تنبيه للاخوان اللي عندهم دفلوك في مواترهم

[راعي الرود]

السلام عليكم


مساكم الله بالخير






الاخوان اللي مواترهم فيها دفلوك حبيت انبهكم عن شغله

كنت كاشت بنفود و معي احد الشباب بموتره الوكاد انه ثولث و الارض هيار شديد و حاولت اسحبه بالثقيل و علق موتري معه كفر يدور بوش و كفر عالق

شغلت الدفلوك و كملت سحب و نتلته و طلع

ومن عقب هك اليوم وانا ماشفت خير طلع لي صوت جرش بالدفرنس في تقويمه الموتر من الصفر و بعدها صارت تطلع لي صوت ونه عرفت انها كرونه خليتها لين جاوبت صرت اذا شلت رجلي تكرمون عن البنص يهدي الموتر كنك ضارب فرامل

رحت الورشه و فكو الجرم طلعت سنون الرمانات متكسره و طايحه بوسط الجرم و هذا سبب الجرشه

غيرت دفرنس كامل من التشليح بمبلغ و قدره و السبب هو تشغيل الدفلوك و السحب

فـ حذاري من تشغيل الدفلوك و السحب ..

الموتر جكسار 2001

[عبادي464]

الله يعوض عليك ويعطيك العافية على النصيحة

[a.w.T]

معوض خير يالغالي ،، وفعلا الدفلوك حساس جدا ولو تقرا كتالوج حق السياره بتلقى تحذريات من استخدام الدفلك ، من ضمنها مكتوب اذا شبكت الدفلك لاتتعدى سرعة ٧ واول ماتطلع من الغراز علطول افصله ، يعني الزبده جدا حساااس

[ناصح]

معوض خير يالغالي ،، وفعلا الدفلوك حساس جدا ولو تقرا كتالوج حق السياره بتلقى تحذريات من استخدام الدفلك ، من ضمنها مكتوب اذا شبكت الدفلك لاتتعدى سرعة ٧ واول ماتطلع من الغراز علطول افصله ، يعني الزبده جدا حساااس

:good::good::good:
ومن بين التحذيرات أنك ما تلف يمين او يسار إلا بمقدار بسيط جدا
ومثل ما قال محذرين في الكاتلوج أن الدفلوك ما يستخدم إلا في الضرورات القصوى لاحتمالية ضرره على السيارة .

والله يسهل امرك ...

[ALBDRANE]

مشكور على التنبيه وقد يكون الدفرنس متاكل السنن من قبل والله اعلم

[وااضح]

طيب الدفلك الاكتروني مثل السييرا وش السواه

[الماجد1]

السرعه اثناء تشغيل الدفلوك والدوران ولو بشكل بسيط يسبب مشاكل بالدفرنس

[سراي-01]

بيض الله وجهك

[راعي المجهم]

دايم الجيوب الي فيها دفلوك تخرب كروناتها وتطلع ونه

لأن دفرنس الدفلوك حسااااااااااس

[حاميش]

الله يعوض عليك

[تساهيل1]

النتل هو الدمار

لا تنتل ابد تروح كارونتك لان ثقل الموتر يوقف الكفرات فجأه
والمحرك يدورها غصب

الدف لك مافيه شي للي يستخدم زين شفه في بترولات 93 زي الجديد


و موفق

[sgl2002]

هذا الباترول فيه دفلك وكم مره ادوس له بقوة واسحبه لين اسمع صوت الانذار ولا ضره

انا اقول تختلف قوة التحمل حسب قوة الدفرنس

واللاندكروزر معروف ان كارونته ضعيفه

[راعي المجهم]

هذا الباترول فيه دفلك وكم مره ادوس له بقوة واسحبه لين اسمع صوت الانذار ولا ضره

انا اقول تختلف قوة التحمل حسب قوة الدفرنس

واللاندكروزر معروف ان كارونته ضعيفه

بالعكس اخوي دفلوك التويوتا قوي جداً ولا يخرب بسهولة

واحد من الشباب معه جكس 97 دفلوك والى اليوم وهو سليم لان طريقة الاستخدام

صحيحة

لكن دفلوك النيسان فااااااااشل وكرونته ضعيفه مررررة

والدليل ورشة الصمعاني في القصيم اختصاص دفرنسات وكرونات

اغلب السيارات الي عنده كلها باترولات نيسان توضيب كرونه

[abo naser 1]

النتل هو من أهم اسباب خراب الدفرنس

معي باترول 91-99 كلهم دفلك نسحب وننتل ونلف يمين ويسار بقوه ونمشي بالثقيل سرعة عاليه ولم اوجه اي مشكله ولله الحمد

لكن مافيه شك ان النتل له تأثير الله يجزاك خير يا صاحب الموضوع للتنبيه

[abo naser 1]

بالعكس اخوي دفلوك التويوتا قوي جداً ولا يخرب بسهولة

واحد من الشباب معه جكس 97 دفلوك والى اليوم وهو سليم لان طريقة الاستخدام

صحيحة

لكن دفلوك النيسان فااااااااشل وكرونته ضعيفه مررررة

والدليل ورشة الصمعاني في القصيم اختصاص دفرنسات وكرونات

اغلب السيارات الي عنده كلها باترولات نيسان توضيب كرونه

وين ماتحمل وهم يرهمون عليها محركات V8 توصل الى 600 حصان وتزود بقير ورفرنسات بلد وتعيش سنين رغبة الناس للنيسان لقوة قيرة ودبله ودفرنساته.

[راعي المجهم]

وين ماتحمل وهم يرهمون عليها محركات V8 توصل الى 600 حصان وتزود بقير ورفرنسات بلد وتعيش سنين.

لا اسمحلي اغلب المرهمات رايحة وطي

اذا مرت من جنبك تسمع طحين دفرنساتها وونتها

وكل يومين او طلعة طلعتين اسبوع في الورشة تصليح

حبيبي الحكم بيني وبينك الصمعاني حق توضيب الدفرنسات

يقول دفرنسات التويوتا افضل الموجود في السيارات ودفرنسات النيسان يبيلها

حنية واستخدام بدون جور

[المتلولس]

مشكور على النصيحة والله يعوضك

[منصوررر]

بيض الله وجهك ومشكور على النصيحه والله يعوضك الخير

[راعي الرود]

الله يعافيكم جميعاً شاكر لكم مروركم


النتل هو الدمار

لا تنتل ابد تروح كارونتك لان ثقل الموتر يوقف الكفرات فجأه
والمحرك يدورها غصب

الدف لك مافيه شي للي يستخدم زين شفه في بترولات 93 زي الجديد


و موفق


صحيح انا معك في هذي و ضررها كبير لكن احياناً تكون مضطر :good2:

[راعي الرود]

هذا الباترول فيه دفلك وكم مره ادوس له بقوة واسحبه لين اسمع صوت الانذار ولا ضره

انا اقول تختلف قوة التحمل حسب قوة الدفرنس

واللاندكروزر معروف ان كارونته ضعيفه

قوه التحمل ما تختبرها على سياره لها 13 سنه و دفرنسها يكرف يعني يكون احتمال العطل فيه اكبر و قد تختلف الظروف بين موتري و موترك في الاستعمال

اتمنى حياه مديده لكارونتك :D

[سيف نجد_]

عن نفسي كان عندي الفوجي وكنت اشغل قفل الدفرنس على الدفع الخلفي من غير دبل ودوس من اول الدخول لبن الخروج وسرعة اكثر من 80 وتنطيل (طبعا مهكر النظام الالكتروني)

مشكلتك كانت النتل! غلط السحب لازم يكون برواق وتدرج والاهم شوية حفر خصوصا قدام الكفرات الخلفية الي كثير ينساها

Sent from my GT-N7100 using Tapatalk 2

[abo naser 1]

[QUOTE=راعي المجهم;9619607]لا اسمحلي اغلب المرهمات رايحة وطي

اذا مرت من جنبك تسمع طحين دفرنساتها وونتها

وكل يومين او طلعة طلعتين اسبوع في الورشة تصليح

حبيبي الحكم بيني وبينك الصمعاني حق توضيب الدفرنسات

يقول دفرنسات التويوتا افضل الموجود في السيارات ودفرنسات النيسان يبيلها

حنية واستخدام بدون جور[/QUOTE
“""""""""""""""""""""""""""""""'"'"""""

شكل معك تويوتا وابو وليد يعززلك مزاح يا راعي المجهم الله يوفقك
س/وليش كل المرهمات نيسان?

محاكيك معي مرهم له سنتين ما شتكيت منها وكذلك الزملاء وأخر ما افكر فيه الدفرنس

والي تسمع ونينها وطحينها هذي تلقاها مشروكه بلحام دفلك با الغصب تون ماتون ما يهمه لان استخدامها نفود فقط

[محسن اليامي]

شكرا ع التنبيه والله لا يعوزنا له

[أبوشريدح]

اللي عنده شك في قوة كوارين النيسان يشوف الفديو ذااااااا
http://www.youtube.com/watch?v=hs6OLQKoYgg

[أبوشريدح]

وبيض الله وجهك يا صاحب الموضوع

[((ابوملاك))]

اللي عنده شك في قوة كوارين النيسان يشوف الفديو ذااااااا
http://www.youtube.com/watch?v=hs6OLQKoYgg


ماخبرنا المكسيما دفرنس

المهم للمعلوميه السحب اللي كذا يعتمد على ثبات السياره وقربه من الارض ووزنه الاثقل يسحب

[فرفور بريده]

طيب الدفلك الاكتروني مثل السييرا وش السواه

دف لوك السييرا .. يشتغل ويطفى حسب الحاجه وفيه سفتي امان .. يطفى اول ماتدعس عليه بقوه

يعني ارقد وامن :p

[راعي الرود]

عن نفسي كان عندي الفوجي وكنت اشغل قفل الدفرنس على الدفع الخلفي من غير دبل ودوس من اول الدخول لبن الخروج وسرعة اكثر من 80 وتنطيل (طبعا مهكر النظام الالكتروني)

مشكلتك كانت النتل! غلط السحب لازم يكون برواق وتدرج والاهم شوية حفر خصوصا قدام الكفرات الخلفية الي كثير ينساها

Sent from my GT-N7100 using Tapatalk 2

ماشاء الله ,, احياناً وانا اخوك تكون مضطر تنتل خصوصاً لو انت في مثل الموقف اللي كنا فيه الساعه 2 الفجر بنفود وعره و مطر .. والرجال ثولث على جال فنجال ولا فيه مجال اني اشد الواير و اسحبه على خفيف لاني علقت معه في نقره فكان مافيه حل الا اني ارجع وانتله لانه مثولث و الكفر انفصخ و تقروشنا هاك الليله مطر شديد و برراد قعدنا ساعتين نحاول نتفخ الكفر المنفصخ معنا ماطور ابوكلب اخرتها ركبنا الاستبنه و بالطقاق رفعنا الموتر نص حطبنا راح تحت العفريته خخخخ و الحمد لله عدت على خير و الدفرنس بداله الف اهم شيء ننصحكم :D



شكرا ع التنبيه والله لا يعوزنا له

العفو و ماترى مكروه


وبيض الله وجهك يا صاحب الموضوع

ووجهك ابيض

[سيف نجد_]

ماشاء الله ,, احياناً وانا اخوك تكون مضطر تنتل خصوصاً لو انت في مثل الموقف اللي كنا فيه الساعه 2 الفجر بنفود وعره و مطر .. والرجال ثولث على جال فنجال ولا فيه مجال اني اشد الواير و اسحبه على خفيف لاني علقت معه في نقره فكان مافيه حل الا اني ارجع وانتله لانه مثولث و الكفر انفصخ و تقروشنا هاك الليله مطر شديد و برراد قعدنا ساعتين نحاول نتفخ الكفر المنفصخ معنا ماطور ابوكلب اخرتها ركبنا الاستبنه و بالطقاق رفعنا الموتر نص حطبنا راح تحت العفريته خخخخ و الحمد لله عدت على خير و الدفرنس بداله الف اهم شيء ننصحكم :D




العفو و ماترى مكروه



ووجهك ابيض

سؤال فني ليه كلنا ما نستخدم الدعاسات البلاستيك حقت الرماية او غيرها بصراحة اشوف انها ضرورية وبالنسبة للفنجال شينه وقد جربتها لكن شي شبه متوسط الحجم والحمدلله طلعنا لكن بعد وقت طويل حفر وعلى قولتك الحطب راح هههه ذكريات جميله

تدري الي صار لك مثال ممتاز للي اقوله سيارة البر المطاعس لازم تكون سيارتك الثانيه وافضل الامريكي على التايوتا والياباني الثاني لان قطع غياره متنوعه جدا والمستعمل مقارنتا بالياباني ارخص وسهل انك تلقى قطعه خصوصا موديلات 97 الى 2006 تتحمل كرف ولو ان كثير ما يصدقني لانه ما عرف كيف يضبطها وان شاء الله بنزل موضوع عن طريقة تجديدها بطريقة تضمن اداء جيد بعد ما نجحت بمشروع التجديد الحمدلله

Sent from my GT-N7100 using Tapatalk 2

[سيف نجد_]

ماخبرنا المكسيما دفرنس

المهم للمعلوميه السحب اللي كذا يعتمد على ثبات السياره وقربه من الارض ووزنه الاثقل يسحب

شارع جودته سيئه وكفرات بلده للفوجي تراكشن B طبيعي انها بتنسجب تفحيط خله يركب الميشلان وعلى شارع سليم و وقتها احكم!


Sent from my GT-N7100 using Tapatalk 2

[وارف الظلال]

بيض الله وجهك على التنبية والله يعوضك خير

[رحال7]

لم اقرا كل المداخلات ،،،،معلومه وتحذير!!!!! يمكن ذكرها احد الإخوان قبلي :

قبل ان تقوم بتشغيل الدفلوك تأكد ان الموتر في وضع الخموووول اي ان الكفرات ثابته لا تتحرك أبدا!

[نديم القهوة]

تنبيهات مهمه
جزاك الله خير

[sgl2002]

قوه التحمل ما تختبرها على سياره لها 13 سنه و دفرنسها يكرف يعني يكون احتمال العطل فيه اكبر و قد تختلف الظروف بين موتري و موترك في الاستعمال

اتمنى حياه مديده لكارونتك :D


أخوي انا اكلمك عن موتري كارونته وكاله من عام 1998

يعني 15 سنه والله لايضرها

[sgl2002]

بالعكس اخوي دفلوك التويوتا قوي جداً ولا يخرب بسهولة

واحد من الشباب معه جكس 97 دفلوك والى اليوم وهو سليم لان طريقة الاستخدام

صحيحة

لكن دفلوك النيسان فااااااااشل وكرونته ضعيفه مررررة

والدليل ورشة الصمعاني في القصيم اختصاص دفرنسات وكرونات

اغلب السيارات الي عنده كلها باترولات نيسان توضيب كرونه



معليش ياخوي هذي معلومات مايختلف عليها أحد

انا ماراح أقولها تعصب


مثل مافي التويوتا ايجابيات وانا اشهد لها بذلك مثل مكينة 4500

فيها سلبيات ، وكارونة وقير التويوتا ضعيفه مقارنة بالباترول اللي دفرنساته وقيره يميزه عن اي سياره


وكلامك على العين والراس

لكن حنا نشوف المرهمات عليها اقوى مكاين وتزويد مركبينها على قير ودفرنس الباترول شد البلد

[بحر الاشواق]

دف لوك السييرا .. يشتغل ويطفى حسب الحاجه وفيه سفتي امان .. يطفى اول ماتدعس عليه بقوه

يعني ارقد وامن :p

كبير ياالسيرا

[الوسم_1403]

الله يعوض عليك اخوي

[راعي الرود]

أخوي انا اكلمك عن موتري كارونته وكاله من عام 1998

يعني 15 سنه والله لايضرها

ماشاء الله عقبال الميه سنه

شف وانا اخوك زي ماقلت لك ظروف الاستعمال تختلف من موتر لموتر يعني مستحيل تسوي مقارنه بين باترول 1998 و لاند 2001 لأنه خلاص راح على موديلاتها فوق العشر سنين و استهلكناها و ربما استعمالي يختلف عن استعمالك .. دائماً اي مقارنه لازم تتعادل الكفه بين الموترين يكونون كلهن اصفار و تتقارن على ظروف متشابهه

انا اشهد للنيسان بقوه الدفرنسات و شيء لا يختلف عليه اثنان ماشاء الله قيور النيسان و الدفرنسات استقبلت انواع و اشكال من المكاين لكن العطل امر وارد سواءاً من اللاند او الباترول ولا كتبنا هالموضوع الا للتحذير ولا هو بشرط ان اي لاند يشغل دفلوك يسحب تطق كارونته لكن مجرد تحذير لأنها تجهد الدفرنس بالحيل

[أبوشريدح]

ماخبرنا المكسيما دفرنس

المهم للمعلوميه السحب اللي كذا يعتمد على ثبات السياره وقربه من الارض ووزنه الاثقل يسحب

طيب شف ذااا
http://www.youtube.com/watch?v=uCMquN-4i0w#t=29

:D:D:good2::good2:

[4x4ofroad]

مشكور على التنبيه
وفعلا احيانا الواحد ينحد على النتل

[abu juod]

مشكور على التنبيه والله يعوض عليك
موفق يارب ،،،

[زياد علي]

والدفلوك التماتيك اللي في التاهو

[سيف نجد_]

طيب شف ذااا
http://www.youtube.com/watch?v=uCMquN-4i0w#t=29

:D:D:good2::good2:

هذا يسحب شي متحرك وطبعا الطياره مفرغة من الداخل اتوقع انها طيارة شحن وبكذا تكون الاخف وزن وهي فارغة وهذي اسمها دعايه والله اعلم ايش التعديلات الي مسوينها

Sent from my GT-N7100 using Tapatalk 2

[أبوشريدح]

هذا يسحب شي متحرك وطبعا الطياره مفرغة من الداخل اتوقع انها طيارة شحن وبكذا تكون الاخف وزن وهي فارغة وهذي اسمها دعايه والله اعلم ايش التعديلات الي مسوينها

Sent from my GT-N7100 using Tapatalk 2
وزنها اثناء السحب 170 طن
وسحبها لمسافة 50 متر

[يالبى الهلا]

ليش التعصب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من عرفنا السيارات الدفرنش يقوم بالنيسان طبعا مع القير
والراس يقوم بالماكينه بالتويوتاا؟؟؟؟؟؟؟

[سيف نجد_]

ليش التعصب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من عرفنا السيارات الدفرنش يقوم بالنيسان طبعا مع القير
والراس يقوم بالماكينه بالتويوتاا؟؟؟؟؟؟؟

ما ادري ناسين ان اقوى تروس للدفرنس هي حقت ARB ومالها علاقة باحد!

Sent from my GT-I9505 using Tapatalk 2

[الكدن1]

لا اسمحلي اغلب المرهمات رايحة وطي

اذا مرت من جنبك تسمع طحين دفرنساتها وونتها

وكل يومين او طلعة طلعتين اسبوع في الورشة تصليح

حبيبي الحكم بيني وبينك الصمعاني حق توضيب الدفرنسات

يقول دفرنسات التويوتا افضل الموجود في السيارات ودفرنسات النيسان يبيلها

حنية واستخدام بدون جور
كلام بعيد عن الصواب
لاني اعرف ابوعبدالله الصمعاني عن قرب
فدائما اجد عنده التايوتا الربع يغير كوارينهن
لانه مايطلع خراب السيارة الا الشباب
اما الناس العاقلة لو الكارونة قوطي صلصة ما اخربت
تحياتي.....

[سقم المعادي 1]

مشكور اخوي على التنبيه

[شهادة مجروحة]

اخي انت غلطان الدوف لوك لاخراج السيارة نفسها وليس لسحب السيارات المغرزة والسرعة يجب ان لا تتجاوز 10 كم وتكون الدعسة بسلاسة وهدوء . تصرفك كان خاطيء والله يعوض عليك

[تميم2222]

دايم التويوتا. الدفلك فيه يجيب العيد. الدفلك. اذا شغلته لااااااااا. تلف بالدركسون ابد

[سلكي نت]

اللي اعرفة ان الدفلوك يستخدم باضيق الحدود ولوقت قصير جدا

[ابو سديم 15]

الدفلك حطوه في الموتر عشان يطلع نفسه ،

يعني كأن الموتر يسحب نفسه بنفسه ، والله يكفينا شر المواتر

[سيف نجد_]

كان عندي فوجي ومعدل قفل الدفرنس بحيث انه يشتغل متى مابغيت لمدة 4 سنين واكثر من طلعه بالشهر وطعوس كبيرة ولا عمري سمعت منه اي حس لكن الفرق هو الاستخدام الاستخدام هو مصنوع من حديد مهب الماس!

يعني عشان تشبكه تكون واقف او متحرك حركه بطيئة وتشغله ما شبك ميل الطاره شوي وتسمع شبكته وبعدها فل والفصله نفس الشي واستعمله بشكل مستمر واحيان كثير من غير الدبل لانه مغنيني عنه الى حد ما

الشيء يستهدم بعقل يعمر تلعن خامسه يخرب لو مصنعه الماني!

Sent from my GT-I9505 using Tapatalk 2

[دوج رام 98]

والدفلوك التماتيك اللي في التاهو

الدفرنس في التاهو هو نفسه الموجود في السييرا
تفتح الدرج اللي مقابل الراكب وراح تحصل في الدرج جدول رموز إبحث عن الرمز G80
إذا حصلته يعني سيارتك مزوده بدفلوك أتوماتيك بالدفرنس الخلفي


http://www13.0zz0.com/2013/12/30/08/145529286.png

[سيف نجد_]

الدفرنس في التاهو هو نفسه الموجود في السييرا
تفتح الدرج اللي مقابل الراكب وراح تحصل في الدرج جدول رموز إبحث عن الرمز G80
إذا حصلته يعني سيارتك مزوده بدفلوك أتوماتيك بالدفرنس الخلفي


http://www13.0zz0.com/2013/12/30/08/145529286.png

تقصد ال LSD ؟

Sent from my GT-I9505 using Tapatalk 2

[دوج رام 98]

تقصد ال LSD ؟

Sent from my GT-I9505 using Tapatalk 2


G-80 locking rear axle

قفل الدفرنس

[الصحافة 15]

سيارتي فتك 2003 الدفلك شغال يوم كامل وأنا رايح جاي مشاوير في الرياض وأحس بثقل بالسيارة وصوت تنبيه جرس أول مره أسمعه وبالصدفة أكتشفت أن الدفلك شغال ولله الحمد ما لاحظت على السيارة شي

[بن جلاجل]

سيارتي فتك 2003 الدفلك شغال يوم كامل وأنا رايح جاي مشاوير في الرياض وأحس بثقل بالسيارة وصوت تنبيه جرس أول مره أسمعه وبالصدفة أكتشفت أن الدفلك شغال ولله الحمد ما لاحظت على السيارة شي

اخوي ترى الثقل الي حسيت فيه هذا شي نفسي لأن الدوفلوك في الباترول ما يشتغل الا مع الدبل الثقيل على حد علمي يعني لا تقلق على موترك

[سيف نجد_]

الظاهر ان قفل الدفرنس الي عندي بالتاهو 98 ودع..

نوافيكم بالمستجدات

Sent from my GT-I9505 using Tapatalk 2

[قمر سدير]

اخوي الله لايهينك كم كلفك الدفرنس كامل ومن وين خذته ياليت تفيدني بالوصف والارقام والاسعار

لان عندي لاندكروزر 2001 دفلك تماتيك الكارونه تون ونه قوية وبغيرها

[abusummer]

معوض خير يالغالي ،، وفعلا الدفلوك حساس جدا ولو تقرا كتالوج حق السياره بتلقى تحذريات من استخدام الدفلك ، من ضمنها مكتوب اذا شبكت الدفلك لاتتعدى سرعة ٧ واول ماتطلع من الغراز علطول افصله ، يعني الزبده جدا حساااس

الدفلوك في اغلب السيارات لا يشبك الا مع الدبل الثقيل لكن بعض السيارات يشبك بدون دبل مثل الرابتر و سبق الاستفسار من شركة فورد و افادو انه بامكانك المشي عليه لسرعة 85 ميل

[سيف نجد_]

الدفلوك في اغلب السيارات لا يشبك الا مع الدبل الثقيل لكن بعض السيارات يشبك بدون دبل مثل الرابتر و سبق الاستفسار من شركة فورد و افادو انه بامكانك المشي عليه لسرعة 85 ميل

والاف جاي فيه تعديل على الظفيرة ويشبك قفل الدفرنس في اي وضع و قد مشيت عليه (دفع خلفي+ قفل دفرنس ) في البر لسرعة 70 كلم وما اشتكى من شي.

Sent from my GT-I9505 using Tapatalk 2

[أفلاطون العرب]

السلام عليكم ورحمة الله وبركاتة

الله يعطيكم العافية

أنا عندي مشكله بالدوفلوك مايشبك

كان سليم مية بالمية واعرف طريقة إستخدامة جداً

بس قبل اسبوعين حاولت اشبكه ورفض يشبك معي اللمبه تأشر بس ومريت كم ورشة ولا يعرفون له

ووحاد قال بفكه واشوف ورفضت مابيه يتعلم بموتري

وأنا ما أدري العطل من الافياش أو من نفس الكارونه .

الله يعطيكم العافية الي يعرف ورشه خبرة بالدوفلوك يدلني عليها

أو يحطلي رقم الجوال

أو يتصل على جوالي 0508951099

نوع السيارة

جيب جي اكس هدد 2006


والله يجزاكم خير .

[speed62]

السلام عليكم ورحمة الله وبركاتة

الله يعطيكم العافية

أنا عندي مشكله بالدوفلوك مايشبك

كان سليم مية بالمية واعرف طريقة إستخدامة جداً

بس قبل اسبوعين حاولت اشبكه ورفض يشبك معي اللمبه تأشر بس ومريت كم ورشة ولا يعرفون له

ووحاد قال بفكه واشوف ورفضت مابيه يتعلم بموتري

وأنا ما أدري العطل من الافياش أو من نفس الكارونه .

الله يعطيكم العافية الي يعرف ورشه خبرة بالدوفلوك يدلني عليها

أو يحطلي رقم الجوال

أو يتصل على جوالي 0508951099

نوع السيارة

جيب جي اكس هدد 2006


والله يجزاكم خير .


اخوي كان عندي نفس مشكلتك احيانآ يشتغل وأحيانآ تأشر اللمبه وكذا مرات ومرات إلىين صار مايشتغل ابد مريت الوكاله وشيكت طلع خربان وركبوه بـ1200 مر الوكاله منت خسران شي القديم عندي بالبيت ان كانك تبيه

[ابن المهد]

مشكور على التنبيه