بقدم اعتراض لحادث حصل لي بسبب قطع الاشاره [الأرشيف]

مشاهدة النسخة كاملة : بقدم اعتراض لحادث حصل لي بسبب قطع الاشاره

نايس × كول

11/09/2013, 09:37 AM

بعد التحيه و الاحترام

ياخوا قبل اسبوع تعرضت لحادث مع واحد قاطع الاشاره و خلصنا مع نجم و التامين

المعارض سعرو السياره 5 الاف

ورحت اسعر قطع الغيار في الوكاله كلفه 8 الف من دو رش للكبوت و الصدام و شغل يد

المهم ممكن كلها تطلع حول 10 الف

سيارتي قوطي اقصد النترا 2013 ما شي 35 الف جديد باكياس الوكاله

اقدر اقدم اعتراض للتسبب في الحادث

اذا اقدر عند من المرور ولا نجم

تكفون ارجو الافاده قبل بكره

aziz2727

11/09/2013, 09:45 AM

اولاً الحمد لله على السلامه
ثانياً خذ ذا الرقم واتصل فيهم 2928888
وهذا الرقم خاص بالمرور والاعتراضات
وان شاء الله راح يدلونك

نايس × كول

11/09/2013, 10:36 AM

جزاك الله خير

ربي يسلمك من الشر

بخصوص الرقم اقدر اتصل العصر ولا لهم وقت محدد

ابو ســــاره

11/09/2013, 10:43 AM

بما ان سيارتك جديدة يحق لك تطلب فرق سعر السيارة بعد الحادث وذلك عن طريق شيخ المعارض .
والله يحفظكم من كل سوء

مسير عليكم

11/09/2013, 10:45 AM

اخوي من الي قدرها لك ب5 الاف ؟؟
الي اعرفه انك تقدره في الورش بكم تصلح ويكتبون لك قائمه بالقطع وتقدرها بالوكاله اخوي راجع يمكن فيه غلط

صباح القايله

11/09/2013, 10:51 PM

هل قدروه على انه تألف هذا يقدره شيخ المعارض
وإذا كان غير تألف يقدرونه الورش قطع وتصليح

escape_man

11/09/2013, 11:21 PM

مايقدرونها تالف او ترسل لشيخ المعارض الا اذا صار السعر حول نص قيمة الموتر (عبارة مكلف) يعني تباع تشليح

الي اعرفه اذا السيارة جديدة وماتعرضت لحادث قديم تسعر وكالة

اعترض دام الطرف الثاني شركة تأمين ولكنك بتنلطع شوي

التعـ King ـديل

11/09/2013, 11:43 PM

اتصل بهالرقم وقت الدوام الرسمي ويفيدونك

0114455555

راعي الرود

12/09/2013, 01:44 AM

الله يعينك بيطول الموضوع حبتين بس خل صدرك شمالي و بتاخذ حقك كامل ان شاء الله

سؤالي هل الخطأ على الطرف الثاني 100% ؟

عارف انه قاطع اشاره و المفترض انه 100% عليه لكن يمكن اللي قدر الحادث عطاك نسبه وهو نسبه عشان كذا لو عليه 70% و انت 30% التأمين حقه بيدفع لك 70% مهب المبلغ كامل لو نقول كلف موترك 10 الاف ريال و الخطأ على الطرف الثاني 70% تأمينه بيدفع لك 7000 ريال و الـ3000 الباقيه تدفعها من جيبك

الفيصلْ

12/09/2013, 03:50 AM

اخوي الشي الي اعرفه ان سيارتك اذا كانت موديل السنه او ماقبلها يعني موديل حديث تستطيع ان تطلب من المرور ان التسعيره تكون من الشركة مع التصليح طبعا
وبكذا ان شاء الله لن تدفع ريال

abo naser 1

12/09/2013, 09:08 AM

الله يكون بعونك

ضيعه المرور دام الحق لك وحكومه الكترونيه اذا الحق لهم
لي موضوع بمرور الملز من رمضان الى اليوم ومنتهينا ولا راح نتهي ما اقول الا حسبنا الله عليك يا المقبل ادعى عليه صبح ومساء

كاشت وحداني

12/09/2013, 09:22 AM

الحمدلله على سلامتك

نايس × كول

12/09/2013, 11:34 AM

الله يسلمكم

شباب رحت للمرور وقال رح لنجم ورحت لنجم وقالوا مالك حق تطلب باقي المبلغ لان الرجال عنده تامين

لو كان تامين شامل لسيارتي ممكن تتصلح وكاله

قال الموظف مالك حق تطلب باقي المبلغ من الرجال او التامين

الزبده المعارض قالو لي التسعيره واحد 5000 و الثاني 5500 و الثالث 5500 كم يطلع لي من هذا المبلغ

abo naser 1

12/09/2013, 12:07 PM

نايس × كول

12/09/2013, 12:23 PM

اما عااااااااااااد 5250 وش اسوي بها

تدري عاد باخذها و بروح اشتري لي جالكسي احسن لي وخل السياره بالعنه و اذا وقفوني العسكري اقوله 5250 ما تجيب قيمه

جني صغير

12/09/2013, 01:41 PM

لا لا يأخذون الأقل اللي هو ٥٠٠٠

إذا استلمت المبلغ فمالك حق بالمطالبة

أما إذا لم تستلم المبلغ ارجع للورشه التقدير وفهمهم

راكب الشفر

12/09/2013, 04:02 PM

ابعلمك الزبدة
فيه تلاعب كبيير صاير
اي تسعيره ورش فوق الخمسة الالاف على طول يحولونك للمعارض
المعارض يحاول يعطيك خمسة الاف حولها ولا يزيد
واغلبهم يحط الفين ثلاثة من راسه

سبق وصار لي حادث يكلفقطع غيار 13 الف وشغل اليد مع المكاسر والبوية 5 الاف
ارفضها التامين وقال رح للمعارض
رحت سعرها حدود الاربعه ونص هنا وقفت عنده وتهاوشت معه
منا منا مافيه فايدة وقال تصليحها ماياخذ 2500 ليه تطمع!!!
حسبي الله ونعم الوكيل

الحربي حاتم

12/09/2013, 04:12 PM

حسبنا الله ونعم الوكيل عليهم , كان الله معك وأعانك . حاس بمصيبتك كأنها علي

قطب 999

12/09/2013, 06:39 PM

اذا كان الطرف الثاني لدبه تامين ساري يمكنك تقديم اعتراض الى مؤسسة النقد يوجد لديهم قسم لمشاكل التامين ويتم عمل جلسه للبت في موضوع الاعتراض بحضور مندوب من شركة التامين

صقر نجد99

12/09/2013, 10:01 PM

حياك الله ياخوي
حسب خبرتي تاخذ اوراق نجم فيه ورقه فيها تقدير وتوديها للورش الخاصه بالمرور في جميع الورش
ويقدرونها طبعا التقدير نوعين اذا كان الورش اكتبو في الورق مكلفه طبعا ثلاث ورش تاخذ الورق وتختمه من مكتب المرور اللي موجود في الورش وتوديه لشيخ المعارض وشيخ المعارض عباره عن ثلاثه مكاتب في مكان واحد ويقدرونها قبل الحادث وبعد الحادث لنفرض قبل الحادث 50 الف ريال وبعد الحادث 30 الف ريال يطلع لك 20 الف ريال تاخذ الاوراق وهي تقدير الورش وتقدير شيخ المعارض مع صورة الاستماره وتوديها لشركة التامين حق الشخص اللي صدمك اذا كان شركة التامين التعاونيه خلال 3 ايام ينزل في حسابك ولازم يكون مع ايبان حسبك البنكي طبعا نجم يصور الحادث ويرسل لشركة التامين
اما اذا كان المرور نفس الشغل بس تصور السيارة في الجوال وتروح لمحل استديو وتظهر الصور بشرط ان لاتنقص عن 7 صور او تشيل السياره لشركة التامين طبعا المرور توديله التقارير حسب موقع المرور يعني الشرق او الغرب اي موقع فيه معامله الحادث بعد ماتوديها للمرور ياخذها ويعطيك ورقه مكتوب فيها المبلغ
اللي راح يندفع لك وتوديه شركه التامين
ملاحظه يجب عليك تصوير جميع الاوراق وتحتفظ بنسخه منها عندك
ان شاء اني افدتك واي خدمه ابشر لايردك الا الكيبورد
تحياتي

أَبوابراهيم

13/09/2013, 03:03 PM

تبي نصيحتي
ادفع الباقي من جيبك وقل حسبي الله ونعم الوكيل :)

ولا تفكر انك تطالب بحقك لانك نادر ماتحصله وان حصلته فبعد ماتطلع روحك

انا من الاضحى الماضي حاط ايدي على خدي انتظر 10 الاف ريال :D