260 الفي اكس
الجي اكس 240
الدركسون ارتفاعاته الفي اكس آر يأتي تماتيك
الجي اكس آر يدوي
الفي اكس آر جميع الأبواب مع الشنطة عندما تقترب منها تفتح توماتيكا
الجي اكس آر فقط باب السائق
تحكم بارتفاع السيارة قريب من نظام الهدروليك في الفكس
الجي اكس آر عادي لايوجد تحكم بالارتفاع .
اضافة للشكل الخارجي والصدامات




ميزات تويوتا عن نيسان:
ميزة الشنطة في تويويتا بأنك تضع عزبتك عليها عند الطبح لاتنزلها في الرمل أوفي الأرض .
سيارات تويوتا متماسكة لاتسمع أصوات قربعة ولا ازعاج .
وكل تويوتا حسب تجربتي قليلة العطالات .
اقتصادية في صرف الوقود .

على العكس من نيسان بحكم التجربة :
مهدر للوقود كل الموديلات وخاصة من 89إلى 97 ،
والموديلات الأخرى أقل ولكنها قريبة ومهدرة .
أصوات قربعة وإزعاج بكل فئات نيسان .
لايوجد منه شنطة فتضطر لإنزال عزبتك في الأرض أو الرمل
كثير العطالات وخاصة الفتك منه .

[مرير الشوق]

الله يعينك يابو خالد ..

فتحت الموضوع للإستفسار وقلبوها مقارنه :D

شد حيلك واربط حزامك :good2:

[سقم المعادي 1]

الفرق بالواجهه الانوار اختلفت شوي وصارت تجي ليد للسكن في الامام

و الداخليه مختلفه اختلاف جذري في الفكسار و الجكسار

كانك تبي تشتري خذ جي اكس هدد وارد اليحيى 8 سلندر يجي مكيفين ثلاجه فتحه دفلوك بدون ونش

اسعاره المستعمل حول الـ150 الف وعليها للنظيف

و فكونا من المهاترات اللي مالها داعي نيسان و تويوتا من اكبر الشركات اليابانيه و ان حطيت دراهمك في لاند ولا باترول يعلم الله انها مهيب خساره و جيوب تستاهل كل ريال فيها

[ولد الغلباء]

انا من عشاق التايوتا وايضا احب الباترول لاكن ماهب مثل الاند ابد
اشوف ان الرجال يستفسر فقط لاغير وحقه على اللي يعرف يرد عليه لان المنتدى اخذ وعطا
حسب معرفتي المنواضعة
من موديل 2010 وتحت الفرق بالشاشة والجلد ودركسون اللكزس ونظام الصوت والطبلون من الخارج الزوايد والجنوط ونظام التعليق
من موديل 2011 نفس الفروق بالظبط زائدا عليها المكينة 5,7

هذا اللي اعرفة من واقع تجربة للسيارتين
وتمنى ان الموضوع ماينقلب موضوع جدل عقيم وكلام ماله داعي
والباترول والاند عينين براس واحد واي عاقل وغير متعصب يدرك كلامي

اسف جدا ع الاطالة

[ابونبيل]

الله يهديك يامشرفنا في اعضاء واجد متحسسين من ردودك

اما بخصوص الاستفسار لا ازيد على كلام الشباب الا نظام الزحف في الفكسار

[التعـ King ـديل]

انت تسال لتجادل فقط واعذرني على صراحتي
حوار عقيم لا فائده منه سوى التنحار بالكلام الذي لا ينتج منه سوى الكراهيه والبغضاء بين الاعضاء
سيارات نيسان وتويوتا سيارات اعتمادية ولها شعبيه كبيره بين اهل الخليج
وكل واحد ورغبتة
انا شخصياً يوم فكرت اشتري جيب احترت كثيراً بين الباترول والاندكروزر
واستقر الامر على النوع الي صدف انه مناسب للشراء من حيث النظافه والسعر وليس لان هذا افضل من هذا
لانها كلها سيارات كفؤ وتستاهل الاقتناء
فلماذا هذا الجدال الذي لا ينتهي
فلا انت تملك مصنع نيسان ولا من يخالفونك الراي يملكون مصنع تويوتا
ارجو ان تنتهي هذه الظاهره



لو قريت الموضوع بدل الرد عرفت اني اسأل لكسب معلومه وذكرت جهلي فيها بس اللي وده يجادل معروف من رده

[التعـ King ـديل]

سلام عليكم
VXR يجي نوعين مكينة 5.7 مكينة لكزس ويجي مكينة الثمانيه سلندر العاديه الي تجي على GXR
VXR افخم من الخارج من ناحية الجنوط 18 ومن الداخل الطبلون غير وشاشة شد بلد نفي قيشن ويجي جلد
GXR مكينة V8 ومخمل وجنوط 17 ويفرق بالخطوط والاكسسوارات بالنسبه للخليجي
شكراً


جزاك الله خير انا ابي اعرف معلومات المحرك لاني سمعت انه تغير في الموديلات المذكوره

[التعـ King ـديل]

خل الفكسار والجكسار رائي وملحوض فيك واتمنى انك ماتزعل مني وتبتعد عن اللي بذكره
بما انك مشرف مفروض انك تكون بعيييد عن مهاترات الجيوب لانها نقص عقل صراحتا
ما فيه اي موضوع عن الاندكروزر والشاص وتويوتا عموما الا وانت تسب وتهزاء فيها
والمشكله انك تقول معك هدد والان تسال عن الفكسار والجكسار وانت اصلن ما تدانيها
هذا يدل على تناقض كلامك ولاكن مالومك مواتروجيوب تويوتا عموما افضل المواتر


انا كتبت الرد بعد مرور عده ساعات وزياره لاكثر من 100 عضو والدليل انت نطيت ترد لمجرد العنصريه لا اكثر ،، على العموم انا فعلا معي هدد وذكرت في اكثر من رد انه لايقارن بالنيسان ومازلت عند رأيي واني توهقت يوم اخذته ولكن بهالموضوع سؤالي واضح جدا ومايحتاج كثر حكي ،، وماله علاقه كوني مشرف او عضو عادي فاانا اولا واخيرا امثل نفسي ،، ولا علشاني مشرف لازم اعرف كل شي وعيب اسأل ؟؟؟ ترا العيب انك تكتب مالا تعلم

[التعـ King ـديل]

إضافة لحجم المكينة أكبر في الفي أكس آر 5.7
أيضا حجم القير وحجم الدفرنس
مع العلم أن الفي أكس يأتي فئتين مخمل فاخر
وجلد
والجي أكس آر يأتي قماش
السرعة في العدادات يختلف 260 الفي اكس
الجي اكس 240
الدركسون ارتفاعاته الفي اكس آر يأتي تماتيك
الجي اكس آر يدوي
الفي اكس آر جميع الأبواب مع الشنطة عندما تقترب منها تفتح توماتيكا
الجي اكس آر فقط باب السائق
تحكم بارتفاع السيارة قريب من نظام الهدروليك في الفكس
الجي اكس آر عادي لايوجد تحكم بالارتفاع .
اضافة للشكل الخارجي والصدامات




ميزات تويوتا عن نيسان:
ميزة الشنطة في تويويتا بأنك تضع عزبتك عليها عند الطبح لاتنزلها في الرمل أوفي الأرض .
سيارات تويوتا متماسكة لاتسمع أصوات قربعة ولا ازعاج .
وكل تويوتا حسب تجربتي قليلة العطالات .
اقتصادية في صرف الوقود .

على العكس من نيسان بحكم التجربة :
مهدر للوقود كل الموديلات وخاصة من 89إلى 97 ،
والموديلات الأخرى أقل ولكنها قريبة ومهدرة .
أصوات قربعة وإزعاج بكل فئات نيسان .
لايوجد منه شنطة فتضطر لإنزال عزبتك في الأرض أو الرمل
كثير العطالات وخاصة الفتك منه .



يعطيك العافيه على المعلومات انا ابي معلومات المحركات بالارقام لان عمي ناوي يشتري موتر ،، وتمنيت انك ماذكرت طاري للنيسان منعنا لبعض العنصريين اللي بيجي يرد ولا يدري عن شي

[التعـ King ـديل]

الله يعينك يابو خالد ..

فتحت الموضوع للإستفسار وقلبوها مقارنه :D

شد حيلك واربط حزامك :good2:


الله يكون بعونهم تصدق من شريت التويوتا بديت اصاب بالمرض وارد دفاعا عن التويوتا وانا بداخلي ادري انه مايسوى مثل بعض الاعضاء الله يهديه ،، والمشكله في موضوعي هذا انا اسال عن محركات لسيارتين من سيارات تويوتا مدري وش دخل النيسان والعنصريه بالموضوع

[التعـ King ـديل]

الفرق بالواجهه الانوار اختلفت شوي وصارت تجي ليد للسكن في الامام

و الداخليه مختلفه اختلاف جذري في الفكسار و الجكسار

كانك تبي تشتري خذ جي اكس هدد وارد اليحيى 8 سلندر يجي مكيفين ثلاجه فتحه دفلوك بدون ونش

اسعاره المستعمل حول الـ150 الف وعليها للنظيف

و فكونا من المهاترات اللي مالها داعي نيسان و تويوتا من اكبر الشركات اليابانيه و ان حطيت دراهمك في لاند ولا باترول يعلم الله انها مهيب خساره و جيوب تستاهل كل ريال فيها


يطولي بعمرك مشكور على المعلومات انا ابي معلومات بالارقام عن المحركات واكون شاكر لك

[التعـ King ـديل]

انا من عشاق التايوتا وايضا احب الباترول لاكن ماهب مثل الاند ابد
اشوف ان الرجال يستفسر فقط لاغير وحقه على اللي يعرف يرد عليه لان المنتدى اخذ وعطا
حسب معرفتي المنواضعة
من موديل 2010 وتحت الفرق بالشاشة والجلد ودركسون اللكزس ونظام الصوت والطبلون من الخارج الزوايد والجنوط ونظام التعليق
من موديل 2011 نفس الفروق بالظبط زائدا عليها المكينة 5,7

هذا اللي اعرفة من واقع تجربة للسيارتين
وتمنى ان الموضوع ماينقلب موضوع جدل عقيم وكلام ماله داعي
والباترول والاند عينين براس واحد واي عاقل وغير متعصب يدرك كلامي

اسف جدا ع الاطالة


ردك على راسي وجزاك الله خير :good2:

[التعـ King ـديل]

الله يهديك يامشرفنا في اعضاء واجد متحسسين من ردودك

اما بخصوص الاستفسار لا ازيد على كلام الشباب الا نظام الزحف في الفكسار


ابو نبيل تدري مره جلست مع مجموعه من اعضاء مكشات وبدون ذكر اسماء علشان مايزعلون واحد منهم متعصب تويوتا المهم وحنا نسولف قال تدري يابو خالد انت لو تكتب سلام عليكم بالمنتدى بنط وارد عليك حتى لو مالي شغل وبتهاوش معك مدري ليه من اشوف موضوع لك لازم اجادلك :D

[التعـ King ـديل]

السلام عليكم

مشالله عليك كتبت الموضوع و رديت عليه و حكمت على الاغلبيه بالعنصريه والجهل كل هدا بكم ساعه, اجل و ش بتسوي لا مر يومين من دون رد.

عط الناس فرصه, و الصبر زين, لو تلاحظ اكثر مواضيع الاستفسار الناجحه و الهادفه تلقاها في كم يوم او كم اسبوع.

انا والله من زمان ما سجلت دخول للموقع, بس يوم شفت ردك قلت خلني ارد عليك لا يطق فيك عرق.:)

على العموم, بالنسبه لسؤالك, اللي اعرفه ان الفكسار مكينته اكبر و هي 5,7
هدا اللي اعرفه و ان شا الله الشباب يفيدونك

تحياتي


اولا يعطيك العافيه على المعلومه اللي ذكرت ،، ثانيا انا متاكد اني لو كتبت مدح للفتك وسبيت اللاند الزوار اللي دخلو الموضوع بينطون ويردون علي والمشكله يوم كتبت سؤال مباشر محد رد

[sgl2002]

ههههههه

والله يبو خالد انك تحفة المنتدى



ودي افيدك يبو خالد في الفكسار واختلافه عن الجسكار لكن ماعندي زود علم

[ابونبيل]

ابو نبيل تدري مره جلست مع مجموعه من اعضاء مكشات وبدون ذكر اسماء علشان مايزعلون واحد منهم متعصب تويوتا المهم وحنا نسولف قال تدري يابو خالد انت لو تكتب سلام عليكم بالمنتدى بنط وارد عليك حتى لو مالي شغل وبتهاوش معك مدري ليه من اشوف موضوع لك لازم اجادلك :D


هههههههه الله يسعدك

[تساهيل1]

لو اني كاتب الفتك احسن من اللاند كان ال 92 زائر للموضوع ردو ومدحو اللاند وعددو مواصفاته



ولكن يوم جاء سؤال مباشر بدون مقارنه 92 شخص يدخل بدون مايرد


هذا ان دل على شيئ يدل على ان اكثر الناس تكتب مالم تعرف في هذا الموضوع بس مجرد عنصريه لا اكثر ولا اقل



السلام عليكم اخ كنق التعديل

المشكله انك مشرف وتستخدم النوع هذا من الردود
شكرا

[التعـ King ـديل]

السلام عليكم اخ كنق التعديل

المشكله انك مشرف وتستخدم النوع هذا من الردود
شكرا




اشرافي ليس مشكله فاانا اعبر عن نفسي انا كنج التعديل ولست منتدى مكشات

يعني اذا عندك شي توجهه لي شخصيا بعيد عن اشرافي او غيره

تدري المشكله وين ليست بالاشراف المشكله انك رديت بمحاوله اللعب على وتر اني مشرف بينما نسيت الموضوع والسؤال المكتوب فيه

[التعـ King ـديل]

ههههههه

والله يبو خالد انك تحفة المنتدى



ودي افيدك يبو خالد في الفكسار واختلافه عن الجسكار لكن ماعندي زود علم


ليش قلت كذا :D

[التعـ King ـديل]

هههههههه الله يسعدك


ويسعد ايامك اخوي ابو نبيل :good2:

[أبو راشد 33]

(2008-2011) GXR و VXR المكينة الصغيرة حجم المحرك 4.7 - 270 حصان
(2011-2013) VXR حجم المحرك 5.7 - 362 حصان
(2012-2013) GXR حجم المحرك 4.6 - 304 حصان و بعض الموردين لديهم VXR بنفس هذه المكينة .
هذا مالدي و أعتذر عن أي خطأ .

[خيال الغلبا]

كم سعر الفي اكس ار 2013 الخليجي ووين احصله انا بالرياض

[التعـ King ـديل]

(2008-2011) GXR و VXR المكينة الصغيرة حجم المحرك 4.7 - 270 حصان
(2011-2013) VXR حجم المحرك 5.7 - 362 حصان
(2012-2013) GXR حجم المحرك 4.6 - 304 حصان و بعض الموردين لديهم VXR بنفس هذه المكينة .
هذا مالدي و أعتذر عن أي خطأ .


يعطيك العافيه هذي الاجابه اللي ابحث عنها :good2: ياليت بعض الناس يقراء الموضوع ويجاوب :D او يقول ماعرف ولا مايحتاج يرد

[سليمان VIP]

من موديل 2012 وطالع القير الاتوماتيك 6 سرعات طبعا 8 سلندر جي اكس ار
2011 واقل يجي 5 سرعات

اختلاف اللون من موديل 2012 وطالع تكون الداخليه بيج و 2011 وما قبله الداخليه اسود
ايضاً الفي اكس ار فيه تحكم خلفي للهواء بشكل مستقل لكل راكب وكذلك الطبلون يوجد فيه مميزات رائعة للفي اكس ار الجديد

موقع تويوتا قد يفيدك اكثر بالاختلافات

هذا ما لدي من اضافة على ما ذكره بعض الاخوان

[AL-OTAIBI]

الله يكون بعونهم تصدق من شريت التويوتا بديت اصاب بالمرض وارد دفاعا عن التويوتا وانا بداخلي ادري انه مايسوى مثل بعض الاعضاء الله يهديه ،، والمشكله في موضوعي هذا انا اسال عن محركات لسيارتين من سيارات تويوتا مدري وش دخل النيسان والعنصريه بالموضوع


انا والله ما اعرفك يابوخالد و لا اعرف ميولك, وفي الاخير كلها عباره عن حديد ما يسوى ان الاخو يزعل من اخوه عشانه.

لكن ما تلاحظ انك شوي متناقض في كلامك اللي فوق؟ يعني معقوله ما تدري وش دخل النيسان و العنصريه بالموضوع؟

اتمنى ترجع و تشوف اول مشاركتين و تعرف وش طراها و من فتح بابها في موضوعك!

تحياتي

[fate]

انا كتبت الرد بعد مرور عده ساعات وزياره لاكثر من 100 عضو والدليل انت نطيت ترد لمجرد العنصريه لا اكثر ،، على العموم انا فعلا معي هدد وذكرت في اكثر من رد انه لايقارن بالنيسان ومازلت عند رأيي واني توهقت يوم اخذته ولكن بهالموضوع سؤالي واضح جدا ومايحتاج كثر حكي ،، وماله علاقه كوني مشرف او عضو عادي فاانا اولا واخيرا امثل نفسي ،، ولا علشاني مشرف لازم اعرف كل شي وعيب اسأل ؟؟؟ ترا العيب انك تكتب مالا تعلم


والله ربي خابر من هو راعي ذالامور اللي انا مخليها لغيري الله لك الحمد
ارجع لردك الثاني وتعرف من هو كثير الحكي وراعي العنصرية على مافلت

[تساهيل1]

لو اني كاتب الفتك احسن من اللاند كان ال 92 زائر للموضوع ردو ومدحو اللاند وعددو مواصفاته

ولكن يوم جاء سؤال مباشر بدون مقارنه 92 شخص يدخل بدون مايرد

هذا ان دل على شيئ يدل على ان اكثر الناس تكتب مالم تعرف في هذا الموضوع بس مجرد عنصريه لا اكثر ولا اقل




اعيد عشان توضح لك يا ابو خالد

اخر سطرين ...احياء للمجادلات واستفزاز للرد
كل الناإس......! الله يهديك
انت مشرف والمشرف يعتبر قدوه

[التعـ King ـديل]

انا والله ما اعرفك يابوخالد و لا اعرف ميولك, وفي الاخير كلها عباره عن حديد ما يسوى ان الاخو يزعل من اخوه عشانه.

لكن ما تلاحظ انك شوي متناقض في كلامك اللي فوق؟ يعني معقوله ما تدري وش دخل النيسان و العنصريه بالموضوع؟

اتمنى ترجع و تشوف اول مشاركتين و تعرف وش طراها و من فتح بابها في موضوعك!

تحياتي


انا قلت مثلا لو اني مقارن بين التويوتا والنيسان الكل رد ولكن يوم صار سؤال مباشر محد رد

[التعـ King ـديل]

والله ربي خابر من هو راعي ذالامور اللي انا مخليها لغيري الله لك الحمد
ارجع لردك الثاني وتعرف من هو كثير الحكي وراعي العنصرية على مافلت


انا قلت مثلا لو اني مقارن بين التويوتا والنيسان الكل رد ولكن يوم صار سؤال مباشر محد رد

[التعـ King ـديل]

اعيد عشان توضح لك يا ابو خالد

اخر سطرين ...احياء للمجادلات واستفزاز للرد
كل الناإس......! الله يهديك
انت مشرف والمشرف يعتبر قدوه


انا قلت مثلا لو اني مقارن بين التويوتا والنيسان الكل رد ولكن يوم صار سؤال مباشر محد رد

المشرف له وجهه نظر مثله مثل اي عضو بالمنتدى وليس كونه مشرف مايقول وجهه نظره

[الصخرة]

عشان النقاش مايطول ويتحول لامر شخصي

وصلت المعلومة اللي تحتاجها ولا لا

اذا وصلت قفل الموضوع

[التعـ King ـديل]

عشان النقاش مايطول ويتحول لامر شخصي

وصلت المعلومة اللي تحتاجها ولا لا

اذا وصلت قفل الموضوع


يعطيك العافيه ،، وقريب راح اقفل الموضوع ولكن ارغب بالمزيد من المعلومات عن السؤال المطروح

[التعـ King ـديل]

تم اغلاق الموضوع من قبلي