غريب مطناج الشروكي [الأرشيف]

مشاهدة النسخة كاملة : غريب مطناج الشروكي

شبح القوانيص

12/10/2006, 05:47 PM

السلام عليكم ورحمة الله وبكاته

اخواني اعضاء مكشات عندي جيب شروكي نوع سبورت ستة سرندل موديل 99 والحقيقة
انة فية مشكلة حيرتني ---------والمشكلة ان الموتر في الطريق الوعره ياخذ المطاب بشل عادي
اما اذا كان مع ردمية وفيها مطناج الله لايوريك تكره نفسك ياخذ المطناج وهو يزاوح من الخلف
وبعدين تحس مطباتة قوية جدا جدا حتي لوكان المطناج بسيط ------- يعني شي غريب ولاشفتة
بالمواتر الدفع الرباعي ------ فارجو من اهل الخبر في الشروكي واخواني الاعضاء
مساعدتي في حل المشكلة ----الله يرزقكم لليلة القدر

zaizoom

12/10/2006, 09:57 PM

( شبح القوانيص )

السلام عليكم ..

المطناج وأنا أخوك أي موتر يمشي عليها ، يشعر بما شعرت به ، من أصوات ورجة وازعاج

وليس الشيروكي فقط كما ذكرت !!

لــكـــــــن

وش نوع المساعدات اللي مركبها على موترك ؟

لأن المساعدات لها أعظم الأثر في الاحساس بالمطبات والراحة ..

آســـــــــــف للتــــــــــأخر ..

هـآوٍي

12/10/2006, 10:17 PM

وعليكم السلام..

يا خوي المساعدات يقولون احسن شي الاستراليه يالغلا ومهما ركبت من مساعدات لابد من المطناج ..

مافيه سياره ماتحس بهالمطبات والازعاااج....

اتمنى اني افدك...

تحيـآتـي

zaizoom

12/10/2006, 10:35 PM

تعقيب على كلامك أخوي ( هـآوٍي )

المساعدات تختلف على حسب استخدام الشخص ..

ولا تستطيع الجزم بشئ معين ( الا اذا حددت استخدامك )

وكلامي هذا للشيروكي ،

ومن باب وضع المناسب في محله المناسب ..

يعني

التطعيس له مساعدات مناسبة مرة ..

والخطوط له مساعدات مناسبة مرة ..

وهكذا ..

والاختلاف في الرأي لايفسد في الود قضية ..

تحيتي لك ..

هـآوٍي

12/10/2006, 10:49 PM

آشكـرك ع الرد السريع والافاده..
تفيد وتستفيد

مسافر1

12/10/2006, 11:09 PM

الشروكي ..
في اعتقادي أنه يعتبر طبيعي في جميع أنواعها السبورت أو اللمتد أو با يونير أو اللاريدو .
مطبه غريب والأغرب صوته عندما يكون على عيون القطط تسمع صوته قوي جداً .

شبح القوانيص

13/10/2006, 04:16 AM

اخواني * زيزوم *هاوي *المسافر *

الله يعطيكم العافية ويعيد رمضان علينا وعليكم بخير***

فعلن نبهتوني النقطة مهمة كانت غايبة عن بالي اللي هي سالفت المساعدات

رغمني فكرة بكل شي حتي الياي كنت ناوي اغيرة الا المساعدات والله ماطرت

ابالي ومثل ماقال اخونا المسافر انة فعلن مع الخط تحس وطيتة علي عيون البس قوية

لكن ------- وشالمساعدات اللي تنفع مع الجلد والحرة يعني الطريق الوعر؟

وشكرا لردودكم المفيدة جدا

zaizoom

13/10/2006, 09:36 PM

وشالمساعدات اللي تنفع مع الجلد والحرة يعني الطريق الوعر؟

شف وأنا أخوك .. عندك خيارات وهي :

1/ أمام ( وكاله ) ،، خلف ( مونرو الصفراء الامريكية ).

2/ أمام ( وكاله ) ،، خلف ( أولد مان الاسترالية ).. أو أمام وخلف.

3/ ترهيم .. أمام ( مرسيدس مع كعكات ) ،، خلف ( شاص 99 مع سسته ) .. وهذه للطعوس .

وشكرا لك ..

شبح القوانيص

13/10/2006, 11:48 PM

الله يعطيك العافية اخوي زيزوم ***

عزالله كفيت اوفيت ولاقصرت علي المعلومات الوافية

وانا شاكر لك ولتعاونك معي ومرورك الكريم

تحياتي لك****************

zaizoom

14/10/2006, 02:29 PM

لا شكر على واجب ..

بالخدمه وأنا أخوك ..