عطونا العلم الي ما بعده بخصوص تركيب مراوح كهربائية لجمس صالون قديم

[راعي المجهم]

يا اخوان ياهل مكشات ياهل التجارب والخبرات قصيدة راحت هههههه

عندنا جمس صالون 86 مكينة 350 كلبريتر نبي نقلب المروحة ام سير كهربائية

س / اش افضل مراوح ومجربه على الامريكي 8 سلندر ؟

س / هل الدينمو يتحمل سحب المراوح ولا يحتاج تغير ؟

س / إذا الدينمو يحتاج تغير ايش الدينمو الي يركب وكم قوته بالامبير ؟

س / بعد تركيب المراوح هل خفت الحرارة واصبحت نازلة ام كنك يابو زيد ماغزيت ؟

ارجو ان تكون الردود شاااااافية وكافيه منكم ياخوان لاني بإذن الله راح اغير المراوح

[راعي المجهم]

وين اهل الخبرة

[ثورة الشك]

كان تطيع شوري خل الموتر على حاله وركب مروحه تبريدخارجيه مع المكيف ماتكلفك شي خذحقت سويربان 99تلاقيهاعندقطع الغيار

الشغله غيرمكلفه نصيحه سو اللي قلتلك وادعيلي

[بيك اب 4X4]

انا من رأي اخوي ثورة الشك
صيخ الرديتر و حط مويه اصلي و غير البلف حق الحرارة و حط بلف رياضي
يفتح على درجة حرارة اقل و ركب مروحة خارجية بس خلها على حساس

افضل من الإستغناء عن المروحة الميكانيكية بسبب ان الترهيم بيكلفك و يمكن
تتعطل عندك المراوح و تقعدبها

إذا مره مره معزم على المراوح الكهرب انصحك لا تركب غير مراوح الدينالي
صح هي غالية بس هي اللي تجيب راس الـ 8 سلندر دورها في التشليح
و طبعاً لازم تغير الدينمو لانه ما بيستحمل معاك
شفلك في التشليح دينمو حق اسعاف يمدحونه
او دينمو 140 امبير

[أبو الوليد 14]

انا بتكلم عن تجربة
كان معي جمس 454 غمارة قديم
انت خابر ال454 مشاكل الحرارة والجو عندك بالرياض ظلال ويالله النجاة
الموتر بالصيف ترتفع حرارته شي بسيط وترتفع اكثر اثناء الوقوف (454 +حر الرياض + الزحمة ) مستحيل تثبت الحرارة لازم ترتفع
ركبت مراوح كهرب حقت دينالي و يوكن كلهن واحد موديل2011 اعتقد انها افضل المراوح بس غالية
المشكلة انها كانت تسحب كهرب والدينمو مقاسه يمكن 55 امبير يكفي للمكينة فقط بدون اظافات كهرب
غيرت الدينمو وركبت حق اوودي مقاس 140 امبير وغيرت البطارية لانها كانت تعبانة
والحمد لله النتايج حلوة
خفت الحرارة بشكل عام وخاصة في الوقفة بالزحمة
عزم الموتر تغير صار خفيف وانشط في الخط

لكن بالنسبة لمكينتك تراها 350
والجو تغير للافضل بدا يبرد
نصيحة حاليا لا تسوي شي بموترك

[راعي المجهم]

ماقصرتو لكن اخ بيكب 4*4 دينمو الاسعاف ياليت تعطيني صورة له

ابو الوليد دينمو الاودي ركب على طول ولا ترهيم

وهل فيه دينمو ثاني غير الاودي يركب

[أبو الوليد 14]

ركب على طول ويجي معه لمبة تولع مع السلف وإذا دارت المكينة تطفي ...مادري وش سنعها ؟
إذا انك صامل مر الورش المعروفة بتركيب مرواح الكهرب وشاورهم واستفسر لا تركب
وقارن وشف الانسب والله يوفقك
انا انصحك مرة ثانية الجو بدا يبرد مايحتاج مراوح كهرب على مكينتك

[ثورة الشك]

ياراع المجاهيم

خذالشوراللي قلتلك وزي ماقال اخونا صيخ الاديتروسوي غسيل للسلندر

وفك البلف لاتركبه نهائيا نصيحه

وراح تلاحظ فرق كبير بالعزم وصرفيه البنزين والحرارة وخل المرورحه تشتغل مع المكيف وتقفل معه ومفتاح
خارجي تشغل به المروحه باي وقت اذا لاحظت ارتفاع بالحرارة بدون تشغل المكيف

[عاشق المزون]

اخوي انت مكينتك مشكله اذا انقطع عنها التبريد ولو لفتره بسيطه لانها حديد مهيب الومنيوم افضل الحلول البسيطه غير بلف الحراره الى بلف رياضي اضف الى ذلك الدينمو تبع 350 ضعيف اتوقع 90 امبير

Sent from my C6503 using Tapatalk 2

[بيك اب 4X4]

دينمو الأسعاف يعني اللي يجي راكب على سيارات الجمس اللي تجي مجهزه
اسعاف لان يجي الأمبير حقه عالي عشان الأجهزه حقت الإسعاف
او اسأل في محلات القطع او محلات التزويد عن دينمو 140 امبير او حولها
و حتى تقدر تطلب من الانترنت و يجيك حسب موديل السيارة و يركب بدون ترهيم

بس انتبه لا تلغي بلف الحرارة نهائي بأي شكل من الأشكال لان وظيفة بلف الحرارة هي
حجز ماء الرديتر في الرديتر حتى يبرد بعدين يفتح للماء عشان يروح يبرد على المكينه و يحجز كمية ثانية و هكذا
اما لو الغيته فيقعد الماء يدور بين المكينه و الرديتر بدون توقف و إذا احتر الماء ما يبرد إلا بالتوقف و إطفاء الموتر

[راعي المجهم]

البلف ملغية من زمان والرديتر نحاس 3 رصات امريكي القديم

الحرارة بدون مكيف تحت الربع ومع المكيف ربع

ومع الوقفه ربع ساعة تتعدى الثلث وتاصل النصف والمكيف مايبرد

واضطر اسكر المكيف حتى تخف الحرارة واذا مشيت اشغله

قالوا مالك الا مراوح كهرب المكيف يبرد والحرارة تثبت ماتتحرك

بس هل البلف لازم ولا لا ؟

والمراوح سرعتين كيف طريقة شبك السرعة الاولى والثانية

[راعي المجهم]

وين الخبرة ؟؟؟؟؟؟

[ابونبيل]

كنت في ورشة بتار بالدمام ودق على المهندس السعودي قدامي واحد راعي جمس قديم بالثمانين موديله يقوله الحراره ترتفع وعرفت من مكالمته معه ان هو الي مركب له مراوح الكهرب بس قبل ٦ سنوات تقريباً تخيل والحين توه يشكي منها قاله انت السبب اما ان الدينكو ضعف مع الوقت او ان المراوح فيها خلل تعال عمدي الورشه واضبطك عقب ما سكر قعدت اسولف معه يقول صدقني السيارات هذي دواها مراوح السوبارو ركب وانسا لو تبي تطعس

[بيك اب 4X4]

البلف ملغية من زمان والرديتر نحاس 3 رصات امريكي القديم

الحرارة بدون مكيف تحت الربع ومع المكيف ربع

ومع الوقفه ربع ساعة تتعدى الثلث وتاصل النصف والمكيف مايبرد

واضطر اسكر المكيف حتى تخف الحرارة واذا مشيت اشغله

قالوا مالك الا مراوح كهرب المكيف يبرد والحرارة تثبت ماتتحرك

بس هل البلف لازم ولا لا ؟

والمراوح سرعتين كيف طريقة شبك السرعة الاولى والثانية

البلف مهم زي ما ذكرت لك
كان عند الوالد جمس 454 موديل 93
كانت الحرارة ترتفع في الصيف مع المكيف و الزحمه
فكينا البلف
النتيجه كانت ان الحرارة طايحه على الربع او اقل
بس العواقب ان العزم اختلف و صار الموتر بارد بالعزم
الحرارة لو ارتفعت ما تنزل بسهوله

المصنع ما حطوا بلف عبث
المكينه لازم تكون حرارتها في مستوى معين عشان تعطيك افضل اداء
مشكلتنا في ارتفاع الحرارة عن الحد المسموح
و هذي حلها في نظري
1- تصيخ الرديتر ( او ممكن تركب رديتر المنيوم كبير )
مويه اصلي مخلوط جاهز بدون ما تظيف ماء عليها نهائياً حتى لو ماء مقطر
بلف رياضي
مروحه كهرب بين الشبك و الرديتر

او
2- تركيب مراوح كهرب بشرط اصلي و حق دينالي
تغيير الدينمو الى دينمو اقوى

[يالبى الهلا]

ركب مروحة جمس دينالي او مروحة فورد وبلف الحرارة لعملية تبريد الماء في الادينر وحجزه حتى يفتح البلف
من الغلط فكه مهما كان السبب مراوح السوبارو مخصصة للسيارات الصغيره من 4سلندر وتحت

[escape_man]

البلف ملغية من زمان والرديتر نحاس 3 رصات امريكي القديم

الحرارة بدون مكيف تحت الربع ومع المكيف ربع

ومع الوقفه ربع ساعة تتعدى الثلث وتاصل النصف والمكيف مايبرد

واضطر اسكر المكيف حتى تخف الحرارة واذا مشيت اشغله

قالوا مالك الا مراوح كهرب المكيف يبرد والحرارة تثبت ماتتحرك

بس هل البلف لازم ولا لا ؟

والمراوح سرعتين كيف طريقة شبك السرعة الاولى والثانية

موترك فيه علتين هي سبب حرارته:

1- شيلة البلف. الماء يدور بين المكينة والرديتر بدون تحكم وتوقف فبعد مدة يصير الماء بالمكينة والرديتر نفس درجة الحرارة.

لو تحط بلف راح يقفل الموية الي بالمكينة لين تاصل درجة معينة ثم يفتح علشان تتعوض بموية ابرد وعلى هالحال.

2- رح للسيف بالصناعية القديمة وخذ منه رديتر المنيوم حق 92. الالمنيوم يحتر بسرعة ويفقد الحرارة بسرعة مو مثل النحاس يحتفظ فيها.

جربنا سابقا مراوح كهرب على جموس .. نتيجة التجربة خساير على الفاضي. ما يبرد مكينة الجمس الحديد الا مروحة كرنك 7 ريش.

تاكد الي عندك 7 ريش او 5

[راعي المجهم]

المروحة الي عندي حقت السير 5 ريش فقط

ورديتر الجمس الالمنيوم هل يركب على طول ام يحتاج توليف

[يالبى الهلا]

موترك فيه علتين هي سبب حرارته:
7



- شيلة البلف. الماء يدور بين المكينة والرديتر بدون تحكم وتوقف فبعد مدة يصير الماء بالمكينة والرديتر نفس درجة الحرارة.

لو تحط بلف راح يقفل الموية الي بالمكينة لين تاصل درجة معينة ثم يفتح علشان تتعوض بموية ابرد وعلى هالحال.

2- رح للسيف بالصناعية القديمة وخذ منه رديتر المنيوم حق 92. الالمنيوم يحتر بسرعة ويفقد الحرارة بسرعة مو مثل النحاس يحتفظ فيها.

جربنا سابقا مراوح كهرب على جموس .. نتيجة التجربة خساير على الفاضي. ما يبرد مكينة الجمس الحديد الا مروحة كرنك 7 ريش.

تاكد الي عندك 7 ريش او 5
فعلا المراوح الكهربائية ماوراها إلا الخسارات اه ليت قومي يعلمون
مافيه مثل شد البلد لو كان كرتون لأنه حاسبينها صح بعد تجارب
وحنا بني بنقال يجربون فينا وحنا ادفع كاش والخساير عليك وطبيعي

[راعي المجهم]

اخي لبى الهيﻻ

فيه ناس جربو الكهربائية وسلكت

امورهم وانا انتظر هم للرد علي

[ثورة الشك]

كانك ماتسمع الشور لاتشاور


لاتسوي شي الابعدماتسوي اللي قلتلك عليه وبعدين عطنا وش سارمعك

الاكانك رجال تدورالخساير

[escape_man]

اخي لبى الهيﻻ

فيه ناس جربو الكهربائية وسلكت

امورهم وانا انتظر هم للرد علي

نصيحة اخوية ..

ابحث عن السلبيات قبل الايجابيات

واذا تبي زود نصيحة ..

جرب بنفسك لانه بطبيعة الامر مافي امر والا فيه خلاف

[بن كلثم]

تبي الرأي مروحتين سوبارو وخل الكهربائي يخلي شبكتها على السرعه الثانيه مع مروحة الوكاله وفي فصل الشتاء افصل سلك الكهرباء من صندوق الضفيره اي الفيوز مع العلم أن حجم مكينتك تساعدك على تحمل حرارة السعوديه

[راعي المجهم]

؟؟؟؟؟؟؟؟؟؟؟؟؟؟؟؟؟؟