هل ستنخفض اسعار سيارات الدفع الرباعي مع توحيد اسعار الوقود في الخليج

[rigidman]

السلام عليكم ورحمة الله وبركاته

http://www.alriyadh.com/net/article/870340

كلنا او اغلبنا تابع تصريحات النعيمي بدراسة توحيد اسعار الوقود مع دول الخليج وتوحيد السعر يعني رفعه كما ذكر الخبراء الاقتصاديون بسبب شكاوى المملكة بأن الوقود يهرب الى بعض دول الجوار فهل سنشهد انخافضا على السيارات العائلية الكبيرة وسيارات الدفع الرباعي المعروفة باستهلاكها العالي للوقود وهل سنشهد ارتفاع السيارات ذات المحركات الاربعة اسطوانات قريبا ..!؟

ارجو ان يشاركنا الجميع اراؤهم ولكم اطيب تحية

[ابونبيل]

الله يكفينا شر قراراتهم هم يفشلون في السيطره على المهربين والشعب ياكلها!!

[تميم2222]

:D:D:D:D. اي عادي حيلهم علئ المواطن والقوي يلعب فريحي

[كم كيلو باقي]

هالقرار صعب يطبق خصوصا قبل توفير وسيلة نقل بديلة
مثل الميترو او شركة باصات محترمة

[ملك الفكتوريا]

ما شاء الله إلى متى حنى نتحمل أي قرار


وين العملة الخليجية الموحدة


ومن صغر المملكة الحين ما شاء الله يعني وش بتسوي 4 سلندر لو بتسافر دايم بعد فترة طلع البستم مع المكيف



يعني أقول وداعا يا 8V وداعا يالفكتوريا

[راعي الرود]

خذ و خل :)

[sgl2002]

حلو هذي القرارات


تزيد من الوحده وعقبال مايسوون العمله وحده وامكانية التملك في الدول الخليجية

[التعـ King ـديل]

المفترض تنزل الاسعار لان اول يوم كان اللتر غالي كان السيارات الكبيره اسعارها معقوله

بس ربعنا مايندرى عنهم هل تنزل ولا زي العاده بظهورنا

[بيك اب 4X4]

اللي يرتفع ما ينزل
و عندك شعب هنا دفيييع
ما عنده مشكله يستلف
اهم شي يكشخ
ما تنزل الأسعار إلا بعزوف المستهلكين عن الشراء
و هذا ما بيسير إلا بضربه على رأس المستهلك اللي محمل نفسه فوق طاقتها
و جالس يلبي مطالب التاجر الجشع
يعني تشوف سكرتي راتبه 2500 و عنده ايفون 5

الله يحفضنا

[11عبدالرحمن11]

:D:D:D:D. اي عادي حيلهم علئ المواطن والقوي يلعب فريحي

يلعب على الرفيحي :good2:

[abo naser 1]

خذ العلم الوكاد من قالو خترو أقصد مترو دريت أن البنزين بيرتفع والرسوم على الخطوط قريبه ومعها يرتفع السيارات أقتصادية البنزين وانخفاظ أسعار السيارات ذات الاستهلاك العالي كما حصل عند رفع البنزين سابقا ب 90 هلله الامريكي ماله زبون ايام جموس وكوابرس الطيبين

تفوقنا على العالم في عدة مجالات مثل
( أكثر صبات أكثر حفريات أكبر صحن حمص أكبر كعكة أكبر طبق مكرونه)

مافيه شي يسر الخاطر لادين ولادنيا سكتنا عشان الدين بس ها الوقت يحاربون الدين حسب الشريعة. الأسلاميه

[4x4ofroad]

يوحدون سعر المحروقات مع دول الخليج ماعندنا مانع
بس بشرط يوحدون رواتبنا معاهم

الله يعين بس

[shelboo21231]

إقتصاديا أيه تنزل الإسعار المفروض ، لكن محليا لا وراح ترتفع كل الأسعار مهو بس السيارات تكلفة نقل المواد تبي تزيد وتكلفة التسويق بتزيد ومافيه أحد يدفع إلا أنت يا المواطن .

ولا تستغرب أن تزيد أسعار السيارات من الحين !! لأن الشريطية يبي يقولون لك أن المعروض قليل والسوق يخف على السيارات ذات الإستهلاك العالي والشعب طيب ويصدق .

[hail_ksa]

وليش مايوحدون الرواتب بالأول

[abahal]

مايعارض ارتفاع البنزين سواء ملاك السيارات الكبيره التي لايستفاد منها سواء صاحب مركبه او 4 ركاب بالكثير وهم سبب رئيسي بتعطيل الحركه عند الاشارات والشوارع ومواقف السيارات وهي الي تستهلك موارد الدوله من الدعم البنزين اكثر من السيارات المتوسطه

مع العلم بالسيارات السيدان لها قابليه للتحميل والركاب مرتاحين بدلا من الكبيره

فيه بدائل اخرى الا وهي نفس نظام جمهوريه مصر اضافه ضريبه على استماره السيارات الكبيره او الاكبر محرك

[rigidman]

مايعارض ارتفاع البنزين سواء ملاك السيارات الكبيره التي لايستفاد منها سواء صاحب مركبه او 4 ركاب بالكثير وهم سبب رئيسي بتعطيل الحركه عند الاشارات والشوارع ومواقف السيارات وهي الي تستهلك موارد الدوله من الدعم البنزين اكثر من السيارات المتوسطه

مع العلم بالسيارات السيدان لها قابليه للتحميل والركاب مرتاحين بدلا من الكبيره

فيه بدائل اخرى الا وهي نفس نظام جمهوريه مصر اضافه ضريبه على استماره السيارات الكبيره او الاكبر محرك


اضافة ضريبة !! اذا ماذا تسمي رفع سعر البنزين هذي ضريبة لوحدها

[rigidman]

اشكر الجميع على ادلاء اراءهم وارى الصواب انشاء شبكة مواصلات كقطارات الضواحي في اوروبا مثل الرير وشبكة متكاملة من الباصات بأسعار رمزية قبل طرح او الموافقة على الزيادة

[سفيرالنوض]

خلوهم يوحدونا مع دول الخليج ويرتفع البنزين علينا موااافقين
بس بشرط يوحدونا مع الخليج في الرواتب ههههههههههه
هناء مربط الفرس