قدر الله وشريت ... قير تماتيك

[شبوب]

السلام عليكم ورحمة الله وبركاته

القصه وما فيها ... كان معي عطي الله 2001GXR(قير عادي ) اخذ معي خمس سنوات مشاء الله لاقوة الابالله ..وما عمره طلب شي "نفسه عزيزه":D الا.. الاشياء الاستهلاكيه فقط من كفرات و مساحات وتوابعها ... والله لو له السان:p ويهرج أن يعلمكم وين المواصيل اللي وصل لها ما تصدقون .. لا .. ولا .. يرجع الا هو مشرهني بحطب الأرطى :p.. تصدقون أني أملي الشنطه بالحطب اللي يجيلة حملة ددسن غمرتين:eek:ولا عمري شريت حطب.. ولا عمره لقاله أحد مغرز والا متعلق الاينتقه من نشبته .. المهم أنه شداد عامر ..
ما لكم بطول الهرجه ..
في يوم يجيني وأحد ويسومه مني بسومه(طيبه بالحيل) ويغريني وأبيعه عليه (الله يطعمه خيره ويكفيه شره)... هاه والله وأبلش... الموتر وراح ونا والله ما أبي الا (أخيه) وأروح أشاور الوالدة وعيالي وأخواني والشله .. وش رايكم باللون الأبيض ..؟ أية نست اقولكم أن الاول ( لونه أبيض )... قالوا وش تبي بالابيض وراء ما تغير عن الاول لأنك شاري جديد ودافع دراهم ... خلك تحس أنك رأكب موتر جديد فعلا ...وفعلا ,اختار لون ثاني غير الأبيض ، والحمدلله أختيار موفق ..هاه الا والله.. يطلعي من ينادي بــــــ (القير التماتيك )وش زينه ..ومريح .. والناس الآن ما يأخذون الا (التماتيك).. وخذ يامديـــح .. اللين قلبوا رأسي وأقتنع بكلامهم وفعلا أشتري (تماتيك).. بس ماش الموتر متغير مهب عطي الله الأول اللي كنه (خاتم بصبعك) والله لو أني شاعر لحط به قصيده (تكفى ياريف النشاما) أفــزع;) .. هذا يقوم (يطحن) ومحلة واحد ..اذا( قرصتله شوي)يطلع صوت المكينه كني طابلي( رباظه أو مطينه ):no2: ..!!! هذا ونا الى الحين ما بعد طلعتبه للبر ..؟ أجل وشلون اذا الله جاب الخير وبغيت (أهجول) تهقون ينحزمبه الظهر ..؟

تراني والله أتكلم ونا جاد .. الآن (أفكر) أبيعه وأشتري أخوه بس (عادي) وخصوصا على حد علمي أن 2007 نفس الشكل ما تغير وهذا اللي معي توه جديد ولا بعد مشى الا (6000)كيلو .. أعتقد ما راح يخسرني ... هذا اذا شجعتوني على بيعته ..


تحياااتي وآسف على الاطاله ،،،

[عاشق البران99]

وعليكم السلام ورحمة الله وبركاته :

أتوقع والله العالم انك أول مرة تسوق تماتيك

شوي وتعود على اسلوبه (حلوة اسلوبه) وترتاح عليه وماعاد تفكر بشي اسمه عادي ...

[خاشقجي]

الصراحة التماتيك ما مثله ....

الجديد gxr أو vxr

[فتى شنه]

من ناحيه التماتيك فالطلب على الفكسار التماتيك لانه 8 سرندل ويعزز معه التماتيك يعني يعطيك فزه وقوه وعليه طلب في السوق وسعره مايطيح

مع اني ارغب القير العادي سواء 6 سرندل او 8 سرندل

اما 6 سرندل تماتيك ماينفع ولا بريال مكينته تطلع مكينه خياطه مع التماتيك اما اذا كان عادي يكون افضل لانه تساعده وتعطيه قوه على كيفك

ياخي ميزه العادي لا قدرالله وفضت البطاريه والى خرب السلف وانت بالبر تقدر تشغله يعني تنتشه اما التماتيك ورطه اقعد جنبه وهيجن


لين تلقى احد


فنصيحه بعه ان كانت ضروفك زينه وخذ 8 سرندل قير عادي وشف العزم حتى لو مستعمل يكفي انه 8 سرندل


سلام

[شبوب]

عاشق البران ...
والله أنك صادق أني أول مره اسوق تماتيك


خاشقجي ...
شكرا على الرأي .

فتى شنه ...
يابن الحلال عساها بحملها تثور .. وتقول فكس آر

[ريف النشاما]

شبوب

مسرعك ياخوي


ترا مالك شهر شاري الموتر


صراحتا الأول --- مايتحول --- لكن الجديد جديد والنص نص نص ;)


بعدين ياخوي خلاص صجيتنا ولجيتنا ابي ابي ............ بع الجيب واشتر الفستقي وارتح :d


أنت بايع بايع ............. خذلك عليه سجه هالسنه ولا خلص الوسم والربيع

تبيعه ,,,,,,,,,,,,,

[راعي المسرى]

الله يطعمك خيره ويكفيك شره ويبارك لك فيه

ترى الناس رغبات وأنا داري إنك يو تشريه محتار ويوم شريته ما جاء على خبرك في الأول .....

لكن ترها أيام وتعتاد عليه إلى يصير الأمر عادي ومانتاب محتاج إنشاء الله تغيره تراه زين في الزحمات مثل طريق الملك فهد خبرك!!

وأيام البر تراها شوية بالمقارنة بالباقي.

صحيح التماتيك أكثر صرفية وأضعف فزة لكن احمد ربك وناظر اخوانك أهل الديزل الله لايبلاك :p


تراي أمزح:D والسلام

[بواسامه]

نصيحة محب
عض على التماتيك
وش يوصل العادي يوصله التماتيك
اربع سنين وانا اكرفه وجعل ماجاه تكفير:D
ولا ضره وبعده كروزر تماتيك ونفس الحال
ونسحب ونطعس به ونتمشى به ماقال لا
بس شي جديد عليك وبتتعود عليه
وتندم على ايام مضت وانك كنت تسوق عادي
علما بان الموتر الاول باث والان كروزر والله انه مايردني عن اي مكان ولله الحمد
وانت غالبا الاسبوع بالمدينه وزحمات المدن معروفه يكفيك خريص اذا انت في الرياض
والبر نهاية الاسبوع فقط
عض على حليلك وشوله الخساير
وصدقني ان معاد تشتري الا تماتيك

[شبح الصحراء]

كانك راعي بر ورجلك ثقيلة على الموتر مثل ما تقول انصحك نصيحة محب بعه واشتر عادي ، التماتيك يصلح لواحد ما يطلع للبر إلا بالشهر مرة وحده الثمامة أو الشعبان القريبة ، اذكر في إجازة الفطر الماضية كنا طالعين على جي اكس آر تماتيك وهايلوكس دبل بنفود حايل ونزلنا في قاع كله شجر وبغا يوهقنا الجي اكس آر! اول ما يطلع الطعس يبرد عزمه مع انه شبه جديد موديل 2004 ومرة ركز وبغينا نسحبه بالهلي بس طلع بعد مشقة وبإستخدام الديفلوك ، الجي اكس آر التماتيك ليس قوي مثل العادي .

[غالي]

والله ياخوي
انا معي لاندكروزر جي اكس ار تماتيك
ولاعمري سقت عايدي
لكن وانا اخوك معروف مايتقارن العادي بالتوماتيك بالبر
طبعا العايدي افضل بكثيير بكل السيارات
ولكن اجابه على اسألتك
التماتيك اريح بالمدينه وخصوصا انك راعي عائله وعلى الخطوط تشرب شاهي قهوه مهوب تجلس تعشق مع هالصغار الله يحفظهم لك
ثانيا نعم الحمدلله لا انا ولا الاخوان الي معهم تماتيك شافوا عليه شيء بالبر وانشاء الله ينشد به الظهر لكن لازم تنسم بالرمال والا تبلش خذها من عندي والله لو 10 امتار نسم الله يعينك
ثالثا بما انه تماتيك انصحك بحل للبطاريه لانه ماينتع او شيء يا تركب بطاريه اضافيه او تخلي معك سبير او جهاز اشتراك الي ينشحن
وانشاء الله منت لاقي الا كل خير
فيه قصة صغيره لاخو زميل لي معه لاند 2002 وانكسر عليه القير
والسب هو عنده بنت الله يحفظها صغيره يقول كل يوم ان رحنا لمشوار لازم تطق القير برجلها ويفضي وانا امشيء عجز فيها وهي تعاند
المهم وجاء يوم وانكسر عليه
فا نصيحه للكل الانتباه لانك بتدفع حول 10 الاف ريال والا فوق بعد
اسأل الله التوفيق

[aziz2727]

كلام ابو اسامه صح
ترى العادي متعب وما بعد اخذت على التماتيك
على قولت القايل عط الحر فرصه وان شاء الله بتشوف الي يسرك

[9999]

السلام عليكم
اخوي شبوب
تبادل بلاندكروزر 2007 قير عادي
(0506211265)

[ابرق الكبريت]

ياخوي انا معي باترول تماتيك ومن 4 سنوات وانا اطامر فيه بالدهنا والصمان والشمال
ولاشفت منه اي مشكلة سواء غراز أو عطل ....
بالعكس التماتيك مريح أكثر من العادي لانه سبق ان كان معي باترول عادي لمدة 3 سنوات....
ومن ناحية القوة والغراز والأشياء هذي ,,الأمر وبنسبة كبيرة جدا يعتمد على السواق
فيه ناس معهم دداسن ويطامرون بالرمال من دون مشاكل وفيه ناس معهم سيارات 8 سلندر ودبل وهزاز
وتلقاهم متعلقين بالرمال.....

[salehhd]

السلام عليكم

الشباب كففو ووفو

خل عندك التماتيك وشلك بالمخاسير
واطلع بالموتر بر وجربة واذا وان اشاء الله بتحس براحة التماتيك وكيف الموتر مرتاح وياحتاج كل شوي اول وثاني ورجع اول


في الختام حل الحيرة ركعتين استخارة فما خاب من استخار رب العالمين والله يعينك

[شبح الصحراء]

http://www.mekshat.com/vb/images/icons/icon3.gif

طيب انا عندي اقتراح احسن بس يبي شوية دراهم ، خل اللاند الجديد معاك للعائلة والكشخات والمناسبات واشتر سيارة بر مستعملة لاند 94 جير عادي مثلاً وضبطه للبر واستمتع بالرحلات البرية دون خوف على الموتر ، وش رايك ؟ .

[شبوب]

شكرا لجميع الاخوان على أعطاء تجاربهم ..وآسف على التأخير بالرد

لكن لدي سؤال ..
كيف يعمل الدبل بالصوره الصحيحه ..؟
لانه يوجد ثلاثة (أزره):confused: واحد (موجود بالطبلون علية صورة الدفع الرباعي) وأثنين بالقير ... هل يكتفى بسحب (عصا) قير الدبل لكي يعمل الدفع الرباعي فقط ، مثل (القير العادي) أم ماذا ..؟؟ اذا كانت الاجابه (بنعم) ماهي اذا وظيفة باقي الازره الموجوده بالقير والطبلون ..؟ واذا كانت الاجابه (بلا) آمل التوضيح لمن لدية دراية تامه بالاستخدام الأمثل لأستخدام جميع هذه الأزره ..!!

آسف على الإطاله .. بس هذا طبعي (كني شايب;) ) تصدقون الى الحين ما بعد أستخدمت (الدبل)..!! كله أخاف أني أتوهق بهذه الأزره وما يشتغل الدبل ويصير مثله مثل الهالوكس :D لازم تنسيم قوي +دف+اشحذ خلق الله يسحبوني (فشيله:D )

تحيااتي ،،،

[راعي الهـــدد]

أخوي شبوب

نصيحة محب لك

أنحش عن التماتيك

تقول ليه اقول لك

كلام الأخوان كافي

والله ماخبرنا التماتيك الا بالصوالين والكوابرس

أما جيوب فما جت الا من تالي

ماعرف موتر البر الا عادي

ياخي اسألك بالله كيف تبي تتحكم به في مطين او زلق

كيف تبي تتحكم به بطلعات وعر بالبر ووقف عزمه وانت براس الطلعه

وش تبي تسوي ترجع

العايدي عطيت الله غير نمره وعطه زود دعسه ويطربك

كيف بتسوي لو تعطلت البطاريه بتنتشه

او بتجلس تنسدح جنبه الي يجيك أحد

أضنها الثانيه

نصيحه موترك ماهوب مخسرك وبيروح زي سلام عليكم

لأن فيه ناس تبي تشخص بالديره وهم كثير

ولأن ايضاً فيه أهل بر وجهة نضرهم خلاف ماقلت وكل شخص وحريته

وافيدك فائده اخونا الغالي الرامز لأسمه بــ 9999

ترى انا لااعرفه بس كلمته بالتلفون بخصوص موتره الي يبي يبيعه

اخلص انت وأياه

لأن هو له رغبه بالتماتيك

وأنت لك رغبه بالعايدي

شوري عليك اخلص معه ترى نادر تحصل زي كذا وهذا من دعاء ولدينك لك

اضن موتره ماشي 4000 بس وموديله 2007

وانت 6000 وموديله 2006

يعني انتو حول بعض

هذا شوري

ولو كنت مكانك لخلصت معه وريحت راسي

يـــــــــــــــــا 9999

لاتنسى السعي

أصلح شريطي

هههههههههههه

محبك

راعي الهـــدد

[شبوب]

أخوي شبوب


نصيحة محب لك

أنحش عن التماتيك

تقول ليه اقول لك

كلام الأخوان كافي

والله ماخبرنا التماتيك الا بالصوالين والكوابرس

أما جيوب فما جت الا من تالي

ماعرف موتر البر الا عادي

ياخي اسألك بالله كيف تبي تتحكم به في مطين او زلق

كيف تبي تتحكم به بطلعات وعر بالبر ووقف عزمه وانت براس الطلعه

وش تبي تسوي ترجع

العايدي عطيت الله غير نمره وعطه زود دعسه ويطربك

كيف بتسوي لو تعطلت البطاريه بتنتشه

او بتجلس تنسدح جنبه الي يجيك أحد

أضنها الثانيه

نصيحه موترك ماهوب مخسرك وبيروح زي سلام عليكم

لأن فيه ناس تبي تشخص بالديره وهم كثير

ولأن ايضاً فيه أهل بر وجهة نضرهم خلاف ماقلت وكل شخص وحريته

وافيدك فائده اخونا الغالي الرامز لأسمه بــ 9999

ترى انا لااعرفه بس كلمته بالتلفون بخصوص موتره الي يبي يبيعه

اخلص انت وأياه

لأن هو له رغبه بالتماتيك

وأنت لك رغبه بالعايدي

شوري عليك اخلص معه ترى نادر تحصل زي كذا وهذا من دعاء ولدينك لك

اضن موتره ماشي 4000 بس وموديله 2007

وانت 6000 وموديله 2006

يعني انتو حول بعض

هذا شوري

ولو كنت مكانك لخلصت معه وريحت راسي

يـــــــــــــــــا 9999

لاتنسى السعي

أصلح شريطي

هههههههههههه

محبك

راعي الهـــدد




مشالله عليك .. (كل هالح) هذا وانت (مواطن) أجل وشلون لو كنت( شريطي) ..!!;)

بعد رأي الغالبية من الشباب استخرت الله .. وناوي بأذن الله أسنخدم .. بس هالازره معقدتني :mad: والاخ راعي 2007 أقوله الله يباركلك بموترك ويطعمك خيره ويكفيك شره .

تحياااتي ،،

[الفتى المجازف]

احترم وجهة نظر جميع الاخوة دون استثناء
والمثل يقول (اعطي القوس باريها).


للجميع تحياتي

[abuaesa]

الف مبروك الموتر

الله يعطيك من خيره ويكفيك شره

واله لو تتمرس بعرف القير الاتوماتيك كان تنسي كل السيارات الي قيرها عادي

وبالنسبة للدقم ابوضحها لك :

1: H4
هذي لشبك الدبل الخفيف ...انتبه تشبكه والموتر يمشي ..يعني وقف الموتر وفضه او في p ثم اشبك الدبل

أما شبك الدبل الثقيل أضف على ماسبق تحريك عصا الدبل إلى L4

2: 2nd
تستخدم لتقويم الموتر بنمرة ثنين اذا كان على ارض رملية أو طعوس لكي يتخطى القير المرور بنمرة واحد لأنها عجلة بالموتر على الطعس .... مثل القير العايدي تقومه بثنين على الطعس

3: O\d
وتكون في طرف عصا القير وذي وضيفتها تحول القير من ثلاث سرعات إلى 4 سرعات القير
3سرعات : تكون للمناطق الوعرة والاماكن الي فيها صعود أو انحدار أو زحمة وماتبي التبديل بيت السرعات يتعب القير
4 سرعات للأماكن المفتوحة والاستخدم العادي للسيارة

4: PWR
هذا للمسابق وانا خوك وظيفته يخلي القير يمسك النمرة ولا يطلقه الا والموتر ناشف ريقه يبي الي النمرة بعدها

ونصيحتي لك تقرا الدليل الي مع السيارة والخاص بالقير الاتوماتيك بتمعن ومنها تبي تعرف الكثير الي يساعدك على المحافظة على سيارتك

أخوك خبرة 7 سنوات لاندكروز قير اتوماتيك وكلها بر وأشكال التضاريس الي تطري على بالك كلها من نفد وعروق ووعرة وحجرة وقطع شعبان ومناقع ويالله لك الحمد عمره ما ردني ورى

[شبوب]

الف مبروك الموتر

الله يعطيك من خيره ويكفيك شره

واله لو تتمرس بعرف القير الاتوماتيك كان تنسي كل السيارات الي قيرها عادي

وبالنسبة للدقم ابوضحها لك :

1: H4
هذي لشبك الدبل الخفيف ...انتبه تشبكه والموتر يمشي ..يعني وقف الموتر وفضه او في p ثم اشبك الدبل

أما شبك الدبل الثقيل أضف على ماسبق تحريك عصا الدبل إلى L4
معقوله ما أقدر أسحب عصى الدبل الا والسياره واقفه ..!؟ تكفى تأكد من هذه الجزئية ..لانه من الصعب أن لا أستطيع (شبك الدبل) الا والسيارة واقفه .
2: 2nd
تستخدم لتقويم الموتر بنمرة ثنين اذا كان على ارض رملية أو طعوس لكي يتخطى القير المرور بنمرة واحد لأنها عجلة بالموتر على الطعس .... مثل القير العايدي تقومه بثنين على الطعس

3: O\d
وتكون في طرف عصا القير وذي وضيفتها تحول القير من ثلاث سرعات إلى 4 سرعات القير
3سرعات : تكون للمناطق الوعرة والاماكن الي فيها صعود أو انحدار أو زحمة وماتبي التبديل بيت السرعات يتعب القير

4 سرعات للأماكن المفتوحة والاستخدم العادي للسيارة

4: PWR
هذا للمسابق وانا خوك وظيفته يخلي القير يمسك النمرة ولا يطلقه الا والموتر ناشف ريقه يبي الي النمرة بعدها

ونصيحتي لك تقرا الدليل الي مع السيارة والخاص بالقير الاتوماتيك بتمعن ومنها تبي تعرف الكثير الي يساعدك على المحافظة على سيارتك

أخوك خبرة 7 سنوات لاندكروز قير اتوماتيك وكلها بر وأشكال التضاريس الي تطري على بالك كلها من نفد وعروق ووعرة وحجرة وقطع شعبان ومناقع ويالله لك الحمد عمره ما ردني ورى

شكرا على الرد ... أتمنى أني فاهم خطاء ما لونته أنا بالأحمر ..
آخر سؤال ...((الزر الموجود))بالطبلون اللي عليه صوره للكفرات الاربع وش وظيفته ..؟؟

[Algthami]

مالك الا التماتيك

[عمرمر]

السلام عليكم ورحمة الله وبركاته

مالك الا التماتيك والله انه يبيض الوجه بس يبيلك تعود عليه
والتماتيك والعادي مابينهن فرق ( التماتيك يصير عادي @ والعادي ما يصير تماتيك ) واللبيب بالاشارة يفهم
الله يطعمك خيره ويكفيك شره ويجعله عون لك على الطاعة ................ تكسره بالعافية

[مقهوي الذيب]

السلم عليكم اخوي شبوب.......... انت متعود على العايدي تعرفه ويعرفك وبد الي فيه نفسك وشتر عا ا ا ا ا ا ا يدي انا معي باترل 2005 توماتيك وعايدي ......ونفسي في عايدي ولاتحيرنفسك وستخر000اخوك مقهوي الذيب عضو جديد

[شبوب]

أشكر جميع الأخوان على أبداء الرأي ..

وآمل لمن لدية الدرأيه التامه أن يشرح لنا..

(كيفية الطريقه المثلى لأستخدام التماتيك)

[فلان بن عفتان]

السلام عليكم

ياجماعة الخير عندي ملاحظه مهمه جداً :

الـ vxrمن موديل 2004 وفوق القير التماتيك أفضل من القير العادي بمراحل

والسبب الفرق بين نسب تحويل القير ,التماتيك طياره ويتحمل مثل العادي .

لاكن الـgxr العادي أفضل من التماتيك لختلاف نسب القير .

[شبوب]

السلام عليكم

ياجماعة الخير عندي ملاحظه مهمه جداً :

الـ vxrمن موديل 2004 وفوق القير التماتيك أفضل من القير العادي بمراحل

والسبب الفرق بين نسب تحويل القير ,التماتيك طياره ويتحمل مثل العادي .

لاكن الـgxr العادي أفضل من التماتيك لختلاف نسب القير .

شكرا أخوي فلان ..
لكن أتمنى تفيدني هل يمكن أن (أستخدم الدبل) والسياره تمشي ..؟
وما هي وظيفة (الزر) الموجود بالطبلون وعليه رسمه للكفرات الأربع ..؟

تحياااتي ،،

[أقلط]

التماتيك وبس... اشتري سيارة فوق 160 الف ..عايدي والله قهر
:
اخوي..مبروك الله يطعمك خيره ويكفيك شره..

احذر تستخدم الدبل والسيارة معشقة.. أنا افضي القير على N والسيارة تمشي ليس بسرعة بل في البر

اذا اقبلت على نفود ثم اضغط الزر اللى تسأل عنه عليه رسمة الكفرات الاربع..وهذا الدبل الخفيف اللي تحت المسجل

واذا سمعت الدبل شبك... اعشق القير وامشي ويكون الدبل الخفيف مشبوك..(احذر تعشق الدبل والقير معشق)

واذا اقبلت على سهل ولافيه تغريز.. افضي القير والسيارة تمشي ثم اضغط الزر المذكور بعد فترة بسيطة

وبهذا يفصل القير..ثم اعشق القير ..وامشي طبيعي جدا...

الدبل الثقيل اللي بالعصا...لاتعشقه الا والسيارة واقفة والقير مفضي تماما..واذا جيت تفصله نفس الطريقة الوقوف تماما..

خبرتي بالجيب التماتيك خمس سنوات جي اكس ار...والان معي 2005 بريمي اللهم بارك..وراح تكره شىء اسمه عايدي

احذر تسحب احد مهما كان...اذا تحب تساعد ..افزع بذراعك:)

واذا كنت من رواد الدهناء وماشابهها...قبل النزول للبر نسم الكفرات..وتمتع بالاتوماتيك..

القير العايدي..يصلح للمقانيص البعيدة والمتعبة مثل الربع الخالي..

اما الاتوماتيك..وبس....اتوقع انك بعد هذا الموسم سيكون شعارك (تماتيك وبس)

وفقك الله وكفاني واياكم كل شر..

وكل عام ومكشات بخير

:)

[شبوب]

التماتيك وبس... اشتري سيارة فوق 160 الف ..عايدي والله قهر
:
اخوي..مبروك الله يطعمك خيره ويكفيك شره..

احذر تستخدم الدبل والسيارة معشقة.. أنا افضي القير على N والسيارة تمشي ليس بسرعة بل في البر

اذا اقبلت على نفود ثم اضغط الزر اللى تسأل عنه عليه رسمة الكفرات الاربع..وهذا الدبل الخفيف اللي تحت المسجل ... أفهم من كلامك أن الزر هو الدبل ..! صــــح ..؟

واذا سمعت الدبل شبك... اعشق القير وامشي ويكون الدبل الخفيف مشبوك..(احذر تعشق الدبل والقير معشق)
هنا .. تقول أعشق القير .. وفوق تقول أضغط الزر .. أفهم من كلامك اذا التالي .. بالاول أضغط على الزر ومن ثم أسحب العصى والقير الرئيس على وضع الفاضي الـــ N هذا اللي فهمته هل فهمي صحيح ..؟؟

واذا اقبلت على سهل ولافيه تغريز.. افضي القير والسيارة تمشي ثم اضغط الزر المذكور بعد فترة بسيطة

وبهذا يفصل القير..ثم اعشق القير ..وامشي طبيعي جدا...

الدبل الثقيل اللي بالعصا...لاتعشقه الا والسيارة واقفة والقير مفضي تماما..واذا جيت تفصله نفس الطريقة الوقوف تماما.. هذه مفهومه نفس القير العادي ..صــــح ..؟

خبرتي بالجيب التماتيك خمس سنوات جي اكس ار...والان معي 2005 بريمي اللهم بارك..وراح تكره شىء اسمه عايدي

احذر تسحب احد مهما كان...اذا تحب تساعد ..افزع بذراعك:)
افا بس .. ليه..؟ أعتقد هذه المعلومه غير صحيحية بتاتا البته :no2: لأنه تقدر تسحب مقطوره ولمسافات طويله..!

واذا كنت من رواد الدهناء وماشابهها...قبل النزول للبر نسم الكفرات..وتمتع بالاتوماتيك..

القير العايدي..يصلح للمقانيص البعيدة والمتعبة مثل الربع الخالي..

اما الاتوماتيك..وبس....اتوقع انك بعد هذا الموسم سيكون شعارك (تماتيك وبس)

وفقك الله وكفاني واياكم كل شر..

وكل عام ومكشات بخير

:)\\\

عيدكم مبارك وعساكم من عواده .. آسف لو اثقلت عليك بالاسئلة .. لكن مايتهوش من يسأل :D

تحياااتي ،،،

[شبوب]

أشكر جميع الأخوان على أبداء الرأي ..

وآمل لمن لدية الدرأيه التامه أن يشرح لنا..

(كيفية الطريقه المثلى لأستخدام التماتيك)



السلام عليكم ...

(يرفع للفائدة) .. سبق وأن أسفسرت ولم أجد الأجابة الواضحة من الأخوة .. عموما أنا بالأمس قمت بزيارة للوكالة وأكتشفت أن جميع الأخوة يستخدمون سيارتهم بطريقه خاطئة لدبل ..!!

بالنسبة لموديلات الجديدة (التماتيك) ..
1- الدبل (الخفيف) شغال مع السيارة على طول..! بمعنى الاربع الكفرات جميعها تشتغل سواء ،بدون تدخل من السائق وليس مطلوب منك إلا (تنسيم الكفرات فقط) .
2-بالنسبة لـــ (الزر) الموجود بالطبلون وعليه صورة الكفرات الأربع فهذا وظيفته أنه يقوم بـــ (توحيد دورة جميع الكفرات في وقت واحد) وأعطائها قوة متساوية بالقوة .
3-بالنسبة لـــ (عصاء الدبل ) فهذا هو الـــ (الدبل الثقيل) فقط ، وهذا معروف كيفية و متى أوقات أستخدامه للجميع .

بس قولوا (جزاك الله خير);) وتحياااتي للجميــــــع

[ابوعزيزm]

واحد من الشباب أشترى لاند تماتيك ولا فيه خلاف

سافر عليه لصلالة وبعدين خرب عليه القير وصلحة بالوكالة بـ 3000 ريال

وباعة الرجال على طووووووووووووووووووول

من رأيي :
أن التماتيك ما يصلح إلا إستعمال حشمة وكشتات على الخفيف فقط :)

[دبوس]

السلام عليكم..
يا أخوان الرجال يقول يبي يستعمل خلاص باركوا له ولا تعذربون :no2:
اخوي شبوب مبروك الموتر والله يعطيك من خيره ويكفيك شره :good2:
انا كان معي عادي والان تماتيك .. وبصراحه اعجبني التماتيك
رغم اني اطرش مطاريش بعيده واماكن وعره بس (اعرف كيف اتعامل مع الموتر)
وهذا اهم شي ..
((طبعا ما يختلف اثنين على ان العادي اقوى بس التماتيك له ميزته الحلوه اللي يطول شرحها))
اما بالنسبه للوكاله كب هرجهم تراهم والله يدربون امها يجيك يترجم الكاتلوج على عماها ويقول هرج
مايدري وشو بس حافظه ويهذر عليك.. مالك بطول الكلام<<<< ايه هين ابشر بالقرق..:director:
اما بالنسه ان السياره الدبل فيها على طول شابك مو صحيح... والدليل ارفع السياره كلها وعشق القير
هل الاربع كفرات تدور سوا؟؟؟؟؟؟
لازم تضغط الزرار اللي بالطبلون اللي عليه اربع كفرات اللي هو الدبل الخفيف عندها راح تدور الاربع كفرات سوا...
اما عن طريقة شبكه فلا يلزم الوقوف اضغط وانت تمشي بس الافضل لا تكون السياره شاده عمره بطلعه
فيها غراز((هذا رأي انا اشوفه )) ..وحتى اذا بغيت تفصله عادي وانت تمشي ..
((بس قل رجلك عن الدعسه شوي ..سواء بالشبك او الفصل))
اما الدبل الثقيل((اللي هو العصى)) لازم توقف وتضع القير بN سواء بغيت تشبك والاتفصل..
اما بالنسبة لكلام الوكاله انه الكفرات تدور مع بعض هذا الفرار اللي يجي في بعض الدرجات من السياره اللي هو (الدف لك)او (الهزاز) كما يحلو ان تسميه المهم هذا يجي يسارالدركسون ..
هذا سلمك الله يشرك الدفنس اللي وراء تصير الكفرات تدور سوا((بس اللي وراء))
لانه من عام 98 الى الان الدف لك بالخلف فقط لانه ما فيه دفرنس امام بس اعكوس..
اما بالنسبه للجر لا تنتل فيه اسحب بالثقيل وبشويش الين يشد عمره ويطلع المغرز ..((لاتجر الا للظروره))
اما المقطوره لم اجربها لاكن اذا بغيت تسحب لاتخلي فيه فراغ بين مشابك السياره والمقطوره خلها كأنها جسم واحد يعني ((لاتخليها تقلقع))لانه السحب اللي على غير سنع يثر على القيرالتمتيك..
أهم النصائح اخوي :
1- التنسيم ظروري لراحه السياره عموما والقير خصوصا يعني نسم قبل لاتنز على الرمل<<<من الحرص
2- غيار زيت القير والفلتر الدوري انتبه انتبه انتبه انتبه انتبه لهذا الشيء هذا رووووووح القير الاتوماتيك..


آسف على الاطاله واتمنى لك مكاشيت حلوه وممتعه والله يهنيك
بالمبروك ويطعمك خير ويكفيك شره.

[خياله]

شبوب ترى التوماتيك ممتاز واحسن من العادي بس انت فرقته على العادي الي عندك خله الين يمشي اربعين الف وتقول يحليل التماتيك

[شبوب]

أو عزيز ..

كلامك صحيح .. وأشكرك

دبوس ..
الله يجزاك خير .. والله أني ما رفعته الى الحين ... بس تهقى أن كلامهم (خرطي)..؟ رأيح أرفعه واشوف ..وشكر

خيالة ..
هذا الظاهر .. أنه رايح يغري .. وشكر

لكن يا أخوان تعتقدون أن كلام الوكالة غير صحيح ..؟ والله حرنابوه


تحياااتي للجميع ،،

[هاوي الله]

ترى كلام الأخ دبوس مضبووووط
بس عندي تعليق على كلامه شوي
بالنسبه للزر الدبل الخفيف تراه يجي نوعين :
1- إذا مرسوم على الزر دفرنشات وبينهم حرف X = السياره دفع رباعي مستمر
2- وإذا مرسوم دفرنشات فقط = السياره ليست دفع رباعي مستمر
واغلب سيارات الخليج العربي = النوع الأول ( رباعي مستمر )

هاذي معلومه يجهلها أكثر الناس .

[القرم]

القير التماتيك مع الصيانة ومراعاة الزيت افضل من العايدي لانه مريح واقل خرابات وهذي النتيجة توصلت لها بعد خبرة طويلة مع القير تماتيك سواء الامريكي (وينت شفر خمس سنوات بليزر سنة ونص) او الياباني (باترول سنتين و باجيرو ثلاث سنوات و الان باث فايندر ثلاث سنوات تقريبا) هذا بالنسبة للدفع الرباعي. اذا كان استخدامك (انت او غيرك طبعا) للسيارة 70% داخل الطرق المعبدة من الطبيعي يكون القير تماتيك افضل لكن الي يستخدم السيارة كثر من كذا في الصحراء او يضطر للتحميل السيارة فيكون القير العايدي افضل.

من مميزات القير العايدي الي ما تلقاها في التماتيك انك تقدر تمشي بالدبل الثقيل وتريح الموتر بنمره خفيفه وهذي من الاشياء التي اقتقدها في التماتيك التقليدي اما نظام التربتونك ما بعد جربته للحين.

[شبوب]

ترى كلام الأخ دبوس مضبووووط
بس عندي تعليق على كلامه شوي
بالنسبه للزر الدبل الخفيف تراه يجي نوعين :
1- إذا مرسوم على الزر دفرنشات وبينهم حرف X = السياره دفع رباعي مستمر
2- وإذا مرسوم دفرنشات فقط = السياره ليست دفع رباعي مستمر
واغلب سيارات الخليج العربي = النوع الأول ( رباعي مستمر )
هاذي معلومه يجهلها أكثر الناس .

بالضبط هذا ما فهمته من الوكالة .. بمعنى أنك عند الزول العادي للبر لا تحتاج الا لـــ (التسيم) فقط ..!:confused:

تحياااتي ،،

[شبوب]

القير التماتيك مع الصيانة ومراعاة الزيت افضل من العايدي لانه مريح واقل خرابات وهذي النتيجة توصلت لها بعد خبرة طويلة مع القير تماتيك سواء الامريكي (وينت شفر خمس سنوات بليزر سنة ونص) او الياباني (باترول سنتين و باجيرو ثلاث سنوات و الان باث فايندر ثلاث سنوات تقريبا) هذا بالنسبة للدفع الرباعي. اذا كان استخدامك (انت او غيرك طبعا) للسيارة 70% داخل الطرق المعبدة من الطبيعي يكون القير تماتيك افضل لكن الي يستخدم السيارة كثر من كذا في الصحراء او يضطر للتحميل السيارة فيكون القير العايدي افضل.

من مميزات القير العايدي الي ما تلقاها في التماتيك انك تقدر تمشي بالدبل الثقيل وتريح الموتر بنمره خفيفه وهذي من الاشياء التي اقتقدها في التماتيك التقليدي اما نظام التربتونك ما بعد جربته للحين.

كلامك صحيح وهذا من تجربه شخصية لي ، لكن بأستثنى التماتيك للجيوب حتى الآن لا أستطيع الحكم ..

تحياااتي ،،

[الكلاسك]

:no2: احذر من الاتي:

شراء جيب اربع سلندر
شراء جيب سته سلندر قير تماتيك
شراء جيب مستعمل عمره اكثر من سبع سنوات
شراء جيب قير عادي ثمانيه سلندر

[عريدان]

شبوب والله إني تفاعلت معك لكن بأعطيك رأيي لأني تعرضت قبلك لها المواقف:
أولاً : تقول إنك إذا تطلع البر في الصيف والشتاء والشعبان والنفود بشكل شهري مرتين (على الأقل) وتحب التقنص والتحربش فبع موترك وإشتر عايدي.
ثانياً: إذا طلعاتك موسميه يعني بالربيع خمس ست مرات وبالصيف باأحد هالمصايف وبس أنصحك لا تبيعه وبيمشيك مثل موترك الأول وأحسن بإذن الله.

[شبوب]

شبوب والله إني تفاعلت معك لكن بأعطيك رأيي لأني تعرضت قبلك لها المواقف:
أولاً : تقول إنك إذا تطلع البر في الصيف والشتاء والشعبان والنفود بشكل شهري مرتين (على الأقل) وتحب التقنص والتحربش فبع موترك وإشتر عايدي.
ثانياً: إذا طلعاتك موسميه يعني بالربيع خمس ست مرات وبالصيف باأحد هالمصايف وبس أنصحك لا تبيعه وبيمشيك مثل موترك الأول وأحسن بإذن الله.

أنا ياعريدان من الصنف الثاني 90% و10% من الصنف الأول .. بس الأشكال الآن طريقة أستخدام الدبل (الخفيف والثقيل ).. أنا جربته وفعلا (الخفيف) مشبوك على طول ، وأغلب الناس يستخدم سيارته خطاء بحيث أنه يستدم (العصى) وهذا هو الثقيل وفي أهتقاده أنه (الخفيف) لانه لايعلم اساسا شغال معه على طول .

[طارق الحربي]

اخي شبوب

اللي اعرفه ان الفكس ار هو اللي يجي دفع رباعي مستمر وزر فصل الدفرنسات يجي عليه علامه x اما الجكس ار اول مره اسمع انه دفع رباعي مستمر

على كل حال اذا سيارتك دفع رباعي مستمر ( وانا ما يعجبني هالنظام بسيارتي فكس ار ) فالدبل شغال الى سرعة 80 بدون ماتسوي اي شي اما العصا للتحويل للدبل الثقيل او الفاضي اذا بغيت تسحب بالونش

اما الزر فهو لجعل الموتر دفع خلفي اي فصل الدفرنس الامامي

تحياتي لك

[هاوي الله]

بالنسبه للزر الدبل الخفيف تراه يجي نوعين :
1- إذا مرسوم على الزر دفرنشات وبينهم حرف X = السياره دفع رباعي مستمر
2- وإذا مرسوم دفرنشات فقط = السياره ليست دفع رباعي مستمر
واغلب سيارات الخليج العربي = النوع الأول ( رباعي مستمر )

هاذي معلومه يجهلها أكثر الناس .

يُرررفع عشان الأخ طارق الحربي وجميع الأعضاء


ملاحظه :

فتى البران = الآن هو ( هاوي هدد )

[طارق الحربي]

طيب انا وش قلت ياهاوي هدد :)

حاول تقرا ردي زين

انا سيارتي فكسار وفيها الزر وعليه علامة اكس

والسيارة دفع رباعي مستمر والزر هذا يفصل الدفرنشات يعني يلغي نظام الدفع الرباعي


اما بالجكسار العكس الزر ماعليه اكس

[هاوي الله]

طيب انا وش قلت ياهاوي هدد :)

حاول تقرا ردي زين

انا سيارتي فكسار وفيها الزر وعليه علامة اكس

والسيارة دفع رباعي مستمر والزر هذا يفصل الدفرنشات يعني يلغي نظام الدفع الرباعي

سلااااااااااااااااامتك معلوماتك خطأ . الزر اللي عليه علامة إكس هذا في الفكسار والجكسار والجكس وظيفته واحده يعني نفس الشيئ وهو تشغيل وفصل الدبل الخفيف . والفكسار والجكسار والجكس اللي يوجد فيها هذا الزر بعلامة الإكس معناه إن السياره دفع رباعي مستمر إلى سرعه معينه (لا أعرفها ) . والكفرات الأربع شغاله لكن بمستوى أقل من الدبل الخفيف .
آمل إنك فهمتني .


اما بالجكسار العكس الزر ماعليه اكس

الجواب باللون الأخضر

[الجماجمي]

أخي شبوب
الله يعطيك خيره ويكفيك شره ومركب مبارك ان شاء الله وتقنية التماتيك الجديدة ممتازة وعالية لا تخاف زميلي معاه كراون 89 تماتيك ولا عمرة شكى من عطل فما باللك باللاند كرورز ولا تنسى تراه تصنيع اليابان انا عندي vxr 2005 والحمد لله جدا ممتاز كان عندي باترول 92 عايدي كذلك ممتاز وقوي لا حظت ان غرازات الباترول اكثر من الvxr عظ على سيارتك بالنواجذ والله لا يخسرك ولا يندمك وفقك الله اخوك الجماجمي

[طارق الحربي]

طيب عزيزي هاوي هدد

انت معك جي اكس على ما اظن

علمنا

الزر اللي فيه عليه علامة اكس اولا ؟

مع العلم ان الهدد الوارد من اليحيى يجي دفع راباعي مستمر ويجي دفعه دفع رباعي مؤقت

[هاوي الله]

الجكس اللي معي مافيه زر يعني دفع رباعي مؤقت ( دبل قير خفيف وثثقيل )

معلومه :

سيارات الدفع الرباعي المؤقت يجي نوعين :

1- سيارات تجي دبل خفيف وثقيل قير .

2- سيارات تجي الدبل الخفيف زر ( بدون علامة إكس ) والثقيل قير . وعلى ماأعتقد في الموديلات القديمه وإستعماله نفس الشي مثل الدبل الخفيف القير بس هذا جر بيدك والزر ضغط فقط لاغير .

والزر اللي بدون علامة إكس أفضل من الزر إلى بعلامة إكس لأنه مهوب دفع رباعي مستمر ( هذا بالنسبه لي )

[طارق الحربي]

وبالنسبه لي ايضا السيارة دفع رباعي مؤقت افضل ولكن الفكسار مايجي الا دفع رباعي مستمر

اما الجي اكس ار والجي اكس كلها دفع رباعي مؤقت

واليحيى منزل دفع رباعي مستمر جي اكس

[هوى نسري]

اخي شبوب اذا كانت اقامتك في مدينة مزدحمة مثل الرياض ،،، فالتماتيك مالك غناة عنه،،، مانتب قاعد كل يوم هوشة انت وهالقير غير لاتغير ؟!! خصوصااذا كنت مزحوم في طريق مرتفع في طلعة وقدامك سيارات وخلفك سيارات والسير مشى ورن التلفون والسيارات اللي خلفك تضرب بواري تقولك حرك وانت بلش ماسكن السيارة بالفرامل والكلتش ماتدري هو انت تغير ولا تدوس على هالكلتش ولاترد على هالجوال بلشة؟!!
لاكن لاصار معك سيارة تماتيك ماعليك الا تدوس بانزين وتمشي بغض النظر رن الجوال او مارن ،،، قدامك سيارات خلفك سيارات
اما بالنسبة للبراري صحيح ان القير العادي أفضل بالنفد والطعوس بعكس التماتيك لاكن مقارنة بين السيارتين فانا اللذي احدد الاستخدام فاذا كان استخدامي السنوي للسيارة 90% بر فالقير العادي أفضل اما اذا كان العكس فالتماتيك أفضل .

اماقول بعظهم http://www.mekshat.com/pix/upload/sign/images/mk42973.gif

[شبوب]

السلام عليكم ...


(يرفع للفائدة) .. سبق وأن أسفسرت ولم أجد الأجابة الواضحة من الأخوة .. عموما أنا بالأمس قمت بزيارة للوكالة وأكتشفت أن جميع الأخوة يستخدمون سيارتهم بطريقه خاطئة لدبل ..!!

بالنسبة لموديلات الجديدة (التماتيك) ..
1- الدبل (الخفيف) شغال مع السيارة على طول..! بمعنى الاربع الكفرات جميعها تشتغل سواء ،بدون تدخل من السائق وليس مطلوب منك إلا (تنسيم الكفرات فقط) .
2-بالنسبة لـــ (الزر) الموجود بالطبلون وعليه صورة الكفرات الأربع فهذا وظيفته أنه يقوم بـــ (توحيد دورة جميع الكفرات في وقت واحد) وأعطائها قوة متساوية بالقوة .
3-بالنسبة لـــ (عصاء الدبل ) فهذا هو الـــ (الدبل الثقيل) فقط ، وهذا معروف كيفية و متى أوقات أستخدامه للجميع .

بس قولوا (جزاك الله خير);) وتحياااتي للجميــــــع


أشكر جميع الأخوان الذيـــن رفعوا الموضوع من جديد .. لكن زبدة الكلام هي ما ذكر بعاليه ، وقد ذكرت بتاريخ 24-11-2006

تحياااتي للجميع ،،،

[دبوس]

جزاك الله الف خير على المعلومات يا شبوب

بس ما علمتني انت رفعت السياره كلها وشفت
الكفرات الاربع كلها تدور والالا:confused:

[شبوب]

جزاك الله الف خير على المعلومات يا شبوب


بس ما علمتني انت رفعت السياره كلها وشفت
الكفرات الاربع كلها تدور والالا:confused:



نعم صحيح جميع الكفرات الاربع تدور في وقت واحد (بدون تحرك عصى الدبل وبدون رعص الزر).. وآسف على التأخير