تغيير في الأسلوب والمضمون وشي جديد [الأرشيف]

مشاهدة النسخة كاملة : تغيير في الأسلوب والمضمون وشي جديد

غيث الغيث

13/10/2006, 01:39 PM

.

((مطلوبين بالقائمه على هامش التغيير والتجديد))

سألتك بالله يالي دخلت هات رايك ولا تروح إلا بعد ماتعطي رايك

وانت راعي المراجل والعلوم قبل تعضيم الحلف بالله

يالربع انا متابع لمكشات منذ عام 2001 تقريباً وكنت مسجل بمعرف (( ........ )) وضاع علي وللأسف

ضيعت كلمة المرور ولكن العوض من الله

ولي حق عليكم كمتابع ومشارك بمعرف ضاع علي ان تعطوني رايكم وأول من اريد رأيه رأي اخوانا المشرفين

القضيه تخص مواطن وهو انا غيث الغيث

وأريد حسمها باعتراف كلا من المذكوره اسمائهم وبقية الأعضاء

وهؤلاء التاليه أسمائهم مطلوبين بالقائمه عندي اريد آرائهم ولا اعذرهم ان كان لي حق عندهم

والمطلوبين جميع الأعضاء وعلى رأسهم القاده

وهم كلاً من :

الطبـــيــــب

سعودي الجنسيه

يعتبر من الرموز المهمين للجماعه

...

الجيب الربع

سعودي الجنسيه

يعتبر دليلة بر وهذا يشكل خطر

...

كحيلان

سعودي الجنسيه

يعتبر من اقطاب القنص

...

الكايف

سعودي الجنسيه

ويعتبر ملازم لكل مفيد

...

المنتعش

سعودي الجنسيه

...

محب البر

سعودي الجنسيه

...

ايمن

سعودي الجنسيه

...

خشم الحصان

سعودي الجنسي

...

ناصح

سعودي الجنسيه

...

صوح الجبل

سعودي الجنسيه

...

بو اسامه

سعودي الجنسيه

...

طالب الحور

سعودي الجنسيه

...

المسفهل

سعودي الجنسيه

...

هواوي

سعودي الجنسيه

...

الباهي

سعودي الجنسيه

ويعتبر منضر للجماعه

جماعة الصيد والمراجل

...

شقردي

سعودي الجنسيه

...

الحر

سعودي الجنسيه

ويعتبر من كبار الأعضاء

الشيبان

...

نقا خريم

سعودي الجنسيه

...

فارس الشمال

سعودي الجنسيه

ويعتبر داعم لجستي

........

وأطلب آراء بقية الأخوه ولا يهونون

وانا الآن اطلب منكم يا احبه ويا طيور البر ويا اهل الخبره ان تعطوني رايكم بكل صدق وأمانه وتعطيني رايك لو كنت مكاني ماذا ستفعل

الموظوع باختصار

اريد شراء سيارة بر ولا ادري وش اشتري لقيت الربع كلاً يمدح سيارته وضعت

ودخلت هنا وقلت آخذ آرائكم وعليها اقرر

هل اشتري (( جيب جي اكس )) ومشكلته عيبه كبر حجمه فلا يناسب بالديره

او اشتري (( جيب ربع تويوتا )) وعيبه صغر الحجم الذي لايدعك تحمل الي تبي من عزبه وأغراض مثل غيره وسرعة انقلابه وقت الطرد وشبهه

او اشتري (( شاص )) وعيبه يكسر الضهر وغماره وحده يعني ماتقنص الا انت وواحد معك بس وغير مناسب بالديره

تكفون فزعتكم يالربع ابي اشتري نهاية الأسبوع الجاي عندنا مقناص وابي اخلص واجهز موتري قبل ما انزحم وازحم نفسي

نخيتكم يانشامى عطوني رايكم تراني تعبت وانا ادور

طبعاً ماعندي مشكله آخذ جديد او اخو الجديد

---------------------

ثم موظوع آخر تعبت من قولة خذ وارد فلان خذ وارد فلتان

يعني مثلاً الجي اكس يقولون خذ وارد اليحي ويمدحونه وناس تقول لا خذ بريمي من الخليج او الصقر

وكذلك الشاص ناس تقول خذ من البازعي وناس تقول لا خذ من الي مدري وشهو ويالله تراني ضعت يالربع

وأسألكم بالله ساعدوني وعطوني رايكم لو كنتوا مكاني وش بتسوون

وماهي سيارتك المفضله مع ذكر العيوب والمميزات ؟؟؟

قناص محترف بالأرانب والوبران

((ما اقصد امدح نفسي بس اعلمكم ههههه ))

غيث الغيث

الرياض

20/9/1427هـ

راعي الهـــدد

13/10/2006, 01:55 PM

ناصح

13/10/2006, 01:57 PM

حياك الله يا غيث الغيث

وبعدين روعتنا بالعنوان ...!!!:confused:

وما دام استحلفتنا بالله

لازم نشارك

أقول وبالله التوفيق

أنه بما أنك خبير براري ومقناص المفروض أنت تعلمنا السيارة المناسبة ...!!

لكن من خلال المواصفات التي تريدها من الصعب تحقيق طلبك لأنك طلعت لكل سيارة عيب ..!!

وبعدين حط في بالك لا يوجد سيارة في الدنيا فيها كل المواصفات وخالية من كل العيوب..!!

لكن الغريب انك ما جبت طاري السفاري وتراه ممتاز جدا رغم أن سيارتي تايوتا

gxr

على كل حال فيه منهو أخبر مني في المنتدى أعطيهم الفرصه للاجابة .

وهذا اللي عندي حاليا

والعشر عليك مباركة

وكل عام وانت بخير

هاوي سلق

13/10/2006, 02:05 PM

جي اكس وبس

غيث الغيث

13/10/2006, 02:06 PM

الأخ راعي الهدد ماقصرت واكيد بتمدح الهدد وتعتبر شهادتك مجروحه هههههههههه

لأني احس انك مغرم فيه ولذلك سجلت بالمنتدى باسم الهدد

ورايك محل النضر جعلك تسلم

الأخ ناصح يعلم الله اني ممن يقرء مشاركاتك وبشغف وتعجبني في كل ما تطرح

واما اني راعي بر ما اقول لا

نعم راعي بر

وجربت اكثر السيارات وتوصلت الى ان افضلها هالي ذكرت لك بالموظوع مع وجود عيوب فيها

وانا اريد راي الأخوان ممكن يحلون موظوع العيوب او يكون فيه راي

أما العنوان فهو من باب التجديد وتغيير الروتين الي نشوفه

ابي فزعتكم بكذا
ابي فزعتكم بكذا
ابي فزعتكم بكذا

ملينا وحبينا التجديد

لأدخال السرور على الجميع وتغيير النمط الي ماشين عليه بالمنتدى (( تراي متابع وبقوه للمنتدى من اكثر من اربع سنوات او اكثر ))

وياهلا بالجميع

ننتضر آرائهم

softe

13/10/2006, 02:08 PM

شاااااااااااااااااااااااااااااااااااااااااااص وبس

غيث الغيث

13/10/2006, 02:16 PM

هاوي سلق

سفتي

مايكفي هذا الرد اريد سبب الأختيار

وبرر العيوب الي قلت لكم وش حلها

ابيك تذكر لي ليش شاص

وليش جي اكس

لاتقول جي اكس وبس

ولا تقول شاص وبس

عطني سبب الأختيار وحل العيوب الي قلت لكم انا متلوع من هالعيوب

فزعتكم يالربع

عاشق البران99

13/10/2006, 02:20 PM

والله ياجتني روعة من هالعنوان ويوم قعدت تعدد الأسماء كل ما قريت اسم قلت تسذوب و....... ما لقيت الا قروم مكشات ...

حسبي الله على ابليسك ..

أجل تجديد .. هذي يبيلها عصفر وسطل نعناع .......................................

صوح الجبل

13/10/2006, 02:21 PM

شوف وانا اخوك الجيب ..... اللي منافعه عليك متعدده ..... بالبر والديره ..... حبيت اشارك في موضوع .....حفظك المولى

ابرق العزاف

13/10/2006, 02:21 PM

مشكور اخوي وانت خوفتن لكن على قدر لحافك مدرجولك
اذا انت تقنص واحد نفر اثنين والعزبه خفيفه خذ الربع وهو عطيب
الضرايب تدسه وراء شجره وراء حجره كبيره تطاردبه وسط
الشعبان وبين الاشجار عجيب في كل امره انا احبه لاخر قطره

رجال عزبتك كثيره وتحطب ومعك عفش الشاص وخويك واحد
وعندك نياق او غنم تجيبلها علف00000

واذا انكم لمة خويا الصوالين كلها تؤدي الغرض تويوتا اونيسان
شكرا

غيث الغيث

13/10/2006, 02:31 PM

عاشق البران

انت عاشق بران وتبي عصفر غريبه توها تكشف الأمور ههههههههه

بس ماقلت رايك

صوح الجبل

راي سديد ورحم الله والديك يالشايب

باسل 1

مشكور

بس ما بررن العيوب الي قلت بالموظوع

هذا اهم شي العيوب الي ذكرت انا ما رديت عليها

غضنفر

13/10/2006, 02:32 PM

ربع نيسان بخاخ
خفيف و وذف و نشيط والمرتبة الثانية عرض ولا هيب طول مثل الربع تويوتا
ولا هوب شبهة مثل الربع التويوتا الي سمعته بالتراب
واذا الدعوى على العفش طقلك قلص او سلة وتشيل كل اغراضك

أبو صندوق

13/10/2006, 02:36 PM

يارب لك الحمد ..
رأيي لا تشتر سيارة .. الله يصلحك .. قل آميييييييين .
وفر فلوسك لين تجيك زيارة للطايف يمكن تحتاجها ..

غيث الغيث

13/10/2006, 02:41 PM

بلاك باث

الربع النيسان يهربد عجل

يعني يتفكك وتسمع اصوات مع الجور والوقت

وبعدين ليش الربع تويوتا سمعته بالتراب ارجو ذكر سبب ذلك

________________

ابو صندوق

الكلام الي قلت يميز قدرك عندي وعند غيري من بقية الأخوه

كلامك لايخرج من شخص يحب النفع للغير

لماذا هذا السب

لماذا هذا العنف معي

هل تعرضت لك

هل طلبت رايك بهذه الصوره

اذا كنت الى هذه الدرجه من قلة المبالاة بمشاعر الآخرين فلا ترد مكفي ونخوك غيرك بيرد بأدب واحترام

عاشق البروق

13/10/2006, 02:44 PM

[QUOTE=ناصح]حياك الله يا غيث الغيث

وبعدين روعتنا بالعنوان ...!!!:confused:

وما دام استحلفتنا بالله

لازم نشارك

/QUOTE]

والله ماعندي خبرة جيدة

ابو ناصر2020

13/10/2006, 02:58 PM

غيث أنا اكبر معارض على كلمك الباترول ( الربع) يهربد عطنا مثال وانا مستعد اعطيك مثال
الباترول الجديد من 1998 وطالع الربع مايتهربد .

الروضة

13/10/2006, 03:10 PM

السلام عليكم ورحمة الله وبركاته
أخوي غيث
أغاث الله قلبك وقلوبنا بالخير وكل عام وأنت بخير
أنا أتصور تأخذ سيارتين
1- جي اكس آر للبر وللسفر وللعائلة
2- سيارة صغيرة تكون للديرة
طبعاً تقول تحتاج ميزانية على هذه الحال
اقول هذا يتناسب مع طلباتك للبر وللديرة وللربع ....
أما أنا فمعي سيارة جي إكس آ ر للبر وللديرة و....
والذين مثلي كثير (سيارة وحدة )

مقدور

13/10/2006, 03:13 PM

والله ياخالي انا اشوف اختيار السياره تختلف على شخصية المشتري

فمثل ماتعرف لكل سياره ميزاته وعيبوبها

اول شي مثل الجي اكس عيبه غير الكبر يبيله دراهم لكنه ماتحسف عليه باذن الله لانه كاش وقيمته فيه لكن فيه ميزة انه يشيل ربعك وموتر رسمي وحق عائله وموتر على ماقالوا شيل عمره وخفيفة نفسه

السفاري له نفس ماذكر عن الجي اكس لكن ارخص سعر ( المستعمل النظيف طبعا) اكثر موصفات وافخم وحسب تجربتي انشط من الجي اكس ( الفتك طبعا) وارفع عن الارض مايبلشك بالحكحكه مثل الجي اكس خلفيه الكزس وكل الى جربوه يمدحونه من 2002 وطالع
وفيه ميزة في الفل الى هي خاصيه القير ( عادي وتماتيك) يعني في الديره ترتاح وفي النفود ماتشيل هم التبديل

الربع التويوتا موتر وذف وخفيف نفسه وفي الديره سواقته احسن من الصغيره ( حيث ان الرصيف مايعوق في الزحمات) بس عيبه
يبي له واحد يعرف للموتر ويسايسه لان نظام التعليق لكن عليه يعني في الطرد يروع شوي وكثير موقف تصير على قنايته ومحبينه
الى ياينقلب عن الفات السريعه والى يستر الله ويرتفع على كفرين ويدبج

الربع النيسان بصراحه ماجربته لكن اذكر عزمه لك عليه ويتطلق على حسب كلام الى جربوه

الشاص وهو موترك الى صرت منت شايب عظامك متفككه وربعك واجد يعني كل اثنين على موتر وميزته الصندوق يعني لا تشيل هم التحميل وموتر جلد مثله مثل الربع يعني مع شوي صيانه باذن الله مايحتاج ولا تشيل هم خربات والى تفكك حديد في حديد

الشروكي موتر صغير وفي الديره خفيف بس عيبه سوقه في المعارض ماهو لهك الدرجه وماش انا منب ارتاح له يعني مايشد به الظهر
والى اشوفه ان موتر من ناحية العزم والخفه مناسب للي طلعته خفيفه واغلب وقته في الديره

والله يوفقك اخوي غالي للي فيه خيرة لك دنيا واخره

واتمنى اكون قدمت لك شي بسيط من واقع تجربه شخصيه موجزه وبسيطه

غيث الغيث

13/10/2006, 03:14 PM

اشكر كل من شارك بدون تحديد اسامي

طيب ابو ناصر النيسان توهقت معه كم مره وبعته بخساره ولن اعود لتجربه فشلت فيها

الروضه راي سديد

طيب وش رايك بوارد اليحي

ياخي ناس كثير يمدحونه وفيه ناس يذمونه يقولون صيني وما ادري ايش وكلام واجد

او وش آخذ اي وكيل

راعي الروضه موظوع فرعي

كمرتك وشهي الي صورة بها توقيعك صراحه روعه

ارجو ذكر اسمها وميزاتها وبكم سعرها

وما قصرت

هواوي

13/10/2006, 03:24 PM

الاخ غيث

انا انصحك بالجي اكس تويوتا

حجمه مناسب

تحمل فيه الي تبي

تنوم فيه

قيمته فيه لو احتجت يوم من الايام

منتشر بكثره يعني ما هو شبهه وقطع الغيار متوفره بكل سهوله

اي مهندس يقدر عليه

والاهم منها كلها صعب انه يخرب

اما الشاص والربع فحلوه ولكن محصوره الخيارات فيها
ولك تحياتي

غيث الغيث

13/10/2006, 03:27 PM

هواوي

رايك ممتاز

واعلم اني ماذكرت اسمك الا بعد متابعات لردودك ومواضيعك

ترى اخوك متابع بقوه للموقع

على العموم وش رايك آخذ وارد اليحي

ياخي احس اني مرتاح لهم وكثير يمدحون مواترهم وزينه

وش رايك وراي بقية ألاخوه

ياناس اسعفوني

الله يهدي المشرف راح يغير عنوان الموظوع وانا عجلين نبي الراي بسرعه وراي مقناص يالربع

DOHIM

13/10/2006, 03:33 PM

السلام عليكم
اقول ابفزع لك وانشاء الله انك بتدعيلي
عليك بالجكس والا السفاري
وحط فيه تانكي مويه ويصير بيت متنقل
وعزبتك بامان واذا انت طرق وعجل نطل مراتبه
وحط راسك
وكان ربعك واجد شالكم واذا بغيت تشيل معك شي
تلقا له مكان
وخفيف نفس ورفيع شان وجاه ووجاه
ودمت بخير وعافية ولاتخلينا من الارانب

غيث الغيث

13/10/2006, 03:44 PM

دحيم مشكور ونخوك على هالراي

بس وش رايك آخذ من اليحي او من اي وكيل

من عبداللطيف جميل او من البازعي

ارجو بيان ذلك مع ذكر السبب

اما عن الأرانب ابشر بها ولم افراشك وابشر والله تراك خوي وعلى الباب الأيمن بعد وترى الدعوه قريبه مره من الرياض 90 كيلو او مائه بس

LAND ROVER

13/10/2006, 03:49 PM

الجيب ثم الجيب ثم الجيب ال جي اكس طبعاااااااااا

ولا يغرك المعرف بتاعي;) ;) ;)

ومبروك عليكم العشر

راعي البير

14/10/2006, 03:56 PM

اخوي غيث السلام عليكم.من وجهت نضري وانا اخوك كل واحد ابخص بنفسه يعني .اذا الله مقدرك. نصيحه خذ جيب نيسان ربع يفضل يكون موديله 97 لانه يتحمل اكثر من الجدد.ثم ربطه عند النويصرتربط كامل في الرياض.ثم شل المرتبه الثانيه وحط مكان الرجلين تا نكي مويه نصيحه( ستيل)وفوقه تانكي بانزين (ستيل)ثم حمل عفشك وعب التوانك ورح للرمايه خلهم يركبون لك يايات ومساعدات استراليه نصيحه علشان يظبط ارتفاعه ومطبه ولا تنسى السله وا الدعاميه ( إذا كانت دريهماتك واجد)لا تزعل علي:D بس مشكلته انه يبي اذا شغلته خله يحمى علشان ما يلذع بليتينه بس.اما الشاص ارى انه للتحميل واللي ما يعرف يصف اغراضه. والهدد للي يروحون معه ربعه واهله واجد.......... اما الرجال الي شغله متكتك ويحب الترتيب ومغير هو وخويه في الموتر وعزبته وذفه ويحب المركب اللين تكفى لا تخلي الربع وان بغت اي مشوره انا جاهز ابشر با اللي تبي ولا يهونون با قي الربع ولا باقي المواتر اتمنى اني اكون قد وضحت لك بعض الشي والله اعلم والسلام .

ملاعب الريح

14/10/2006, 04:14 PM

السلام عليكم ورحمة الله وبركاته

مع إني لست من السابق ذكرهم:) إلا إني بشور عليك

إسمع أخوي كانك رجال متزوج ولا تودي أهلك وتجيبهم عليك بالجكس (gx) وارد اليحيى

وكانك رجال وحداني :) عليك بالشاص عزالله إنه ذيب ويطربك بعزمه وحوضه وتانكيين وتآخذ من الأغراض اللي تبي ولا يضره التحميل أما الربع ماش يعني صح إنه وذف لاكن ما يشيل لا أوادم ولا عفش.............

أتمنى إني أكون أفدتك

تحياتي (ملاعب الريح)

عبدالرحمن السالم

14/10/2006, 06:26 PM

ندمان

15/10/2006, 05:34 AM

خذ لك فتك 2007 فل كامل ذهبي وماراح تندم

أبو صندوق

15/10/2006, 09:59 PM

السلام عليكم ورحمة الله وبركاته ..
أخي الكريم كلامي لايخرج عن إطار المداعبة والطرفة ولو كنت أعلم ضيق صدرك وحساسيتك لما فتحت موضوعك أصلاً .. وأنا لا خبرة لي بالسيارات وليس من عادتي التحدث فيما ليس لي به علم ولكنك قلت :

(سألتك بالله يالي دخلت هات رايك ولا تروح إلا بعد ماتعطي رايك

وانت راعي المراجل والعلوم قبل تعضيم الحلف بالله )

فأنت سألتني بالله عن رأيي وخاطبتني برجولتي ثم تقول لي : (هل طلبت رأيك ..!!!!!!!! )
على العموم سيدي الكريم أعتذر منك أشد الاعتذار ولك فوقها ( حبة راس ) تقديراً واعتذاراً لك ..
أسأل الله العظيم رب العرش الكريم أن يغفر لي ولك وأن يجمعنا في جنته إخوة متحابين على سرر متقابلين بجوار خير المرسلين .
محبك أبو صندوق ...

غيث الغيث

27/10/2006, 06:05 AM

يالربع فزعتكم

الآن ظعت بين ردود الأخوان

لكن الآن شبه استقر الراي على ربع نيسان باترول او شاص

يالربع ردو علي بالشور الزين

فزعتكم يالربع

وابي مواصفات الربع باترول هل يوجد ربع وهو فتك في النيسان وكم الأسعار

Abu Saad

27/10/2006, 06:30 AM

نظرتي للسيارات :

اختر اللي ترتاح له نفسك وتحس انه رايق وخاش مزااااجك ... بتقولي ليه ... اقولك ليه:

السيارات مثل البنات .... كل وحده لها شكل ومواصفات وطول وعرض الخ الخ :)

قد ترى احداهن انها ملك جمال الكون ، والاخرى لايوجد فيها من الجمال شي! ، وغيرك يرى العكس ..لماذا ؟!

الجواب :

انها المزاجات .... ولولا اختلاف الاذواق لبارت البنات..آسف قصدي السلع:)

استخر وخذ اللي يخش مزاجك وترتاح له...

ونصيحة لاتشاور كثير (عدد) والا تراك بتضيع وتتعب وتفطر على بصلة.

سلام عليكم

غيث الغيث

27/10/2006, 06:38 AM

ددسن ماقصرت

بس الى الآن ماش ماحصلت رد

وانا يالربع باقنص قريب

بسرعه ابي رد عاجل

ابي مميزات الباترول ربع هل يجي منه فتك وهو ربع نيسان

وماهي مميزات الربع عموماُ يعني مواصفات الربع وشهي وهل يجي منه فل كامل

الفزعه يالربع تكفووون

صوح الجبل

27/10/2006, 07:36 AM

مرحبا ... ومسهلا ... باغوي غيث ...... احسنت الظن فينا كثير وهذا وانا اخوك من حسن ذاتك ..... لاكن لو اني في مكاني اباخذ اللي يكون نفعه متعدي ..... وايجابياته اكثر .....بمعني ادرس حالك كاملاً يعني اذا كان كذا ماذا يكون كذا واذا كان كذا ماذا يكون كذا .... ولنجاح هذه الطريقه أئتي بورقه وقلم ... وكتب السلبيات والايجابات وان شاء الله بتطلع بنتيجه تكون موفق لها ..... لاكن اكتب الايجابيات بتعقل لا بمعاطفه لرغبتك ... فنكون كذا ماسوينا شي ..... واخيرا تقبل محبتي لك

غيث الغيث

27/10/2006, 07:44 AM

اخوي صوح الجبل

انا بيكون لديره سياره مستقله

وابي اشتري سياره للبر بس

وانا دايم اقتص معي واحد بس

وش رايك

كثير من الأخوان يشورون علي بالباترول

ولكن وش رايك هل لو بغيت ابيعه ماهوب ناقص سعره كثير مثل بقية النيسانات

وهل هو قوي للقنص بالوعر

ارجو الأجابه

وعذرا ان اثقلت عليك

غيث الغيث

27/10/2006, 07:45 AM

واي فئه آخذ يعني هل فيه فل كامل من الباترول

وانا ترى ما اعرف وش مميزاتها لو تقول لي او احد الأخوان الي فاهم فيها

ابي عيوبه ومشاكله

خصوصاً اني ابيه للقنص ماهو كشتات بس

صوح الجبل

27/10/2006, 07:59 AM

والله ياعزيزي ..... غيث ...... اذا صرت تبي لك موتر بس للبر وفلوسك جاهزه..... فهذا وانا اخوك موتر اذا عدو الذيابه والرجال يعد وانا اخوك من الرجال ... الشاص .... وماسك قيمته ........ اذا بغيت تبيع .......

غيث الغيث

27/10/2006, 08:03 AM

اخوي صوح الجبل

بس انت عارف الشاص يكسر الظهر عشرين كسره

والباترول مريح مره

تكفى قل لي وش رايك بالباترول هل هو قوي بالبر وعزمه قوي مايفشلك ماهو زي النيسانات الباقيه

وماهي مميزاته او مواصفاته

فزعتك ونخوك

وباقي الأخوان مانستغني عن آرائهم جعلكم تسلمون

كحيلان 11

27/10/2006, 08:06 AM

كحيلان
سعودي الجنسيه
يعتبر من اقطاب القنص

هل تقصدني انا وإلا غيري ؟؟

غيث الغيث

27/10/2006, 08:12 AM

أقصدك انت ياذيبان

هات رايك لاعدمناك تكفى ابي شورك بالباترول الربع وش رايك به

وماذا تعرف عن مواصفاته كم درجه هو

وهل يجي فتك وهو ربع

تسلم ياكحيلان

اسم على مسمى ان شاء الله

صوح الجبل

27/10/2006, 08:13 AM

اذا كنت تبي وانا اخوك ..... مثل ماقلت سيارة بر ...... فهو الشاص ... ذيب امعط ...... والله مافيه عرق مايضربه .... وان كانه على الظهر ..... فمثل ماقال الاخوان ركب مراتب جمس ...... وتانكي غير التوانك الاصليه .... بين الاستبنه والصدام سعته اربعين لتر ..... وبتشوف تغير ملحوظ ...... واذا قضى مقناصك والا مكشاتك لبقه وانا اخوك في البيت .... لين يجي لزومه

الطبيب

27/10/2006, 08:21 AM

الحمدلله مانيب من ضمن المذكوره اسمائهم

ولكن انصحك اخي الفاضل بالجي اكس وارد اليحي

ولا تقول كبير بالديره بالعكس وذف واحليل

خذ ولا تشاور

وننتضر آراء الأخوان والله يوفقك وين مارحت يارب آمين

رايي من راي راعي الهدد

وتصدق اني ذبحني الضحك على انواع المطلوبين

الله يكتب لك اللي فيه الخير

هذا والله اعلم

والسلام ختام

ابوسهل

27/10/2006, 04:51 PM

انا رايي انك تشتريلك دينا تكد عليها وتدور رزقك احسن لك من الطردي ورا هالبران الله يصلحك

ابو عادل1

28/10/2006, 01:05 AM

اخوي غيث الغيث
والله اني وانا اقراء مقدمة موضوعك اقول لاحول ولاقوة الابالله وش سووا هالسنافية ووش عملوا هالطيبين
لكن
حسبي
الله
على

ابليسك

معذور ياخوك اللي يبي عصفر ونعناع وبعد ليمون

ومادام انك حلفتنا فنقول وبالله التوفيق
اؤيد رأي اخي راعي الهدد
واضيف على ماتفضل به ان الجي اكس ار
وجه في ......... الديره وزين .......في البر
ههههههههههههه لايروح بالك بعيييييييد قصدي
انه لك وللزمان
اسال الله لك الخير في كل امورك

ahmed88

28/10/2006, 04:30 AM

مرحبا اخوي غيث الغيث

انا اشتركت علشان ارد عليك

آسف ان رسالتي جت متأخرة لكن والله توي اقراها

يمكن الحين انك اشتريت سيارة واذا ماشتريت

بشور عليك ولو ان كل شخص له رأيه وأصابعك ماهي سوا

انا رأي تشتري جيب تويوتا جي اكس وارد اليحيى

ماهو كبير بالعكس خفيف ومافيه خرابيط ومواصفات الفكسار (الفكسار ثقيييل)

ويصلح للمقناص لأنه سريع ومسمينه هدد على اسمه

ووارد اليحيى يعطيك مواصفات (طبعاً كلنا نبي مواصفات)

مثل ثلاجة وونش وفتحة ولون بيج من الداخل وخشب مصقوول

يعني حق بر وحق كشخة وحق عائلة وحق مقناص ومعك ربعك

واقتصادي ماهو مثل صرف الباترول للبنزين

وقيمته فيه اذا بغيت تبيعه ماينقص منه إلا قلييييل

اتمنى اني ماطولت عليك

واتمنى انك تستفيد من معلوماتي

انا عن نفسي شريت شيروكي لأن الجي اكس وارد اليحيى ماعندي فلوسه (الله يرزقني)

الشيروكي ارخص لي واخف واسرع

آسف على الإطاله وشكراً لك

منتصر

29/10/2006, 01:48 AM

صراحة انك زلابة ياغيث

كل هالموضوع وطلب الفزعات عشان تشتري سيارة ويفلان ويعلان ولاتخلوني وداخل على اللة ثم عليكم!!!!!!

وازيد من ذلك تقول انك راعى قنص ومستعجل .

راعي المقناص مجرب وعارف السيارات وانوعها وانا متاكد لونك في مجلس ومر هاسؤال عن افضل السيارات لتقوم تفتي .

وزيادة على ذلك كل ما اعطاك واحد نوع من السيارات قمت تقول فية ومافية معناة انك عارف ماله لزوم هالموضوع

وخلك رجال وعلمك في راسك والمعارض قدامك وفلوسك في مخباك .

همّام

29/10/2006, 04:35 PM

حياك الله أخوي

يقول المصطفى عليه الصلاة والسلام

(( من سأل بالله فأعطوه ومن استعاذ فأعيذوه ))

ويقول في حديث آخر (( لا يسأل بوجه الله إلا الجنة )) فتنبه .....

من سرعة الفزعة رحت طوالي للرد السريع وكتبت هالسطرين :

تراي ماقريت وش قالوا الشباب وعسى ما يتكرر

كل على كيفه وكيفه يدله

في نظري يا أخي قبل هذا وذاك المهم وش أنت من كشات ؟؟ !!!

هل أنت راعي قنص ولا كشتات وتمشية ولا إيش ؟؟

ثم هل عندك سيارة غيرها او هي سيارتك الوحيدة للبر والديرة ؟؟

ثم هل أنت صاحب عائلة أو عزابي ؟؟

ثم هل عائلتك كبيرة أو لا ؟؟

ثم هل عائلتك يخرجون معك للبر أو ما يدانونه ؟؟

إجابتك على هذه الأسئلة أتوقع أن لها أثر في طروحات الشباب وما هم مقصرين الشقردية ....

وتقبل تحية أخوك //// همام

anas

29/10/2006, 06:45 PM

كلفت علينا الله يهديك عندما سألتنا بالله لكل من قرأ الرسالة .. لكن اقول خذ لك جي اكس ار وارد اليحي عن تجربة ..

ابوقاسم

30/10/2006, 02:38 AM

انا اقول مالك الا الصالون
نيسان او تويوتا
ان بغيت تشيل العفش شال
وان بغيت تشيل الرجال شال
وان بغيت تسافر مريح ولا يشكي
ولك الاختيار

SilverSniper

30/10/2006, 11:47 AM

يا هلا بك يا غيث... أفا عليك بس.. ذكرت الشيبان ونسيتني.. :)
شف يا طويل العمر...
كل سيارة لها مميزاتها وعيوبها.. وكل سيارة لها استخداماتها.. يعني ان كنت راعي طعوس خذ موتر خفيف مثل البترل أو الربع.. وان كنت راعي شعبان وفياض عندك جيوب التايوتا ( vx-r - gx-r - gx ) أو الجموس..
والكل له ميوله.. طبعاً أنا ما أنصح بالباث أو البرادو أو المتسوبيشي وطقتهن لأنهن ما يوكلن عيش..
أنا أنصح بونيت جمس قطع 10 قصير دفرنسين 94 وتحت.. أو بليزر جمس أو شفر 91 وتحت.. قوة وصبر..
http://www.blazerk5.com/89silverado.jpg
ويروح وين ما تبي ولا يقول لا.. البليزرات القديمة (90 - 89 - .... 84 - 82 -...) تروح مع أماكن ما تروح معها الجيوب وقوية بشكل ما تتخيله..
http://www.blazerk5.com/picture.jpg
وكذلك ونيتات الجموس مثل البليزر بس يميزها انها أخف وزن.. يميزهن والبليزرات قلة التقنية وسهولة التصليح وتوفر القطع.. لأن سيارة البر لازم تكون خالية قدر الامكان من الالكترونيات اللي ممكن تسبب لك مشاكل في السيول والشعبان..
اللاند كان معي وما أمدحه أبد صراحه.. لأنه اذا عطل جاك جميع.. تصلح شي يطلع لك غيره بدقيقه.. توني بايعه وناوي على شيفروليه تاهو LTZ 4x4..
http://www.whas11.com/sharedcontent/autos/topstories2/D_IMAGE.105c5572e52.93.88.fa.d0.b4a19893.jpg
ومعي بليزر90 للطلعات البعيده وأعتمد عليه بقوة.

صخب

30/10/2006, 12:12 PM

والله ياخوك ماعندي خبرة

سعــــد

30/10/2006, 12:25 PM

انكانك تبي تشتري لا تستشير

ناس واجد وخذ الي في راسك
وبس والى عمرك ماراح
تشتري شي لن كلن ورغباته
وترا جميع السيارات الي انت
ذكرتها ما عليها كلام وخذ الي يناسبك

غيث الغيث

22/11/2006, 05:44 PM

حياك الله أخوي

يقول المصطفى عليه الصلاة والسلام

(( من سأل بالله فأعطوه ومن استعاذ فأعيذوه ))

ويقول في حديث آخر (( لا يسأل بوجه الله إلا الجنة )) فتنبه .....

يالربع وينكم نبي بقية آراء الربع

الباترول ربع وش رايكم به

ترى الى الآن ماشريت

اهي اهي اهي

فزعه يالربع

almobd3

23/11/2006, 12:42 AM

هدد وبس
.......

v..x..r

23/11/2006, 02:03 AM

اذا انت راعي بر وكل يوم وانت في البر والله وانا خوك الشاص وكلها مواتر ماتنعاب
وسلامتك

أبوكلبشة

23/11/2006, 02:05 AM

ياخوي غيث
مالك الا الشاص
موتر عز وبنفس الوقت شيك بمخباتك اذا جيت تبيع

غيث الغيث

23/11/2006, 12:57 PM

يالربع الشاص كسرت ظهر

مايصلح انا ابغى موتر ارتاح له في ممشاي مايكسر اظهري ونخوك

الليان زين والوعر شين

* ضب *

09/12/2006, 08:59 AM

يوم شفت الموضوع وقريت اول سطرين قلت الرجال اكيد يبي جنسية .. الله يعينا على تنطيل الوجية

لكن يوم شفت الطلب سيارة قلت هانت

شف انا ملقوق ابشارك ولو ما طلبت شوري

تبي الموتر اللي لك وللبر عليك ب GX من 97 وتحتة شوي واترك عنك الجديد صحيح كشخة وشخصية لكن ماعندك احد
قرقعة وخلخة وكثير من اهل البر والمقناص جربوه وكبوه ورجعوا للشغل العدل

وتري الذيب ما ياكل الجني ( والدليل ..لوه ياكل الجني ما جى للغنم والمزارع ويفادي بعمرة وانتم تقولون انه ذكي والجن عنده على قفى من يشيل .. يدور اقرب هرفي من الجن ويمزع بطنه والحمد لله لا طالب ولا مطلوب )

هاوي الله

09/12/2006, 04:16 PM

طياره بس بشرط يكون فيها ديف لوك ههههههه

Gx والسبب = الأمان مع الله

حايرالقلم

29/12/2006, 02:04 AM

السلام عليكم
كيف الحال يا اخ غيث الغيث ما ادري شريت سياره والا ماشريت وماقريت ترى الموضوع كله لكن نصيحه نصيحه عليك بالجي اكس والله موتر ولاهو كبير تحس انه كبير لكن وربي وسيع ويتحمل وتسافر فيه ولاتشيل هم الضيقه

القبقب

29/12/2006, 11:01 PM

الهدد القطري وبس أمس قمت بتجربته في أرض سبخة ورباضات ونجح نجاح باهر هذا الموتر
الذي يعتمد عليه وتشعر معاه بالامان اينما كنت خاصة أذا كان الجير اتوماتيك .

مقطع الصمان

29/12/2006, 11:42 PM

هايلكس دفرنسينننننننننننننننننننننننن لايفوتكككككككككككككككككككك تار مالة مثيلللللللللللل (لايفوتككككككككككككككككككككككك)

عبوووود

30/12/2006, 01:28 AM

ربع نسيان

أو هــــدد و الله يوفك..

خيال نجد

30/12/2006, 04:51 AM

مكشات..........