ابي نصيحتكم بخصوص تركيب الفحمات

[الجافي]

معي gxr 2005 وابي اغير له فحمات بماذا تنصحون اتصلت على البازعي قال الفحمات الخلفيه 165 ريال والفحمات الامايه 208 ريال والتركيب 290 ريال للجميع وايضا وزن الجلنط 50 ريال المجموع 713 ريال هل اتوكل على الله ودخله عندهم ولا وش الراي
شاكر ومقدر لكم

[m1m]

السلام عليكم

اللي أعرفه أن الفحمات الخلفية تطول أكثر من اللي قدام مرتين ..تأكد أنها وصلت النصف !! أنا عندي أن فحمات السيارة اللي ورا لا زالت جديدة عندك ..

الأمر الثاني هو بيصنع لك صاروخ !! كلها فحمات شف ميزان المجد ..ممتاز ويعطي ضمان على الشغل .. ولا تخسر نفسك إذا فحماتك جديدة وتأكد من اللي ورا !!

[GMC79]

شف اقرب ورشة ولا يهمونك كلها فحمات ولا تغير الخلفية الان اصبر عليها
فيه واحد معه كامري مشى عليها ثلاثمائة الف كيلو والى الحين الفحمات الخلفية وكالة

[رقبة حاشي]

والله انا اشوف ان السعر مبالغ فيه
وبعدين الفرامل ماهي صعبة ممكن تركبها باي ورشه ولكن تحت اشرافك ولا تصد عنهم وبتوفر فلوس

[راعي الهـــدد]

أخوي الجافي

نصيحه او شور اعتبره الي تعتبره

خل عنك الوكاله بازعي جميل غيره خلهم عنك

الوكالات ونخوك مايروح لهم الواحد الا مضطر لهم وبحاجتهم مره

أما فحمات ونخوك اكثر الورش تضبطها لك

ماتبي زود شي

بل اعرف لك واحد من الأخوان هو الي يركبها لنفسه ماتبي شي

على العموم شف الأخوان شارو عليك بورشة اليرموك وانا ما اعرفها

لكن تحر الورشه الزينه ورح لها وخل عنك الوكاله

نصيحه وبس هذا الي عندي

فيه ورشه تضبط الفحمات مائه بالمائه اذا تبيها ارسلت لك عنوانهم على الخاص

دمت طيباً معافى

محبك

راعي الــهــــدد

[hani458]

خل عنك الوكاله واقل ميكانيكي يغير الغخمات اما القمشاشات فهي بعد خمس تغييرات للفحمات الاماميه
اهم شي تكون القطع اصليه وبعدبن تأكد من عدم ـاكل الهوبات

[الرسسسام8808]

السلام عليكم دق علي واخليك تغيرها وانت عند بابككم 0505268808

[بواسامه]

فحمات تغييرها عند كل الورش 40 ريال
سواء امامي ولا خلفي
واذا كلها 80 ريال
وممكن تركبها عند الباب اذا ودك توسع صدرك عليها
290 وجع وش عليه:D
تدري ان توضيب نصف مكينه 300 ريال:eek:
خلك اعقل منهم وانا اخوك
وموترك كل يفك فيه ويربط موب موتر مستنكر ولا غريب اطرف ميكانيكي يعرف;)
لا تطيعهم:no2:

[هاوي الله]

يعقب البازعي أدفع له 700 ريال عشان فحمات لييييش

[هاوي رحلات]

هذا شغل الوكالات غير وغير وغير وآخرها مصع مبالغ من المستهلك

أخوي : ما أزود على كلام الأخوان بس أشوف بعض الموزعي أرخص من الوكالات بشرط تكون القطع المطلوبة أصليه وتطابقها مع شد البلد .
وأقرب مثال : واحد من الزملاء كان معه شروكي وفيه صوت في الدفرنس الخلفي فحصه عند ميكانيكي وطلب منه عكس أيمن وفلنجة وعلى ما اعتقد رمان راح لوكالة المتحدة طلب القطع وصفقوه بسعر 3900ريال هذا سعر القطع بس اتصل علي وارسلته لمحل في الصناعية وأخذها منه وأخيراً كلفته 1200ريال مع التركيب أصليه ومشت معه السيارة زي الساعة واتصل علي مرة ثانية الرجال يتشكر ووفر 2700 ريال

[الجافي]

الله يجزاكم خير جميعا الحقيقه وفيتو وكفيتو الله لايظركم