طريقة تحويل الدعسه الالكترونيه الي سلك

[زيد المحمد]

السلام عليكم

اذكر في كم موضوع خاص بالهايلوكس يحولون نظام الدعسه الكهرب الي عاديه سلك

وين الورشه الي تعدل ها الشغل
في الرياض او القصيم

واذا فيه رقم ورشه

[سعود الرويضان]

وانا مثله اسأل. . فهل من مجيب

اخوي سال قبل سنه ولاحد جاوب. . لعله الان لقى جواب فيجاوبني على تساءلي

[ابوعابد 111]

السلام عليكم ورحمة الله
فيه ناس يحولون السياره سلك وهاذا يكلف ولاكن فيه حساس يركبونه بحساس الدعسه وسمونه سبرنت بوستر وفيه سلك تقدر تخليه استعمال عادي وفيه وسط وفيه رياضي وتقريبا سعره للهايلكس قبل فتره ب 1300وكل سياره ولها حساس خاص فيها وشكرا ....

[أبوصالح9]

اسأل عن ورشة ممدوح الرشيد بعنيزة وتلقى جوابك

[سعود الرويضان]

الف شكر لكم

بالنسبة للجهاز سألت عنه. .آدائه ليس كما لو كانت الدعسه سلك.

اما ورشة ممدوح الرشيد فبإذن الله سوف تكون لها زياره

[اليامي قطر]

اخووي سعود اذا حصلت اللي يرتب هالشغل ياليت اتفيدنا وشكرا

[سعود الرويضان]

اذا الله اراد

طبعا انا من حائل لذلك راح تكون المساله بعد العيد ان شاء الله

[راعي المعرض]

اسأل عن ورشة ممدوح الرشيد بعنيزة وتلقى جوابك

ممدوح الرشيد ماشاء الله عليه خبره في الهايلوكسات وترهيمهن:good2:

[المنيعي1]

وش الفائدة من تحويلها
انا اشوف ان الكهربائية افضل واصفى لسيارة

[راعي المعرض]

وش الفائدة من تحويلها
انا اشوف ان الكهربائية افضل واصفى لسيارة

الظاهر علئ مــا ذكر لي أن الدعسه العاديه افضل بالرمل الكهربائيه يحترق الكلتش علطول
والله اعلم

[سيف الظفير]

سبرنت بوستر ركبها وابشر بالاداء

[مرتاااح احبك]

وين نحصل سبرنت بوستر

[اليامي قطر]

سبرنت بوستر مايقارن بالسلك العادي ابدا ابدا

بس تقدر تقول يخف اشوي عن طريقته يوم كان شد بلد

[طالب شايب]

سبرنت بوستر يعطيك نتيجة مرضيه وعزم اعلى في المقاومات وفي الطعوس السيارة ما تبرد بثاني بس ما عندي علم عن تحويل الدعسة سلك

[ABO AZZAM 123]

طيب يالنشاما شلون طريقة تركيبه هالسبرنت بوستر

[كايد]

مساكم الله بالخير

يالربع وين يغير دعسة الشاص من كهربائية إلى سلك ...؟؟؟
ارجو الافادة .