ضروري تكفوون [الأرشيف] - منتديات مكشات

ابو محمد 00

27/09/2013, 04:49 AM

السلام عليكم ورحمة الله وبركاته

اخواني انا شريت جيب ربع نيسان 91 والموتر نازل شوي ودي ارفعه اركب يايات ولا كعكات
مع ان اليايات مركبها جديده حقت الوكاله الي انا شاريه منه ؟؟ وهل اركب امامي وخلفي

وبالنسبه للهدرز وش افضل نوع ووين يتركب وبكم سعره

راعي الرود

27/09/2013, 06:28 AM

الله يعطيك خيره و يكفيك شره احسنت الاختيار موتر ماعليه كلام لكن الله الله بالصيانه و مراعاه موديله 91 على هونك عليه

بالنسبه للرفعه تقدر ترفعه بيايات استراليه او بالكعكات

اليايات الاستراليه :

- الموتر يصير ارسى بالخط و مع المنعطفات
- مطب الموتر اقسى شوي بالديره لكن اذا حملت الموتر يغدي اريح
- سعرها مكلف مقارنه بالكعكات

لكن متى مافكيتها تلقى لها زبون لانها مطلوبه و خصوصاً للباترول بجميع موديلاته

واذا تبي تشد الموتر اكثر غير مساعدات البلد عليك بالمونورو الصفراء عليها ضمان

و بالنسبه للكعكات نفس مطب موترك مهب متغير عليك ولا حملت الموتر بينزل عكس الاستراليه تتحمل اوزان ولا يبين عليها و ينزل الموتر كثير نفس يايات البلد

عيوبها اذا انت راعي مراقى يمكن تبلشك بالاصوات او تنكسر مع المطامر و قص السيوف

لكن يميزها تكلفتها رخيصه وانا مركبها على موتري

اهم شيء مراعاه الرفعه ماتزود عن 4 سم عشان ماتواجه حره واذا واجهتك حرره بالقير نززل القير 1 او 2 سم ببليته تفصيل لا تحط وردات

بالنسبه للهدرز :

اهم شيء يكون المونايز باارد على الموتر يعني انحش عن الهدرز الحديد لا يقرربك ابد

افضل هدرز اول شيء البحريني بعده العتيبي و بعده الصفدي يفصل لك بس سعره غالي

العتيبي تلقاه عند قايد بالصناعيه القديمه و عاد اذا تبي دبه تكتم الصوت او تبيه مزعج هو يخيرك و اللي يجوز لك ركبه