شاص 2013

[منصوررر]

السلام عليكم اشتريت شاص 2013 دفعه ثانيه بريمي واول ما طلعته من المعارض عبيت التوانكي فل الوكاد ان التانكي الثاني الانبير تبعه ما تحرك على الاي E وديته للوكاله وشافوه قالو ان المشكله من نفس المعرض مخلين التوانكي فاضيه ودخل الحساسات تراب لان التانكي ما فيه بانزين وخرب الانبير التانكي الثاني والمشكله من المعرض وش السوات الحين اشتكيهم عند من ؟ والقهر ان الموتر جديد وطلع فيه مشكله لاكن ما نقول الا ما يندرى وش الخيره فيه وش الدبره الحين :)

[N أبورغد N]

اسمح لي هذا ماهو عذر ابدا ابدا الموتر على الضمان وجديد مديل هالسنه
صعد معهم وادخل على الادارة وان مانفع اشتكهم على التجارة او الجهه المخوله بمثل هالقضايا
خلهم يطلعون حقك سواء من المعرض او الوكالة

[AL-OTAIBI]

السلام عليكم اشتريت شاص 2013 دفعه ثانيه بريمي واول ما طلعته من المعارض عبيت التوانكي فل الوكاد ان التانكي الثاني الانبير تبعه ما تحرك على الاي E وديته للوكاله وشافوه قالو ان المشكله من نفس المعرض مخلين التوانكي فاضيه ودخل الحساسات تراب لان التانكي ما فيه بانزين وخرب الانبير التانكي الثاني والمشكله من المعرض وش السوات الحين اشتكيهم عند من ؟ والقهر ان الموتر جديد وطلع فيه مشكله لاكن ما نقول الا ما يندرى وش الخيره فيه وش الدبره الحين :)

اسمحلي يا منصوور بس ان سكت عن حقك من الوكالة ترا البلا منك مو منهم
الحين وزارة التجاره تصايح في الاعلام و تويتر عن الوكالات و انهم مجبورين يصلحون سيارات الناس يعني مالك عذر و ترا وزارة التجاره لهم رقم مجاني اتصل فيهم و هم يتصرفون

[ابونبيل]

سبب غير مقنع كل السيارات حتى الي تطلع من باب الوكاله تكون مافيها بنزين ولا خربت العدادات

[التعـ King ـديل]

الوكاله مسؤوله ولو قصر المعرض يعطونك خطاب بكلامهم وارجع للمعرض ويصلح الخلل على حسابه

[منصوررر]

الله يجزاكم خير وبيض الله وجيهكم بشوف وش السواة ان شاء الله بكرى