اختلاف الآراء بخصوص دفرنش الفتك الباب والستيشن والحوض وتاكيد الموضوع بالصور والادله

[هاوي نياسين]

مثل ماشفنا في اكثر من موضوع اختلاف الاعضاء واتفاق بعضهم بخصوص نسبه الدفرنش بالنسبه للفتك سواء باب ولا ستيشن ولا حوض وحبيت بصراحه أأكد لكم هاي الموضوع بالصور والادله والمقارنه بين الفتكات بانواعها كلها

(1) الفتك الستيشن القير عادي :
نسبه الكرونه ( 4.3 ) نوع تيوب الدفرنش ( HH الكبير ) وطبعا قير فتك عادي (FS5R50B ) وطبعا مكينه فتك (tb48) مع ثروتل قير عادي

صوره البليته ( لفتك 2009 عادي) :

http://www8.0zz0.com/2013/09/12/10/347899736.jpg (http://www.0zz0.com)


(2) الفتك الستيشن التبترونك :
نسبه الكرونه ( 3.5 ) نوع تيوب الدفرنش ( HG الصغير ) وطبعا قير فتك تبترونك ( RE5R05A ) وطبعا مكينه فتك ( tb48 ) مع ثروتل قير تبترونك

صوره البليته ( لفتك 2002 تبترونك ) :

http://www8.0zz0.com/2013/09/12/10/862150752.jpg (http://www.0zz0.com)

(3) الفتك الحوض القير العادي :
نسبه الكرونه (4.1) نوع تيوب الدفرنش ( HH الكبير ) وطبعا قير فتك عادي ( FS5R50B ) وطبعا مكينه فتك ( tb48 ) مع ثروتل قير عادي

صوره البليته ( لفتك حوض 2012 قير عادي ) :

http://www8.0zz0.com/2013/09/12/10/788386918.jpg (http://www.0zz0.com)

(4) الفتك الباب القير العادي :
نسبه الكرونه ( 4.1 ) نوع تيوب الدفرنش ( HG الصغير ) وطبعا قير فتك عادي ( FS5R50B ) واكيد مكينه فتك ( tb48 ) مع ثروتل قير تماتيك

صوره البليته ( لفتك باب 2012 قير عادي ) :

http://www8.0zz0.com/2013/09/12/10/428790696.jpg (http://www.0zz0.com)

(5) الفتك الباب التبترونك ( مفاجأه للكل نفس الفتك الستيشن التبترونك بالضبط وعليه دفرنش فتك تبترونك ) :
نسبه الكرونه (3.5 ) نوع تيوب الدفرنش ( HG الصغير ) وطبعا قير فتك تبترونك ( RE5R05A ) واكيد مكينه فتك ( tb48 ) مع ثروتل قير تبترونك

صوره البليته ( لفتك باب 2012 تبترونك ) :

http://www8.0zz0.com/2013/09/12/10/971309230.jpg (http://www.0zz0.com)

طبعا الاختلاف بين الفتك الحوض والباب القير عادي هو الثروتل وتيوب الدفرنش الخلفي فقط ( طبعا التيوب ماله اي تاثير على العزم فقط يختلف في وزن التحميل) لكن نفس الدفرنش والمكينه والقير
اما الفتك التبترونك ستيشن ولا باب ولا حوض كلهم نفس الشي بالضبط ونفس القير والمكينه والدفرنش

[اتجاه السحاب]

معلومات قيمة ..بورك فيك

[ملك الفكتوريا]

تسلم عالأفادة لكن يالغالي كل دفرنس كم أقصى سرعه له وكم عدد السنن حقته



ولي تعليق على التيوب اللي هو صندوق الهواء مع التيوب المربوط بالثروتل

له علاقة بالعزم بحيث أنه يدخل كمية هواء أكبر وهي مفيدة لعملية الأحتراق


مثلا بالفورد العادي يختلف تويبه عن البوليسي البوليسي أكبر والماردور كذلك


وكل ما كن الهواء بارد كل ما كان أفضل للإحتراق


وياليت أحد يأكد لنا الصح والفائدة للجميع



ومشور عالموضوع مرة أخرى

[هاوي نياسين]

تسلم عالأفادة لكن يالغالي كل دفرنس كم أقصى سرعه له وكم عدد السنن حقته



ولي تعليق على التيوب اللي هو صندوق الهواء مع التيوب المربوط بالثروتل

له علاقة بالعزم بحيث أنه يدخل كمية هواء أكبر وهي مفيدة لعملية الأحتراق


مثلا بالفورد العادي يختلف تويبه عن البوليسي البوليسي أكبر والماردور كذلك


وكل ما كن الهواء بارد كل ما كان أفضل للإحتراق


وياليت أحد يأكد لنا الصح والفائدة للجميع



ومشور عالموضوع مرة أخرى

اخوي انا اقصد بتيوب الدفرنش الي هو الغلاف الخارجي مال الدفرنش الخلفي الي تركب فيه الكارونه والاكسلات
ماله علاقه في بيب الهواء وصندوق فلتر هواء المكينه والثروتل لانهم في جميع مكاين الفتك بنفس الحجم وبنفس الفلتر

[ملك الفكتوريا]

اخوي انا اقصد بتيوب الدفرنش الي هو الغلاف الخارجي مال الدفرنش الخلفي الي تركب فيه الكارونه والاكسلات
ماله علاقه في بيب الهواء وصندوق فلتر هواء المكينه والثروتل لانهم في جميع مكاين الفتك بنفس الحجم وبنفس الفلتر



طاح وجهي :D:D


أنا قريت ثروتل ووراه تيوب وشبكت معي على هالظهرية :p


آسف يالغالي

[ابونبيل]

معلومات قيمه
سلمت يداك

[بومالك]

يعجبك الموضوع الي متعوب عليه بالأدله

ياسلام عليك ليتك تمر عى منتدى قطر سبيد مازال الحوار ساخن على هالسالفه وتدارك الموضوع قبل تقدم الحقوق .

[هاوي نياسين]

يعجبك الموضوع الي متعوب عليه بالأدله

ياسلام عليك ليتك تمر عى منتدى قطر سبيد مازال الحوار ساخن على هالسالفه وتدارك الموضوع قبل تقدم الحقوق .

افا عليك اخوي الموضوع نزلته في قطر سبيد ومكشات ونيسان اربيا في نفس الوقت

[sgl2002]

الف شكر لك

هذا ماكنت ابحث عنه


الملاحظ ان نسبة الكرونه في القير العادي للباترول الصالون الاستيشن اعلى من الباترول الباب الجديد

لكن هل لها علاقه بحشرة النمره

لانك زي ماتعرف اصحاب الفتك القير العادي يشتكون من حشرة النمره ودايم شاد لذلك بعضهم ياخذ كرونه ٤٥٠٠ ويركبها عليه

[هاوي نياسين]

الف شكر لك

هذا ماكنت ابحث عنه


الملاحظ ان نسبة الكرونه في القير العادي للباترول الصالون الاستيشن اعلى من الباترول الباب الجديد

لكن هل لها علاقه بحشرة النمره

لانك زي ماتعرف اصحاب الفتك القير العادي يشتكون من حشرة النمره ودايم شاد لذلك بعضهم ياخذ كرونه 4500 ويركبها عليه

صحيح اخوي الفتك الطويل حاشر في النمره الخامسه بسبب الكرونه لكن الحوض والباب القير العادي عليهم كرونه 4500 وفي خامس تشوف سواقتهم مريحه على الخط

[fate]

بس ترى الكوارين الحاشرة تصلح لراعي الرملة ولنفود لانها تمسك النمره
اما الكوارين اللي تمد تصلح لراعي الخطوط لانها تطول النمره

[abo naser 1]

بيض الله وجهك على ها الموضوع المفيد ب اﻻثبات

[أبوغيث 2003]

طبعا الاختلاف بين الفتك الحوض والباب القير عادي هو الثروتل وتيوب الدفرنش الخلفي فقط ( طبعا التيوب ماله اي تاثير على العزم فقط يختلف في وزن التحميل) لكن نفس الدفرنش والمكينه والقير




اما الفتك التبترونك ستيشن ولا باب ولا حوض كلهم نفس الشي بالضبط ونفس القير والمكينه والدفرنش




طيب هل يعني هذا إن قوة تحمل الدفرنس من ناحية السحب والنتل في الحوض القير عادي والباب قير عادي واحد ولا الحوض يتحمل أكثر ؟؟




:heart:ويبقى الصالون العادي بالقلب ويازينه ويا زين حشرته:heart:



تسلم ياهاوي على هالموضوع

[أبو الوليد 14]

الله يجزاك خير على المعلومة القيمة
كنت شاك ان فيه شي تغير بالنسية للقير العادي على الصالون والربع
الصالون الخامس يتفتف على 200 او اقل بشوي
اما الربع الخامس يعدي ال200
كان الشك في ان الدفرنس (مسننات طارة الكارونة للربع اكثر عدد من الصالون )
او القير تغير
لكنك جبت العلم الوكاد
شكرا لك

[مهند 2009]

أذا زاد رقم الكرونة يصير حاشر أكثر أو كيف ؟ ممكن أحد يفيدنا

وهل القير لة دخل بحشر النمرة ؟


وكيف يركب ثروتل تماتيك على قير عادي ؟ ( رقم 4 )

[هاوي نياسين]

أذا زاد رقم الكرونة يصير حاشر أكثر أو كيف ؟ ممكن أحد يفيدنا

وهل القير لة دخل بحشر النمرة ؟


وكيف يركب ثروتل تماتيك على قير عادي ؟ ( رقم 4 )

صحيح اخوي بالنسبه للقير العادي اذا زاد رقم نسبه الدفرنش يصير حاشر اكثر واذا نقص الرقم يرتاح الموتر اكثر عندك الفتك الباب في قير 4 نفس الضغط في الفتك الطويل في قير 5
لكن طبعا في نسبه وتناسب دايما بين القير والمكينه يعني عندك القير التماتيك نسبه الدفرنش فيه صغيره لكن متناسبه مع القير والموتر عزمه حلو لكن اذا حولت الموتر قير عادي على نفس الدفرنش بيقل عزم الموتر بشكل ملحوظ خاصه في خامس
وبالنسبه حق الثروتل هاي حركه من الوكاله علشان الموتر مايقطع او يتفتف نفس القير التبترونك لكن تقدر تفتح القطعه او التفتفه بالبرمجه

[هاوي نياسين]

الله يجزاك خير على المعلومة القيمة
كنت شاك ان فيه شي تغير بالنسية للقير العادي على الصالون والربع
الصالون الخامس يتفتف على 200 او اقل بشوي
اما الربع الخامس يعدي ال200
كان الشك في ان الدفرنس (مسننات طارة الكارونة للربع اكثر عدد من الصالون )
او القير تغير
لكنك جبت العلم الوكاد
شكرا لك

صحيح اخوي الفتك الطويل يتفتف في خامس على سرعه 200 وفوقها بشوي وهاي كان يسبب مشكله لاصحاب التزويد وكانوا يتمنون دايما نمره سادسه للفتك لكن الفتك الباب مدى القير في خامس طويل ونسمه طويل وهاي مقطع لفتك باب هدرز وفلتر وبرمجه شوف التسارع من 150 لين 240 وشوف كم نزل وشوف ال rbm للحين ماوصل ال 6 والمكينه مب حاشره نفس الفتك الطويل وهاي من مميزات دفرنش ال 4.1 ولو كان بداله فتك طويل مانزل هاي السرعه الا و ال rbm على ال 6 والمكينه واصله طاقتها وضغطها كامل

http://m.youtube.com/watch?v=3HGFTTXgKRM&feature=c4-feed-u

[الأسير]

عندي صالون 4500 بخاخ قير اوتوماتيك

بالبليته مكتوب HG 39


وش معناه وكم اقصى سرعه له

[عآيض القربي]

اولا بيض الله وجهگ على هالموضوع ..

والثانيه .. والله اني معاني من هالشي من تقريباا سنه وخمسه شهور
وانا اصبر واقول بكرة تزين ..

ابعطيك سالفتي وان شاء الله حلهاا عندك

انا شريت لب نيسان فتك سوبر سفاري من الشارقه من سنه وعليهاا .. وكانت اموره معاب تمام لين ركبت عليه تواير بوالين .. / طبعا ماقد جرريت علي السياره من قبل ممشا خفيف وحشمه .. شوي الا الموتر تقول شيول .. ثقيل بقومه والخط مايجيب ب الخامس حدود 140 .. وبالرابع يمشي 180 ماعنده مشكله .. المهم من ورشه لين ورشه من حفره لدحديراا .. دخلته الوكاله ثلاث مرات ولا نفع .. المهم وديته لورشه وصدمني قالي موترك تماتيك محول عادي ولا اعرفله وهاذي هي ليومك .. غيررررررررررررررت كل شي جميع مايخطر علي بالك سويته الا هاذي .. فما ادري تنصحني اسويهاا وابي معلومات الله يرحم شيبانك عن الدفرنش والله والله اني متوهق ياخوك افزع لخوك ي جعل والديك للجنه

[عآيض القربي]

اولا بيض الله وجهگ على هالموضوع ..

والثانيه .. والله اني معاني من هالشي من تقريباا سنه وخمسه شهور
وانا اصبر واقول بكرة تزين ..

ابعطيك سالفتي وان شاء الله حلهاا عندك

انا شريت لب نيسان فتك سوبر سفاري من الشارقه من سنه وعليهاا .. وكانت اموره معاب تمام لين ركبت عليه تواير بوالين .. / طبعا ماقد جرريت علي السياره من قبل ممشا خفيف وحشمه .. شوي الا الموتر تقول شيول .. ثقيل بقومه والخط مايجيب ب الخامس حدود 140 .. وبالرابع يمشي 180 ماعنده مشكله .. المهم من ورشه لين ورشه من حفره لدحديراا .. دخلته الوكاله ثلاث مرات ولا نفع .. المهم وديته لورشه وصدمني قالي موترك تماتيك محول عادي ولا اعرفله وهاذي هي ليومك .. غيررررررررررررررت كل شي جميع مايخطر علي بالك سويته الا هاذي .. فما ادري تنصحني اسويهاا وابي معلومات الله يرحم شيبانك عن الدفرنش والله والله اني متوهق ياخوك افزع لخوك ي جعل والديك للجنه

[شاق النفد]

وانا اخوك حلك يسيط ركبلك كوارين اي باترول سلق اللي يجي بدون رفارف رقمها 4,1
الخامس معك يجيب طبلونه حتى لوعشقته ع ال120
وضغط الاربي ام ع ال120 بالخامس يكون ع 2,8 باتمام يعني لاهو ممدود بزيادة مثل موترك حاليا
ولا محشور بزيادة مثل الفتك ال2009 وتحت

[عآيض القربي]

يعني اغير الكارونه .. ل 4.1 هذا قصدك بس ..
ولا اغير الدفرنس كامل ..


وانا شايف الرجال كاتب الثروتل بعد .. يعني اغيره ولا وش الطريقه

والله يجزاك خير على ردك واهتمامك

[شاق النفد]

ابد وانا اخوك حنا البعض وكلنا لله سبحانه
الثروتل اواللهات ماله دخل لانه عبارة عن فتحه لها صمام لدخول الهواء عالبساتم
المشكلة اللي في موترك ان كوارينه 3,5 وهي لقير التماتيك ونمرها تمد مدة طويلة مرة وهذا الي مضيع عزم موترك
مع العلم انها تخلي صرفية الموترقليلة ومستحيل تطق اوتفرط لان سنونها اقل واكبر من ال4.1و4,3
و كارونة 4.1 تركب ع دفرنس موترك لاكن تغير الدفرنسات كاملة افضلك
لان قليل المكانيكين الصاحين اللي يطبقون الكوارين ويوزنون بنيونها بتمام لان عدم وزنها مضبوط يسبب ونة

ولا يضيق صدرك موضوعك يسيط والدنيا فانية

[الوسم]

الله يسللمك يا هاوي نياسين
موضوووووع دسم دسم دسم
ما شاء الله عليك

[عآيض القربي]

بيض الله وجهك .. والله لا يهينك
اكفيت واوفييت ..
وانا ان شاء الله ابشتري دفرنس كامل خلفي
مع العلم اني مريت اكثر من ورشه بصناعية الدمام
وقالي لازم تغير الاماميه بعد على شان الدبل اذا شبكته
لانها بتجيم معاي .. لاكن ماقتنعت للحين ..


عموما انا بجرب حاليا وان شاء الله يضبط معاي
الله يجزاك خير ياشاق النفود ولا خلا ولا عدم

[Abu_abdulaziz]

أخوي عايض القربي :

كلام أخوي شاق النفد على متمه ،، وعندي نقطتين مهمة لزوووم تنتبه لها ..

أولا ، ما يحتاج تغير الدفرنش كامل ، ويكفي تغيير الكوارين فقط ( طبعا في حالة أنك لقيت ورشة أو تشليح يجيب لك كوارين على تطبيقة بلدها ، يعني فك كارونة وركب كارونة )

ثانيا وهو المهههم ، لابد اذا بتغير الكارونة بـ كارونة لها رقم مختلف في نسبة التروس ، أن تغير الأمامية مع الخلفية ضرووووري ، أو الي بيصير طال عمرك أنك لما تعشق الدبل راح يعض عليك ..
لازم تصير نسبة الكوارين الأمامية والخلفية متطابقة ..

وطبعا ممكن تستفيد من القديمة أنك تبيعها .. وأنصحك بتشاليح الشارقة بالإمارات إذا فيك شدة تبي تحصل مطلوبك بإذن الله ..

[اسبيدر مان]

موضوع جميل ويستاهل التقييم

[كايد]

جزاك الله خير

عندي استفسار عن فتك الحوض
الفرق بين السست واليايات
وزن الحمولة !!!
ياليت احد يفيدني مجرب للستت واليايات وله دعوة في ظهر الغيب

[salih100]

جزاك الله خير على المعلومات

الاخ عايض القرني لابد من تغيير الدفرنس الامامي اذا غيرت الخلفي ويفضل انك تفكها من سياره واحد لانها بتكون متطابقه

يعني رح عطه دفرنساتك وادفع فرق بسيط بالتشليح والله يوفقك ويعينك

[مليار]

معلومه كارونة الحوض السست تختلف عن كارونة الحوض الياي
كارونة الحوض السست مثل كارونة الصالون قير عادي

[حمد الأمير]

سؤال لا هنتوا .. انا عندي الباب واحد و الدفرنس صغير و الكرونه 4.1 اصغر من الفتك الطويل
بس يا اخوان بالتسارع ما يطيب الخاطر .. فشنو الحل اركب كرونة تماتيك ولا لا .. مع العلم ما اقدر اركب كرونه فتك عادي طويل لانها كبيره على الدفرنس

[حمد الأمير]

؟؟ارجو الافاده لا هنتوا