المساعد الشخصي الرقمي

مشاهدة النسخة كاملة : بركب شاشه على سوبر سفاري ابوديكور مخشب .. اي نوع تنصحوني


سراي-01
30/09/2013, 01:22 AM
السلام عليكم اخواني .. اناقررت اركب شاشه على سوبر سفاري 2001 بعد ما دبرت ديكور مخشب احتياط عشان الديكور الخشبي في السفاريات دايم ينكسر عند اي محاوله لفكه .. واهل السفاريات السوابر يعرفون هالشي زين .. المهم ابي شوركم وش احسن شاشه تركب ويصير فيها جي بي اس يعني خرائط وتدعم تركيب كاميرا خلفيه + وين المحل اللي شغله زين ... موقعي الرياض .. وسلامتكم
المميـز
30/09/2013, 03:38 AM
:

فيه نوع ماركته رودماستر يدعم تحكم الطاره
وفيها اناره حمراء على لون الطبلون تقريبا او اغمق منه بشوي
موجوده بالغرابي عند اكثر المحلات وسعرها مع التركيب بعد المكاسر ب ٩٥٠ الى ١٠٠٠ مع الجي بي اس

:
سراي-01
30/09/2013, 12:44 PM
رحم الله والديك يا مشرفنا الغالي ,,, لا خلا ولا عدم
ابو ساره العنقري
30/09/2013, 02:28 PM
فيه شاشه ممتازه

الشاشه عباره عن مرايه وشاشه بنفس الوقت
تركب على المرايه الداخليه الي بالنص

وتشغل الكاميرا الخلفيه وفيها ديفيدي وجي بي اس

ولها مداخل يو اس بي

الوكاد انه كويسه خصوصا ان مكانها مريح اريح من مكان االمسجل

تلقاها بالغرابي خبري بها 350 ريال تقريبا

موفق
سراي-01
30/09/2013, 07:30 PM
باترول فتك ..... بيض الله وجهك .... بس انا ودي طال عمرك بشاشه تشغل mb3 وجي بي اس يشتغل على نفس الشاشه ... وما نستغني عن آراء اهل التجارب .. تحياتي لك
التعـ King ـديل
30/09/2013, 08:44 PM
ركب شاشه رويال مع الكاميرا حقتها ب 950 ريال

بدلك على المحل وانت داخل للغرابي من عند البريد تجيك اشاره تروح يمين وتمشي لين تجيك اشاره الحوشاني قبالك على اليسار تروح يسار وتخلي الحوشاني يمينك اول لفه يمين بعد محل الكفرات تدخل الشارع خلك على طول ثاني عماره اخر محل بالزوايه اسمه الغرابي علشان تعرفه المحل يمينك اسمه الغرابي ومحل الرياض كول حق الاستيكرات يسارك اذا وصلت المحل بتلاقي واحد اسمه محمد يماني نحيف او اسال عن صادق مدير المحل وقله ابي شاشه رويال او رودماستر مع الكاميرا شباب يمنيين شغلهم نظيف وراعين نصح
ابو محمد 276
30/09/2013, 09:02 PM
اعرف واحد مركب شاشة اصلية ماركة كينود بس سعرها غالي 5000 ريال على سوبر سفاري 2009
سراي-01
01/10/2013, 12:13 AM
king : رحم الله والديك هذا الكلام اللي ابيه
ابو محمد : بيض الله وجهك.
سراي-01
01/10/2013, 11:19 PM
ركب شاشه رويال مع الكاميرا حقتها ب 950 ريال

بدلك على المحل وانت داخل للغرابي من عند البريد تجيك اشاره تروح يمين وتمشي لين تجيك اشاره الحوشاني قبالك على اليسار تروح يسار وتخلي الحوشاني يمينك اول لفه يمين بعد محل الكفرات تدخل الشارع خلك على طول ثاني عماره اخر محل بالزوايه اسمه الغرابي علشان تعرفه المحل يمينك اسمه الغرابي ومحل الرياض كول حق الاستيكرات يسارك اذا وصلت المحل بتلاقي واحد اسمه محمد يماني نحيف او اسال عن صادق مدير المحل وقله ابي شاشه رويال او رودماستر مع الكاميرا شباب يمنيين شغلهم نظيف وراعين نصح


بيض الله وجهك ياكنق عز الله انك على اسمك رحت لصادق اليوم وفك الديكور وانا ارعد قلت الحين بيقول طق .. لكن عزالله ان يده خفيفه ورجال عارف شغله زين وسمح .. وانصح اهل السوابر اللي عندهم تخشيب يروحون له شغله مرتب مره ركبت عنده رودماستر وكاميرا وما شاء الله مثل العسل ..... تحياتي للجميع
المميـز
01/10/2013, 11:43 PM
:

ماشاء الله مبروك الشاشه الله يهنيك فيها ويكفيك شرها

:
سراي-01
01/10/2013, 11:58 PM
الله يجزاك خير ويبارك فيك طال عمرك شرفت موضوعي ... وأشكر كل من تفاعل معي ... صحيح معرفة الرجال تجاره .
xpol
18/10/2013, 08:21 AM
فكيته عند الاوائل وكسروه علي هالخشبه وجاري البحث الله يعييين
Abo_Faisal_506
18/10/2013, 07:04 PM
افضل شاشه له هي الرود ماستر صيانه سريعه وسعر زين
انا مركب نوع U - 102 TG
هي الزينه في شاشه مخصصه للباترول لاكن لمسها لازم بقوه
هذي ركبتها مع كاميرا خلفيه ب ١٠٥٠ ريال من محل ابراج دبي
ميزانها GPS بلوتوث وصلت تركب فيها فلاش وفيها AUX والعاب وقبله وDVD وصله تشبك فيها الجوال ويطلع بالشاشه وغيرها
رود ماستر هي الافضل لأن وكيلها معروف