تويوتا سكويا والأسعار العجيبة . [الأرشيف]

GMC79

13/09/2013, 05:22 PM

السلام عليكم ورحمة الله وبركاته

أمس كنت في المعارض واسعر السيارات والجيوب

لفت نظري تويوتا سكويا وسعره الرخيص جدا مقارنة بغيره

السيارة فخمة وراقية ومكينة جبارة أقوى مكينة في تيوتا

دبل بدون فتحة 133000 ريال

دبل بفتحة 143000 ريال

طبعا كلها أصفار

حتى المستعمل تحصل 2010 فتحة مابين 90-100 الف ماتجيب لاندكروزر 2004

شيء غير معقول حتى البرادو بدون فتحة 150000 ريال طبعا اللاند خارج المنافسه
واليوكن أغلى منه

ياجماعة نبي اراءكم حول الموضوع وهل هو طبيعي أو فيه سر يخلي سعره داج بالشكل هذا

وكل من سألته من اللي جربوه يمدحه

بيك اب 4X4

13/09/2013, 07:38 PM

والله ناس تقول شكله قبيح
ناس تقول عريض و شكله ثقيل
انا ما جربته
بس بصراحه اشوفه كويس بسبب انه تويوتا و سعره مناسب تقريباً بالنسبه للمنافسين
و لو جا اليوم اللي افكر بسيارة عائلية راح يكون بالحسبان
طبعاً انا اميل للتويوتا بسبب الوكيل كويس و منتشر و مواترهم مخدومه في كل مكان
و إلا اسعارهم مبالغ فيها بقوة

al.fars

13/09/2013, 11:04 PM

بالنسبة لي انا صراحة معجبني الموتر بس لو يغيرون خشته كان احسن

ابو دخيل الل

13/09/2013, 11:36 PM

وعليكم السلام الي يقول في السكويا شي مع احترمي للاي بيقول شي ماعنده سالفه انا جربت سيارات كثيره وماحصلة نفسه ولا اعتقد بحصل مثله الجيوب اتكلم وحتا اصغار من تجربتي اقل شي سنه تجلس اسياره معي مالقيت مثله وحتا انا مستغرب منه بس الايام هابين فيه الناس وبيرتفع سعره وبيصير مثل الفكس ار بس علي قول اخونا لو يغيرون خشته والاكثر اشبك كان يصغرونه ولا يحطونه شبك ادينالي كان يمكن افضل بوجهت نظري واناس مدري عنهم ( لولا اختلاف الاذواق لبارت السلع ) وشكرا علي طرح الموضوع ونشوف الاخوان

قطب 999

13/09/2013, 11:50 PM

اتوقع ببسبب انه عائلي وبقوه

الوافي.

14/09/2013, 12:03 AM

الاسعار كلها نازلة هالايام

المنيعي1

14/09/2013, 12:04 AM

شكله قبيح خارجياً وداخلياً
وﻻيقارن بالجيب الجيب خفيف وحجمه اصغر شوي وتقدر تدخل بأي مكان اما هذا حده سفره مع العايلة
فأنا اشوف ان سعره طبيعي يكون نازل

نايس × كول

14/09/2013, 12:21 AM

خالي مهع واحد 2010 جديد وكاله شاريه 145 الف اول ما نزل

بس الحين ما يمدحه فيه مشاكل في البدي و مدري في المحركات

الي معه دبل

نايس × كول

14/09/2013, 12:23 AM

وبعدين اسعار قطع الغيار غااليه مرره

ميدان التحدي

14/09/2013, 12:49 PM

صناعة امريكية

تم الإرسال من جهازي GT-I9100 بواسطة تاباتوك 2

جرة قلم

14/09/2013, 06:29 PM

ممكن راح يتغير شكل السيارة في الموديل الجديد،،

ابونبيل

14/09/2013, 06:54 PM

هذا يدل على ان السياره على مزاج الوكيل لو مكينته على لند كان زاد سعره ١٠٠

qx55

14/09/2013, 08:05 PM

يارجال دبله مثل قلته فقط تم وضع دبل لايتناسب مع حجم الموتر بالعربي حطو دبل نكاده فاليوكن الدبل

سعيد العقير

15/09/2013, 01:50 AM

سياره السكويا منافسه وممتازه ولن تجد العائله واصحاب السفر اريح او اوسع او اقوى منها بصراحه سياره محترمه بجميع المقاييس يا اخي سياره واسعه بشكل عجيب وممشاها في الخط مريح وقويه وكيلها خدمته ممتازه
انا اشوفها افضل بمراحل من الجموس والفرود يكفيك محركها واسم شركتها بصراحه سعرها رخيص جدا بالنسبه لقيمتها اربع سفرات فيها بقيمتها

والجيب مبالغ فيه بصراحه

بقيمه الجيب بشتري وحده وبشتري معها هايلوكس غمارتين دبل للمشاوير الخفيفه وبحط بجيبي المقسوم

بالغو في الجيب كثير
هذا رأيي

sulaiman.fj40

15/09/2013, 01:24 PM

لاعجب فالسكويا ينتج في مصنع شركة تويوتا في امريكا. وبما ان الريال السعودي مربوط بالدولار وسعره ثابت -فالسكويا يماثل اسعار السيارات الامريكيه- اما من ناحية القوه والفخامه فحدث ولا حرج. اما التويوتا لاند كروزر فهو ياباني وسعره غير مستقر مثل الين الياباني مقابل الدولار احيانا يرتفع فترتفع اسعار المنتجات اليابانيه وبالعكس. لاتنسوا ان الارمادا ابن عم السكويا لكن تنتجه نيسان في امريكا.

غيره بلاحدود

15/09/2013, 01:28 PM

لاعيبه بدون دفرنش يعني الي يشتريه الله يعينه على مسحية الكفرات الخلفيه ولا شكله حلوو واوسع من الاندكروز بالنسبه لي اذا حطو بدل الفريلولات دفرنش لي كلام ثاني

على رمشي تمشي

15/09/2013, 01:48 PM

احس ان بابه وديكوراته تفكك على طول - بابه خفيف بالحيل وحتى تسكيره الباب غريب

V tc

15/09/2013, 02:30 PM

الارمادا. ارخص وعملي

لسان الحقيقة

15/09/2013, 08:07 PM

انخفاض سعره بسبب:
1. صناعة امريكية
2. وليكون سعره مقارب لاسعار منافسيه (تاهو-اكسبديشن-ارامادا..الخ).
3. جديد ع السوق ويحتاج الى تسويق ولاننسى بداية الاف جي كم كانت اسعاره ووين وصلت..

غيره بلاحدود

15/09/2013, 08:16 PM

والله يالربع سياره بدون دفرنش ماتنفع للبر اما اذا قصده يستخدم خطوط ينفع وحلوو بس الكفرات الخلفيه تمسح لانها مثل الشبح يفحج

حسين السبيعي

15/09/2013, 08:56 PM

اقول سيكويا وبس ؟؟؟ سعر مناسب + فخامه+ راحه+ رحابه داخليه اوسع سياره + عزم جبار + مكيف ممتاز جدآ +ثلااجه + كل الموصفات فيها ( رائئ شخصي )

جرة قلم

15/09/2013, 10:41 PM

الارمادا. ارخص وعملي

:good: :good: :good: :good:

بس وين اللي يفهم ،،

سيف نجد_

17/09/2013, 10:48 AM

حط ببالك صناعاتها امريكية وملحقات المحرك متأخرة تقنياً (بدائية ان صح التعبير) طبيعي تحس السعر اقل ولو انه في الحقيقه مرتفع

Sent from my GT-N7100 using Tapatalk 2

kasdar

17/09/2013, 03:22 PM

طيب وإذا كان صناعته امريكي
يكفي قطع الغيار يباني

ويكفي المكينه 5700 زي الكسز

هاذي الهايلوكس الدبل

4 سلندر تايلندي وحول السعر

كومبو

17/09/2013, 05:56 PM

كومبو

17/09/2013, 05:59 PM

يارجال دبله مثل قلته فقط تم وضع دبل لايتناسب مع حجم الموتر بالعربي حطو دبل نكاده فاليوكن الدبل

أختلف معك بذلك , فحسب تجربتي له كان دبل ممتاز ( ما فشلني )

كومبو

17/09/2013, 06:02 PM

لاعيبه بدون دفرنش يعني الي يشتريه الله يعينه على مسحية الكفرات الخلفيه ولا شكله حلوو واوسع من الاندكروز بالنسبه لي اذا حطو بدل الفريلولات دفرنش لي كلام ثاني

أعتبره ميزه أنه فليور , عشان الراحة بالسفر
أما المسحية فأنا مشيت بكفرات الوكالة 80.000 كلم وهذي عادتي كل 80 أغير
والآن الكفرات الجديدة ما شي بها 40.000 كلم

مساير الجو

17/09/2013, 07:06 PM

في مقارنه بين
اليوكن ltz
فورد اكسبدشن
ارمادا
سيكويا
تميز السيكويا في الراحه وقوة المكينه وخدمة ما بعد البيع.

بومالك

17/09/2013, 11:59 PM

كنت محتار عام 2011 بينه وبين البرادو والسعر متقارب في ذلك الوقت بس اخذت برادو بسبب بسيط ستجده موجود بتفكيرك

ولكن بدون انتباه الا وهو ان السكويا لاتعتبر سياره شخصيه لك . غير رسميه . يعني شكلك غلط لحالك عليه . فهي ماشاء الله

بفئة شاحنه وليست سياره عاديه