الشاص الثمانيه سلندر!؟

[2bo_klod]

السلام عليكم ورحمة الله وبركاته



نخيتكم يالربع سمعت من ناس انه موجود شاص ثمانيه سلندر


هل هو صحيح؟؟!!


والله يعافيكم كان احد يعرف عن ذا الخبر لا يبخل علينا.


ويدلنا عليه...



واكون شاكر لكم جزيل الشكر



اخوكم: ابوخالد

[نمر بن حثلين]

يمكنك تقصد نيسان تيتان
هو الي يجي ثمانيه سلندر بس ما بعد جابه الوكيل

http://www.digitalww.com/Customerinstalls/DWW7VGT_NissanTitan/truckback.jpg

[هـآوٍي]

فيه بس لازم تغير الماكينه حقت الشاص من الوكاله تطلب ماكينه 8 سلندر اوما من الوكاله مافيه
تحيـآتـي

[بن محارب]

صحيح

هناك نوعية طراااد لسلاح الحدود
والجيوب الخاصة بالقوات الخاصة للمداهمة بالرياض

أنا شفت الجيب ولكن لم اتمعن به وقد قالي لي السائق هذا 8 سلندر
والله اعلم

تحاياي

[2bo_klod]

اخوي الغالي "نمر بن حثلين":

الله يعطيك العافيه ويكثر خيرك

اخوي الغالي انا اقصد شاص تويوتا ما غيره

لاني الصراحه واحد اعرفه كان مسافر للجنوب ويقول انه يعرف ناس هناك معهم شاصات 8 سلندر

ومشكور على المرور

================


اخوي "هاوي":

أنا ماتركت وكاله في الرياض الا ورح لها كلهم يقولون ما عندنا

ومشكوور على الرد

=============

اخوي "بن محارب":

الله يعطيك العافيه ريحتني شوي

لكن هل مسموح لي اشتري لي واحد او يمنعونه مثل الـ"511"؟


ولكم جزيل الشكر

[عاشق ربـع]

يا خوي انت تشرية من الوكاله 6 سلندر همن تغيره عندهم الى 8 سلندر طبعا مكينة في اكس

[2bo_klod]

اخوي الغالي "عشق ربع ":

طيب اذا افترضنا اني بغيرها عندهم هل يبي لي اغير شي غير المكينه؟

ويعطيك العافيه اخوي

وان شا الله ما اكون ثقلت عليك

[غالي]

قد سمعنا من سنه ونص تقريبا انه نزل 8 سلندر
وكذلك بينزل شاص غماره ونص وغمارتين
لكن ماشفنا شيء

[GMC79]

شف يالحبيب سمعنا يقولون شف يقولون يقولون انه ينزل في عمان

لكن حتى لو وجد لاترجي من وراه زود عزم وقوة كلها7حصان على افضل الاحوال

[للغالين فقط]

هلا اخوي 2bo_klod

هذا لازم تركب له مكينه vxr

وتراه بيصير طيارة مو سيارة

واحد من زملائي شافة بالمعارض

بحائل موديل 2000

يقول جربته والله أنه خفيف مثل الطيارة

تحياتي للجميع في هذا المنتدى

[2bo_klod]

اخوي غالي

الله يعطيك العافيه

مشكور على مرورك الطيب

ما قصرت يالغالي


اخوي"gmc79"

ولو الله يعيك العافيه 7 حصان تفرق حتى في صوت المكينه لاني ما اتوقع تجي ثمانيه سلندر صف واحد لابد انها على شكل V والمعروف عن هذا النوع انه اوفر في البنزيل والصوت بكون اهدا بكثير


ومشكور على المرورك الجميل

حياك "للغالين فقط"

انا اسأل كانه يجي من بلده ثمانيه يكون افضل او اني اغير المكينه دون اي شي آخر مثل القير على سبيل المثال






ومشكووورين ما قصرتوا والله

[GMC79]

بس ترا الفرق مثل الفرق بين Vxr&gxr
يعني غير ملاحظ واسال اهل التجربة والمكينة اكيدراسين

[ابومعاذ3]

http://mekshat.com/vb/images/smilies/no2.gif السلام عليكم

والعشرعليكم مباركة تقبل الله منا ومنكم

ياطلب الشاص الثمانية
اللي اعرفه من خلام نغبرتي في السيارات والتشاليح أنه إذا بتركب المكينة الثمانية لازم معها قيرها لإن قير الستة ما يستحمل قوة المكينة ثم بيختلف عليك داير القير مع المكينة
فلازم تركب المكينة والقير للثمانية....ثم بيجيك عمود الكردان هل هو يركب والدفرنس هل يستحمل قوة الثمانية سلندر ؟؟
يا اخوان ترهيم المكاين الأقوى في السيارات مكلف وما هو عملي بالحيل لأنه يا تغير كل هذي العدد أو ما بيعيش الموتر إلا ان كان بتمشي بالهون وهذي المواتر حلاتها بجلدها بالبر
فقوة القير والمكينة والدفرنس وعمودالكردان تختلف .......فلا تخرب مترك خاصة الجديد ، اما الخردة فجرب فيه

تحياتي

[قناص الوعول]

انا خابر ياطويل العمر فيه واحد شراء شاص ثمانيه سنردل من الامرات من مدت تقريبا اربع سنوات ويقول فيه فرق شاسع عن الشاص العادي

[2bo_klod]

اخواني الغالين


الله يعطيكم العافيه ويرزقنا واياكم


انا والله منب راعي ترهيم وتغير انا ان كثرت غيرت فلتر الهوا


لكن اسأل هل هو يوجد من بلاده دون فك وتركيب وتغير ...

والله يعافيكم


ومشكووورين على المعلومات القيمه والردود


وشكرا

[فتى الدهناء]

ألحين ياراعي الموضوع .......... وقفت على 8 سلندر وشاص بعد !!

وين تبي يالحبيب ... المريخ !! ترا الى الآن ماتأكدت الحياة في المريخ ههههه:D

---------------

اللي أعرفه انه ينزل في اليمن جديد 8 سلندر من الوكيل ... يوديك للمريخ بعد يالله استانس ... وسلملي في طريقك على اخوانا في ( زحل ):D

:j

[2bo_klod]

اخوي فتى الدهناء


يعطيك العافيه ويبلغ ان شا الله


لا تشيل هم


ومشكوور على المعلومه انا بشوفلي اقرب واحد رايح والا راجع من اليمن والا بروح بنفسي اسألهم



حياكم الله

[هـآوٍي]

آيـه موجود يالغلا بس من الامارات وعمان السعوديه ماتجي فيه مثل هالشاصات
تحيـآتـي

[طارق الحربي]

موجود مرهم وبيع بحايل

مدري ليش مايجيبونه مع ان فيه سيارات حوض اقوى منه

اذا تبي ترهم غير المكينه والدفرنس والقير

واسأل اصحاب الترهيم

[معدي المرقاب]

اخي في أعتقادي انه مايجي شد بلد لانه لايطابق الموصفات والمقاييس عندنا لانه قوي وهو سته وشلون لاصار ثمانية وحسب علمي والي اشوفه مع بعض الزملاء والشباب يركبون مكينته التي ون 8سلندر.

[داق لطمه]

بس ترا الفرق مثل الفرق بين Vxr&gxr
يعني غير ملاحظ واسال اهل التجربة والمكينة اكيدراسين

كذا تزعلني
والله الفرق بين الجي إكس آر وال في إكس آر
واضح في العزم في الطريق والتحميل والنفود وفي كلش

[مايغرز]

كلام بو معاذ عدل شلك بالطلايب وهدر القريشات حلاة الشي شد من البلد الثمانية ثمانية والست ست انا متأكد انه الشاص مايجي ثمانية سلندر اذا انت راعي مزاج الغم الموتر شغلات بسيطة كامات وملاحقه لا تقولي 8 اسلندر ولا 12 بعد انا شايفهم بطريق ابو ظبي دبي لازق بالبي ام 745 يقوله افتح يا الالماني والله وضحك عليه وطافه وهم طايفين 240 سرعتهم وش رايك؟؟؟؟؟؟؟

[2bo_klod]

خواني الغالين الله يعطيكم العافيه


ومشكورين على المرور

اخوي ما يغرز

الي جايب لي الخبر متأكد انه يجي من بلده

لكن السؤال اين وكالته في الخليج


ويعطيكم العافيه


لا تقطعونا يالغالين

[الذيب الأسود]

السلام عليكم

الحل عندي

اسمع يا أخي الكريم ولايهونون الربع قولو لا هنت

أنت تقصد هذا الموتر والحقيقة إن هذا الموتر من إنتاج تويوتا يعني أخو الشاص من الأم والأب ولكن اسمه تندرا وفيه مكينة ثمانية سلندر وستة سلندر وقير عادي وقير أتوماتيك ويجي غمارة وغمارة ونصف وغمارتين ولكن للأسف هذا الموتر ما يجي السعودية يبيلك تجيبه من أمريكا لأنه يعتبر شاص الأمريكان وأنا الحقيقة إني شاهدته في مملكة السيارات قبل حوالي 8 أشهر وشاهدته في معاض النسيم وفي الإمارات وأنا الحقيقة أنصحك في هذا الموتر عاد ما يحتاج كثرة كلام شف الصور وأحكم :
تفضل :

1- هذا الموتر غمارتين

http://www.mekshat.com/pix/upload/images21/mk5398_tundra2005.jpg



وهذا غمارة ونصف

http://www.mekshat.com/pix/upload/images21/mk5398_tundra%20(151).jpg



وهذا الطبلون من الداخل

http://www.mekshat.com/pix/upload/images21/mk5398_81_1.jpg


الصور السابقة للموديل السابق وهذه صورة الموديل 2007

http://www.mekshat.com/pix/upload/images21/mk5398_07_tundra_double-cab_15.jpg


وهذا من الداخل

http://www.mekshat.com/pix/upload/images21/mk5398_07_tundra_double-cab_20.jpg


ثم شف الماكينة وقل ما شاء الله

http://www.mekshat.com/pix/upload/images21/mk5398_07_tundra_double-cab_29.jpg


طب واختار

أتمنى أنني قد أفدت

دعواتكم


الذيب

[2bo_klod]

اخوي الغالي الذيب الاسود


يا اخوي عندي علم بالتندرا كم مره اشوفه بالمعارض وادري انه يوجد منه 8


لكن انا وش لي وللفخامه والدلع


انا اقصد "الكروزر 85او75" <<<الشاص الي نعرفه ابو خطوط يا حلاته يامن جاك اشهب يتلاصف يالبيييييييييييييييييييييييييه


ويعطيك الف الف الف عافيه ومشكوور وما قصرت

وان شا الله ما نكون تعبناك مع الصور


حياك يالغالي

[2bo_klod]

نسيت اقول لك :-


لاهنت لا انا ولا انت ياشوق البنت حفت الصبيان وما بغت الا انت


خخخخخخخخ

يا هلا

[ابومرتاح]

ركب مكينة سوبر وتحويلة قير اقوى وارخص ...........

[الذيب الأسود]

أخي الكريم

الحمد لله إنك فهمت قصدي أما بالنسبة للاند كروزر بيك أب فأنا أعتقد أنه من البديهي لو ناظرت في مساحة الكبوت الداخلية لا يمكن أن تتسع لماكينة 8 سلندر على شكل v ولم أسمع حتى الآن بمكينة 8 سلندر طولي وحتى لو فيه كمان ما تتسع .

على العموم مادام إنك مصر على اللاند طير شلوى فلا تفكر في ثمانية سلندر يستحيل أن تجده في العالم إلا ترهيم وبقوة
لأن الشركة " تويوتا " تصنع كل شيء بمقاييس أي بما يتناسب مع حجم السيارة وحمولتها وطولها وعرضها وأداءها وقد رأت أن الستة سلندر مناسبة للاند وزايدة عليه .

أخوك الذيب

[2bo_klod]

تسلم اخوي "ابو مرتاح"


يعطيك العافيه

مشكووور على المرور الرائع

حياك

اخوي الغالي"الذيب الاسود"

يعطيك العافيه

لاهنت يالغالي على الرد انا على نفسي السته تكفي لكن الي خلاني افكر في الثمانيه واحد من الربع يقول شايفه في الجنوب


<<<< وما صدق ابو الشباب راح يدور الطياره



وان كتبه الله ان شاريه ثمانيه والا سته...


تسلم اخوي


والله انك ما قصرت



حياكم