ابي شوركم ياربع في الجيب الشروكي ايش الافضل قير ولاتماتيك [الأرشيف]

مشاهدة النسخة كاملة : ابي شوركم ياربع في الجيب الشروكي ايش الافضل قير ولاتماتيك

قناص الوعول

13/10/2006, 04:03 PM

انا ناوي اشتري جيب شروكي ومحتار بين قرير عادي وقير تماتيك :confused:
ابي شوركم يانشامى
وكم جزيل شكري وتقديري

مسافر1

13/10/2006, 04:20 PM

أخي الشيروكي ..
طير ديرة بس ..
إذا كنت تريد النفود والبران عليك بالابتعاد عنه .. نصيحة
طبعاً القير التمتيك أفضل ..
نتمنى لك التوفيق .

راعي المسرى

14/10/2006, 05:39 AM

أهم شي أبعد عن الإستعمال الإمريكي ..
والتماتيك أفضل من ناحية الحفاض على الصليبات وأقل خراب..
أما العادي فهو أحلى فزة بس الله يعينك على الصليبات كل فترة ..

وإن طعتني إنحش عنه كله تراه سيارة شتاء فقط ومركبه كسيف !!

مجربه أكثر من خمس سنين الله لايعيدها !!

قناص الوعول

14/10/2006, 02:45 PM

مسافر1 وراعي المسرى تسلمون على انصيحه ولكم تحياتي ومبروك عليكم العشر وجعلها في موازين حسناتكم

sobeeh2005

19/10/2006, 01:06 AM

انا معى له سنتين ..وما خليت مكان موديل 2001 هذا الى في التوقيع ..
بصراحة الموتر زين بس يا ويلك اذا فك ثمه ويبي اصلاح ..
كان فيه تهريبات وصلحتها ..صوف قير ووجه مكينه ..وصلحت رجه في الفلنجه يتغييرها ..وطلعت لى رجه في عمود الدبل وفكيته والحين منطول في حوض النخلة قالوا ما يخرط ..خلك واحد من التشليح ..ولقيته ب500 فتركته الين يجي المطر ..
بصراحة انا محتار ابيعه الحين والا اصلحه واخليه حق البر ..الموتر قوي بس عيبه قطع الغيار وقلة من يفهم فيه ..خصوصا لمن هم خارج الرياض ..
نصيحه انحش ..واذا انت معزم ترا موتري للبيع ..والقير اتوماتيك وياخوفي ليكون التهريب اثر عليه ...انا احتري الشتاء يدخل وبوديه للقصيم وما راح ارجع به ..
ناوى على برادوا ..بس انتوا ادعولى ..

الجفن .

19/10/2006, 04:33 AM

نصيحة اخو انحش عن الشروكي لو يقول لك 2007 تراه ماهو حق ديره ولا بر
حق ورش انشد مجرب
شف لك باثفندر او جيب تايوتا او جيب نيسان ايت شي الا الشروكي

فرخ الشاص

19/10/2006, 04:47 AM

يا جماعة وش فيكم على الشروكي ........

أنا معي شروكي 2001 توماتيك عز الطلب ما شاء الله ....

دور إستعمال أمريكي لأن الإستعمال السعودي كله مكروف وماخذ حقه (( يدور الورشة )))

أنا لقيت هالشروكي الطيب أمريكي نظيف ....... والله ما شفت منه شيء والحمد لله

وأسعارها بالسوق رخيصة مقارنة بغيرها .......

سيد النشاما..

20/10/2006, 01:16 AM

نمر بن حثلين

20/10/2006, 01:41 AM

كانك تبيه للرمل لا يقربك التماتيك

الاول والثاني كلها بنمره وحده
والا شديت عزم الموتر عشق للثاني من روحه وطفى عزم الموتر

coach

20/10/2006, 07:18 AM

نصيحة لوجه الله

لا تشتري شيروكي انا جربته وما عمري تدبجت الا في شغلتين الاولى الاسهم والثانيه هالجيب الموقر

جلس معي سنه وياهي من سنه ماعاد باقي الا البكى كل شي سويته
بعطيك مثاليين وفي سنه وحده ثم بعنه

غيرت له مروحة ب1300
وغيرت اديتره والضاهر بحول السعر لاني نسيت

غيرت عمود الدبل مايجي طوله متر وقيمته بحدود الفين ولا بع ما تلقاه في التشليح لان القطعه مطلوبه

وخرابها كثيييير

الطير المهاجر

21/10/2006, 07:44 PM

السلام عليكم

مساء الخير

انا انصحك بالقير العادي لانه في نظري اقوى ومو راعي خراب

والشيروكي بصفة عامة زين لكن اذا كان في محل لقطع الغيار في المنطقة الي

انت ساكن فيها

تحياتي

قناص الوعول

21/10/2006, 07:55 PM

مشكورين يا النشامى وما قصرتو كفيتو ووفيتو انا اصراحه خذيت بنصيحتكم وشريت جيب هدد 2005 خليجي
ولكم تحياتي

غالي

21/10/2006, 07:57 PM

على طاري الشيروكي
نزل عندهم شيروكي 12 سلندر وطبلونه 300 ومدري كم تيربو وقيمته على قولتهم في 400 الف وفيها
يعني منزلينه تحدي للجيب البورش التيربو ومن هالنوعيه
ومااقول الا ياعزتال الي بيشتريه وهو مهوب مليونير
<------------ خاش عرض :)