رايكم بشراء افلانش

[أبو رائد الحربي]

السلام عليكم ورحمة الله وبركاته
اعضاء مكشات الطيبين
مساكم سعيد وشتاكم ربيع وكشتات ووناسة
ابي رايكم بخصوص الافلانش الفل كامل استعمال امريكي من موديل 2008 حتى 2011
من جرب هذا النوع ؟؟
من ناحية القوة في البر والطعوس
هل هو مناسب واعطاله قليلة
قطع الغيار واسعارها
بالمختصر هل هو سيارة بر
صورة السيارة
http://www.almrsal.com/wp-content/uploads/2013/06/mm_gal_item_c2_0.img_resize.img_stage._3.jpg

[السلمان2]

اتمنى احد يفيدنا حتى انا ناويلي على واحد

يقولون جربكسه يسخن؟

للرفع

[FAPioO]

انحشششش

بالمدينه ولا احلى منه ولاعليه كلام
لاكن بالبر انحشششش
الى بحالة اذا استخدامك كشته ابو عشاء وترجع وياله تمشي عليه

[غار بن شعلان]

السلام عليكم

الشهاده لله ماجربته لكن من شكله انه حق ديره وشبابي بزود وطامن ماهو حق بر ابد حق الكول على قولتهم

[انفاس الصباح]

امتلكت مثل هذا فل كامل ltz سيارة رائعة في السفر والمدينة وفي البر تجمل لا بأس وهو باختصار شديد تاهو طويل لكن بدل المرتبة الأخيرة والشنطة خلوه حوض مغطى بقفل ومخابي جانبية بأقفال كذلك ولكن يعيب الفل مساعدات الكهرب حساسه شوي وغالية وفي النفود جيد لكن يجب التأكد من اشتغال الدبل قبل الدخول في النفود كل مرة لأنه سيئ نوعا ما..ما تضمنه يشتغل كل مرة ..وهذي مشكلة في كذا جمس شريته..
في الختام يصلح يكون للعائلة والسفريات والطلعات الخفيفة وعلى حسب استخدامك..
وبالنسبة لي في الأخير اضطريت اشتري باترول 91 طويل مع الافلانش للمهمات الخاصة (:

[أبو رائد الحربي]

اتمنى احد يفيدنا حتى انا ناويلي على واحد

يقولون جربكسه يسخن؟

للرفع
ما يقصروا شقردية مكشات عاداتهم الفزعة

[أبو رائد الحربي]

انحشششش

بالمدينه ولا احلى منه ولاعليه كلام
لاكن بالبر انحشششش
الى بحالة اذا استخدامك كشته ابو عشاء وترجع وياله تمشي عليه

سلمك ربي
لكن هل استخدمته او من خبرة ؟؟

[أبو رائد الحربي]

السلام عليكم

الشهاده لله ماجربته لكن من شكله انه حق ديره وشبابي بزود وطامن ماهو حق بر ابد حق الكول على قولتهم
عافاك ربي على مرورك

[أبو رائد الحربي]

امتلكت مثل هذا فل كامل ltz سيارة رائعة في السفر والمدينة وفي البر تجمل لا بأس وهو باختصار شديد تاهو طويل لكن بدل المرتبة الأخيرة والشنطة خلوه حوض مغطى بقفل ومخابي جانبية بأقفال كذلك ولكن يعيب الفل مساعدات الكهرب حساسه شوي وغالية وفي النفود جيد لكن يجب التأكد من اشتغال الدبل قبل الدخول في النفود كل مرة لأنه سيئ نوعا ما..ما تضمنه يشتغل كل مرة ..وهذي مشكلة في كذا جمس شريته..




في الختام يصلح يكون للعائلة والسفريات والطلعات الخفيفة وعلى حسب استخدامك..
وبالنسبة لي في الأخير اضطريت اشتري باترول 91 طويل مع الافلانش للمهمات الخاصة (:



ربي يوفقك
الي فهمته من كلامك انه لا ينفع للبر
بصراحة لا اعرفه لكن اعجبني شكله وحوضه فقلت ربما يكون افضل من الجيوب لسعة حوضه لشيل الخيمة والعزبة لآن الجيوب الصالون بأنواعها لا تعطي مساحة تحميل تشيل ما تريد فلما رأيته اعجبني لكن على ما يبدو انه لا يتحمل قساوة البر
سيارتي باترول فتك 2002 ومعطيني الحرية في كل مكان ما ارده عن شي طعوس شعبان صحاري لكن يعيبه إذا طلعت وحملت العزبة والخيمة والحطب ما يجمل ولذلك فكرت بتبديله بالافلانش حتى استفيد من الحوض .
شاكر ومقدر من اعطى رأيه واتمنى لديه خبره بهذا النوع ان لا يحرمنا من رأيه

[سعود-77]

يارجال انحش كانك راعي بر علي طول عكاسه كثير كله حساسات غير عطل طرمبة الزيت والبنزيم وتهريب الزيوت واعطال الدبل

[المميـز]

:

الافضل منه سييرا او سلفرادو Z71
يجي مخصص للبر وفيه دفلوك
والا خلك على الفتك واشتر لك قلص وحمل فيه اغراضك كلها

والله يكتب لك اللي فيه الخير

:

[FAPioO]

سلمك ربي
لكن هل استخدمته او من خبرة ؟؟

جربت يوكن 2008 ويوكن اكس ال 2008
وسييرا غماره ونص 2012 وبعته واخذت تندرا
تبي نصيحه اخويه لايقربك الى اذا زي ماقلت كشته خفيفه وماتدخل رمل
لانه يحتر قيره ويطيح عزمه واجد وغير كذا وجهه قريب للأرض وصدامه كبير ويهابد وجهه بالارض

[tevo]

اخوي اذا انت تبيه يبيلك تضيف بعض التجهيزات عليه
1- مبرد زيت قير ( الامريكي ما يجي فيه مبرد زيت خارجي والسعودي يكون صغير والافضل تغيره بكبير ) بيكلف عليك حول 900 لو ركبت شي كبير وبعدها تنسي شي اسمه حرارة قير .
2 - السيارة طامنه من قدام يا ترفع وجهها او تقص الصدام .
3- اذا كان فل كامل بيكون جنطه 20 واعتقد كبير وبيتعبك بالبر غيره بالاستاندر 17 .
غير كذا تراه مثل التاهو واليوكن والجمس بالضبط يفرق البديى

[انفاس الصباح]

ربي يوفقك

الي فهمته من كلامك انه لا ينفع للبر
بصراحة لا اعرفه لكن اعجبني شكله وحوضه فقلت ربما يكون افضل من الجيوب لسعة حوضه لشيل الخيمة والعزبة لآن الجيوب الصالون بأنواعها لا تعطي مساحة تحميل تشيل ما تريد فلما رأيته اعجبني لكن على ما يبدو انه لا يتحمل قساوة البر
سيارتي باترول فتك 2002 ومعطيني الحرية في كل مكان ما ارده عن شي طعوس شعبان صحاري لكن يعيبه إذا طلعت وحملت العزبة والخيمة والحطب ما يجمل ولذلك فكرت بتبديله بالافلانش حتى استفيد من الحوض .

شاكر ومقدر من اعطى رأيه واتمنى لديه خبره بهذا النوع ان لا يحرمنا من رأيه


وإياك ..
لا أستطيع الجزم بذلك ؛ لكن لعله بالمثال يتضح المقال: فهو مناسب جدا لطلعات مثل خريم والتنهات والخراره ..الخ ويشيل من الحمول الكثير.. لان فيه ميزة سفط المرتبة الخلفية فيصير الحوض الى مرتبة السواق وفي نفس الوقت مقفل مع الابواب يعني ما تخاف على اغراضك بإذن الله وكذلك تستطيع فك القزازة الخلفية...ويوم اقول لا بأس لأني متعود على الباترولات من قبل والحين فأكيد بتفقد الجرأة الموجودة في الباترول..لكن للأمانة ما عوكس معي بشي كايد..مجرد قطع استهلاكيه..ومشكلة الدبل كان اذا سواها أطفي السيارة واشغلها من جديد ويضبط...وهو من أفضل تصاميم الحوض بالنسبة وافكر اشتري مثله هالأيام مع موتري الباترول..
والله يكتب لك اللي فيه الخير..
ومعذرة عن التطويل.