الجاكيت الجيشي؟؟؟؟؟

[الهارف]

بسم الله الرحمن الرحيم

السلام عليكم ورحمة الله وبركاته

أخواني انا حبيت أستشيركم عن الجاكيت الجيشي
فيه أحد يعرفه؟؟

انا عندي واحد ولا لقيت جاكيت أحسن منه بالبر يدفيك مرررررررررررررره.

فيه أحد منكم عنده جاكيت جيشي أو أي جاكيت يصلح للبر يعني يدفييييي مرة

وياليت نتناقش في هذا الموضوع


تحياتي

[راعي عنيزة]

فيه سديريات باكستانيات (بدون كموم) داخليه فرو ارنب طبيعي وطالعيه جلد مدبوغ

دافيه بالحيل ورخيصه سعره حول 40 ريال وماله ريحه وتلقاه بمحلات الرحلات

[الشيشاني]

الاخوان الاعزاء / السلام عليكم ورحمته الله وبركاته



عليك باالبشت طال عمرك لانه مايد في الاهو أذا كان وبر اصلي وتستطيع ان تتلحف به
:heart: :heart: :heart:

[ريح الخزامى]

ان تسانك تبي الدفى فاول شي البسه البجاااااامه لانها تكون ملاصقه في الجسم وكل ماكان اللبس ملاصق في الجسم يدفيك اكثر بعدين البس بعد البجامه ان تساااانها برد مره عليك بالجاكيت وكل ماكان الجاكيت من داخل فرو او قطن ادفى لك وبعدها عاد انت واللي تبي يابشت يافروه واهم شي اهم شي الشرااااااااااااااااااااااب والله من دونها لو تلبس الدولاب كله ماتدفى

تحيااااااااااتي للجميع

[نـnadarــادر]

ممكن يا راعي عنيزة تدلنا على محل محدد بالرياض
ما لقينا الي تقوله
الله لايهينك

[راعي عنيزة]

اخوي انا اخبره بالقصيم اما بالرياض للاسف ماخبر شي

لكن ما يمنع تشوف محلات المبارك للملابس الجاهز بالنسيم او الروضه لاني شاريه من فرعهم بعنيزه واعتقد البضاعه وحده

[راعي غنم]

اقول اهم شيء الشرااااااااب والباقي لو تمصلخ ماعليك الا العافيه:D :D :D

[جــلــمــود]

السلام عليكم

الحديث حول الخلاقين ذو شجون

يقولون الاولين ان الاطراف اكثر حساسية لكل شي اليدين والرجلين وتشترك معهم الاذان ببعض الصفات

فا مثل ماقالو الاخوان الشراب واللطمه ودسوس اليدين تعتبر اهم ثلاث اشياء للحصول على الدفا واللباده

ومن بعدها كما قال الاخوان البجامه الزينه مهمه :good:

والجاكيت . هذا بحالة انك تبي تتحرك :bounce: وتقوم :bounce: وتقعد :bounce: وتشتغل :bounce: فهذي الخلطه السابقه توفر لك الخف :bounce: وسرعة التنقل :bounce: والديناميكيه :bounce:


اما اذا كنت تبي تلبد عند الضو او بخيمه وربعك يبلشون فيك يخدمونك ( عجاز ) :hot:

فالفروه واللطمه كفيلة بتدفئتك

[التغلبي]

اخوي الهارف
الجاكيت الجيشي افضل الموجود حسب معرفتي فانا استعمله منذ اكثر من 18 سنة وااظن انه لايوجد مايقوم مقامة من حيث المميزات كلونه الكاكي وجيوبة الكثيرة بالاضافة الى دفئه المميز تحياتي لك على طرح هذا الموضوع

[المري]

اخي جلمود صح السانك وانا معك في كل كلمه قلتها تسلم على كل حال


وبارك الله فيك وعساني اخويك لاني من الناس اللي يلبسون الفروه ويطق اللطمه

واذا تعشى على طول قال:: انا انعست !!!! ماتشوف شر ارقد واذا القومه الصبح


لاحياة لمن تنادي !!!!


هاه شرايك فينى حلوى ولا لا؟؟؟؟

عساك تبي خوتي؟؟؟

[جــلــمــود]

ههههه يالمري
اخوتك تنشرى ولا يهونون الربع

[الطبيب]

www.mekshat.com/vb/showthread.php?s=&threadid=5789

[سالم11]

الله المستعان سنين عن هالموضوع

نبي يا الربع كوت جيشي ابو مخابي واجد وين نلقااه

[ابو عطفه]

بس مشكلة الجيشي ممنوع لأنه مره اخذت جاكيت اخوي بالحرس وحصلي مشكله منه وكلامك صحيح يدفي