صورني ساهر وانا متجه للمستشفى! [الأرشيف]

ابونبيل

22/09/2013, 09:21 AM

السلام عليكم
يا اخوان امس كاشت وانقلبوا جنبي شباب بالليل وفزعت لوحد منهم كان مصاب جداً و حالته تزداد سواءً كلمت الاسعاف عشان مايضيع يقابلني باول المدينه عند كبري معروف والرجال معي وصل مرحله سيئه وانا امشي 190 على الفصله وطبعا صورني ساهر الثابت

وابشركم الرجال سلم

بس الحين وشلون اشيل المخالفه ؟ ووشلون يدرون اني صادق؟!:(

دليل الاثر

22/09/2013, 09:29 AM

الاخ العزيز الفاضل ابو نبيل رح لم المرور لجنة الفصل في المنازعات بس خذ معاك مشهد من المستشفى تثبت مراجعتك وقت المخالفة وان شاء الله يشيلونها عنك

ابونبيل

22/09/2013, 09:59 AM

المشكله ما خذت شي من المستشفى لانه قسم طوارئ
لو اراجع لهم اخاف مايصرفون اي شي لانه القسم فوضه قويه

ابونبيل

22/09/2013, 10:00 AM

وانا يوم اشوف ساهر رحت المسار الايسر الكتف يقولىون ماتجي المخالفه بس الموتر بسم الوالد لو ماجته رساله اروح ولا انتظر الى ان تنزل؟

تساهيل1

22/09/2013, 10:09 AM

رح للمستشفى
قسم التقارير الطبيه

واطلب تقرير باسم المريض وؤقم سجله المدني

يعطونك افاده بالحاله انه راجع وصرف له
علاج وخلافه
مايسمى بأثبات مراجعه

وعساهم يشيلونها

وبالتوفيق

ع الرويثي

22/09/2013, 10:50 AM

جزااك الله خير على انقاذ المصاب بامر الله

وكما قال الاخوان خذ مشهد من المستشفى

ان نفع زين وان مانفع احتسب الاجر عند

اكرم الاكرمين وجزااك الله الف خير

كاشت بالمريخ

22/09/2013, 12:17 PM

عظم الاجر مع عظم المشقة .
...
احتسبها انها صدقة .
.
...
190 كمـ ؟؟ تدري انك وديت نفسك انت ومصابك للخطر ؟؟
السرعة معها ضغط قوي على الانسان السليم فكيف بالمريض.؟
..
ابشرك ان نظام 190 عليها سجن 72 ساعـة خخخخخخخخخ
...
لاتزعل ونخوك .. يمكن حل الاخوان الي فوق يفيدك

التعـ King ـديل

22/09/2013, 03:06 PM

زي ماقالو الاخوان خذ مشهد من المستشفى واذا رفضو كلم على الهلال الاحمر وقلهم السالفه وراح تلاقي حل

ابونبيل

22/09/2013, 03:47 PM

جزاكم الله خير
على الافاده والحين بطلع للمستشفى والله ييسر الامور وبخصوص الي يقول وديت نفسك لخطر
والله ياخوك ماتقدر تسوي شي لا شفت الي معك يتشهد ويفقد وعيه زود كل ما تأخرنا

فاارس

22/09/2013, 04:01 PM

جزاكم الله خير
على الافاده والحين بطلع للمستشفى والله ييسر الامور وبخصوص الي يقول وديت نفسك لخطر
والله ياخوك ماتقدر تسوي شي لا شفت الي معك يتشهد ويفقد وعيه زود كل ما تأخرنا

كمل جميلك : وخلها دفعت بلا وانا اخوك ماقصرت والعوض من الله / والله يجزاك بالخير على فعلكك ..

ابو فارس66

22/09/2013, 04:06 PM

شف وانا اخوك ..تبي تجيك المخالفة بالحد الاعلى يعني تقريبا 500 ريال ،،
وسالفة تجيب ورقة من المستشفى مااتوقع انهم يبي يعطونك الا ان كانك مسجل بياناتك وقت جيتك بالمستشفى عند الاستقبال ،، واذا اعطوك روحتك وجيك للمرور تبي تدفع كثرها مرتين . توكل على الله والله يعميهم عنك

ابو فارس66

22/09/2013, 04:08 PM

رح للمستشفى
قسم التقارير الطبيه

واطلب تقرير باسم المريض وؤقم سجله المدني

يعطونك افاده بالحاله انه راجع وصرف له
علاج وخلافه
مايسمى بأثبات مراجعه

وعساهم يشيلونها

وبالتوفيق

بصفته ايش يعطونه تقرير عن حالة المريض ؟؟؟؟؟؟؟؟؟؟؟؟؟؟؟؟؟؟؟؟ هالتقارير سرية للغاية ولا يمكن احد يطلع عليها

كم كيلو باقي

22/09/2013, 05:32 PM

الله يجزاك خير
ما اتوقع تنزل دامك ماسك الكتف .. وان نزلت ما اتوقع تلغيها بسهولة
المهم فعلك يبيض الوجه وكمل جميلك على قولة الاخوان

ابونبيل

22/09/2013, 06:23 PM

رحت المرور قبل المستشفى قلت لهم السالفه قالو سدد مستحيل لو تسوي وشو المخالفه فيك فيك

حسبي الله عليك يالمقبل انت ونظامك طايح فيه مدح واخرتها طلع استثمار

لكن على اجر ان شاء الله وجزاكم الله خير جميعاً

escape_man

22/09/2013, 07:43 PM

لا تتحيسب على احد واحتسبها للاخرة .. انت سويت شي عظيم و وزنة عند الله عظيم باذن الله.

الله مايضيع من اعمال البر شي

العطاوي a511

22/09/2013, 09:17 PM

لاتتعب نفسك هيئه الفصل مالها علاقه بساهر ابد اسال مجرب ولاتسال طبيب

قبل شهرين حاولت افاصلهم بالمخالفات قالو مالنا علاقه بساهر راجع ساهر راجعت ساهر قالو وش المطلوب قلت بعض المخالفات ماهي صحيحه قالو خذ ورقه وعب رقم المخالفه اللي تبي تعترض عليها سجلت كل المخالفات قلت لعل وعسى تطيح وحده طلعولي كل المخالفات بالصور ووقت المخالفه يعني مافي امل ساهر هاذا مفروض اسمه قاهر دفعت 15950 ريال اقسم بالله قهر اغلب المخالفات تافهه امشي 90 يصورك يقول لازم 80

قمه الجبايه والسرقه والنهب حسبنا الله ونعم الوكيل

امير بلااماره

22/09/2013, 10:12 PM

فيه حل رهيب
سدد المخالفه والمره الثانيه
ركب سفتي
هههه
امــــــــــــــــــــــــــــــــــــــــــــــــ ـــــــــــــــــــــزح

عساها تساهيل

22/09/2013, 10:19 PM

جزاك الله خير وبيض الله وجهك

حسبي الله على ساهر المروح فلس الشعب خاصه اهل المدن الكبيره مثل الرياض

فتى البطحاء

22/09/2013, 11:50 PM

اقول أنا أخوك أحتسب أجرك عند الله تعالى

لسان الحقيقة

23/09/2013, 12:20 AM

ياخوي حتى الاسعاف وهو ينقذ مصاب مايمشي 190
سرعتك مالها تبرير من وجهة نظري

راعي الرود

23/09/2013, 04:38 AM

ياخوي حتى الاسعاف وهو ينقذ مصاب مايمشي 190
سرعتك مالها تبرير من وجهة نظري

الاسعاف مجهز بأجهزه طبيه في الخلف يعني مايحتاج يسرعون و المريض تحت السيطره بالاسعاف اما على سياره عاديه فـ انت تحتاج الثانيه ربما تفرق و الامر كله بيد الله سبحانه و تعالى

اذا بتعترض على المخالفه بيقولون لك سددها اول يعني فيك فيك و الموضوع يصعب شرحه و تفهمه سددها واحتسب الاجر من الله انت فعلت شيء عظيم الله يجعله بميزان حسناتك

((ابوملاك))

23/09/2013, 07:00 AM

ياخوي حتى الاسعاف وهو ينقذ مصاب مايمشي 190
سرعتك مالها تبرير من وجهة نظري

وكم تبيه يمشي 80 ولا 100 طبيعي يبي يطبق طبلون الموتر ولو به زياده دعس وش اللي مالله مبرر لو اللي قالب هذا اخوك او ابوك تبيه يهدي عشان مخالفه

وعلى تجهيز الاسعاف اقسم بالله بعض الاحيان امشي ورا دفاع مدني ولا اسعاف اني امشي ٢٠٠ وكل مالهم يبعدون

يقوله المرتكي

MacBookPro

23/09/2013, 10:33 AM

اولا الله يجزاك خير .. واجرك عند الله تعالى ..
اما عن ساهر ..وما ادراك ما ساهر .. فانسى انك تحصل منه حق او باطل
احتسبها عند ربك يا رجال ..
اصلا من قال عند المرور بتاخذ حقك منهم - حسبي الله على كل ظالم -
تدرون ان ساهر ما يسجل قسايم على ثلاث فئات .. مع انه المفروض انهم قدوة واول من يحاسبون

التعـ King ـديل

23/09/2013, 11:42 PM

سلم لي على الامارات

شفت مخالفه لواحد من الشباب بصراحه قمه الترتيب ويوم شفتها قلت لخويي تستاهل لو هالنظام عندنا ماكان شفتنا زعلانين من ساهر

مكتوب كذا

سرعه الشارع : 60

سرعه الضبط : 81

( يعني الشارع سرعته 60 ومايصورك الا فوق 81 )

سرعه المركبه : 116

rigidman

24/09/2013, 10:43 AM

جزاك الله خير على صنيعك

سدد المخالفة قبل تدبل وخذ معك الوصل وروح زور المريض في المستشفى وخذ عنوانه او احد من طرفه وبعد مايتعافى باذن الله قدمها له وقوله المخالفة بسبب انقاذ حياتك .

مافيها شي انت كنت سبب بانقاذ حياته بمشيئة الله ولا هو عيب تطلبه باسلوب مهذب ولا اعتقد راح يرفض واذا رفض فاصبر واجرك على الله سبحانه .

ابو صقر 111

24/09/2013, 03:07 PM

هم يتمنون وقوع المخالفه وسوف يضعونك في دائرة مفرغه ويغثونك حتى تدفع المخالفه انا ذهبت لمرور القصيم للأعتراض وقالوا ما عندنا الا مفاتيح التبن اذهب للرياض واعترض00طريقة من اتى بأبي نواس سكرانا فاجلدوه مئه جلده واجلدوا ابا نواس ثمانين جلده 000ابتزاز ولو كانوا صادقين لجعلوا الفصل في كل دائرة مرور

((ابوملاك))

24/09/2013, 04:11 PM

ابونبيل

24/09/2013, 04:45 PM

ماتوصل وانا اخوك الحمدلله الله منعم علينا بس ما ودي ريال يروح لهالنظام السارق

المتلولس

24/09/2013, 11:46 PM

انا مااقول الا الله يبيض وجهك

يالبى الهلا

24/09/2013, 11:56 PM

احتسب الأجر أنقذت نفس مسلم وجهك ابيض

ليوان

25/09/2013, 12:23 AM

الله يجزاك الجنة
ويوفقك
ويرحم والديك
ولا يريك مكروه

بارك الله فيك اخي انت عملت عمل عظيم لا يقوم به الا الشهم من الرجال
انسى موضوع المخالفة واحتسبها عند الله

Ababidoo

25/09/2013, 12:27 AM

أخي أتمنى الاتضيع وقتك في مراجعات لامردود لها ، وأن تضع رواية الحادثة في خطاب مختصر وتقدمه الى أمير المنطقة وهو الحاكم الأداري ، وسيقوم هو بتوجيهه الى الجهات المختصة من أسعاف ومستشفى ومرور ، وستأتيه الأفادة الصحيحة ولو طال الوقت ...

مع دعائي لك بالتوفيق وأن يكثر الله من أمثالك وأن يعوضك خيراً....

azu

25/09/2013, 10:06 AM

السلام عليكم ولرحمة الله وبركاته
تاخذ تقرير عن الحادث من الطبيب اللي باشر الحادث ثم تذهب الى المرور وسوف تلغى المخالفه

عبدالله720

25/09/2013, 10:33 AM

أحتسب أجرها عند الله

الشيخ الظريف

25/09/2013, 04:08 PM

يا تساهيل 1 لي رجاء عنك ووالله انني من قبيله ان تحذف بيت المتنبي فهو ليس بقرآن بل يناقض القرآن والدين عموما ومنهم ناس على خلق رفيع فهل نذم بلالا رضي الله عنه وربما وقعت في مصيبه وساعدك واحد منهم وحينها ستندم00انني على ثقة من تلبية طلبي شاكرا لك مقدما