المساعد الشخصي الرقمي

مشاهدة النسخة كاملة : سؤال لمن جرب هذه السيارات :


Abo ziad
24/09/2013, 10:05 PM
السلام عليكم ورحمة الله وبركاته واطرح سؤالي لمن جرب سيارة فورد رابتور وسيارة لاندكروزر v x r وسيارة f j في المناطق الرملية والطينية فما هي السيارة الاقوى من هذه السيارات ودمتم
يالبى الهلا
24/09/2013, 11:14 PM
خذها قاعده لايقارن الفورد بالتويوتا بالعزم الفورد اقوى ونفسه طويل بالعزم
رابتور خارج المنافسه اسطوره الفورد
VXRسياره للشخصيات وليس للبر
fj سياره عمليه واقتصاديه ولاتتحمل الكرف نفسها نفس الشباب قصير تتعب بسرعه وتلبد تحب النوم ؟
وخاصه اذا شاهدت طعس عزم ضعيف مثل الهليكس تلقلق لازم نمره ثقيله
يالبى الهلا
25/09/2013, 01:54 PM
الصراحه fj فاشل من جميع النواحي سياره هجيينه مثل السكويا ؟؟؟؟؟
N أبورغد N
25/09/2013, 06:05 PM
هل الاستفسار للاقتناء ام لمجرد المعرفة
الافجي افضلهم في البر بشكل عام عزم ممتاز وخلوص ممتاز لو يحلون الوكالة مشكلة القير كان نصحتك فيه لو بتشتري
الرابتر ممتاز بس لاتنسى الحجم مع القصوص يحتاج قفز بعض الاحيان والا يتعلق
وفي الشعبان بيحكحك
الاند كروزر اعتبرة سيارة خطوط وبر على خفيف لانه طامن خصوصا الي عليه كت مثل اللكزس والفي اكس ار
هذي وجهة نظري والي يبي موتر بر خالص فيه اكثر من خيار اكستيرا و ربع فتك و باجيروا ربع 2006 وتحت ورانقلر المديلات الاخيرة للربع اشوفه افضلهم بلى منازع لكل مكان في البر
التعـ King ـديل
25/09/2013, 06:49 PM
الرابتر قنبله سيارات البر بالوقت الحالي لا تويوتا ولا نيسان ولا اي سياره يابانيه تصف جنبه

وحش اسم على مسمى
ولد الغلباء
25/09/2013, 07:09 PM
الفكسار بوجهة نظري من افضل السيارات بالبر من واقع تجربة طويلة
بدوي جنوبي
25/09/2013, 09:16 PM
الرابتر قنبله سيارات البر بالوقت الحالي لا تويوتا ولا نيسان ولا اي سياره يابانيه تصف جنبه

وحش اسم على مسمى



لكن غالى

انا يوم شفته فى الوكاله وقلت ابغي اعرف ليش غالى
وعرفت سبب غلاه هو نظام التعليق الجبار
N أبورغد N
26/09/2013, 06:21 PM
هل الاستفسار للاقتناء ام لمجرد المعرفة
الافجي افضلهم في البر بشكل عام عزم ممتاز وخلوص ممتاز لو يحلون الوكالة مشكلة القير كان نصحتك فيه لو بتشتري
الرابتر ممتاز بس لاتنسى الحجم مع القصوص يحتاج قفز بعض الاحيان والا يتعلق
وفي الشعبان بيحكحك
الاند كروزر اعتبرة سيارة خطوط وبر على خفيف لانه طامن خصوصا الي عليه كت مثل اللكزس والفي اكس ار
هذي وجهة نظري والي يبي موتر بر خالص فيه اكثر من خيار اكستيرا و ربع فتك و باجيروا ربع 2006 وتحت ورانقلر المديلات الاخيرة للربع اشوفه افضلهم بلى منازع لكل مكان في البر
للمعلومية كل هالسيارات المذكورة في التعليق خرجت معها كثير للبر ولاحظت ادائها
وشخصيا مقتني اكستيرا
sgl2002
26/09/2013, 06:51 PM
فكسار بلا منازع

اما الامريكي يبقا امريكي خرابات مفاجأة وثقل وزن ومافيه الا عزمه والا نظام تعليقه ماينفع
ماجد الحايلي
26/09/2013, 07:15 PM
السلام عليكم
انت وضعت مقارنه بين الرابتور واللاندكروزر وال fj
والمشكلة ان اكثر الناس مايعرفون الرابتور
وعلى ماقالو الاخوان الرابتور اسطورة لايقارن
باي سيارة ثانية واللي مايعرف الرابتور يشوفه
باليوتيوب ويتأكد بنفسه
واللاند اشوفه تحول الى سيارة رسميه
اكثر من ماهي موتر بر خصوصا
بعد موديل 2007 وفوق
والــ fg مااعرفه واجد
بس ماشيه اموره لكن اني سمعت
عن مطباته قاسيه وسعره اللي ماهو له ابد
مافيه
26/09/2013, 07:50 PM
الرابتر تتعب وانت تقول جبار وفي الرمل يتندح لاكن مشكلته لايشوف الشعيب والسبب معروف كبر حجمه + المسافه بين الكفرات وانتب بكرامة = سلم على الصدام الخلفي والامامي + بطن الموتر في الشعيب فقط ولا الرمله ماله مثيل في الممشاء لاكن الكلام لامنه نشب يقدر يضهر عمره..؟ يجاوبك عليه المجرب وانا ماهقيت انه يضهر الا بسحب

الفي اكس ار فيه منه انواع كثيره لاكن دامك تقول للبر بناخذ مواصفات البريمي (هددالشيوخ) استبنتين فتحه ونش بدون هيدروليك < هاذا افضل موتر للبر بعد تغيير ياياته ورفعه شي بسيط مميزاته دف لك + الهزاز نظا الزحف +المكينه 5.7 + الونش يعني بعد الله سبحانه وباذنه اكثر تغريزه بتجلس فيها بالكثير 6 ساعات وانت مطلع نفسك مهما كانت الظروف و الارض

الاف جي موتر شويه عليه كلمة جبار وموتر اثبت وجوده مشكلته وحده الشاصي نازل وان لمس الارض معاد تحرك الا بسحب

في النهايه افضل الفي اكس ار عليهم جميع وعسى الله يرزقني ومن يقرا ونوصل مواصيله

لاكن اذا جيت للماده ولتحكيم العقل حرام اني ادفع 250 او 220 الف على موتر اكسره في البر اخذ لي شاص فل كامل باذن الله مايرده شي ابد ومايوقفه شي وهو وكاله ولاعليه حسوفه انه يتكسر في البر وفوقه موتر صغير للديره ابرك لي

واذا كنا نتكلم عن مستخدم الفي اكس ار مابعده

مع العلم موتري الحالي شاص وماره علي جميع السيارات اللي ذكرتها معادا الرابتر

وفيه ناس يقولون ربع اوغيره من المواتر وانا اقول ياالربع الله لايهينكم فكرو بالبنزيم الرابتر والفي اكس ار اقل شي تمشي 700 كيلو والاف جي مثل والشاص 900 بالراحه ويوصل 1200 وغالبية المواتر الثانية عساها تمشي 500 ماعدا الباجيرو الربع الامحق ان وصل لل400 كيلو نعمة منه وللعلم مجرب2006 مكينه كبيره تولع اللبه وهوعلى 300 كيلو < وانا اشك ان الموتر مهوب سليم واهل البجيرو يفيدونا فيه ان شاء الله
ابونبيل
26/09/2013, 11:58 PM
اذا تفكر تطعيس ومهابد وتكسير خذ الرابتر واذا تبي استعمال زي الناس وتبي تطعس اف جيه والفكسار للكشتات والخطوط
التعـ King ـديل
27/09/2013, 10:10 PM
لكن غالى

انا يوم شفته فى الوكاله وقلت ابغي اعرف ليش غالى
وعرفت سبب غلاه هو نظام التعليق الجبار


غالي ولكن لو كان احد الشركات اليابانيه كان صار سعره الضعف

http://www.ford.com/resources/ford/f-150/2013/enhancedhighlights/f1513_raptor_feat_3.jpg?v=1350489843000
زيد المحمد
28/09/2013, 12:33 AM
الاف جي موتر شويه عليه كلمة جبار وموتر اثبت وجوده مشكلته وحده الشاصي نازل وان لمس الارض معاد تحرك الا بسحب


ليش لازم سحب رغم الجيب الربع والباترول يتعلق بطن الموتر ويطلع
وش الفرق
خوي السطحه
28/09/2013, 11:38 AM
راعي براوتطعيس اوقنص اواخطوط خذلك باترول حوض او ربع اوصالون وشف المتعه وراحه والقوه موتر مفصل للبر ويعتمد عليه بشدايد
السلمان2
28/09/2013, 08:20 PM
اذا قريشاتك واجد خذ رابتور

عز الله استح من موتر