المساعد الشخصي الرقمي

مشاهدة النسخة كاملة : مشورتكم بتركيب الحوض


w7eed_aljazer
20/09/2013, 02:27 PM
http://www.mekshat.com/pix/upload06/images/2013/09/mk287315_img_1866.jpg



http://www.mekshat.com/pix/upload06/images/2013/09/mk287315_img_1867.jpg

السلام عليكم جميعا

انا عندي هالموتر هذا وعارضه للبيع , لكن فكرت فيها وقلت خساره فيه لأنه نادر والظاهر بستخدمه, فقررت اقلبه حوض , وأخلي الجزء الخلفي الحالي (يكون قلص واركبه على كفرات)

ابي افضل ورشه ويفضل تكون في الرياض لتفصيل الحوض وقلب الجزء الخلفي كقلص.

بإنتظار مشورتكم
صياد الجبل
20/09/2013, 03:01 PM
اذا بتخليه مثل الي بالصوره

والله ابداع واهنيك

صراحه
مجالس الرجال
20/09/2013, 03:09 PM
ياحبيبي لا تفرط بمثل هالتصميم وتراه على هالجمس افضل من قلص
w7eed_aljazer
20/09/2013, 06:33 PM
هلا بكم ومشكورين، يالغاليين ، اللي في الصوره ، هذا هو موتري اللي اتكلم عنه. يسمونه ستيك بودي (٦ كفرات)الموتر كان دفاع مدني وما مشى الا ٢٤ الف بس.

اخوي مجالس الرجال: انت قصدك التصميم الحالي افضل من اني اشيله واركب حوض ؟

مع اني الى الان متردد ابيع او لا
صياد الجبل
21/09/2013, 08:03 PM
ياخوي خل موترك معك وعلى كلامك انه مثل هالتصميم والله جميل جدا

نصيحه لاتشيله ولا تقلبه حوض

ضبطه من الداخل مثل ان تركب لمبات وترتب مكان للعزب وتفضل توانك بنزين ومويه وثلاجه وطبق

والله يطلع موتر بر من الدرجه الاولى

الله يعطيك خيره ويكفيك شره يارب
التعـ King ـديل
22/09/2013, 12:20 AM
خله مثل ماهو وكمل تجهيزاته افضل
خوي السطحه
22/09/2013, 06:06 AM
كلام الااخوان صحيح اشتغل بداخلي الشكل الخارجي قمة الروعه والله انه افضل من الشراع والقلص هذا عمله نادره ماشاءالله
المميـز
22/09/2013, 06:30 PM
:

خل موترك على ماهو عليه
والحوض امره هين .. اشتر قلص حوض متى ما احتجت له اسحبه

:
_TOYOTA_
23/09/2013, 10:48 PM
هلا بكم ومشكورين، يالغاليين ، اللي في الصوره ، هذا هو موتري اللي اتكلم عنه. يسمونه ستيك بودي (٦ كفرات)الموتر كان دفاع مدني وما مشى الا ٢٤ الف بس.

اخوي مجالس الرجال: انت قصدك التصميم الحالي افضل من اني اشيله واركب حوض ؟

مع اني الى الان متردد ابيع او لا

خله على حاله احسن من حوض ابو 4 كفرات خلفيه
تنومه1
23/09/2013, 11:05 PM
هذا حجم مكينته 3500 مكينه قويه وجباره .. لو تسحب وراه اكبر قلص ما يشكي ما شاء الله تبارك الله .....
اتركه على حاله ابرك لك وارتب واجمل للسياره .. لو اضطريت للبيع بشكله الحالي يجيب قيمه افضل من الحوض .. لان الحوض غمارتين ما عليه طلب كثير .. هذا السياره تعتبر من النوادر والي يعدلون سياراتهم الى هالشكل تكلفهم كثير وانت الله يحفظك سيارتك جاهزه ومكمله ... اترك عنك التعديل لانك بتندم وبتنصدم من الشكل بعدين ..
والله يختار الي فيه الصالح.
راعي الرود
24/09/2013, 12:07 AM
ماشاء الله

الموتر دبل ولا بدون ؟؟

اذا فيه دبل خله على حالته تستفيد من هالادراج بترتيب عزبتك فيه و كمل الموتر ببطاريه اضافيه وافياش

اذا بدون دبل ما يخارجك اقلبه حوض بس و خله للتحميل
عساها تساهيل
24/09/2013, 12:14 AM
نصيحه خله على ماهو عليه والله رهيب ماشاء الله تبارك الله

الله يعطيك خيره ويكفيك شره وعزالله نادر نادر بالحيل ويصلح للبر وانصحك لاتبيعه
بلاتين
25/09/2013, 02:41 PM
ترا القلص مهب عملي ومتعب ومشاكله كثيره خصوص انه بيصير ضخم ، انا اشوف انه كذا بيصير مره عملي للبر والمكاشيت وشكله جميل