المساعد الشخصي الرقمي

مشاهدة النسخة كاملة : كلمت الوكالات وعطوني هالمعلومة عن الكفرات.. رائكم؟؟


خنشلية
22/09/2013, 12:37 PM
السلام عليكم. ناوي اغير طقم كفرات وكلمت كذا وكاله عشان اتاكد من الكلام اللي يقول ان الوكالة ارخص.. الحقيقة ماعطوني علم عن السعر بس تفأجات بمعلومه وهي انهم يقولون ترى اللي عندنا غير اللي في السوق يباع؟؟؟ معقوله؟؟ احد عنده علم يفيدنا؟؟
abo naser 1
22/09/2013, 12:47 PM
نعم بعض الأنواع يجي منها صناعة اماراتي ردي خذ من الموزعين
خنشلية
22/09/2013, 12:59 PM
حلو طيب هالوكالة ليه مالها موزعين؟ وشارع الغرابي كله من وين يجيب كفراته اذا الوكيل يقول انا بضاعتي غير عنهم؟
بليزر
22/09/2013, 01:04 PM
كلامك منطقي من وين يجيبون الي بالغرابي كفراتهم .... حيره المواطن ماله راعي ما عاد نعرف احنا نصدق الوكيل والا الموزع وبينهم فرق بالسعر
أبو هشام راشد
22/09/2013, 01:12 PM
جيت للخزف السعودي عشان فرق السعر بينه وبين الموزعين فقال ان اللي في السوق درجة ثاني

فموضوع الكفرات قد يستفيد الوكيل بشراء المستهلك منه وذلك بسعر عالي مثلا لانه اتصل بالمستهلك مباشرة
كذلك يستفاد في سحب البضاعة عن طريق الموزع لانه يسحب كميات بعملية تصريف البضاعة
فالوكيل يستفيد في الجهتين
يالبى الهلا
22/09/2013, 01:36 PM
الموزع تاجر والوكيل تاحر والمواطن مستهلك اسم على مسمى كلن يستهلكه لذيذ لاخر قطره
خنشلية
22/09/2013, 01:46 PM
كلامك منطقي من وين يجيبون الي بالغرابي كفراتهم .... حيره المواطن ماله راعي ما عاد نعرف احنا نصدق الوكيل والا الموزع وبينهم فرق بالسعر

ببس لاحظ ترى اذا عطاك ضمان راعي المحل يقولك تروح للوكيل في حالة خرب الكفر؟؟ ضعنا الصراحة هههههههه
قدر مكتوب
22/09/2013, 02:11 PM
نصيحة خذ من الوكالة حتي لو فرق السعر معاك بس اهم شي اصلي لان السوق مليان وراد الامارات من كل الانواع

دنلوب ويوكوهاما وبرجستون وهانكوك وغيرها الكثير

لاتاخذ غير من الوكيل وارتاح
كاشت وحداني
22/09/2013, 02:25 PM
محلات الكفرات عالم عجيب وغريب
وغالبا يستوردونها مباشرة
في رمضان كنت ادور كفرات مقاس 17 واربعه ايام الف الغرابي والمحلات المتفرقه كل واحد يعطيك سعر ويعطيك هرجه
واخيرا رحت للوكيل وشريت منه وطلع ارخص من السوق بفرق 70ريال لكل كفره وكذلك الضمان

شكرا على افادتك ياراعي الموضوع
اسبيدر مان
22/09/2013, 02:32 PM
عام 2010 كنت ادور كفرات نوع ميشلان مقاس 17 رحت للوكاله علي طريق خريص وحصلت الكفر الواحد 680 ريال وضمان مفتوح
الحقيقه اني تغاليته شوي وخصوصا انهم مايشرون كفراتي المستعمله على شان كذا حولت للبناشر
ودخلت بنشر وحصلت عنده ميشلان نفس الا بالوكاله وبسعر 360 ريال للواحد الحقيقه انبهرت
قلت ودي اشوفه وجابه لي والله يااخوان مافيه تاريخ تصنيع ولا مواصفات للكفر حقات الحراره والسرعه مجرد مكتوب عليه ميشلان وحتي بلد الصنع ماحصلته مكتوبه عليه والمشكله يقول عليه ضمان سنه
صياد الجبل
22/09/2013, 03:14 PM
اذا تبي تاخذ دانلوب

انصحك تروح للوكيله بن زقر كفرات دانلوب اصليه يابانيه
ماجد الحايلي
22/09/2013, 06:43 PM
صراحه مشكله هالفوضى
اذا الوكالة يقولون اللي عند الموزعين
درجه ثانيه اجل ليش الموزع يعطيك فاتورة
ضمان على الوكالة هالحين اذا خرب الكفر
اروح للموزع اكيد يبي يقول روح للوكالة ومعك
فاتورة الضمان وشي اكيد ان الوكالة يبون يقولون
انه ماهو درجه اولى مايشلمه الضمان
عز الله اننا ضعنا
ودام عزك ياوطن للـــ؟؟؟؟؟؟؟؟؟؟
مسير عليكم
23/09/2013, 12:50 AM
اذا طلع الكفرمضروب كلم وزراه التجاره تي لو ماجابو لك حقك علي الاقل بكره لمن تركب تضمن انك ماراح تنغش ثانيه
الوزاره شاده حيلها هاليومين خلونا نتعاون وفي الاخير حنا لمستفيدين لايكون تفكيرنا اننا ناخذ حقنا احين اقل الاحوال اننا مانكون ملطشه ونكون صيد ثمين لهم
الحربي حاتم
23/09/2013, 01:32 AM
حسبنا الله ونعم الوكيل الدعوى فوضى في هذا البلد
خنشلية
23/09/2013, 12:48 PM
ركبنا الكفرات والصراحة المحلات فوضى صدق. مريت الطلائع وكيل بريجستون كني تغاليته قال عندنا اصلي وكالة ياباني وفيه درجة ثانيه ارخص تايلاندي وفيه نسيت وشو بعد ارخص وكلها بريجستون. فالى سالم الحضرمي في الغرابي واطق تويو سعره رخيص وياباني وعلى الله التوفيق
القنص عشقي
23/09/2013, 01:47 PM
السلام عليكم
عليك بالقودير ولا تتعداها لينة وخفيفة وممتازة صناعة إندنوسيا
أما الدنلوب قاسي على السيارة وخاصة مع المطبات
تراني خبرة بكفرات دنلوب
أخوكم صيادالقلووب
ابودعسان
23/09/2013, 09:47 PM
انا ما اركب الا دنلوب
واذا بغيت اركب كلمت بن زقر واساله اخر دفعه نزلها للسوق كم تاريخه وكم سعره
واروح للمحلات واطقطق عليهم
والله انهم لاعبين على العالم
أبو هشام راشد
23/09/2013, 10:54 PM
السلام عليكم
عليك بالقودير ولا تتعداها لينة وخفيفة وممتازة صناعة إندنوسيا
أما الدنلوب قاسي على السيارة وخاصة مع المطبات
تراني خبرة بكفرات دنلوب
أخوكم صيادالقلووب

لي تجربة مع قود يير
http://www.mekshat.com/vb/showthread.php?t=449715