المساعد الشخصي الرقمي

مشاهدة النسخة كاملة : خلال يومين سيتم الشراء بإذن الله ...


ABO AZZAM 123
25/09/2013, 06:39 PM
السلام عليكم ورحمة الله وبركاته
مساكم / صبحكم الله بالخير يالربع

شباب الله لا يهينكم انا بشتري شاص ان شاء الله خلال اليومين ذي
ووالله محتار أبو رفارف 8ريش أو 11ريشة كلها ونش + دفلوك
وانا رجال مالي بالحلال انا راعي بر ومقناص ومكشآآآآآت يعني على طول أبشتريه وبركب له شد عقرب وبفصله تانكيين 300 ليتر وازوده استبنى ومن غير الحطب والعزب والخيمة فما ادري والله اني محتار يا شباب ردو بأسرع وقت واذا في طريقة اخفف مطب ال11ريشة لأني قريت بالرابطة ان الواحد يغير المساعدات الأمامية للأسترالية ويقص منها ومدري وش تكفوووووون لاتهملون ..

وش الأفضل 2014 ولا 2013 طبعا كلها وارد بريمي وأصفاااااااار والمشكلة مابينها فرق يوم سألت عنها
أنصر نبيك
26/09/2013, 01:12 AM
أبو عزام لو انا مكانك آخذ 2014 حتى لو كان هو نفسه 2013 اولاً يكون أحدث شيء بالسوق
ثانياً ينكتب لك في استمارة السيارة موديل 2014 وهذي الله يسلمك تفرق لاجيت تبيع وان تقدر تصبر
السنة الجاية راح يتغير شكل الشاص بالمرة موديل 2015
ajaa2009
27/09/2013, 07:33 AM
اخي تراني جربت الشاص التايوتا من 2010الى2013ماينفع مع الاماكن الوعره مثل حواجزالنفود القراطيس
الي تحتاج تمعن في مخارج الطريق اوالارض الجبليه وهذه المشكل لازم تعشق الدبل الثقيل لانه لايمكن ان تمشي
بشوي شوي لازم تسرع والا يخونك ويطفي والثالثه مشكله صوت الهواء لايمكن تردعلى الجوال وانت تمشي
فوق الميه -اخي هذه مجرد معلومه وانت بهواك
عاشق البسمه
27/09/2013, 09:14 AM
اذا انت منتب راعي حلال فالشاص النيسان تانكيين+دفلك +ثلاجة ..هو طلبك راحة وقوة ومتانه .. والله يكتب لك الصالح
صياد الجبل
28/09/2013, 12:00 AM
انصحك تاخذ شاص وارد الفطيم

يجي سلق + كفرات رمليه دانلوب نقشه شاهين + 8 ريش خلفيه

احسن مافي وارد الفطيم من هالنوع ان يجميع بين الراحه + المنظر الزين يعني بدون رفارف

واعتقد فيه نوع منه يجي ونش

......

2013 و 2014 مايفرق بشي ابد غير الخطوط

وانت ارعي كشتات وبر وعلوم وافيه مايهمك المظهر اكثر من الاستخدام

واذا انت راح تشتريه جديد مساعداته الشد بلد راح تخدمك اقل اقل شي لمدة سنه

سنه اذا انت طلعات وروحات وجيات يعني بالمره مدمن بر

...

ثم بعد سنه تبي تغيرها للمساعد استرالي او غيره . اول الي يريحك

تحياتي لك
ABO AZZAM 123
29/09/2013, 11:19 AM
جزاكم الله خير والله لا يهينكم
ناصح
29/09/2013, 11:29 AM
وعليكم السلام ورحمه الله

خذ أبو رفارف أو شاص نيسان

أنا مجرب شاص بدون رفارف 11 ريشه

في البر غير مريح نهائيا وممل جدا..
بوسدن
30/09/2013, 09:23 AM
عسى الله يوفقك ... بالمرة فكر تاخذ جيب بدل وانيت
ابوحسام9
01/10/2013, 11:07 PM
نصيحة خذ شاص كفر نحيف 2014 ابو 11ريشه وشل من كل جهه 4سست وغير اليايات الي قدام ركب ياي جي اكس صالون تايوتا وحرص ان اليايات يكونن اصليات يركب من مديل 92 الى 97 وراح تشوف الفرق واجد مركب مريح ورساوه وقوه انا مسويها من 3سنوات
alrowaily
17/10/2013, 03:47 PM
خذ 14 احسن